日作食堂

Open Now

Now Closed

位於觀塘呢間餐廳,內部裝潢充滿了日本風情,木色格調,搭配淡雅的燈光,營造出一種悠閒寧靜的用餐氛圍。我們點了鹽燒三文魚定食。鮮美多汁的三文魚表面微焦,油份十足𤏪飯一流,口感鮮嫩柔滑。配上濃郁醇厚的味噌湯和香蔥玉子定食,滿足豐富的定食。仲有一小碟嘅豆腐，非常入味。另一道胡蔴唐揚炸雞也是亮點,外酥內嫩,撒上胡蔴粉後香味四溢。配上熱齋啡加奶,飲落去是日本風味的咖啡豆，免費添飲。接著燒汁野菌安格斯牛肉定食。安格斯牛肉肉質鮮嫩,表面微焦帶有淡淡的煙燻味,配上蔬菜和濃郁的燒汁,別有風味,唔經唔覺已經食晒成碗白飯。餐後,我們選擇了鮮果乳酪和神戶蘋果汁作為甜點,清新爽口。呢間餐廳最適合附近上班族的，食個靚早餐先再返工。

成日朝頭早係觀塘都唔知有咩早餐好選擇食黎食去都係茶記早兩日見到呢間餐廳 平日開門開八點早餐仲有咖啡無限添飲 決定過黎試下先🤪餐廳裝修風格偏向日式 大部分傢俬都係木色系 坐落去成個感覺好優閑 好舒服☺️餐廳仲有好多唔同得意既擺設 睇得出店家好有心思呢到早餐既選擇好特別 對比坊間既cafe好唔同呢到除左有和式早餐 亦都有偏西式既選擇每一份個份量都比想像中大份😛係呢到食早餐一定包你捧住個肚仔出餐廳🤣今次叫左佢地既「日作特選和洋風早餐」🍱一上枱見到早餐既份量 大份到驚訝左一下🤣擺盤好精美 每樣食材都整得好精緻雞扒非常之厚肉 係滿滿既蛋白質雞扒完全唔會整到好乾 保留左肉汁😋肉質好嫩滑 加上雞扒夠厚肉 成件事好彈嫩厚多士外觀雖然普通 但係焗烘過之後既厚多士永遠都係無得輸 多士唔會過乾 做到外脆內鬆軟多士仲要係熱辣辣既狀態的 好加分🤪麵包控既我 好滿意這個多士🤣另外一大重點 就係佢地既無限添飲咖啡☕️咖啡細細杯 岩哂我呢啲喜歡飲熱咖啡既人細細杯飲完可以refill 唔怕放到凍哂😋咖啡味道偏向nutty 冇過份既苦澀味早餐有杯靚咖啡飲 係開心的一天既開始🥰係觀塘呢個滿佈公廈既地方 竟然揾到個咁優閑 咁舒服

經過開源道望到呢間餐廳嘅外觀非常之文青又帶點日系，比呢個外觀吸引咙入佐去食晚飯。入到去發現入面嘅座位格局分咗學生枱凳同埋梳化枱，遲咗入嚟嘅我注定要坐學生枱，環境同氣氛係好好，但係呢倜座位真係好唔舒服，食咗成程飯先唔講食物嘅情況，真係坐到腰酸骨痛，希望餐廳見到，睇吓會唔會係啲學生枱凳度加返啲咕𠱸峇。今次叫咗個山藥燒扇貝鳥冬，個餐一嚟到，感覺上好豐富，有兩個前菜同一碗湯，分別係醃蘿蔔同埋青菜，但兩個味道一般，青菜甚至乎有怪味，麵豉湯冇問題，而且蜆肉菲常大舊，喺度加返分。去到主菜山藥燒，上面配咗幾嚿細份嘅鰻魚，味道道正常，略嫌上面嘅鰻魚汁唔夠多，同埋鰻魚燒得比較乾身，下面嘅山藥燒反而好好食，末到冇一般大阪燒咁多蔬菜嘅口感，反而似係淋身薄撐嘅感覺，但係感覺幾特別。講埋最後個鳥冬真係令人非常失望，鳥冬嘅清湯完全有味，所以你食緊嘅烏冬都係有味，連舊扇貝都係布乜味，計埋價錢性價比嘅話，相當不推薦，以上。

🎈 建議場合：#即興食飯 #普通拍拖 #家庭聚會 #港女打卡👤 建議人數：4人（最多可容納8人檯）💸 人均消費：$50-100【2個人食咗啲咩？】- 鹽燒三文魚柳、漬物、香蔥玉子定食 x2- 胡麻唐揚炸雞- 鮮果乳酪- 凍抹茶牛奶- 涷焙茶牛奶⭐⭐⭐⭐⭐「係超級豐富嘅日式早餐！」正所謂一日之計在於晨～ 早餐一定要夠暖胃同滿足，先有力迎接忙碌嘅一日。作為香港人平時都鍾意去茶餐廳食早餐，但粉面食得耐都想轉下口味，之前經過見到間Hibi Cafe幾靚，裝修好有心機，行日式懷舊風，比人一種好homey、舒服、放鬆嘅感覺。忙完一輪，今日終於有機會去試試佢嘅早餐，食下d和風料理治癒一下身心。$68蚊嘅定食唔單止有一大碗白飯、毛豆、三文魚同牛乳炒滑蛋，仲有足料麵豉湯！佢嘅麵豉湯聞落香噴噴，裏面有原條昆布、紅白蘿蔔同蜆隻，鮮甜暖胃，飲落好舒服而麵豉、枝豆、三文魚又富有營養，對自己好一定要食尼d色香味俱全嘅早餐 ❤️平時食開三文魚嘅set起碼都要三位數，估唔到宜家70蚊有找就食到咁大塊三文魚，簡單嘅調味（鹽同白芝麻）加上三文魚本身自帶嘅油香對早餐黎講剛剛好，唔會太重口味。另外佢d飯充滿米香，配上脆脆飯素真

尋日第一次同朋友去呢間觀塘日本餐廳食午餐，去到侍應話要等半小時但係我哋見到有吉枱，侍應話唔夠人手其實我唔知道係講樓面定係廚房，如果唔係天氣太熱我晨早走人，後尾雖然唔使等半個鐘就可以坐低食嘢，但係一見到我份招牌厚切吉列北海道豚肉扒定食上枱，已經想即時退餐走人，啲麵包糠甩晒豬扒Overcooked深色到幾乎係黑色見到個樣已經唔想食，但係朋友話佢嗰份牛舌OK，後尾我唯有咬走晒面頭啲炸漿淨係食塊厚切豬扒，質素好一般，真心唔明佢憑乜嘢收我180幾蚊，服務麻麻食物質素又差，條氣實在太chok，所以一定要寫呢個食評，希望大家唔好中伏，而家終於都明點解咁多香港人鍾意返大陸食嘢話上面服務好、食物質素高啦

記得這位置以前是茶餐廳，轉做日式cafe後因為門面有點神秘一直未有嘗試。直至知道它的裝修很有日式校園風後決定同朋友去體驗一下日本部活片子中的角色身份。不得不讚餐廳環境與裝修好有風格坐位好舒適。但採用手機落單的方式，又同時要收加一服費我認為係對客人的一種剝削，絕對不是扮高級餐廳應有的經營手法，而因朋友唔肯自己落單，結果多花了十分鐘。所以服務方面會直接扣兩粒星（手機落單同加一服費各一粒）定食套餐上枱，擺盤非常打卡able。味噌湯湯料豐富有兩隻鮮蜆子，正！題外話 - 見過食評有些人會因不滿味噌湯不夠滾熱而作出劣評，但只要Google下就知加了味噌就不可以煮滾，可惜我不是當時的侍應。 至於兩碟前菜小食相對就好失色，白烚支豆～我冇說話好講，蛋沙律也過於普通蛋黄醬又太多。扣一粒星。 日式野菜洋蔥紅酒燒汁慢煮牛舌飯～薯仔同番薯都煎過，很好！牛舌厚切舖滿碗面，都係水準之作，只不過紅酒燒汁比較少，唔夠食完碗飯，原來這個時候加返蛋沙律佐飯食就不覺太單調，我估大廚都冇諗過。 凍焙茶鮮奶好飲。最後來多個後排扣殺！加個紅豆㭑茶雪榚作這場課外活動的總結！ 完場檢討：戓者租金同裝修成本都唔少，而價錢又唔想set得過

難得閑日放假，諗住瞓晏啲食個靚早餐。我們鍾意日式靚早餐，貪佢一個餐又有湯又有飯，滿足到下午都唔使食。這裏空間感十足，我們叫了一個三文魚早餐定食，三文魚大大塊，仲有香滑炒蛋，配埋小食炸雞，炸雞竟然一啲都唔熱氣，證明真係即炸。麵豉湯非常之濃味，因為入面有蜆肉，仲可以用麵豉湯食，三文魚飯三食，湯飯10分惹味。另一個叫了洋式早餐，麵包香甜，芝士腸同埋煙肉10分適合鍾意食肉的人，最欣賞的是有蟹肉忌廉餅， 10分香濃。仲有沙律菜配麻醬，可以清新一下。紫薯餅一定要必叫，未試過炸物入面嘅紫薯都可以整得咁甜，證明真的是上等貨甜番薯。飲品方面，我們叫了一杯凍朱古力，一飲落去，非常之香濃，基本上可以叫做特濃朱古力，非常之滿足。另一杯叫了日式咖啡，無限添飲，非常之性價比高，熱辣辣很濃咖啡豆味。

日系風的門口，日系校園風的室內餐廳環境，入到餐廳好似返緊學咁，久違了的校園枱枱櫈櫈，仲有運動設施，重拾校園生活咁！叫咗一個晚餐 - 鰻魚山藥燒配醬油糖心蛋帆立貝湯烏冬，定食套餐，份量好多，山藥燒即係大板燒，好食，但不能食多，會開始感到膩。仲有一碟小食 - 炸雞皮餃子，幾好食，味道不錯餐廳服務一般，侍應態度麻麻。

同同事發掘咗一個非常之高質素嘅日式Cafe🤩 lunch 嘅時候都幾多人下全部full晒，有啲餐就需要等20到30分鐘🦪鰻魚山藥燒配醬油糖心蛋帆立貝湯烏冬嗌咗鰻魚飯，超級無敵好食，豉油糖心蛋份量好大醬汁濃郁，一口下去大啖滿足🥰帆立貝烏冬麵都好鮮，個貝好大個，咬下去非常之爽口彈牙👍除咗正餐仲有一啲小食，包括埋蘿蔔同埋蔬菜🥬同事仲嗌咗好多三文魚刺身或者其他嘅定食，佢哋都話質素好高☺️強烈推介依間餐廳啦😋

朋友轉工黎左觀塘區，就約左一齊食早餐🤓 一直都有留意呢間餐廳，依家佢地係大概一星期前仲有埋早餐，飲品任飲tim呀，超級大滿足😍😍餐廳裝潢好靚、環境又夠大，坐得好舒服，真係好鍾意呢間餐廳~ ❤️揀左個超級豐富既日作特選和洋風早餐，有煎得嫩滑既雞扒、又香又脆既煙肉、烘得香噴噴既多士、脆口爆汁既香腸等等，每一款都好好味🥓🥪👍🏻餐廳既咖啡係選用北海道咖啡，雖然係齋啡但味道吾會太酸或太苦，好易入口☕️ 都可以自行加糖加奶，調配返成一杯岩自己口味既咖啡🫰🏻

試咗個日式野菜洋蔥紅酒燒汁慢煮牛舌定食😋牛舌好淋👍🏻 基本上入口即溶😍食到有少少紅酒味，雖然唔係好濃味，燒汁都唔算好濃，但我自己鍾意淡味，所以還好😆但一個定食都好豐富，有漬物，而且牛舌嘅數量都唔少😍 佢嘅配菜都好好食，鍾意佢嘅蕃薯同薯仔🥔

餐廳裝修有心思，環境闊落舒適，加入左復古學校教室嘅元素🏫明太子蔥花玉子燒 ($68)玉子燒厚身大份，煎得啱啱好裏面保持嫩滑，有啲蔥花同埋明太子醬，令到味道更有層次每個定食都包一碗麵豉湯入邊有大大隻鮮甜嘅蜆😯 仲有豆腐粒，好暖胃定食仲包一碟芽菜和青瓜，好有心思吞拿魚四色丼 ($238)刺身新鮮幾厚身，拖羅油脂豐富亦都冇筋 👍🏻 份量都唔吝嗇，作為吞拿魚控好滿足🥰炙燒丼 ($158)有炙燒三文魚、4塊帶子、左口魚邊同埋玉子，個人覺得醬汁有啲多，蓋過咗本身刺身嘅味道，但係整體都唔錯 好豐富嘅一碗😋咖喱雞腿肉旋風蛋定食好多塊大大嘅雞件😯 肉質嫩滑璇風蛋出色，賣相好掂又香滑夾埋濃郁微辣嘅咖喱醬汁口感豐富鰻魚山藥燒配醬油糖心蛋帆立貝湯烏冬 ($148)好豐富嘅定食，鰻魚食唔出有山藥味，比平時嘅大板燒無咁實身，混入椰菜絲咬落爽口，配搭鰻魚汁加蛋黃醬味道唔錯，帆立貝烏冬正常發揮定食仲包一杯飲品，可以加錢轉特色飲品整體嚟講食物質素好，環境舒適，餐廳內部比較大，唔會好迫，同朋友傾偈或者一大班人聚會一流 👍🏻—𝗋𝖾𝗌𝖾𝗋𝗏𝖺𝗍𝗂𝗈𝗇𝗌: yes𝗐𝗈𝗎𝗅𝖽 𝗋𝖾𝗏𝗂𝗌𝗂𝗍: if in the area💳 𝗉

見到D comment, 專登過嚟試吓!點知…真心難食價錢$150-200/ 一個set.D食物冇味仲要overcook.叫左豬軟骨定食，嚟到waiter 有禮貌地叫小心碗邊熱.哈哈，因為係叮返熱，咬一啖入邊凍既，鞋到食左一夠老公叫左旋風蛋咖喱亞波美雞定食…又係鞋既，0 juicy 再叫個燒油甘魚鮫，第一次食overcook 成咁加冇任何調味既魚鮫，自己屋企煎魚都加D鹽啦只能夠講，食環境，好傾計…食物比食堂更差，價錢就見人見智其實可唔可以用心D，做好D食物？

呢間校園風嘅cafe地方寛敞，坐得幾舒服，仲要係地鋪都幾方便🙊 而且食物味道唔錯，之後有機會都會想回訪👍🏻⭐️ 燉薩摩雞腿配日式奶油菇定食($138) ❤️8.0定食份量非常之多，除咗有豆同埋洋蔥最前菜，仲有麵豉湯，入面仲有蜆肉㗎☺️ 雞腿亦有非常多塊，肉質尚算嫩滑，最吸引嘅其實係入面索滿奶油醬汁嘅蔬菜，撈飯真係一流👍🏻 另外加咗茶碗蒸($25)，隻蛋超級嫩滑😍 入面仲有雞肉同埋蝦等材料非常推介大家加錢試吓👍🏻⭐️ 波士頓龍蝦(半隻)野菜稻庭烏冬定食($178) ❤️8.5呢碗烏冬除咗個樣好打卡，味道仲十分唔錯👍🏻 波士頓龍蝦啖啖肉，不過就麻煩咗要自己拆肉，食嘅時候會有少少麻煩🤣 烏冬配上特濃芝士龍蝦湯底，好惹味👍🏻 仲有隻溏心蛋添！ 食完真係好滿足☺️⭐️ 酥炸吉列廣島蠔($68/5 隻) ❤️8.0廣島蠔乍起超級熱辣辣，所以十分酥脆🤤 呢個價錢有成五隻真係幾抵食！

觀塘嘅嘢食真係好多選擇，不過每次都會想試吓工業區嗰邊嘅新餐廳，因為地方又大坐得又舒服😌今次就試吓呢間日作食堂，因為Openrice見到佢地方又大又靚🫶🏻一入到門口已經好和式，有一種清新舒服嘅感覺牆上面仲擺咗有好多唔同日本特色嘅畫，睇得出店主係好喜愛日本文化，taste仲好好🤣淨係望入呢一間細房，已經好想坐入去🥺好可惜我地今日得兩個人，當然唔可以霸住人哋嘅位置好在啱啱好六點到，暫時未係好多人，只係過咗半個鐘到已經坐爆曬😯😯👍🏼講吓食物先，我叫左個魚生飯定食，有拖羅，油甘魚，大量魚子，帶子刺身，大蝦😍😍😍首先想講既係我麵豉湯入邊有埋蜆，好鮮甜，暖胃魚生飯既刺身，好新鮮，特別一讚嘅係拖羅，油脂分布好唔錯，亦都冇乜筋👍🏼👍🏼另外朋友嗌咗個天婦羅定食天婦羅嘅材料有茄子，北海道帶子，大蝦，南瓜其實真係第一次食天婦羅有帶子，估唔到有幾夾😯😯特別一讚嘅係南瓜，又甜又爽最後仲叫左一杯柚子梳打同乳酸梳打，柚子梳打加左cream好有忌廉溝鮮奶既感覺，好fresh乳酸梳打都係好fresh又唔會太甜當然唔少得甜品😍一定要試佢最出名嘅布甸，個焦糖醬一啲都唔甜，而且布甸嘅質地唔會話太實，口感好好整體嚟講食物嘅質素都