謙記火鍋

Open Now

Now Closed

第一次嚟凌晨十二點幾 已經打烊 但係明明寫住營業到02:00 無奈只好作罷⋯ 第二次行銅鑼灣又路過 冇book位 但係都決定等位試下 排隊等咗成粒鐘 d醬料唔掂囉 肉質仲ok 覺得排隊咁耐唔係好抵囉⋯

Went here for hotpot yesterday. The soup base we chose sichuan spicy, wasn’t as spicy as expected. In terms of food we ordered some fish balls, shrimp balls, sausages, needle mushroom, beef.Especially recommend the beef which is hand cut, it has very high quality and taste very good. The texture of the fish ball is very special too, loved it very much.In general the quality of food here is high and staff has good service.

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！   今晚相約幾個舊同學食飯，為左就其中一位朋友所以就過左海黎CWB搵食，一班人打邊爐就實無錯，鐘意食乜就食乜淥乜，加上大家好朋友，交換下口水都無問題，所以打邊爐除左個爐緊要，飯腳都一樣緊要！謙記都係上openrice睇到評價唔錯先book，結果都無令我地失望！一坐低侍應們已經熱情招呼，好好禮貌，第一印象好好。隨後拎左味架，各自撈醬！叫左椰子雞湯，上鍋嘅時候係一鍋雞湯，另上半隻雞、椰子條同其他材料。雞新鮮嫩滑，雞味濃，不錯，湯頭亦都鮮甜，略嫌椰子味唔夠重。由於大家都唔係好肚餓，加上有人生日留肚食蛋糕，所以都無叫大多。手打四寶丸估唔到咁足料，我最鐘意個蝴丸，試意十足！貢丸就應該現成貨，但食得出上等貨。珊瑚螃都好正，幾新鮮！好爽口！兩響鈴就係普通盒裝響鈴..

朋友話想打邊爐，上OpenRice搵了又搵，發現到呢間「謙記」火鍋店，好似口脾好好，仲要近近地係銅鑼灣，甘就去啦！叫左清湯腩湯底，裡面有大量牛腩牛筋同白蘿蔔，淨係食湯渣都飽飽地。個湯好清甜，不肥膩，大力推介。叫左好多野食！有不同切法的鱔、不同部位的牛、竹笙、響鈴、水晶包（奶黃味和牛肉味）、芋頭、手打豬肉及牛肉丸、魚麵、黃帝菜和生菜。鱔好爽脆，略嫌有少少骨；牛肉賣相好靚，擺到成棵玫瑰花🌹甘。牛肉有牛肩肉、面頰肉、牛頸肉等，食得出是高質的牛；黃帝菜好新鮮，好爽甜；奶黃水晶包流沙奶黃心，牛肉水晶包食落似粉果。豬肉丸及牛丸新鮮彈牛，肉汁鮮美，加左馬蹄更爽口。飲品叫左青檸梳打，酸酸的，很清新解渴，不會太甜。期待下次再食！

謙記火鍋位於銅鑼灣近鵝頸橋一帶，交通方便，附近有很多食肆，屬旺中帶靜格局，很適合晚飯消夜。火鍋店佔據商廈一至三樓，地方舒適闊落，裝修光猛整潔。謙記火鍋有其特色小食及火鍋料。小食百花煎蝦餅新鮮手打，即叫即炸。蝦肉粒彈牙爽口，蝦味亦濃。青檸薑梳打清酸鮮甜，加上少少鹽釣味，打邊爐下火最佳。湯底清湯坑腩煲，牛坑腩腍中帶爽，牛味濃郁，煲內有十多二十件牛坑腩，以百多元左右價錢十分抵食，其他配菜如蘿蔔及京蔥亦見鮮甜。打邊爐期間跟店員建議用上中火，湯底由始至終很少出現浮泡，可於打邊爐任何時間飲用湯底。謙記的手切肥牛水準很高，山東肥牛頸脊及牛肋骨雪花分佈均勻，牛味濃郁，手切肉入口鬆軟有牛脂香，牛展則食其爽口感。魚翅唇焯後腍滑中帶有似食鯊魚骨的咬口。西洋菜餃及奶黃水晶包外皮用澄麵製成，焯熟後變透明色，餡枓若隱若現，看來晶瑩剔透，食味似廣東蒸點心。手打牛丸及豬肉丸跟店員建議焯十分鐘，手打肉丸入口鮮甜爽彈，嚼勁十足。松葉蟹鉗有十隻之多，入口非常鮮甜，必是新鮮貨色才有此質素。

謙記火鍋位於銅鑼灣謝斐道，鄰近鵝頸橋，去完時代廣場逛街過去也是五分鐘左右。雖不是集團式般美輪美奐，但環境也是潔淨舒適。價位適中，雖身處銅鑼灣區，但價錢與油尖旺區那些差不多。青檸梳打 ($65): 酸酸甜甜般，亦蠻生津解渴，友人的兒子很喜歡。百花煎蝦餅 ($78): 泰式炸蝦餅吃得多，這裡的煎蝦餅也是招牌小食，兩者相比，此款蝦味更為鮮濃，但不及泰式般的酥脆。但味道的確勝一籌。清湯坑腩煲 ($138): 以蘿蔔、青蔥及牛坑腩所淆製的清湯底，由於火鍋配料能獨當一面，無須過於濃烈的湯底。牛坑腩肉質軟腍，共有十多件，牛味夠，但稍欠惹味。精選牛拼盤: 此回拼盤有三款，分別是牛頸脊、本地手切肥牛、金錢𦟌。牛肉質素甚佳，手切肥牛肉味較重; 牛頸脊肉香之餘，油香更為突出; 而金錢𦟌亦爽脆味濃，各有特色。手打牛丸拼豬肉丸 ($60): 肉丸是每天新鮮手打，絕無隔夜貨。質感爽口彈牙，肉味夠鮮，納入推介之列。魚翅唇 ($88): 無論是質感或者味道均與花膠魚肚相約。水晶奶皇包拼叉燒包 ($60): 外皮是一層水晶皮，包著奶皇/ 叉燒餡料，輕灼一至兩分鐘便可享用，蠻特別。

銅鑼灣高質火鍋🍲 謙記火鍋😋 湯底清湯坑腩窩 勁多牛坑腩 食極都有 而且腩位炆得軟腍 不用花太多牙力咀嚼😂 清湯好飲 不油膩 飲完亦唔口渴 店員服務一流 會主動加湯 同行朋友喜歡飲湯 更讚不絕口 店員服務態度👍.另點了 更是必試食品 山東肥牛頸脊 手切牛肋骨肉 金錢𦟌 牛肉色澤分明 牛味重 牛頸脊 牛隻活動最多既地方 脂肪少 有咬口 牛肋骨肉 肉質軟腍 肉味重 金錢𦟌 薄切 爽口 不錯👍.強烈推介 奶黃水晶包 水晶叉燒包 四寶丸 鮮蝦雲吞拼西洋菜餃 以上的都是火鍋店人手製造 超級用心😋 奶黃水晶包 蝦丸 雲吞 西洋菜餃更是大愛❤️😋 .百花煎蝦餅 手打蝦餅 真材實料 見到蝦粒 有口感😍凍豆腐 吸哂湯既精華🤭正啊！芥蘭苗 皇帝菜 翠綠 新鮮 爽口！青檸梳打 好飲 青檸自己榨汁 酸酸甜甜 開胃消滯 好飲😛女生最愛😉========================謙記火鍋 (銅鑼灣)銅鑼灣謝斐道408-412號華斐商業大廈1至3字樓

之前和朋友來到一處樓上火鍋店，這間可算是該區的老牌名店，在灣仔區已屹立20年之久，還記得以前當人人還在惠顧無甚質素的普通火鍋時，這小店已以提供新鮮優質食材聞名而突圍而出，長期都客如輪轉。多年後的今天來到，發覺質素依舊出色，也增加了不少特色火鍋食材如西洋菜餃、水晶叉燒包和奶皇水晶包等。值得一讚的是，店家一直都堅持自家打製丸子，由肉香爽口的手打鮮牛丸，到滿有墨魚香的彈牙手打墨魚丸，皆十分出色，而筆者最欣賞是這裏的手打蝦丸，除了蝦膠，裏面還加入了粒粒的鮮蝦肉，鮮甜爽彈之餘還帶嚼勁，用料十足，口感豐富，外邊少見。在手打丸子之外，這裏的手切肥牛亦同樣超班，特選牛頸脊牛味濃郁，手切牛肋骨肉雪花分佈均勻，入口鬆軟滿有脂香，兩者雖各有捧場客，但都是同樣的令人愛不釋口。除了以上的超正食材外，其實其他配料也不遑多讓，黑豚豬腩肉油香鬆化，水晶叉燒包和西洋菜餃外皮軟糯餡料鮮美，加上定價也只是$50-$70左右，以質論價十分合理，甚至可算是抵食。`最後特別一提是此店除了火鍋外，亦有供應海鮮刺身和幾款精美可口的佐酒小食，全都十分到位，加上店員招呼熱情專業，地方又闊落舒適，難怪能在銅鑼灣、灣仔這競爭激烈的地區長年屹

湯底揀左清湯牛坑腩 味道鮮甜 牛腩食極都有!!配料方面非常推介牛肉類同手打丸🙆🏽‍♀️牛頸脊有咬口 牛味濃!! 牛肋骨肉質最軟腍 牛𦟌夠爽口❤️手打牛丸彈牙多汁 豬肉丸混入冬菇 味道似肉餅😋個水晶奶黃包幾特別!!! 水晶皮好煙韌 奶黃餡好香滑☺️小食推介炸蝦餅🍤食得出係用鮮蝦膠打既 夠爽口彈牙又有好多蝦肉🤘🏻 飲品叫左青檸薑梳打🍸味道少甜偏酸 重青檸味 消滯一流🙆🏽‍♀️見我地叫左兩jar 就知係正嘢啦😍

這天是姑媽生日，去了近鵝頸橋的謙記火鍋打邊爐，這間火鍋店好大，有兩層！店員的招呼非常好！這裡有很多特色的火鍋食材！我們先點飲品和小食！點了一酌青檸薑梳打，味道偏酸的，很香青檸味，吃火鍋會很易吃得撐，這個飲品消滯一流！原來千里香豆腐就是臭豆腐，小粒的豆腐，沒有街邊的臭豆腐濃味，很香口鬆脆！我們選了清湯坑腩煲，沒有味精的湯底，清甜沒有渣的蘿蔔，好多件爽口的牛坑腩！水晶叉燒包和奶黃水晶包這兩款包的餡都已經熟了，所以店員提醒我們只要在水滾放下一會兒就可以吃，水晶皮很煙韌，特別喜歡奶黃水晶包，奶黃餡甜甜的，又香又滑！可以當甜點！魚皮餃和水晶西洋菜餃也是水晶皮，裡面是西洋菜，感覺更健康！凍豆腐這裏的凍豆腐是自家製的，結實不鬆散！蝦滑還可以見到蝦肉，真材實料，蝦肉新鮮，爽口彈牙！魚蛋魚肉新鮮，非常彈牙！手打牛丸豬肉丸這裏的牛丸和豬肉丸都是手打的，牛肉丸很多汁，豬肉丸裏面有冬菇！牛𦟌、牛頸脊和牛肋骨肉這裏的牛肉類都很推介，牛肉鮮嫩，牛𦟌要煮到全熟，口感會比較爽口！牛頸脊的脂肪分佈平均，口感介乎牛𦟌和牛肋骨肉中間，有點咬口！牛味相對較濃！牛肋骨肉的脂肪會多一點，肉質也最軟稔！入口有溶化的感覺！皇帝菜這裏

閏蜜的生日飯，由12月約到2月 真係有夠忙的 終於約到啦，天寒地凍，最啱就打住邊爐黎傾計啦~ 揀左介乎銅鑼灣同灣仔交界的謙記打邊爐 謙記其實開左好耐，由2003年第一間鋪到依家發展到有3層 今日去左2樓，裝修較新淨，環境感覺幾高級 九宮格的醬料好靚，任加任添~ 特別的有白醋，待應話，連陳醋都有，可以問佢攞 麻油超香~ 呢度主打靚料，所以全部散叫 食物方面由貴價海鮮到平價丸都有 呢度既湯底都係其中一個賣點 有好多特別的湯底，水魚窩/坑腩窩/鯊魚翅骨窩等等 而我地就揀左椰子雞鍋 呢個椰子雞鍋不得了 首先，有成半隻雞，而且仲有步驟架 等水滾，落雞，滾到雞剛熟，即起，食落超嫩滑 飲左個頭啖湯先，湯頭超級鮮甜 之後，就可以加入椰青水落鍋一齊滾黎做邊爐湯底 呢個湯底，望落雖然好清，但味道好夠 用黎打邊爐，夠味唔使沾醬油，仲食到食材的原味 我整左碗醬料都無用武之地添~@@ 待應推介我地呢2個前菜 見佢咁有誠意，即管試試 鮮蝦刺身，蝦肉勁有膠質 個醬辣得黎又好清新，食到濃濃的香草味，比好多泰式生蝦醬還要好 蝦餅都超爽超彈牙，中間仲食到一舊舊蝦肉架 食得出係鮮蝦膠打，而且唔會成舊粉頭 如果上

難忘椰子雞湯底@ 謙記火鍋 終於有機會試到椰子雞湯底，味道清新感覺滋補，而重點是在於那湯底，清甜而且能令所有食材增添鮮味，難得是在銅鑼灣區的有名老火鍋店食，埋單每位$300多一點，真的令人難忘 朋友經常推介用椰青打邊爐非常滋補，有益氣養顏，健脾補虛等作用，但印象中的椰子雞煲都是用椰子肉煲成奶白色，不是他所說的椰青水火鍋。趁住近日天氣凍，他帶我們到謙記火鍋食火鍋 平日晚上7點，火鍋店已接近8成滿座，來食飯還是先訂位比較安心! 食物都是散點形式，價錢令我感到意外，雖然說不上非常便宜，但這個格局，在銅鑼灣地區絕對不貴 湯底也有好多款式 精緻的醬料架~不過都用不上，湯底本身已經非常夠味，食材夠新鮮就是能夠食出原味嗎! 餐前小食~ 辣辣的頗醒胃的 店員推介必點的炸蝦墨魚餅$78 份量很大，炸成美麗的金黃色，食起來很香口，外脆內軟，炸蝦墨魚餅口感Q彈，帶點咸香，伴住一碟秘製醬汁，個人口味來說食原味已經好美味了 不一會，期待已久的椰子雞湯底$158到了!~ 新鮮的椰青水用一個瓶子上桌，雞是完整的半只，$158這個價位真的令人驚喜 一會兒後店員為我們煮雞和湯底 一煮開就可以食了!椰

公司gathering揀左黎謙記打邊爐，佢位於一蘭拉麵/橋底辣蟹附近大廈既3樓，唔算難搵。但係唔知點解間舖頭好受遊客歡迎，基本上Dinner時間最好book檯，如果多人既話更加要，唔係冇位。裝修採取大眾風格，服務態度ok，唔會因為多人而忽略service，醬料可以自行根據個人口味調配。我地Order左招牌沙茶湯底同麻辣湯底，雖然麻辣湯底唔係好似重慶火鍋咁咁多辣椒或者紅油，但係味道都幾辣架！沙茶湯底就有少少清淡啦，雖然好香花生香味，但係香而溫醇順口，有一dd甜。牛骨髓我第一次試，原來冇乜味，但都係食佢口感，嫩嫩地又帶嚼頭，好得意。雪花肥牛紅白相間，滿佈狀似大理石花紋，滾燙完之後係呈粉嫩粉嫩既顏色，唔係灰灰黑黑咁，極度新鮮。而口感非常爽口，肥而不膩。手打蝦滑，灰灰的接近蝦肉既顏色代表完全冇乜點加粉，煮熟後既口感細膩、爽脆、Q滑，特別地鮮美無比。四寶丸有豬肉丸、牛肉丸、蝦丸同墨丸，食得出好足料，入口時有一粒粒既凹凸不平的嚼感，非常彈牙。而炸魚皮鬆脆可口，入口片片香脆卟卟聲，就咁齋食都冇乜油渣味。再輕輕浸入鍋，魚皮吸滿湯汁，軟中帶脆。黑百葉則爽味可口，完全冇漂白劑等化學野既刺鼻味道，而且百葉有

最中意就係打邊爐 一年四季都要打!上年朋友介紹左謙記俾我一試就愛上 今日做完野一行四人又尼到謙記 一坐低侍應已經即刻攞左啲醬料俾我地混醬 哩度有我最like既芫茜 有好多打邊爐既地方都冇提供 有好多款湯底揀 我地今次揀左醉雞鍋(跟半隻雞) 哩度既湯底真係整得有誠意 食到有藥材味同酒味 好足料 絕對唔係所有湯底都好似清湯一樣 個侍應都好好教埋我地點整隻雞先好食 個侍應係有啲多口不過有互動都好既最緊要食得開心寫完紙啲野唔洗十分鐘已經擺滿哂成張枱 安格斯牛柳粒-必食 唔洗全熟 好有咬口 本地手切肥牛-我地係想叫牛頸脊 叫錯左 不過都唔錯 肥瘦適中 都幾有牛味手打墨魚滑-必食 彈牙 暫時食過最好味既墨魚滑水晶奶黃包-必食 成日覺得甜野同咸既湯底點會夾 但哩個一試難忘 個皮唔會林back back 奶黃甜度適中 停唔到口鵝腸-好肥美 好爽口 鵝腸真係要有脂肪痴住先好食仲有好多其他野唔記得影相 淨係掛住食🙈😂最尾仲有甜品送哩度價錢係比較貴不過物有所值既

Ive been here numerous times and I can safely say it has the freshest ingredients and best service in town. HIGHLY RECOMMEND IT TO HOTPOT LOVERSThe sichuan soup base is to die for and the beef selection is some of the best that I have experienced.