日作食堂

Open Now

Now Closed

今日係觀塘整完野 約左朋友係觀塘食飯慶祝佢生日 佢揀左呢間日式餐廳 話野食好似幾精緻咁晚上做緊set dinner 朋友話呢個常夜鍋都好吸引 所以叫左個2人套餐漬物2款 - 日式薯仔沙律 / 青瓜番茄蝦仁兩款都好開胃 茶碗蒸 食日本不能缺少既前菜 有雞肉 白果 用 蟹柳 餡料好豐富串燒拼盤有雞胸軟骨/雞腿肉/雞肝/雞心/雞皮燒完即刻上 黎到熱辣辣 雞腿燒完都好滑 雞胸軟骨同雞皮就脆卜卜主角黎啦 先上左個龍蝦湯底 之後黎既就係蔬菜拼盆配料好多 有日本京蔥/靈芝菇/鮮冬菇/娃娃菜/皇帝菜/日本豆腐/五目福袋所以蔬菜類同個湯底都好夾 肉類拼盤黎到嘩左聲兩個人份量太多啦吧 A5 和牛牛小排/北海道豚肉片/ 摩薩雞肉各150g和牛牛小排 勁靚 油脂分佈平均 食落入口即溶 而且滿口油香沾埋蘭王蛋食 又多份香嫩個set 仲包埋飯 / 烏冬 朋友話包飯食超正北海道豚肉片因為佢厚切 食落特別多汁 肉味都幾濃最後係摩薩雞肉啖啖肉 食落好滑 套餐仲有兩杯飲品我揀左凍茶 可以解下膩 朋友叫左個原味乳酪梳打 酸酸甜甜 幾好飲最後仲有個甜品 蘋果肉桂卷蛋 好清新既蘋果醬 自家製焦糖雞蛋布甸 好香蛋味兩款都唔甜

之前同友人喺呢度食過定食，性價比高，加上環境舒適及空間感大，今次再次與朋友黎呢度聚聚😌今晚見有新Menu ~ 常夜鍋🍲有2人前/4人前我地2人就點左個2人前 ~ 豐富到不得了😙而且所有食物質素都好好😍 火鍋前先黎個茶碗蒸，蛋味濃郁，又香又滑🙀串燒日本雞拼盤，有雞脾肉、雞皮、雞肝、雞心及雞胸軟骨燒雞心好爽口👍；燒雞肝處理得幾好，無血腥味；最欣賞有燒雞胸軟骨😍~平時食雞軟骨就食得多，燒雞胸軟骨都是第一次食，味道和口感幾好。個鍋上枱時，已舖滿蔬菜 ~ 有皇帝菜、娃娃菜、靈芝菇、鮮冬菇、五目福袋、日本豆腐 樣樣蔬菜都好新鮮，日本豆腐好好食，好有豆香🤠肉類拼盤有A5 和牛牛小排、北海道豚肉片&摩薩雞腿肉牛小排油脂比較重，牛味亦較濃郁，沾上蘭王雞蛋黎食，真係香夾滑北海道豚肉片鬆化嫩滑，而且沒有豬騷味摩薩雞腿肉件件都好厚肉，怕唔熟所烚左好耐，但都keep 到肉質好滑 食完飯/烏冬～仲有卷蛋糕同焦糖布甸🍮超滿足為返每人三佰幾蚊，質素咁好，又多野食，真係性價比奇高

同朋友食生日飯。朋友A唔知道有生日蛋糕，朋友B+C早我地15分鐘到餐廳坐低同你地交代左我地自己有蛋糕。食完飯叫一位男waiter收野，並細細聲叫佢幫忙上蛋糕。然後男waiter就好大聲問「係咪你地自己帶黎個個？要收返$100切餅費」然後冇幫我地收野，直接成個蛋糕連盒擺我地檯面，亦冇提供食蛋糕嘅刀同餐具我地。（後來刀同餐具仲要分開兩次由兩個waiter各自拎黎）其實收切餅費冇問題，我地亦理解。但係收得$100切餅費，係咪應該要提供返相應嘅服務？😞我地都唔係第一次去食，當然係覺得食物質素好先會再次幫襯，甚至係食生日飯。但今次嘅服務真係有少少失望😞

「非食評」 純粹個人意見一入到餐廳眼前一亮👀✨🤩裝修好靚 好有日本啲課室嘅感覺🇯🇵餐廳中間仲有個跳馬台，好鬼得意我叫左個厚切日式豬扒飯，仲附送埋麵豉湯，兩款前菜，同日式茶一杯，仲可以加錢轉特飲架😋價錢雖然有啲貴，但環境同食物都無得彈，可以再試👌🏻

從日劇走出來的家庭餐廳@Hibi日作cafe 與久未見的朋友聚舊，挑了間在觀塘近海邊的小cafe，餐廳勝在桌與桌之間空間感大，深啡色木系裝潢也頗為溫馨，𣊬間進入無所事事的狀態。🍰朱古力蛋糕$28每件約340卡｜14g Fat 50g Carbs 5g Protein與一般朱古力蛋糕相比，這天點的海綿蛋糕較乾身，不知道是否因為烤箱太高溫，幸好有軟綿的慕絲搭夠，略甜而不膩。🍣刺身丼追加三文魚切$198刺身丼約600卡 ｜ 10g fat 45g carbs 40g Protein面豉湯約90卡面豉湯足料，海帶和連殻的蜆為湯添了幾分鮮味。丼飯有齊甜蝦、帶子、三文魚，食材新鮮，追加的三文魚較丼飯的肥美鮮甜。但較令我驚喜的是餣漬的配菜—茄子和帶子裾邊這兩道日式家常小菜，很入味，帶著微微油香但又不會過鹹。

同朋友收工黎到觀塘食嘢喺一堆工業大廈之中呢間日系食堂真係好突出自家醃西京燒銀鱈魚定食見到相已經覺得好吸引想試下！跟兩個配菜，一碗味增湯，茶肉質嫩滑完全唔腥唔好煎得過老魚皮亦煎得好香脆好好味日作厚切吉列北海道豚肉眼扒定食大大件嘅吉列豚肉夠曬厚，食落一d都唔乾身而且肥瘦均勻又炸得啱啱好麵包糠令到咬落去更加香脆！點埋醬汁食酸酸甜甜咁兩款飯嘅配菜一樣，分別係海蜇，毛豆海蜇我同朋友都超鍾意食好爽又開胃、配飯好好食呀飯粒軟糯，係珍珠米味增湯好足料！有蘿蔔紅蘿蔔昆布而且有埋蜆肉食！！冇沙又夠鮮甜見到餐牌有串燒叫埋蕃薯仔真係好好味 好甜燒得好香甜品跟餐可以加埋平d揀左雞蛋布丁，都有其他卷蛋可以揀但聽講雞蛋布丁好好食的確好滑，加埋cream食都唔會漏又唔會過甜，值得encore呀！重點係餐廳夠曬大設計日系好靚又坐得好舒服

次次經過都俾佢日系嘅裝飾吸引咗，今日終於同朋友去食。 入到去成個環境同我想像嘅好唔同， 日系之餘有少少文青仲帶少少懷舊。 有啲枱凳仲係課室裏面嘅枱凳， 好似啲日本學校咁。 環境氣氛冇得輸❤️日作極上刺身丼 $284刺身非常新鮮，而且份量都好多，刺身亦非常厚。 一搣開個蝦頭有大量嘅蝦膏，而且蝦身非常甜美。 下面係醋飯，刺身嘅鮮甜配合醋飯嘅酸啱啱好。 仲有啲三文魚子， 口感之餘咬落去必晒啲汁鹹鹹地好好食。 黑松露海膽茶碗蒸 $38 推介❤️套餐加錢就有，一上菜起身就聞到好大浸黑松露味。 海膽非常鮮甜，而且蒸蛋裏面亦都好多配料。 蒸蛋亦好滑溜， 黑松露配合海膽係幾好嘅選擇。一個比較濃郁，一個比較鮮甜。 日作厚切吉列北海道豚肉$183一上到嚟睇到份量好驚人， 首先豬扒好大塊，再夾塊豬扒非常厚身！ 而且佢又整得好鬆軟，唔會覺得好實好韌。 值得加分嘅係佢嘅套餐都會包一個麵豉湯，前菜同埋薯蓉。佢嘅麵豉湯仲有幾隻蜆！薯蓉食落鹹鹹地有少少牛油同香草味，而且用新鮮嘅薯仔所以有少少薯仔嘅甜味。 佢嘅前菜都幾用心。蘋果肉桂卷蛋 $28非常精緻， 食落淡淡嘅蘋果味配合埋小小嘅肉桂味。整個甜品比我嘅感覺好fresh

Other than APM, looking for a nice dinner place in Kwun Tong requires deliberate effort. You may search online, visit at word of mouth, and in most cases you need to spend time looking for the location. Here I recommend 日作食堂, located conveniently by walking straight from Exit B with a comfortable interior design of Japanese school ambience. The price is also competitive in consideration of food quality.Don’t be misled by the pictures. We simply arrived early before popular dinner time. The resta

呢間餐廳以前呢個位係做茶餐廳，呢幾日放工行過見到變咗間幾光猛嘅日式餐廳，於是就搵一晚入去試吓。餐廳係做日本懷舊風格，仲有一啲中學嘅學生枱同凳加埋有日本跳馬，另外都見到好多懷舊日本風格嘅裝飾，似乎呢度嘅老闆自己本身有收藏開。比起我去過另一啲都係主張懷舊日本風格嘅餐廳，呢間嘅裝飾相對符合主題🇯🇵餐廳嘅Menu係做日式定食同埋刺身丼飯為主，個Menu樣樣嘢我都好想試吓🥰最後我哋叫咗一個吉列豬扒定食同埋一個厚燒牛舌丼飯定食會配兩款小食同埋麵豉湯，個豬扒炸得非常鬆軟，完全唔會覺得太硬咬唔入，而且用保留到個豬扒嘅肉汁，真係好有去左日本咁既感覺🥰 唔經唔覺食晒都唔覺得太熱氣🤣呢個厚燒牛舌便當完全有surprise到我，佢係燒得啱啱好，令到牛舌入口夠嫩滑，做到彈牙嘅感覺又唔會太un，同我一齊去嘅朋友都大讚呢個好出色跟餐有嘢飲，另外都可以加錢轉特飲，我哋嗌咗一個乳酸梳打一個柚子梳打，有埋啲cream好似日本富士山咁😆另外仲可以加$25要甜品，我哋揀咗一個朱古力蛋糕，一個蘋果蛋糕，就算只係跟餐甜品餐廳都會擺得靚靚，而且個蛋糕都非常鬆軟，又唔會太甜，為呢一餐畫上完美嘅句號🥰

觀塘區商業區人多車多，今次俾我搵到一片喺鬧市中嘅日系陸洲。📍日作食堂 (觀塘)觀塘鴻圖道63-65號鴻運工業大廈地下A號舖🔻一入到嚟就比呢一個和風嘅裝修吸引。深木色系元素襯托精緻嘅擺設，配合柔和嘅燈光，令人感覺好儒雅。🔻1. 雞之盛宴包括雞心、雞肝、雞皮、雞腿肉、雞軟骨串燒，唔油膩，燒得啱啱好，高質之選😀🔻2. 明太子玉子燒蛋黃醬再加明太子鋪喺面，仲有海量嘅香蔥同埋木魚絲，每一啖咬落都好惹味。🔻3. 每個主食包含兩款漬物同埋麵豉湯：開胃小菜，清新👍🏻蜆貝麵豉湯真材實料，裏面竟然會有三文魚！🔻4. 波士頓龍蝦野菜稻庭烏冬定食隻波士頓龍蝦好新鮮，蝦肉彈牙！餐牌列明配上特濃芝士龍蝦湯底，唔算太突出。🔻5. 黑松露蘆筍蟹籽蟹肉炒飯炒飯紋絡好香，食落雖然偏淡，但係有好多蟹肉，而且飯粒算乾身，有咬口。🔻呢間餐廳仲有好多食物選擇，好適合唔同場合😄

鴻運工廠大廈近年多左好多高質美食。今晚同朋友去左食喺地鋪嘅日作食堂，簡單慶祝一下一年嘅完結。餐廳裝修走日式校園風，主打定食餐，同時都有小食，甜品等。我同朋友就叫左兩個定食set再加配小食同甜品。定食配上蜆肉麵鼓湯，枝豆同涼拌裙邊。蜆肉麵鼓湯足料，蜆肉有鮮味，豆腐，豆卜，海帶等非常足料，味道鹹香。枝豆清淡，可減低油膩感涼拌裙邊清新有咬口，調味適中，開胃小菜。A set： 燉薩摩雞腿配日式奶油磨菇定食，加配黑松露海膽茶碗蒸。奶油幼滑，配上粒粒珍珠飯好夾，雞腿肉份量都多，肉質軟嫰。配菜薯粒，洋蔥磨菇等都好入味，整體唔錯。D set： 鰻魚山藥燒配醬油溏心蛋帆立貝湯烏冬。鰻魚山藥燒，鰻魚醬汁調得唔錯鰻魚肉冇骨，食落啖啖滋味，肉質爽口嫰滑。山藥燒咬落軟綿，配上椰菜，非常有咬口。黑松露海膽茶碗蒸，一打開就聞到黑松露極香濃，海膽都有鮮味，茶碗蒸足料，蒸蛋夠滑。另外單叫左三文魚5切新鮮而且溫度唔會太凍，一件擺落口，非常滿足。飲品一杯叫左日式熱茶，一杯叫左凍咖啡。日式熱茶香濃解膩。凍咖啡味道正常甜品焦糖雞蛋布甸：經典日式布甸賣相，布甸超滑，焦糖味道適中，份量夠，兩個人share會比較適合。巨峰提子卷蛋：

今日同朋友嚟咗觀塘一間裝修得文青嘅餐廳食飯 喺觀塘廣場直行就到～入邊裝修得好似中學嘅課室仲要有埋個PE 堂嘅馬鞍🤭 出面一間白色屋企嘅設計～ 波士頓龍蝦野菜稻庭烏冬定食 $178 有半隻大龍蝦、糖心蛋、芝士龍蝦湯煮日本稻庭烏冬做主菜，旁邊有好味嘅麵豉湯、牛蒡、仲有日本薯仔沙律，幾鍾意個日本薯仔沙律，入邊嘅蛋白加蛋黃醬加忌廉加薯仔味道非常配合！ 牛蒡就比較爽口，開胃。 我額外再加多一碗烏冬（赤板魚蛋帆立貝糖心蛋烏冬），驚唔夠食，但原來本身已經夠飽！自家製西京燒銀鱈魚定食 $188 大推介呢個銀鱈魚定食，銀鱈魚非常嫩滑同埋幾厚實，淡淡清甜嘅魚味，富有油脂感，而且同個醬汁好夾！焦糖雞蛋布甸 $38 好香奶味，整個布甸浸滿焦糖，非常入味！

一直也有留意到觀塘開源道新開了一間日式餐廳，門面簡單恬靜，但平日上班午膳都匆匆忙忙的，怕未能好好享受體驗，而家適逢生日，便與朋友提議來到試一試晚餐。餐廳採用懷舊昭和風設計，一系列復古木櫃，有一區又日式校園風，用課室枱櫈做餐桌椅，最有趣莫過於有個跳馬箱，令人很有衝動挑戰一下😂⭐️醬油灸燒丼有本人最喜歡的左口魚，無慮即叫！一來到已感覺到份量沒在敷衍，大大碗珍珠米飯，配上左口魚、三文魚、玉子、帆立貝灸燒，左口魚的油脂味跟飯是絕配，所有材料都食得出很新鮮👍🏻⭐️自家醃西京燒銀鱈魚定食將銀鱈魚西京漬京燒，帶出又甜又鹹的風味，而且將魚燒得細嫩，配少許跟配的蛋黃醬，又有另一番風味，就是美味！第一個想到蛋黃醬配燒魚的人究竟在想甚麼？🤭⭐️為食二人再加一客雞之盛宴，就是雞的串燒，有雞胸軟骨、雞腿肉、雞心、雞肝、雞皮，幻想自己去了日本居酒屋食串燒，全部都好香脆，又有嚼勁，最欣賞當然是燒雞皮，乾脆又充滿油香🧡⭐️最後當然要用甜品作收尾，跟餐加配了朱古力蛋糕，有自家製風味，不太甜不會膩，簡簡單單剛剛好窩心。餐廳以定食為主，除了主食外，附送的食物也不容急視！味噌湯用料充足，有紅白蘿白、豆腐、昆布、蜆！只用看的已知道有多

平時去觀塘好少行到咁入面原來呢個位有間咁靚既CAFE餐廳入面有好多日式打卡位仲有學校風既擺設台台櫈櫈令我諗番起中學讀書既時候行入去發現入面都大同多位我地平日夜晚黎食人都唔少我地叫左2個定食同2款串燒定食(1) N. 松葉特選丼有松葉蟹肉•蟹膏•北海道帶子•北寄貝•蟹籽全面份量都好足！有超大舊既蟹膏呢拆好左既松葉蟹肉其實刺身都好新鮮^飲品：巨峰提子特飲幾好飲唔會太甜都唔係假糖味定食(2) 日作厚切吉列豚肉眼扒定食呢塊豚肉眼扒超級厚實食落個吉列皮係脆既炸得岩岩好唔會厚粉至於肉汁係鮮嫩juicy^飲品：富士川町產柚子汽水好特別係面頭有cream本身會驚覺得有少少怪但飲落有驚喜意外地夾~雖然系統上面無得揀但可以自己remark走冰！每份定食都會配日本珍珠米同麵豉湯湯料好足有幾隻蜆漬物都有兩款咁多有我好鐘意食既枝豆飲品可選熱/冷日式玉露茶而我地就加錢叫左特飲串燒(1) 醬燒安格斯牛肋肉一串有好多粒細細粒我地有拆開share黎食發現入面仲係嫩紅色果然安格斯係唔同D配搭埋燒汁黎整唔錯串燒(2) 醬燒牛舌芯牛舌真係大推！好食！入口唔會un好有咬口而且食得出濃郁牛味鐘意食牛舌記得要點！

望到食店外 就有種神秘既感覺呼喚你入去😆入到去呢個日式設計濃厚既食堂 仲有另一種感覺俾我就好似去咗日本既一啲學校咁 係好特別既擺設🪑晚市既定食選擇亦都唔少 唔同既種類都會有啲除似之外仲可以加啲唔同既小食🍗➷🪐 燉薩摩雞腿配日式奶油磨菇定食+茶碗蒸整個定食都好豐富🍱有開胃漬物兩小碟 爽口蕃茄配彈牙海哲麵豉湯味濃而不咸 配料足夠 有兩粒飽滿既蜆肉😍講到主菜既份量亦都唔少 香滑既奶油最岩就係送飯🍚雞肉亦夠嫩滑 食落口啖啖肉😋配埋蘑菇份外惹味茶碗蒸係額外加既🥚蛋香質地非常滑溜對茶碗蒸有情意結既可以加埋佢😆§🪐 鹿兒島A4吉列和牛定食炸到非常脆卜卜既吉列外層 未食就已經俾佢吸引住🤩和牛唔會去到全熟 肉香更加突出😶‍🌫️入口軟腍油脂同樣都豐盛 有啲入口即溶既感覺😆➷由裡到外都有一種食堂既感覺 果然係無改錯名😉食物既質素都係有保證 自此觀塘又多一間好味既食店喇😋➷🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼8️⃣🌟