謙記火鍋

Open Now

Now Closed

打邊爐對我黎講一直都系部分季節既，夏天開橫冷氣打邊爐更舒服。呢間火鍋店，一開始覺得有d隱蔽，但火鍋店內部裝修都幾乾淨企理，光猛闊落，也有卡位。overall，我覺得食物款式正常多，但最緊要每一碟上臺既食物，睇落都乾淨衛生，經過擺碟，唔會見到有污跡或崩左既碗碟。謙記算系港式火鍋，雖然都有四川麻辣鍋，但當然唔會好辣啦。我個人就最鐘意番茄牛腩鍋湯底，好濃既番茄湯base，牛腩煲多一陣都可以食。由於店內的soy sauce都幾咸，所以我鐘意碗度加d番茄湯撈sauce, 中和之后剛剛好。由於今次只有2個人，所以叫左唔多食物。美國雪花肥牛，睇圖就知到好食啦，雖然睇落好似比其他火鍋店切得厚d, 但一樣系入口即溶啊。另外，滑牛都好食，不過我嫌距厚左d。本人好鐘意打邊爐食響鈴（呢度叫炸腐皮），掉個響鈴落番茄湯，5秒后撈出黎食，索曬好味既番茄湯，已經贏曬了。之前黎食過d丸同滑，覺得手打墨魚滑最好食，不過今次無叫，實在食唔曬，打邊爐呢d野真係應該一班人黎。

成班朋友約左好耐都未食到飯,不過終於約到,今次有幾個朋友揀左謙記，佢地食過話唔錯，當然我自己就未試過。今日就去試下佢朋友原來仲訂埋位,仲有房,真係唔錯,夠哂闊落，咁多人去都唔算迫，長方形既枱，兩邊都有爐，岩哂咁多人去食,夠哂方便。人多既關係所以咩都可以叫,成班人一定食得哂,至於湯底就叫左一個皮蛋芫茜一個魚頭鍋。只係試左依個魚頭鍋，不過無咩特別,唔會太差只能夠講,正正常常咁喇。其他野食就好快就開始黎喇，不過佢D肉同蔬菜都夠哂新鮮，一睇就知,而且份量都好足。依到D料真係唔錯。因為依到湯底本身唔算太出位，所以醬同埋依個料就好重要。咁岩依個湯就食到料既鮮味,所以我都幾鍾意。不過有D地方個湯夠濃而唔洗點用醬去食個D都唔錯。不過依到整體都唔錯,如果湯底有得進步就真係食到新鮮又食到湯。

一個星期前約食局時都只不過喺16、17度，朋友們已要求打邊爐！！點知今個星期得番9度，大家不其然話有預感喎！ 其實原先訂位時喺waiting list 咋，意外地下午三時左右收到謙記通知可以執死亂咋，真係好彩！職員溫馨提示獨立房間(6位)最低消費二千，一行人仕心理和身理上都準備大食大喝一餐大家都非常滿意這獨立房間，一嚟有私隱，二嚟大電視啱晒我哋成班電視迷。肉類、海鮮非常新鮮，菜類有D乾咗水，有渣。為了令最低消費要達標，今次主攻象拔蚌(切條)-鮮甜、本地手切牛-肉味濃、龍躉腩-肉爽滑至愛厚厚的魚皮、桶蠔-大小均衡。鍋底選蕃茄豬骨拼沙嗲，蕃茄大厚肉唔會一陣就唔見晒，豬骨並非骨㷛嗰D筒骨，而係肉連小脆骨的排骨，食到最尾D排骨煮到啱啱好，大家都撈上嚟食。沙嗲夠香濃，越滾越濃。職員會加添同味湯底，唔會加水溝稀個味，讚！埋品時會送上熱辣辣墨西哥奶黃飽、冰凍杧果糯米卷和水果拼盤。喺大家努力下，最終超額完成！

上星期五有個朋友生日，成班朋友幫她慶祝。地方當然讓壽星女揀啦，點知佢竟然提議食火鍋！講真，大熱天時食火鍋並不是本人的喜好，我亦相信成班朋友中應該有其他人有相同想法，但冇法啦，叫得人揀又冇理由出爾反爾架。唯有硬食！地點揀左謙記，有朋友食過話好，但我自己就未試過。之前訂位的時候謙記告訴我們如果人多，可以訂私人房，最低消費二千五百元。我們一行有十二個人，一定冇問題啦，所以便訂了私人房。房間都算闊落，十二個人坐下也不覺得擠迫，而且餐桌是長方形的，兩邊都有爐頭，尚算方便。人多點菜就真的很方便，真的可以隨便點，我們基本上是什麼也點，反正人多，一人一點點也可以很快吃掉！湯底就點了皮蛋芫茜和魚頭鍋雙拼，而另一個就點了豬肺煲。坦白講，純粹以湯底計，真的普通過普通，完全講不上有什麼特別的鮮味。跟一般普通酒樓的廉價火鍋用淡上湯浸住d肉類沒有什麼大分別。失望！其他的食物也跟住上桌了，反而肉類和蔬菜就很新鮮，份量也很充足。相信朋友所指謙記好的就是這些。因為湯底本身淡，所以醬料就變得非常重要。相信很多人可能就是喜歡這樣煮法，才能吃得出火鍋料的鮮味。反而我自己就較喜歡濃一點的湯底，把火鍋料灼熟後完全不需要點醬料吃的

是晚是安排了好些日子的team gathering,老闆提議吃火鍋,地方要方便大家又要有私隱度高,最後決定來吃謙記,一行十多人訂下一個房間,最低消費$4000,也是合理的價位(比合江的min charge要求更高呢3個爐共5款湯底,食材按大家喜好隨意點選,牛肉,牛舌粒,牛柳粒對我這個牛魔王因而言當然不會錯過!其他各種海鮮,肉類,手打丸,菜等都盡情的點,食材十分身鮮,個人推介牛粒,牛舌,蝦及桶蠔!喜歡吃的響鈴反此沒什麼驚喜,水準平平!但整體而言,火鍋湯底以及食材均是出色的,而飲品方面也真材實料,沒有太多可挑剔的地方! 曾到訪過這店的隊友表示這店會附送甜品的,我們問店員是什麼她卻表示要查一下,還以為是送碗糖水,但當店員捧著甜品入房時,大家也看傻了眼,甜品有一個小果盤,也有2種甜點一冷一熱!果盤有5種水果:西柚,橙,西瓜,哈密瓜以及密瓜,擺放得算精緻的,而吃下西瓜清甜, 哈密瓜以及密瓜也香甜多汁!冷的甜點則來了一份10件的芒果'糯米'卷,口感軟糯而味道不過甜,不是超水準但相當不俗的!熱的甜點則令大家嘩然,竟然是迷你焗奶皇墨西哥包,是一口一個的份量,咬下時仍是微熱,奶皇餡不是很多但做得香甜,

第一次正式打广式边炉，香港朋友带着去的，否则自己是找不到的，很是好吃啊，牛肉粒打边炉可以那么多汁香嫩，炸鱼片居然也可以涮锅，比干吃美味太多了。脆魭也是第一次吃到，酒足饭饱，意犹未尽！！！！！！

一年前來過印象深刻,但因為兩個人不能吃太多款式,很少再來....天氣開始轉涼,很久沒有吃過像樣的火鍋,決定再來懷愐下..沒有訂枱,但幸好時間尚早,6點未夠便入座,要在7:30前交枱..兩個人一定無問題啦..甫坐下,便決定要個清湯腩做湯底. 另外點了本地手切肥牛,白鱔片,四寶丸同黑豚腩片,再叫一勺酸梅湯湯底有多款選擇,也可雙拼,但要另加收費,湯底也有分大與小,煲是同一個size的,分別在於湯內的材料多與少,兩個人吃,小的已經ok....坐下已經有咸酸菜吃,先開一開胃口, 酸梅湯也很好,不太酸,好味湯底味道清甜,牛腩偏"un",但滾耐了仍有牛味,當其中一樣菜亦很好:手切肥牛一般,唔肥,所以肉質偏"鞋",牛味不及湯底的牛腩最喜歡這兒的白鱔同四寶丸,白鱔肥美,漿口好味四寶丸分別為墨魚丸,蝦丸,豬肉丸同牛丸,全部手打,全部都很好吃!豬肉腩片味道不錯,雖然捲得靚靚,但放上碟時很凌亂,沒有了那種fantasy的感覺,扣了分最後還有免費甜品,打完熱熱的火鍋,有少少的甜品作結尾,很幸福呢~~~呢度服務不錯,侍應會主動加湯,而且知你已經吃完會主動收拾枱面然後附上甜品.雖然這裡格局不是太大,但都算多大枱而且

為朋友慶祝生日, 順便和舊同學一聚, 選擇火鍋實在是最理想‧ 沒有用手機拍下食物的相片, 因實在太忙了, 又要點菜, 又要聊天......牛肉當然少不了, 我們點了牛肋骨肉和美國肥牛, 兩者都非常有牛味, 很新鮮! 义燒和菜水晶包不錯, 海蝦, 貴花蚌, 嚮螺, 豬肉丸, 嚮玲, 皇帝菜....太多太多了...黑豬片味道也很不錯.飲品檸檬水和酸梅湯ok. 小食臭豆腐最得一讚!我們自備蛋糕, 最後收費才每人200多, 一點都不貴!

食完tea buffet, 其實都仲飽, 不過又趕下場, 去causeway bay打邊爐。阿姨生日, 有3個family出席, 不過最終唔洗我地比$, 因為阿姨男朋友請, 我(自己)就當埋係我生日啦..呵呵。去謙記打邊爐, 叫咗：2碟肥牛, 一碟本地、 一碟雪花, 好好味 (當然係雪花正好多啦)。象拔蚌刺身, 好甜好fresh。鴕鳥肉：一般。水晶包、叉燒包：2樣都勁好味, 好多料。雞子 ：我唔食, 無得comment。四寶丸：一般, 份量少, 不過就好大粒。鱔片：我唔食, 無得comment。生蠔：好大隻, 肥美, 正。墨魚滑：好味, 彈牙。魚麵：一般。生根：唔會有咩問題咖啦, 都係買番嚟的。竹生：呢個好唔得, 有腥味。送甜品 (糕點)：好味。Service 幾好 (其實有家人係熟客仔)；食物 ok, 都好新鮮；環境一般。(雖然今餐我地唔洗比) 價錢應該係偏貴的。

食物感覺衛生,伙記服務唔錯,唔駛叫,自動自覺加水,鱔片厚薄適中,我最意食,重有水餃,食完大家一致要多碟~~雖然人多咗少少,不過冷氣依然充足~~價錢貴咗少少,不過物有所值!

香港人愛食火鍋，一年四季唔理係寒定熱係陰定晴，開著超級空調圍爐共享共食，已經到了瘋狂著迷的地步。然而越吃就對火鍋湯底的款式越來越挑剔，對食材的新鮮多樣越來越講究，而真正懂得吃的來到這家重視原味鮮味的謙記火鍋，除了肥牛肥羊五花腩脆鯇扇貝海蝦魚丸肉丸等等上等食材，更會刻意點這裡的鮮鵝腸和牛頸脊，下鍋後前者爽脆後者肥美，還有入口鮮甜的切成條狀的象拔蚌，餐前小吃冰鎮翡翠灣螺，都是叫人在貪心之餘的專注選擇。一直都好鍾意謙記火煱. 佢地用料堅! 又有卡位, 環境整潔, 人少少好舒服. 人多又有vip房, 所以招呼係一流. 一向都較鍾意舊舖 (近伊利沙伯大廈嗰間, 前日去先知搬左, 真係大鄉里). 一年前去過1樓既吉祥閣, 其實都係主打火煱, 不過多左魚生吧. 我都係較喜歡卡座火煱, 所以前日係去2樓既火煱正店. 去得呢度, 一定要試特色食物. 我地當晚叫左個粉葛雞腳沙底, 好足料. 夠香夠濃. 再點左下面既食物: 1.水晶叉燒飽, 2. 小籠飽仔, 3. 鵝肝餃, 4. 冰鎮螺, 5. 本地雪花牛, 6. 黃沙肝膶, 7. 魚麵 價錢吾算太貴, 不過食品有保證哩~

同學約吃開年飯，地點一改再改，原因是頗多食肆初四還未開巿，結果來了謙記，事實上，居港多年，甚少行過這條街，今晚才知有其存在。食肆分兩層，都是供應火鍋，是晚座無虛席，我們點了番茄牛腩湯底，幾多牛腩，又點了二十款食物，包括：山東肥牛頸脊 $148 肉味不錯，肉質有咬口，油的分佈亦均勻。每碟 $88 的：花膠，日本黑豚腩肉，手切本地肥牛花膠當然不會是上等貨色，有些軟滑，有些頗韌，還有雪味；日本黑豚腩肉，不說不知個名咁勁，食味與一般豬腩肉無異，肉與肥油相隔，食落頗滑；手切本地肥牛，肉味較山東牛還要濃和鮮甜，有些嚼勁。每碟 $48 的：招牌魚麵，菜苗鮮蝦餃，手打墨魚丸招牌魚麵，軟軟的，無彈性，無魚味；菜苗鮮蝦餃，無特別，皮太腍；手打墨魚丸，OK。每碟 $38 的：豬軟骨，炸魚皮，皇帝菜，炸腐皮卷，貢丸，魚皮餃豬軟骨，用來打邊爐不及滷水好，像煲湯骨；炸魚皮，太碎；皇帝菜，有特別香味，但太幼，一淥無影；炸腐皮卷，取巧之物，寧可吃腐竹；貢丸，不錯，有肉味；魚皮餃一般。每碟 $26 的：金菇菜，油麥菜，白菜仔，娃娃菜，甜粟米，芋絲，凍豆腐菜蔬總括來說很新鮮，甜粟米真的很甜，凍豆腐祇是雪凍的豆腐，不是那回

一向好鍾意打鍋爐既我 會四圍試謙記算係一間舒服既店舖 環境比起酒樓普通火鍋店好亦設有卡坐同VIP房因應所需食物也絕不遜色 價錢亦不算太貴 可接受象拔蚌刺身：較細碟, 如果多人食就唔會夠牛頸脊：好味道, 叫左2碟, 1碟比我獨霸~哈哈 牛骨髓：一般貨色水晶香茜餃：皮薄餡靚 ~ 正水晶菜苗餃：超愛, 必點之選炸腐皮卷：又係超愛, 烚一烚就食得墨魚滑：好味, 如果可以食到粒粒墨魚會更加好響螺片：又甜又爽口總括我都好鍾意謙記

記得半年前來過, 對這印象是碟頭小, 服務弱, 價錢貴, 但朋友相約火鍋局卻心儀在這裡, 還說謙記是怎樣的美味, 雖心裡有點猶疑但朋友鍾愛也願意再上刀山被安排坐於細小的卡位, 但因處於角落位, 所以都算舒適的. 兩個人選火鍋料真有點兒難度, 可能伙計見我們煩惱, 就提醒同一價錢可雙拼計算, 這樣靈活有彈性確實不錯蕃茄豬骨湯底($78) - 朋友的鐵腳, 說喜歡它的濃味, 不信就暫且一試, 湯底蕃茄味濃郁, 濃香味過後還帶清甜, 怪不得朋友那樣喜愛羊肉片($68) - 已戒了牛肉, 所以在朋友遷就下要了這個, 羊肉片不會像小肥羊的一卷卷, 賣相比起它算是平平無奇, 但淥出來羊羶味重, 肉質嫩滑, 真的羊不可貌相鵝腸($22) - 鵝腸肥美甘香爽口, 算是近期少吃到的佳作菜苗鮮蝦餃($22) - 餃皮煙韌有致, 熟後精瑩通邊更見吸引, 鮮蝦爽滑, 菜苗新鮮爽口奶黃水晶飽($22) - 從來不太喜好甜點, 所以對此一早已舉手投降水晶叉燒飽($22) - 不要奶黃下, 叉燒也總要試試的, 水晶皮夠薄, 淥完後晶瑩透明的, 叉燒餡醬汁足, 甜度也見適中豬軟骨($20) - 豬軟骨肉質夠鬆化, 軟

我已去過謙記兩次, 還記舊店第一次去食物的鮮味和合理的價錢, 小舖的溫暖感覺和清潔環境, 使我很快地重臨, 隔了很久了, 但今次搬新鋪後第一次去, 發現食品水準和服務大幅下跌, , , 我一天前訂位, 當天下午她們來電覆實訂位, 但直至我們去到才知道要去她們的灣仔新店, 雖然只是一條街之隔, 但如果她們於覆實訂位時交代一聲是在新店, 那該多好呢, 我有些朋友可以在另一個巴士站下車, 而當天還下雨, 其實有點兒狼狽, 但這樣都算了, book了枱, 眼見店內有位都要我們等過30分鐘, 真是不知所謂! 這是甚麼服務??食品方面大部份都不能和舊鋪相比,價值升了但品質和一般任食火鍋店差不多.!!魚湯底又淡又腥, 不新鮮! 以往的過一百五十蚊的雪花牛肉粒實在叫人失望,又老又硬,太快挾起又未熟, 放太久又太熟咬不到, 整碟浪費了,待應態度散慢, 加水收碟又慢, 但埋單又出奇地快!新店地方一般清潔但有一點異味, 可能是升降機收隻垃圾時傳入店內!真是很好貴又不愉快的一餐火鍋!