架勢廚房 (恆安商場) (Closed)

馬鞍山呢間外賣店主打四川風味嘅酸辣粉、麻辣撈麵，亦有台式便當、日韓料理、港式風味等不同選擇，可以同時試到唔同嘅口味☺️🌟古早台味晚市二人餐 $86兩份主食加飲品，叫左鹽酥雞香腸便當、蒜辣雞扒便當，便當有醃青瓜、滷蛋，鹽酥雞好香脆，唔會好厚粉，仲有台灣腸🤤雞扒加左蒜粉同辣粉，食落幾惹味😋芝士肉鬆蛋餅加$20就食到，好抵食🤤🤤仲要好好食👍🏻👍🏻蛋餅煙韌，餡料豐富😍🌟手撕雞冷麵 $48天氣熱想食D涼浸浸嘅野，冷麵係個唔錯嘅選擇！有三款醬汁可以揀，揀左胡麻醬，醬汁都夠多，成個麵都撈得好均勻，手撕雞份量都幾多，整體味道都唔錯😋🌟韓式便當 $46可以揀雞/牛/豬，牛肉都軟腍，拌菜仲有菠菜、泡菜、黃瓜、芽菜，呢口價有咁多野食算係咁啦！🌟繽紛黑白配 $40呢碗糖水有愛玉、仙草、白玉丸子、芋丸、爆爆珠，一次過試到咁多樣野，芋丸同丸子都幾Q彈😋🌟一口黑糖花生麻糬 $28煙韌嘅黑糖麻糬包住花生餡，食落唔會太甜

原來新開了秘撈，有齊多款麻辣小食，便當，甜品，珍珠奶茶等，價錢仲好抵麻辣豬三寶麻香味香，辣度少、容易接受，我最鍾意豬肚，口感最爽。夫妻肺片 大片肺片，香麻辣，好入味滷水豬脾 便當 肉質好淋，豬皮彈牙、完全唔會韌，配上醃青瓜、鹵水蛋，好大份。蔥油雞 便當 雞肉嫩滑，雞不算太肥、連皮食更惹味，飯量好足，好夠飽繽紛黑白配 黑糖黑白珍珠、三色芋圓、仙草、愛玉，非常足料。阿薩姆珍珠奶茶 茶底清新，甜度是少甜炭培烏龍珍珠奶茶茶味香濃，鍾意茶香可試～

甘啱經開馬鞍山探朋友所以就去恆安商場見到俾撈就梗係幫襯下呢間外賣店啦，事關朋友係一個都好鍾意食辣既人，而秘撈主打酸辣麻辣菜式，一於試試佢先。店鋪位於恆安商場二樓，由地鐵出口經過村進入商場見到管理員櫃檯轉右再轉左就到。外賣店高度透明，某啲預備過程係俾食客係等待外賣期間全程見到食材既預備狀況，呢樣野已經令到食客安心呢，讚。👍而家而家憑單據仲可以再免費試玩7日運動室呢。❤️食物方面，全部都整得好好，我地都嗌左好多麻辣小食例如豬耳，豬大腸，牛舌，牛展，皮蛋豆腐，全部都調得又麻又辣，滋味度爆燈。不過要特別隆重其事介紹我好中意食嘅麻辣口水雞便當。大家可以睇到絕對唔馬虎，50幾蚊有甘多配菜，而且雞肉質地超級滑，而且竟然係配油雞飯，仲有青瓜同雞腎片，呢一個食完超級飽肚，亦都係性價比最高呢。順便一提，餐具套裝齊全，就算外賣後要半個鐘頭路程，食物都完全無漏汁，店員仲好貼心甘幫我用兩個外賣紙袋裝住，令我既旅程更加有保障。👍😊

朋友話佢食開嘅外賣店-架勢廚房旁開左間叫秘撈嘅另一選擇，橫掂我去開佢屋企探BB,就一於買依間試吓！胡辣雞牛肚撈麵本身係點左牛展牛肚撈麵，點知無曬牛展，我哋就選左用胡辣雞代替。胡辣雞夠囇辣，雞絲方便大家食用，牛肚唔un,而且彈牙，麵嘅分量好多，少食殿粉質嘅朋友可以叫佢少麵。芝士肉鬆蛋餅 講真，依個蛋餅係最快清嘅小食！開曬啲食物出嚟，大家都首先夾左而位位都讚,皮薄而脆，芝士加肉鬆既香且滑。胡麻手撕雞冷麵麻辣豬耳$18 及麻辣蜂巢牛肚$18 每款$18，真係好平，每款都大約有10條左右，牛肚入味，個人意見係可以辣少少，short 曬啲汁食，勁過癮，而豬耳加麻辣汁食勁match,每條都爽口。一口黑糖花生麻糬外面有陣煙韌感，味道獨特的黑糖味，包著香口的花生碎，每粒都以球狀呈現，十分可愛。繽紛黑白配勁正嘅一個甜品，依個甜品包括愛玉，仙草 ，白玉 ，丸子，芋圓 ，爆珠 ，珍珠，每款配料都有著不同口感，學大部分香港人話齋，依個甜品唔太甜，勁多QQ感嘅配料，推介大家食埋依個甜品吖！

去朋友馬鞍山新家house warming，買啲外賣上去食，我哋揀左間可以叫做乜菜式都有嘅秘撈同架勢廚房。炸甜不辣片係即炸魚蛋片切絲，送上台式辣醬點, 彈牙過癮，啱曬飲住酒邊飲邊食。惹味塔香鹽酥雞 依個係其中一必點小食，無論炸度和味道都恰到好處，炸粉唔厚身但夠曬脆，肉唔會淡，有少許濕潤，一啲都唔乾。炸地瓜丸 外面炸得黃金色脆卜卜，少許Q彈，裏面有香甜芋泥，一盒有好8粒，簡直食唔停口。阿薩姆珍珠奶茶 好特別的包裝，感覺密實。奶茶味唔會好濃，珍珠彈牙，重點係。。。。。。跟餐只需加8蚊咋！我地仲點左黑糖芋圓仙草添👍黑糖芋圓仙草芋圓食到佢嘅蕃薯同芋頭味道，煮得夠透，咬落去夠煙靱，清甜黑糖味，惹人喜愛。我地對今次外賣好滿意，又抵又好味！

韓式炸雞難吃。第一啖就是粉漿加醬、不如M計啲炸雞左台灣滷肉便當。滷水難吃，帶有苦味。所為嘅Q彈無骨豬手、食落去豬皮煙靭，同時帶苦味。全部滷水拿去微波爐叮熱都是一樣難吃。炸鹽酥雞最好食

架勢廚房分店偏佈廣九新界，最近仲係馬鞍山恒安邨開了一間新分店。架勢廚房主打外賣，還有午市、下午茶、晚市和學生餐等不同套餐可選，疫情期間買外賣回家食就衛生又安全。很多人經過架勢廚房都好奇底有咩食，我就親身去幫襯睇過餐牌。這間外賣店主打環球美食。首先有日式料理，有黑咖喱飯，有滑蛋飯，各有雞牛豬可選，有牛肉飯，有日式炒麵等，日式小食就有餃子、雞翼和炸雞等。除了日式料理，還有現在非常流行的韓式料理，韓式炒飯、炒麵、韓式丼飯，韓式小食就有餃子、炸雞、豬手、涼拌拼盤、烤五花肉等，還有多款韓式煎餅。另外還有台式料理，例如滷肉便當、排骨便當、香腸便當、豬排便當等，有滷味併盤配白飯，追加小食有滷肉青菜、炸地瓜丸、炸甜不辣片、炸韭菜盒子、鹽酥雞、大雞排、豬耳、香腸和蛋餅，台式甜品，台式當然少不了台式飲品。還有其他地方少見的星洲料理，例如海南雞飯、星洲炒飯、豬脾飯、雞肉串配炒飯、豬肉串配炒飯等。今次就主要試了日式，台式和星洲料理。滑蛋吉列豬扒飯$48洋蔥滑蛋夠香滑，吉列豬扒炸皮不算厚，炸到香脆金黃色，豬扒肉質軟腍。唐揚炸雞配温泉玉子飯$48炸雞雞肉外皮金黃酥脆，雞肉保留到肉汁。温泉蛋流出蛋汁，撈飯一流。日式

屋企唔想煮飯openrice搵到呢間野 新開好似幾抵食過到去叫外賣 店員好生疏但態度幾好嘅叫左台式晚市二人餐+小食雞扒$111一個滷水 一個豬扒飯啲飯暖 但所有料都係凍 難怪十分鐘攞得啲肉類唔熱真係唔好食囉豬扒ok 唔算鞋但偏油雞扒細塊 切得又細好似雞柳咁雞扒同豬扒都無乜味咁最差係個滷水 豆乾一開始食 以為壞左因為酸嘅 似壞左果種酸味之後見到佢鋪左啲酸菜系底但個酸味酸得唔好食 而且滷水點解擺酸菜 咩料失望不過幾欣賞佢啲環保木製餐具

最近經過，見到這間食店在馬鞍山再開分店，更有手搖飲品和甜品，一於試下！鹽酥雞香腸便當鹽酥雞炸得香酥脆，配搭台灣腸，更惹味，醃青瓜醒胃消滯。黑咖喱雞扒飯日式咖喱完全不辣，雞扒香嫩，咖喱香而不辣，好好送飯。韓式泡菜牛肉炒飯每一口都有啖啖泡菜香辛辣，炒飯煙煙韌韌，牛肉大片，特別惹味。炸地瓜丸金黃色外型，外脆內軟，蕃薯饀口感軟糯，食唔停口！一口黑糖花生麻糬麻糬口感煙韌，花生饀有濃郁花生香，外層再加黑糖粉，有驚喜！黑糖芋圓仙草仙草份量多，芋圓煙韌。炭培烏龍珍珠奶茶 茶味濃香芋香珍珠奶茶 淡淡芋香，珍珠Q彈~價錢好抵，下次再嚟！

-🔸台呷二人晚餐 $154🔹鹽酥豬排便當🔹台式滷味拼盤跟白飯+$5🔹芝士肉鬆蛋餅+$20🔹炸韭菜盒子+$20🔹檸樣薏米水+$12🔹芒果荔枝爆珠紅茶+$11🔸韓式泡菜腩肉煎餅 $58🔸韓式炸餃子 $28🔸馬來炒芥蘭 $46-今日去朋友家玩，見依間外賣店咩菜式都有，台式日式韓式都有，價錢仲好親民，就一次過買齊～我地三個女仔叫左個二人餐，滷味拼盤份量大兜入味，鹽酥豬排個炸粉唔厚，仲好juicy…炸餃子同炸韭菜盒子都卜卜脆，餡料又夠多好正。第一次見韓式泡菜煎餅有埋腩肉，一次滿足兩個願望（可能我少食😆）。芝士肉鬆蛋餅係食台灣菜必叫，落埋沙律醬絕配。馬來炒芥蘭炒得有鑊氣，辣辣地岩晒依個天氣。另外跟餐有兩杯野飲，加錢半價叫特飲，好耐無飲爆珠紅茶，佢唔會整會太甜岩岩好；檸檬薏米水好多薏米，去濕一流🤤