慶記 (Closed)

大角咀開左好多好出色既食店，慶記既裝修亦都非常好，吸引左我食過返尋味。呢間真係超高性價比。我地叫左個菜飯套餐 香酥排骨配滷肉菜飯 62蚊 加 12蚊有多個熱玫瑰菜蜜呢間既排骨非常厚實，而且個味亦調得好好，差唔多仲厚過雞排，好跨張。呢間既菜飯亦好好咪，d飯粒粒分別。另外 湯麵套餐 滷肉慶麵 配 茶燻煎軟雞 66蚊 免費加配zero coke。個湯麵一如以往好清香，滷肉亦大大粒，真材實料。口水雞卷 8件 34蚊好新鮮，佢既骨膠原仲見到好清楚。紅油百花抄手 52蚊大大粒，味道偏重，配埋清香湯麵係絕配。

第一次來到利奧坊，當然要搵下好野食，見到呢間上海菜裝修環境唔錯就入去試下🥰巴東牛肋條撈麵 $52超大碗好多牛肋條呀！老公話好好食辣辣的好惹味，牛味好濃又淋身，jo試食左一啖辣到叫救命😂好辣之人一定要試下香酥排骨拼滷肉撈麵 $60呢個jo大愛好有驚喜！滷肉幾大粒好入味，好有咬口肥瘦適中唔會好油膩，麵食落意外地好彈牙，煙煙韌韌超級正！醬汁甜甜地好對jo的口味😋 香酥排骨也一樣正，好厚肉同juicy，炸得脆卜卜但又唔鞋口，點醬汁食，味道似泰式style酸酸甜甜很不錯！生煎胡椒包 $26如果鍾意食胡椒餅一定唔可以錯過！入口勁多汁，好香濃的胡椒口味，啖啖肉又煎得好脆口，勁好食！xo醬蟹肉小籠包 $35第一次食呢個配搭，xo 醬配上蟹粉味道又幾夾，不錯！.凍豆漿 $12壹品豆漿一向jo也滿喜歡整體來講相當不錯！呢個價錢無諗過咁好食！性價比好高真係平靚正👍🏻jo一定會再來食滷肉麵😋

餐廳環境光亮，天花掛上好多燈籠，古色古香。而且空間感大，座位多，所以坐得舒服。主打上海菜式，有生煎包、排骨菜飯、冷麵，撈麵都有。叫左香酥排骨菜飯($48)，特色山葵醬青瓜冷麵($38)，醉雞卷(4件$16)，生煎胡椒包(2件$26)。菜飯加入左菜、菜乾(?)，鹹度適中，濕潤。飯量比正常多。香煎排骨已經切成4件，煎炸到變極深色。size唔算大塊，但肉好厚，所以啖啖肉。冷麵好有驚喜，海量青瓜絲鋪係面頭，可以多醬或少醬，仲有紫菜絲點綴。拌勻後，食第一啖個陣，feel到好冰涼，超級適合夏天食，消暑又清新。芥末味唔會好嗆鼻，係陣陣芥末清爽既感覺，麵條濕潤既，唔會覺得乾身。麵量仲非常多添，食唔哂。醉雞卷亦係冰凍，肉嫩雞皮爽，有陣陣酒香味。4大件屬厚身，抵食。生煎包即叫即煎，所以要等大約20mins。熱辣辣超好食，必叫。d肉汁不斷流出黎，真係要小心食，會熱親嘴。胡椒味濃郁，如果唔鍾意，可以叫番普通原味。包底煎完脆脆地添。整體，生煎包必試，好食到唔停口。而且其他食物既份量足，環境服務都好好，會encore。

去開大角嘴經過慶記，係食上海菜式，佢嘅餐牌有多款上海菜小食麵飯類可供選擇， 咁一於黎個上海之夜啦😊。跟友人分別叫了主食、小食跟飲品，我們選了2個小食，#口水醉雞卷已起晒骨卷起的肉質嫩滑，惹味辣汁配上酒味香濃，冰🧊凍的好啱呢個熱辣辣嘅天時食用。#紅油百花抄手皮薄餡多，外皮厚薄適中, 肉餡亦都好滑，醬汁微辣挺開胃的啊！主食：#巴東牛肋條慶牛肉麵牛肋條的肉尚算軟身，湯底味都濃郁，而辣汁不會很辣，麵份量十足，有舊大大的白蘿蔔在內，煮得都好淋架。 #香酥排骨拼滷肉撈麵香酥排骨炸到脆口，肉質扎實，滷肉肥瘦適中，麵條索了滷肉嘅醬汁，撈勻佢食味道咸淡剛好。 最後配番支豆漿解解渴。

大角咀一向出名美食雲集，行入利奧坊見到呢間主打上海菜嘅慶記，選擇又多，環境好舒服，仲要幾抵食，一於入去試下~😉1. 🐣茶燻煎軟雞拼滷肉慶麵 ($66)茶燻雞係用雞腿肉整成，用茶葉煙燻過，有陣陣煙燻香，清怡幽香，好特別! 🐣半煎炸至外脆內軟!😍 湯底幾清甜，麵質爽口滑韌，麵上面淋咗好多半肥瘦嘅滷肉，味道好香濃，調得剛剛好，唔會太多肥肉，滷肉嘅豬皮碎食落仲幾滑腍!😋👍2. 🐷香酥排骨拼滷肉慶麵 ($66+$2加辣)香酥排骨炸得有點乾，建議大家沾一沾湯底一齊食，就會好食啲~ 香酥排骨配上酸辣醬點嚟食，唔錯!😎 湯底選咗加辣，麻辣味幾香又惹味! 中意食辣嘅朋友一定要叫嚟試下~😌 麵質和滷肉同上面嗰款都一樣咁好食!😙3. 🦀XO醬蟹肉小籠包 ($35/2隻)小籠包皮薄餡靚，新鮮熱辣，入面有蟹肉同滿滿嘅湯汁，一咬就爆汁!😍 餡料仲加上自家調配的瑤柱XO醬，鮮味更突出，大滿足! 😜4. 🐣口水醉雞卷 ($34/8件)口水醉雞卷外層用雞皮包住，食落好嫩滑，又好香花雕酒味，口水汁嘅麻辣味調得剛剛好, 唔會太辣，食落好惹味，超級推薦!! 🤤😍

放工約咗朋友仔去大角咀，經過見到呢間裝修幾靚嘅上海菜就入去試試。由旺角站行到呢間舖都只係十分鐘左右。可能因為樓上的新樓仲未入伙，所以人不算多，不用等位。而去取外賣不少，大概是有優惠吧。每張枱上有個QR code，只要用手機scan一下就可自行落單，十分方便。桃桃跟朋友仔叫咗2個主食+2個小食+2個飲品。醉雞卷（$30）應該因為係冷盆，所以點完很快就上菜，肚餓的桃桃即刻食。果然有酒味，雞肉嫩滑味道不錯。甜酸雞翼（$38）係炸雞翼加上甜酸醬，雞翼炸得夠脆，醬的味道也不錯。香酥排骨拼滷肉撈面（$60）這個面是朋友點的，他說滷肉的味道不錯，面夠彈牙，。而排骨是分開上，不怕變淋，份量也不少。茶燻煎軟雞拼滷肉慶面（$66）來到慶記沒理由不試試以店名為名的慶面。是湯面來的，除了菜名上的雞及滷肉，仲有豆卜同白蘿蔔，配料的份量多。桃桃最鐘意個白蘿蔔好甜。

味道合我心@慶記 網址: https://地址: 大角咀利得街11號利奧坊地下G501-503號舖電話: 26090966=====================今天是落雨天，心中有點戚戚焉感覺，困在大角嘴區沒傘子，那找個室內地方吃完晚餐才安全回家。#新店開幕 #上海美食 #慶記 #hingkee #hingkeetkt #慶記大角咀 #大角咀美食 #慶麵 #胡椒包 #小籠包 #fusionfood菜飯，菜飯又可以食到些菜感覺健康d 啦。紅燒汁好入味濃郁，配上飯剛剛好，有咬口架豬軟骨補下collagen 啦，汁撈飯好正醉雞卷係必食啦，皮爽口肉帶微微酒香，一試難忘的前菜，且一點都唔貴Xo醬蟹肉小籠包 2隻，xo 醬無敵香，但稍蓋過蟹肉味

香酥排骨拼滷肉湯飯，香酥排骨口感酥脆，肉味濃厚，配以薑醬食用，味道獨特，湯飯份量大，表面鋪滿滷肉，肉質肥瘦均匀，湯飯內有大量香蔥、雪菜，湯底味道咸香。茶燻煎軟雞拼滷肉慶麵，雞肉肉質嫩滑多汁，食落有茶燻香味，慶麵口感煙韌、爽滑，腐食落充滿湯汁。紅油百花抄手，好足料，表面鋪滿炸蒜、香蔥、紅椒、辣椒乾、辣椒油，採用魷魚、蝦膠製作餡料，口感彈牙，食落好惹味。4隻小籠包，皮薄餡多，豬肉肥瘦適中，湯汁飽滿，配以醋汁、薑絲食用，味道更佳。2支豆漿，豆味濃香，味道清甜。

👧🏻😋👅🍽✨慶記 （大角咀利奧坊）10分鐘遠離鬧市岩晒聚舊-❣️性價比高 - 呢個裝修同咁高質既野食只係40幾蚊一個主菜❣️由旺角站行過黎只係10分鐘, 但可見旺角從未見過既大鋪位, 唔驚有人係出面排隊唔好意思傾耐D❣️唔想搭東涌綫仲可以揀巴士, 16去觀塘!❣️服務好叫左個生煎包都一定會提醒小心辣咀, 食完野坐緊時店員都有主動加水-🐓🍜 茶燻煎軟雞拼滷肉撈麵 $60✨大部分主菜真係40幾蚊, 呢個60蚊係premium版, 因為有勁多滷肉🤤✨煎雞個皮卜卜脆, D肉好juicy! 茶味老實講就唔係好出, 但個酸甜醬就非常夾~✨撈麵勁正, 好多汁, 仲加埋一pat滷肉, 真係冇得彈- 🐓 🍜 麻醬雞絲冷麵 $40✨張相係未撈之前好似白lai sai, 但個底其實好多麻醬~✨青瓜同雞肉夠多夠凍, 夏天食好爽! 重點佢好抵-🐥🧄 蒜香雞翼 (4隻) $38✨炸到金黃色好正✨勁重蒜味既外皮包住爆油既雞汁, 好食- 🥯生煎胡椒包 (2隻) $26✨胡椒包係我印象中係台灣野, 呢度用上海生煎方式去整好特別✨外型的確係生煎包咁, 好多黑芝麻好香✨咬落會爆汁! 個包外脆內面勁多肉汁湧出黎好正, 個人略嫌胡椒太

我都幾鍾意食上海菜，間唔中就會想去食小籠包。有次經過大角咀，又想食上海菜😮，諗起 之前kikimay推介過慶記嘅生煎包，就決定去試下😆。✨生煎叉燒包外層煎到好香脆，特別係下層，煎到好靚嘅金黃色😆。生煎包入面仲包住好多肉汁😋，一咬啲汁係爆岀黎😂，食個陣要小心啲。由於我好鍾意食叉燒，所以揀左叉燒餡，佢嘅餡料味道同普通叉燒包一樣，而且份量都好多🤤。食完想再encore👍🏻👍🏻✨小籠包皮薄餡靚，湯汁都有好小籠包嘅一半，入面嘅肉質亦都好滑🤤🤩✨醉雞卷 🐓🍶酒香味好濃，肉質保持嫩滑，冰冰涼涼🆒，好啱夏天食☀️✨巴東牛助條慶麵係慶記自家製嘅麵，食落覺得唔係太特別，而且湯嘅味道好濃，同埋有少少油膩，應該啱重口味嘅人食多啲😂。不過牛助條都煮到好軟淋，口感啱啱好👍🏻

店面裝修新潮，感覺舒服，而且客人唔多，環境比較安靜。入到店後大約等五分鐘就有店員安排入座，然後就可以用QR Code 自助入單。口水醉雞卷採用無骨雞腿嘅冷盤，肉質嫩滑，醉香濃郁。XO醬蟹肉小籠包小籠包皮薄，湯汁滿溢。XO醬味道突出，雖然餐廳有提供醋，但我覺得唔需要沾醋都可以，加醋反而唔夾。香酥排骨慶麵招牌慶麵採用本地製日式拉麵，每日新鮮製作，麵質爽口彈牙。香酥排骨炸得香脆，份量都合理。茶燻煎軟雞撈麵茶燻煎軟雞個名比較特別，原來係炸雞扒，口感同香酥排骨相若。撈麵有啲驚喜，滷肉帶豬油香，醬汁同麵質非常配合。

今日星期六經朋友介紹去左大角咀既慶記。慶記用上落地玻璃，自然光令環境更明亮舒適。裝潢相當別緻，作為上海菜餐廳，慶記每一個角落都展現中國風既雅致，最令人深刻嘅係收銀處，十足古代嘅賣食物嘅攤檔，並掛上木製菜牌，古代風更濃厚。- 麻辣擔擔撈麵醬汁由辣油、鎮江醋、甜豉油同麻醬調製而成，肉燥份量超多，味道辣中帶甜，輕盈而不失惹味。- 香酥排骨拼滷肉撈麵撈麵既醬汁偏甜，麵條煙韌，配上滷肉碎可謂甜上加甜，香酥排骨一共有四大件，外脆內嫩。- 生煎胡椒包生煎胡椒包外皮香脆，胡椒味非常突出。入面豬肉餡料相當新鮮，另外亦混入京葱，口感更豐富。- 口水醉雞卷口水雞卷完全無骨食落非常方便，口水汁同酒香相得益彰，口水汁唔會蓋過酒香。豆漿跟餐只係加$2，至於凍頂烏龍大大杯都係$3🧐總結而言，慶記非常抵食，尤其係口水醉雞卷，只係$18咋！慶記記位於大角咀，距離奧運站只係五分鐘路程，地理位置亦算方便。

首先點了口水醉雞卷，新口味感覺,辣味適中。跟住再來麻辣擔擔撈麵，麵質有咬口，麻辣同辣度平均。最驚喜、喜出望外的是小籠包、湯汁剛剛好、包得非常好，所以進食時沒有整爛小籠包、小籠包入口肉味及湯味非常好吃，我覺得還好吃過翡X小籠包!!!讚賞!

大角咀其實好多美食，最近仲起咗幾棟新樓，所以多咗好多餐廳進駐。因為行到太熱，見到呢度難得有得揀冷麵，二話不說入去試試。我地每人叫咗碗撈麵加兩個小食，價錢都幾親民，味道仲幾驚喜！「麻辣擔擔撈麵」花生同麻醬味超香，醬汁帶點稠身，令到每條麵都掛滿醬汁，越食越麻，好惹味，辣度屬於小辣偏中嘅程度。「特色山葵醬雞絲冷麵」超驚喜！本身自己係青瓜同wasabi控，上菜見到大量嘅青瓜絲真係好開心，食落真係有陣陣嘅wasabi味，再帶少少甜味，所以唔會係嗆鼻果種，食落好夾好清新。加埋嫩滑嘅雞肉撈埋一齊食，感覺好豐富，熱辣辣食碗冷麵，比起食湯麵，真係舒服好多。「生煎胡椒包」一定要試！但呢個上菜有少少耐，試咗就知點解，咬落去真係超脆，脆得黎入面仲要好多湯，同埋舊肉真係好重胡椒味，都幾辣！如果食唔到辣，記得揀返普通生煎包，好正！「xo醬蟹肉小籠包」睇相都見到入面又係好多湯，皮仲要好薄，食落有啲xo醬同蟹肉味，辣辣地，幾過癮！

由慶麵到搬到大鋪變慶記我從來都不曾懷疑他們的出品老闆本身是性格大廚有深厚的煮食功力今天又偕朋友到大鋪拜訪他們出名是麵食當然要點麵類點了巴東牛肋條撈麵和茶燻煎軟雞慶麵巴東汁味道香濃富有椰汁香用來拌麵令人吃不停口牛肋條入味質感軟嫩茶燻煎軟雞慶麵湯底清甜喝得出真材實料沒有添加劑茶燻雞炸過頭有點太硬茶香煙燻味微軟不突出口水醉雞卷有八件帶麻辣肉質細嫩比茶燻雞更好吃最後是招牌的生煎胡椒包胡椒味濃郁皮靚餡靚絕對是店家的皇牌產品