興記菜館

Open Now

Now Closed

天氣冷，來到廟街當然想起煲仔飯！和同事完成手頭工作，親天還未黑前來到食店吃晚飯。不過可能是平日，而且天氣幾寒，來光臨的食客也不多。兩個人，點了排骨煲仔飯和啫啫雞煲，剛剛好！排骨煲仔飯侍應很細心提我們，如果喜歡吃飯焦，焗多一陣才打開來吃！的確，底部的飯焦又香又容易刮來吃！排骨數量亦算多，肉質亦很嫩，不錯！自己加上豉油，拌勻就可以吃了，四十多元，抵！啫啫雞煲啫啫雞煲色香味俱全，侍應遠遠行來時，我們已經聞到香味！唯獨雞件數量不多，美中不足。

琴晚本身去廟街食煲仔飯，然後吃左一肚氣，排緊隊就黎有位坐期間我地向個女仔落左order啦，然後order紙系入到舖頭就比左一個男仔，我朋友剛比完佢之後佢就問我：啊你地頭先落左order啦？ 我話系呀 張紙比左你，而當時佢好似完全忘記自己手執order紙。我地order左兩個煲仔飯同一個豪餅，而其中一個飯系糯米飯我亦知道需時較耐，直到我地食完個豪餅，望住隔離枱食完走左，亦有好多啱啱入黎既人都坐低，我見到佢地order,到上煲仔飯，果刻我已經等左半個鐘都未有，我催單，個人話幫我跟，之後我過多10分鐘再催，就話我有個糯米所以耐D，但我仲有一個飯系普通飯底，直到我等左足足一個鐘，8點等到9點，我唔 等，走。出去埋單，我話D野咁耐都未黎，D人就解釋話有糯米，我話糯米都系一個啫，另一個唔可以黎左先咩，我等左成個鐘呀！之後有個阿姐就話“有冇一個鐘咁誇張呀”，我聽到火都黎，我好嚴厲同語氣好重咁講“有！絕對有！” 之後冇一個人肯了解到底發生咩事，而當初拎住張單既肥仔都冇行過埋黎了解情況，最後收銀個人好求其咁講句唔好意思之後我地就走左。走左之後我越諗越火滾，我絕對懷疑佢地根本冇跟我張單，黎左個豪餅之後就算

秋風起, 當然是食煲仔飯到油麻地最常光顧的就是興記店舖多, 易搵位細蝦餅油份較多，一張吸油紙完全唔夠吸但炸得鬆軟，蝦餅豐富蛋香味蝦仁細細粒，爽口的。窩蛋牛肉片飯已經變成由店員落好蛋再上枱, 雖然少了趣味但增強了衛生意識牛肉很淋, 米飯粒粒分明, 加入豉油, 不是太咸, 令個飯好易入口煲底有大量飯焦, 好香脆

上星期五天氣凍左，就想食煲仔飯。諗住去四季煲仔飯，7點左右去到，已經好長龍，見到興記有煲仔飯，都見到好多人排隊，諗住應該ok 啩。等左一陣有位，叫左一個煲仔飯，菜，生炒骨和椒鹽魷鬚。煲仔飯有飯焦，但太「焦」，煲仔飯豉油無味，只有顏色，其他小菜無特別，下次都係試四季。

2016第一個入冬, 同友人睇完戲成十點幾, 又唔想打邊壚咁飽, 咁就去冬天先會諗起既廟街煲仔飯. 廟街有2間比較有名氣, 就入你興記啦入到去牆身有大大個餐牌叫左個細煎蝦餅, 都有2件, 即叫即炸, 但係比較油, 蝦size有中有細, 都幾多料, 鬆脆可口, 仲有幾隻蠔仔撈左入去等左一陣熱騰騰煲仔飯送到, 雞蛋已經幫你加左上飯面, 落少少豉油再焗一焗等個飯乾少少同蛋半生熟就可以撈黎食, 加左蛋個飯有蛋香味, 牛肉份量都多, 一d都唔靭, 食到底全部飯蕉燶燶地, 好脆卜卜, 冬天, 點都要黎一次

天氣有點涼，打算到廟街吃頓煲仔飯午餐。由於鄰近的四季煲仔飯大排長龍看似要等最少一小時，故轉向興記煲仔飯。我們叫了滑雞排骨飯，通菜炒牛肉和豉汁炒蜆。首先說說店舖主打「煲仔飯」，坐在我們旁的兩位食客投訴煲仔飯太燶，所謂的飯焦全是焦黑色的，飯有一半是不能吃。而我們的滑雞飯則相反，濕透並無飯焦，而雞有嚴重雪味，這樣的煲仔飯根本不合格。這𥚃的豉汁炒蜆算是我吃過最差的，豉汁味道差而且過份杰。而通菜炒牛肉，牛肉明顯是加入大量梳打粉，而獻汁也是杰杰糊糊的。坦白說，絶對沒下次。（唯一可讚的是菜來得快，而待應也很盡力提供服務。）

呢間鋪在都幫襯咗幾年，成年冇去過，咁又叫返最鍾意食嘅免治牛肉蛋煲仔飯。俾個價錢牌嚇一嚇，貴咗好多。。咁諗住食開好食貴啲都唔緊要啦，但係食落已經冇咗以前嗰種風味同味道，原來變差左，真係好失望 呀，以後唔使專登去油麻地食煲仔飯啦。。

說到吃煲仔飯最有名應該非廟街莫屬晚餐時間都可見觀光客人頭湧湧在排隊入座非常幸運我們被安排到二樓用餐 不用等候種類很多 很難挑選免治蛋牛煲仔飯 48蠔餅（小）35白灼油麥菜 35免治牛飯一定要加生雞蛋不然感覺很dry 煲仔飯精髓就是大量豉油這時候絕不能顧忌許多 但縱然下手很重這個飯也太乾了 有點生米的感覺 而且底部全是飯焦蠔餅最好吃蠔肉很大顆 而且數量頗多 很均勻分佈只是有時候會吃到一口特別鹹油麥菜不過不失 但份量偏小 以上

外國朋友來到香港一定要去廟街啦，而這間煲仔飯都幾出名，所以就決定去左這間小店，今日好彩冇人排隊，可能因為天氣熱吧，我地去到都每款食一碟，最後結帳$270/2人都幾抵食同我地2個人其實都吃不完，不過衛生環境講真一般。細蠔餅$3X好抵食！～蛋味都夠而吾太油，蠔又夠大隻同都幾新鮮，日本朋友都讚好，熱呼呼用筷子甲一口再加上辣椒醬一起食十分”野”味添。白鱔飯…等等吾好開住，等一陣一開香味飄出黎好吸引，白飯好味加上甜豉油仲有少少飯焦好味道，但白鱔講真偏難硬又冇咩味，下次再吃都係食排骨飯之類會更好。蒜茸蝦好一般，因為新鮮程度不大，所以肉質有點梅，而下面粉絲係一舊舊，又吸吾到蒜味，$100叫吾叫吾抵食呢….好見人見至！～金銀蛋白菜也是日本朋友未食過的菜式，味道剛好而白菜好味道有入味而吾咸，金銀蛋份量都吾少但反而金銀蛋味道吾夠咸蛋香。

興記五點先開門，但係六點打后都一直好多人，雖然成條廟街街口都係興記嘅地頭，但係有時候都係免唔到要等位喇。同朋友一人一個煲仔飯，食煲仔飯一定一定要食臘腸！我嘅滑雞臘腸煲仔飯，臘腸都唔錯，幾香好有臘腸味，反正雞肉麻麻，有D腥，淋咗d豉油都食得落去。朋友嘅排骨臘腸飯，真係無語吖！煲仔飯來加，竟然一D飯焦都冇，冇飯焦仲叫煲仔飯？明明都悶咗一陣先開蓋嘅，唔會係見到人太多就快快停火吧最後真係只可以食嘅豉油撈飯喇！真係無語！蠔餅要咗一小份，咬第一啖仲覺得唔錯，粉唔會好多，蠔仔都幾多，但係再食一啖就會發覺真係好油好膩好滯吖！好喇，個人感覺！

朋友死都要去興記食飯，冇辨法la,6个人入左去，上菜又慢，海鮮又係死的，10个普通的小才，6个白反，6支可樂，理單竟要一千零幾，仲話尾數吾收，好彩我識check下單實收八百幾，都話吾去la，其實之前在興记都仲過幾次招，都吾知好彩or 吾好彩，反而隔離間（宏興美食館）好得多，又老實又真係有汽水送，最後提下大家在興記煲仔飯食飯要小心

其實一直都覺得煲仔飯好方便，夠香口夠熱辣辣，又肉又有菜，連飯都係入味嘅！興記煲仔飯一路都好出名，係廟街都係響噹噹嘅今次嘅滑雞臘腸煲仔飯，雞係我自己至鐘意嘅肉類之一，而臘腸，食煲仔飯點可以少咗臘腸加！煲仔飯一上檯，打開嘅鐵蓋，煲仔飯嘅香氣就出咗來喇！再淋D特製嘅豉油，香！雞肉滑嫩，臘腸肥而不膩，d飯浸咗D肉同臘腸嘅味，飯身比較硬，粒粒分明，煲底嘅飯隆硬卜卜，好香脆，我最鐘意食飯隆嘅喇！不過覺得d豉油冇乜味，如果再有味D更好味。煎蠔仔，要咗細份嘅，覺得全部都係油，好膩咁，不過點d辣椒醬又不覺得太過油膩，裡面嘅蠔仔都幾多下，煎得幾脆。番茄湯酸酸地啱啱好，飲完解油吖！

食煲仔飯識食一定係興記嘅。雖然每次黎到最大嘅感覺就係地方好唔乾淨，但都會黎臘腸排骨飯 (加腸)一口油嘅感覺真係好難抗拒！食煲仔飯嘅嘅竅門相信好多人都知，就係當個飯嚟到嘅時候，快速落鼓油，再將飯蓋放回原位焗大約5分鐘。就係咁，簡單嘅晚餐。

出咗油麻地地鐵站，就係廟街口嘅大排檔。~~行咗兩步路就見到有人行過嚟拉客，哈哈哈，然後就俾人直接帶入店入面啦...原本以為大排檔一般都應該系室外嘅，結果呢邊基本都系室內~~點咗招牌嘅膏蟹煲仔飯，飯比較硬，味道一般，100蚊一份。番茄蛋湯，比較稀...味道酸甜都算ok。招牌蠔餅系油炸嘅，味道唔錯，口感軟熟~~椒鹽蝦菇，比較細隻78蚊一份。兩個人食咗250幾蚊，總體評價一般般。

🇭🇰 • Local Hong Kong Style Rice Pot • 🇭🇰：臘腸排骨煲仔飯：魚香茄子煲 天氣非常差，落雨濕濕咁 又有d涼，夜晚個餐跟係要搵返d野暖胃😋前日諗爆頭唔知帶兩個德國朋友食咩香港地道野好🇩🇪 最後就去左廟街食煲仔飯😍外國人果然覺得好新奇，不過食左一啖臘腸 就覺得好難食 唔明點解要係甜既😂我都唔明 所以我都唔鍾意食臘腸🌚興記煲仔飯款式多不勝數~~除左呢款，我地仲叫左款章魚雞粒煲仔飯🐙 同埋羅漢齋煲仔飯一齊share食💁🏻除左飯，當然唔少得送飯一流既魚香茄子煲🍆連外國人都大讚呢個Eggplant超級惹味 食不停，不枉呢個係我兒時到宜家既all time fav😆老豆成日話我一個魚香茄子煲 再加一碗白飯，就可以KO我，已經可以十級滿足🙈