興記菜館

Open Now

Now Closed

BB好識叫餸，我倆都超級肚仔餓，因為煲仔飯，一般都要等一陣先食得，所以他叫咗碗芥菜豆腐魚湯，兩個人飲完剛剛好，再叫多個足料蠔餅食，味道一流啦，應該用咗好幾隻雞蛋來煎的！

自小已經在廟街食開煲仔飯, 人人去四季, 我就最鍾意去興記, 其實兩間無太大分別, 最緊要係時間, 最好係5時至5時半前去到, 煲出嚟既白飯係最靚既, 點解 ??? 唔知道..., 食開就係咁, 次次6時後的飯身, 都係太濕兼一舊舊.各位大人, 請看一看報紙介紹的圖片....下...的"臘腸排骨煲仔飯"價格, 係港幣$23, 今天幾多??? 係五十蚊! 其實都只係十多年間, 升了一倍, 十年...., 樓價好似都無一倍喎...食煲仔飯必有之飲料: 啤酒, 興記不同四季, 四季出名好多, 生意也勁好多, 連最賺錢既飲料都唔做, 前幾年還有非酒精飲品出售, 近年直情唔好賣飲品, 你要飲就自己買入去. 但興記生意不夠好, 連啤酒都有賣, 我好懷疑其酒牌....., 上檯, 打開, 臘腸排骨煲仔飯, 出白煙是正常吧, 半條臘腸, 對我而言, 算足夠, 無益既食物, 少少就好了, 排骨屬一字排切開, 粒粒大小相約, 有人可能嫌少, 但又係果句, 對我而言, 夠送飯了.  此店供應"鐵匙更", 對於食飯焦來說, 好重要, 當然..., 也要煮得好飯焦才有用. 平心而論, 煲仔飯的質素, 未算很好,

We had dinner there for four people and liked it quite a lot. The claypot rice was really nice and had a good texture and the oyster pancake was very delicious! The place was quite crowded and looks a little shabby. Tho, the price is therefore reasonable and good!

差唔多兩年無過黎食煲仔飯......................今晚突然諗起..10點幾先黎到廟街興記一試..叫左個北菇滑雞飯🐥🐥🐥同一碟腐乳通菜炒牛肉🐃🐃🐃..飯唔係以前既味道..雞唔滑..味好淡..要左豉油好d...碟通菜反而好食d..但都偏鹹..食完好口渴....😓總括黎講好一般🤦🏽‍♀️...印象之中唔係以前既水準.....可能食返傳統既鳳爪排骨飯會先係正路😂😂😂

根據定義，麻甩系女子👩🏿👩🏿喜歡吃大排檔多過吃壽司，罵人時髒話比男人更流利更密集，明明是女人卻喜歡看女生多於看男生⋯⋯🗣雖然小女子自問唔係「髒話連篇」的境界，但講麻甩都係不認不認還需認嘅👾👾～ 不假思索地同另一麻甩好友👭去左廟街搵食～唔好睇小女生嘅實力👅，兩個人係可以叫３個餸１個飯２支可樂，行多轉仲可以再食糖水架🤐🤐～（雖然係飽到叫媽咪…）----------------------小蠔餅🥘($40)煎得好香口，雖然話係小，但係都有兩大塊架🌝～蠔仔唔好期望會多喇，至少係可以接受嘅份量，而且大細都算正常，唔係ｍｉｎｉ版蠔仔🐚～粉唔會好多，落嘅蛋漿足夠食出蛋香味，不過同同街果間「四季」比就無人哋用鴨蛋煎咁香啦🙊～咸魚肉餅煲仔飯🍚($48)賣相認真講如果佢肯落幾粒蔥花，就會更加靚仔同埋香味撲鼻喇👃🏿～一開始見唔到有咸魚件喺飯面，以為已經變成碎粒混和喺肉餅入面，於是就大啖大啖食，點知突然一口咬中一大舊，真係咸到標淚😭😭，極有被玩的感覺，不過整體係唔差嘅，只係下次唔會再叫咸魚有關嘅款式姐😢⋯椒鹽焗鮮魷🦑($60)一直都唔黎以為已漏單（其實仲有個蝦醬通菜炒鮮魷，不過唔記得影相所以唔寫啦🙈呵呵，味道

I came here because I heard from a friend that they have vegetarian 煲仔飯. Was surprised when I saw that there was a dedicated section to vegetarian foods. The food arrived around 15 minutes later. The taste was okay (definitely not the best out there). It was overall very bland, but when I got to the last bite I suddenly felt something very salty. I looked and saw a boneThe cook must have accidentally dropped a piece in because the restaurant was quite busy that night.... Felt really disappointed

呢排出街都係食西餐多，朋友都話想轉下口味食返餐煲仔飯。講起煲仔飯梗係要去油麻地食啦，之前食過一間覺得唔錯，今次就想試下其他，就揀左呢間興記，地方唔算好大，不過感覺都幾地道。首先order左一份細蠔餅，份量適合兩個人食，蠔餅炸得幾鬆脆，蠔仔都夠多腐乳椒絲通菜，味道唔錯，不過菜有少少老蒜蓉粉絲蒸聖子，聖子蒸過火左田雞+雞煲仔飯，煲仔飯都唔錯，田雞同雞既份量都幾多，加埋飯焦食都幾香口，飯焦就唔算好多，不過本人就覺得啱啱好

上次嚟食都好多年前，記得以呢度d煲仔飯好好味！今次嚟食真係退步了好多，其實出面大把好食過佢地啦，衛生環境又差首先排隊前面得5-6個都排左半個鍾，有個啊嬸係咁放隊尾的人入去，前面果咋人仲憨居居喺度呆等，入到去等左9個字先有野食！好食都算，但咁嘅質素真係浪費時間、金錢可能係我咁多年冇嚟過唔知掟，因為全場9成係大陸遊客太一般了，記得以前好好食，現在只是緊緊合格，而且主要遊客嚟總結：識食一定唔會嚟食

冬天怎少得食個靚煲仔飯!愛人得知我有條煲仔飯癮，連環一個星期內食了兩次大快活既煲仔飯。他便帶我去食地道馳名，專做煲仔飯出名既飯店!店內十分簡陋，並沒有甚麼裝潢可言，實際得只有摺枱和摺凳，可想而知食客必是慕優質煲仔飯之名而來。枱上備有豉油和辣醬供任意調味。點了臘腸排骨煲仔飯，即叫即煲，需時大約廿分鐘，上枱後即小心翼翼加入特備鼓油， 然後焗上兩分鐘，待鼓油入味後即可慢慢享受。 臘腸香甜野味，排骨不太肥膩，加上香口的飯焦真是回味。加點了蠔仔餅，蠔仔肥大多汁，分量十足，配合香滑蛋底及充足的香蔥，熱騰騰，香脆野味，一食難忘。牛魔王愛人點了滑蛋免治牛肉煲仔飯，他說不是很多地方有這款供應，便成了這裡必試款式也!隔離枱相信是從外國過來香港的交流生，我們幫忙講解食煲仔飯的技巧，希望他們享受這地道飲食文化。

天寒地凍， 剛好約左班friend 去油麻地百老匯戲院睇戲， 咁就梗係去食窩煲仔飯啦！所以我地走左去廟街食煲仔飯， 好彩我地早左6點去到， 諗住食完去睇戲， 不過都要等左約30分鐘， 好不容易攞到位， 又是要打側身才行到入去坐， 因為趕時間及食左西北風很耐，所以立即點菜我地點左滑雞煲仔飯， 鳳爪排骨飯， 煎蠔餅同什菜煲， 當然要三枝cola 啦！滑雞煲仔飯：雞滑，不過骨多， 飯粒分明， 可惜這煲無做到焦黃 鳳爪排骨飯：反而鳳爪排骨， 份量的夠， 排骨多肉， 做到有金黃飯焦， 正👍煎蠔餅:蠔仔份量夠，餅煎得香脆 什菜煲:粉絲同菜量大， 可惜部份菜有沙呀！

上星期和美國回港的姨姨品嚐過高級食府的粵菜，今晚來到廟街品嚐地道平民美食——煲仔飯。原本，我打算去對面街的Four Season，之前吃過感覺不錯，但今次舅父推薦興記是廟街最好的，反正我未去過，一試又何妨。未到七時，食客已有大排長龍，我們大約等了20分鐘方能入座，店子小小而且有點骯髒，蒲入座一表弟便看到身旁的小小強在汽水架路過，於是我們調了另一個座位。蠔餅（細）（$35）粉漿質感和坊間一般的潮州店相若，談不上出色，我比較喜歡Four Season的粉漿，質感酥脆得多，脆度又持久，而蠔亦似乎肥美鮮甜得多。辣酒煮花螺（$75）是表弟至愛，我覺得做得不錯，螺肥，辣度適中，但以$75一份而言，份量似乎少了一點。點了三款煲仔飯，全都有飯焦，米飯口感適中，北菇雞飯（$39）一來，我們趕緊加入興記的煲仔飯豉油，再蓋上蓋稍等再吃，賣相一般，有幾件雞，但冬菇都大件和滑。窩蛋牛肉飯（$43），蛋白變成軟軟的白雲，漂亮的蛋黃像月亮，賣相吸引，牛肉滑，好吃。黃鱔飯是我較為欣賞的，鱔片彈牙鮮味，份量也足。羅漢果茶（$10）是興記自家製，清甜，清熱潤肺。我用自己的方式清了最愛的飯焦（不故作神秘了，其實是用濃茶泡）

食物就唔係話好特別，有個阿姐態度其差，事源我地一行五條友叫左個細蠔餅，叫左半個鐘都末有，正常啦咁多人，我地催單，個阿姐喝狗咁問我地係咪叫細蠔餅呀？講到我地係剛剛落單咁，九成佢漏左單，算，我地一開始坐低隔離果幾個食客都走左啦，坐左幾個新嘅來，佢地叫左個大蠔餅，咁當然係佢地遲過我地叫好多啦，又等左幾個字，佢攞左兩個細蠔餅來啦，一個我地一個隔離，隔離幾個話我地果個大果wor，果阿姐竟然拎我地果個俾埋隔離同隔離講兩個細加埋咪大囉！我個fd即嘈佢我地叫先果wor，果阿姐竟然黑面話我宜家俾隔離先！前後加埋等左成個鐘最後竟然無來仲咁樣，隔離枱照食兩個細，我地好勞氣咁講我地宜家唔要啦！痴線

《冬天必吃煲仔飯》冬天有幾樣野係必食既，蛇羹、臘味飯同埋煲仔飯。夏天熱辣辣就唔黎逼排隊食，冬天見到煲仔飯打開，馬上食指大動❗❗😝興記同另一間都食過，覺得分別不大，而興記既小菜就比較多，有海鮮食。因為朋友唔食牛肉，所以今次叫左既係花菇滑雞加窩蛋煲仔飯。喜歡食鍋巴既等飯上台時候唔好打開蓋住，等佢焗多幾分鐘就可以了👍👍個飯都幾大個，而雞肉算普通質素，呢個價錢咁大個飯都算係咁，而菇菇算幾厚身。仲有必叫既蠔餅，蠔餅炸得香口，外脆內軟，加埋香葱，蠔仔唔算多，不過夠大份但都好滿足。另外仲叫左炸鮮魷，好味! 炸粉算薄。以呢個價位，已經可以食到好多香港特色食物，滿足

今日同相識多年，加拿大返港嘅朋友聚會，就帶竹星妹朋友到最地道嘅油麻地食個煲仔飯。 起初諗住食四季煲仔飯， 但係排隊嘅人實在太多， 目測估計起碼要等一個鐘， 基於咁既原因， 我哋就去咗隔離嘅《興記菜館》。 呢間大排檔舖面較大， 雖然都有人龍， 單排兩三個字就已經有位。呢度嘅煲仔飯價錢相當之抵食， 三四十蚊已經有一個，論價錢簡直冇得輸。叫咗個【排骨臘腸煲仔飯】， 煲仔飯即叫即煮， 等嘅時間大概十分鐘， 邊食邊等其實時間好快過。 上臺之後就淋上煲仔飯豉油， 再焗一焗，食得！ 可能價錢平， 排骨方面淨係得幾舊， 只係蓋過飯面三分一位置， 不過價錢咁平，算！ 排骨算多肉， 但係就比較鞋口， 至於臘腸， 就認真細條， 得兩條脆皮腸咁長， 好可憐。 至於煲仔飯嘅重點： 飯焦， 就簡直唔得啦。 飯焦真係焦黑色， 真係食多啖都怕生cancer， 所以我哋都唯有放棄。唔怪之得隔離間四季咁多人排隊， 呢間興記應該係執死雞， 捉緊著食客唔想排隊嘅心態。要好好記住，排隊唔一定好食，但唔使排就要考慮吓。

叫咗肉餅臘味飯，首先肉餅唔好食，面粉太多，同食魚蛋冇分別，完全冇咬口，第二，臘腸唔好食，好似假腸咁，臘肉亦如是，潤腸有臭油味，飯又冇飯焦，同食鼓油撈白飯冇分別，失望！但係照常有好多人排隊，點解？可能係遊客多掛應該唔會再有下次，寧願排耐啲隊去食四季煲仔飯，見隔離枱有叫蠔餅，聽到話唔錯，下次可以試下。另外，衛生情況真的很差唯一值得讚係服務員態度好好，雖然忙到踢晒腳，但依然語氣好好，唔會粗聲粗氣，要換枱拎野都唔會黑面good