隱啡

Open Now

Now Closed

今日放假，天氣又轉涼，所以遲遲都唔肯起身，一起身就想飲杯又熱又香濃嘅朱古力，所以係屯門市廣場行左一大圈，都係得連鎖式嘅店舖，所以就上網搵吓，附近有咩隱世嘅小店... ...終於俾我搵到，就係新墟何福堂附近，點都行去試吓啦店舖位置不算偏遠，都算靜中帶旺，店舖比較細，是小店形式，亦有咖啡豆及用品選購，而咖啡豆都有細包裝，可試岩味先買大包😎店舖都有cake 🍪🎂🍰選擇，店員會提意可供焗熱，非常細心,而且店舖有好多特別新口味，竹炭，桂花，薑汁。。。要試晒都要嚟多幾次熱朱古力🍫～一心好想飲熱朱古力，但又怕係朱古力粉沖開，咁就無意思啦，所以又想飲啡算啦，但又多口問店員，店員解釋係用比利時朱古力醬＋粉調制，比一段香濃🥰🥰所以終於點了朱古力，雖然拉花不太靚，但味道無失望，又香濃又夠甜，冬天必選👍🏿👍🏿可能天氣關係，好快就凍晒，所以一、兩啖就飲晒，飲完好舒服🥰🥰🥰

店鋪長長小小，大概有16個座位左右。咖啡除一般espresso、latte 等等之外，也有手冲咖啡、仲有一些花果茶。先點了冷泡咖啡果皮茶，果茶用小瓶子装著並配上有冰粒杯子，十分用心。果皮茶帶微甜微酸很清新解渴。然後今日特別想飲 espresso 店里咖啡底有兩款豆可選 （ fruity / nutty )先要了杯 fruity 啲嘅食物方面多款限量homemade 蛋糕今天試了伯爵茶芝士凍餅和菠蘿反轉蛋糕。菠蘿蛋糕上有菠蘿肉，帶有少少焦糖味。凍餅入口有花香，啲cream很滑又不太甜。兩件都好好味！然後試多一杯較nutty 啲嘅espresso，不過本人比較喜歡 fruity 一啲的味道，入口咖啡甘香，果酸中帶點香甜，咖啡味持久留在口中。☺️☺️我家姐就點了Latte ，咖啡杯好特色，拉花也不錯啊😍另外，店內有咖啡豆售買，喜歡的話，可以買回家自己沖煮咖啡☕️🥰

呢間係一個住屯門嘅朋友介紹嘅 個舖頭有啲細 星期日佢都等咗差唔多成個鐘 之後入去叫咗杯幻愛同一個玫瑰味嘅咖啡 味道幾特別 但係又未去到話好值得排咁耐 所以如果見到好多人嘅話 可以留返下次先再試

☕️暗黑系凍牛奶咖啡暗黑唔代表中伏，佢只不過係加咗食品級竹炭先會立即變黑，得咗🤪聽聞竹炭可以幫助吸附身體內嘅廢物兼排毒😍至於味道方面，飲落同普通奶啡差唔多，nutty咖啡味好突出，整體口感平衡。黑白⚫️⚪️漸層夠晒型格，記得bookmark 定下次去試🤤✏️總結：小店唔介意成本高，用紙飲管夠晒環保真係抵讚👍

屯門💛隱世咖啡店☕️ 地點較偏僻，吾係屯門牛會難搵啲。鋪頭細細，座位吾多，但坐得都算係舒服。💛 紅絲絨牛奶咖啡 $45 加$3轉左植物奶靚靚嘅顏色係用左紅菜頭做天然色素，咖啡好好飲，吾會有苦澀味。💛 凍牛奶咖啡 $45奶味為主，咖啡味吾濃，岩哂初嘗咖啡既人士。💛 伯爵茶鬆餅 $28Earl Grey Scone With Jam職員好貼心將鬆餅加熱，暖笠笠食味道更好，伯爵茶味濃郁，熱情果醬酸酸微甜，果味超級超級香，比鬆餅更吸引😍。

話說有無人好鍾意飲咖啡？我相信每個人身邊總有一個朋友，日日咖啡不離手，就算個日放假唔需要咖啡提神都好，都要飲番2杯先安樂！我朋友就係不折不扣既咖啡控☕️我就係完全相反既例子，咖啡淨係用黎應付考試，所以番左工之後接近無再飲過🤪今次見個 friend 熱推呢間隱啡黃店話好高質，我呢d無飲開咖啡既都忍唔住幫襯下！隱啡。黑（凍）- $48採用數款精選紅茶及咖啡花拼配再制成冷泡茶，加入自家烘焙特濃咖啡而成。入口既咖啡味好香，佢完全無落奶所以飲到純正無太多修飾既咖啡味，飲得出用既咖啡豆係靚料而唔是cheap野！我朋友作為咖啡專家就話好高質好好飲，係好推薦喜歡飲齋啡既朋友去試！凍蜜桃牛奶咖啡（凍）-$48呢個就岩哂我呢d咖啡初哥既口味啦！入口有好香既蜜桃味，好清新同 fresh既感覺！咖啡既奶味岩岩好，唔會覺得膩，又遮到咖啡個種酸澀既感覺😳同埋唔會太甜，亦唔會比蜜桃同奶搶哂focus, 入口有淡淡既咖啡餘香☕️作為一間隱世小店，雖然望落細細間，入面又唔會好逼啵，枱同枱之間有足夠既社交距離，坐得都好舒服，飲住咖啡吹下水唔經唔覺坐左一粒鐘，係好好既敍舊地方😍最衰食得太飽試唔到甜品，我見其他人叫甜品都好似好好

每日都需要咖啡的我成日諗住去呢間小店😊每次都唔記得咗！今日終於約咗朋友嚟到呢間小店！我喺屯門住，都搵咗一陣先搵到！間店細細間，但都坐左唔少人咖啡有好多選擇，喺香港難得一見嘅咖啡店。你唔知揀咩仲可以問吓咖啡師推薦咩！而我就揀咗個冷泡咖啡。杯入面黑色粒粒係當冰作用而唔影響咖啡味道！好新奇😊當日我就有三種咖啡簡，試咗呢隻係有酒香味既咖啡。唯一有啲失望係當日野食賣晒，無左一啖咖啡一啖蛋糕既享受。朋友仔試晒三隻味😊係香港一個特別既體驗😆

入左屯門收樓，又見FB 有提到呢間野，咁近城隍廟冇理由唔黎一黎都唔難搵！對住大馬路！度完體溫就入去坐底，原本見到人飲冷萃咖啡，以為杯入面係用咖啡做既冰！問完先知唔係！所以點左一熱一凍既Mocha!杯熱Mocha 好啱我口味！一黎唔會辣口，二黎個豆唔會苦，三黎個朱古力醬洽度好處！飲完咖啡味係口腔入面停留好耐！👍🏻👍🏻掛杯亦好靚呢杯係老公既凍Mocha!掛杯留影🤣最後欣賞下隻靚靚連豬

真•隱世咖啡店☕️隱啡-如果唔係屯門牛🐂應該只可以靠的士先識嚟🚕呢啲先係真·隱世㗎嘛🤪【暗黑系牛奶咖啡】$45呢個竹炭咖啡☕️仲有連豬拉花🐽竹炭仲有助排毒💩因為我本身鍾意酸度冇咁高嘅咖啡，所以轉左個nutty d嘅base😻【桂花康寶藍】$48 呢個con panna店員介紹要先聞桂花釀蜜嘅香味🌼然後好似甜品咁食，最後撈埋飲🤍店員都會好細心咁介紹翻啲咖啡同飲法💕建議先飲呢個，因為桂花味比較清香😚如果飲咗其他濃味嘅就會冇咁好飲啦【凍蜜瓜Latte】$48 蜜瓜味又涼浸浸😆呢兩款嘅咖啡仔都係用咗Ethiopia咖啡豆，酸感比苦味重呢🤫【Earl grey scone w/ jam】$28 配嘅係熱情果jam🧡伯爵茶味由上枱已經聞到好香💘但如果濕潤多少少更好🤏🏻食嘅時候都有少少鬆散，但都係唔差嘅-可憐嘅屯門牛都可以食到下tea，飲到下咖啡啦💛呢度仲有啲非咖啡類選擇，又有得轉植物奶㗎💝=========================隱啡地址：屯門青山公路新墟段109號好運洋樓地下6號舖（近杯渡馬會）=========================想睇翻同類型🍴👇🏼#SnappyCafe#Sna

Bookmark咗隱啡勁耐但因為夾唔到時間所以仲未去過，覺得作用咖啡愛好者，真係一定要去隱啡試吓。不過小編第一次去隱啡竟然唔係似咖啡，究竟除咗咖啡之外仲有啲咩吸引到小編呢😆  😋 幻愛 $48 幻愛即係Strawberry Sparkling Lemonade 士多啤梨味有汽檸檬特飲！係經過佢哋fans投票選出嘅。攪勻之前係白色加紅色，溝埋之後就變咗紅色，可能有真真假假溝埋一齊嘅意思（我亂噏）🤪 幻愛中間有嚿ice ball，所以杯嘢其實都唔係好大杯，真係一杯咖啡嘅份量。 😋 Orange Chocolate Toast $35 .細個唔知點解已經覺得橙同朱古力好夾，今次嚟到飲杯嘢都想試吓啲食物。份Toast勁香橙同朱古力味！個邊皮脆脆的，上面有塊橙，少少苦味，應該係天然無添加嘅香橙😛隱啡仲有咖啡豆同drip bag賣，啲豆據說用咗唔同嘅炒法，濃味啲，小編買咗兩個drip bag試，正常都係沖一杯，但翻沖三次都仲幾濃味，咁就唔會浪費啦😝

呢間coffee shop放咗係想去waiting list好耐啦 終於去到啦🤤隱啡 真係店如其名～地點都幾隱蔽 如果搭輕鐵 係何福堂站落車 係對面馬路既 但店面唔算好明顯 都幾容易miss 咗🤭叫咗杯呢到都算好多人推介既咖啡☕️青瓜冰搖咖啡🥒☕️佢係一杯無添加牛奶既凍咖啡 不過我完全接受到 入口唔算好苦澀 仲有少少清新既青瓜味～👍🏼幾好飲真心！伯爵茶鬆餅～仲配咗果醬！個鬆餅本身幾好食 烘到個面脆卜卜～仲有陣陣我最愛既伯爵茶味😍個果醬酸酸甜甜 好好味丫～🤩

-黃店介紹💛難得入屯門，就搵到依間coffee shop間舖比較細，座位唔算好多😌-Iced latte（$45）凍牛奶咖啡☺️天氣咁熱，簡簡單單點杯iced latte飲🧊味道無咩特別，飲落唔會好苦✨香濃咖啡味👍🏻不錯👌🏻幾好飲☺️-Name🏠:隱啡 Hidden Coffee & RoasterLocation📌:屯門青山公路新墟段109號好運洋樓地下6號舖（港鐵屯門站 F2 出口, 步行約9分鐘）價錢💰: Iced latte（$45）

悠閒的星期日到屯門尋食去。地點位於鬧市旁，輕鐵對面，方便至極。看著飲品menu,太高深了!他選了加入竹炭的暗黑系凍牛奶咖啡，竹炭向來都是顏色差別，男人只憑外觀，便評說:很特別!忽略了咖啡中那牛奶咖啡相互協調，互相輝映的味道。姐點了需要耐心耐心耐心等待的桂花康寶，但還好，不過等了五分鐘。送來時顏色分明，咖啡之上有泡沫咖啡，再上有忌廉，再有桂花釀。店員介紹說要先感受香氣，一聞果真有桂花香，再用小匙一口氣嚐盡多種層次，最後拌勻，苦中帶有桂花甘，清新獨特。我們還點了伯爵茶鬆餅，伯爵茶味道濃郁，口感典型鬆餅，一切即散，配以百香果果醬，少少甜帶出大大世界。叫他輕嚐果醬，舔了一口，佻皮說:比鬆餅更好味!這回合，配角比主角搶鏡

隱啡 店如其名 隱匿於大街小巷之中 位於屯門新墟 鄰近輕鐵何福堂站 店家主打精品咖啡 有售自家烘焙咖啡豆 亦有蛋糕鬆餅等輕食咖啡店裝潢簡約 店內空間不算大 卻提供了多款特色精品咖啡 店員亦會詳盡解說▪️Red velvet latte $45咖啡用上紅菜頭作天然色素 (紅菜頭含有vitamin B12 同 優質鐵質) 紅菜頭味道相對低調 入口順滑 咖啡味好突岀 好nutty好香 唔會有苦澀既後勁▪️Babyccino $25Babyccino即係熱牛奶加牛奶泡沫 飲落都係牛奶既味道 不過入口有啲泡沫 唔飲得咖啡既 都可以過下飲咖啡既口癮

第一個隱是隱匿！「隱啡」對很多人來說位置隱蔽、偏僻，為嘆一杯啡值得老遠跑來？！幸好由元朗國往屯門這個區域路途不算遠，且有小巴直接可到，雖然不是方便如街坊，但也得嚐這家隱店的滋味！疫情關係，店面本來不大的「隱啡」，每張檯更裝上有紙擋，紙擋由天花伸延至檯旁，被冷氣口生風微拂， 置身其中， 幻想隱者來如風、去如風的情景！嘗試用味蕾了解和嘗試感受是我現階段對咖啡的心態！之前並不能接受沒加奶的咖啡，而Cucumber Shakerato HK$48 是首杯讓我接受的沒奶咖啡，味蕾總算被激活了！它正確的中文名稱為青瓜味冰搖咖啡！嘴巴先碰到的是頂部的泡沬，泡沫下層是色澤深濃的咖啡！入口泡沬輕身而幼滑、帶有一股如啤酒的香氣，但氣味相對輕淺，與此同時青瓜清新的氣味徐徐散出，兩者混合起來，舒暢怡神，炎夏的好選擇！泡沬的消失帶來了咖啡的香氣，用什麼詞來形容那平易近人的咖啡味，初哥的我當然說不出話來，只能以微甜、涼快、沒有酸度、富有咖啡香來草草形容 (抱歉、請諒)，就這樣讓我忘卻 Cucumber Shakerato 沒加奶的大前題，一口一口惀快的接著喝，到杯底時反而感到有點意猶未盡！Shakerato 還有