慶麵 (Moved) New Location

我覺得30幾蚊有一籠四隻爆汁小籠包好抵食，好食過行過少少嗰間排隊上海菜。d撈麵味道非常特別，食得出係用心調配。我食過乾蔥撈，係得d汁同堆好似草嘅乾蔥，我覺得好特別，味道配搭得宜，30幾蚊有埋嘢飲真係叫好平。鍋貼又熱又係爆汁，非常美味。地方係細d，但係播住一首首好歌食住麵不失為一個忙裡偷閒嘅好去處。服務員係無乜表情，我覺得係地方特色，唔會騷擾到你同碗麵，同個小籠包接觸，幾好丫！下次影下相先。值得推薦！

今晚經過大角咀，就試下這食店，急住要寫，就是要平衡下近幾篇負評。估唔到附近(博文街)多左咁多食店，真要試多幾間。自己好鍾意食豬軟骨，所以試左豬軟骨撈麵，個汁做得好特別，未試過這樣味不濃，但很平衡既汁，唔係死靠調味料，軟骨都好入味，只是鞋了一點，如果麵身硬少少及熱少少就更滿意。另外，也試左胡椒包，因為即煎，食住等左近20分鐘。非常好味，皮煎得脆口，肉汁豐富而肉身滿有胡椒味，既熱且辣，口感好好。服務比較差，個個木無表情，可能趕收工，胡椒包未上枱，已叫我埋單。

一個人來大角咀搵食，來到角祥街一個唔起眼的門面，但有些驚喜。喜歡食辣的我，理論會叫它的麻辣東西，但我沒有，反而試特色山葵醬雞絲冷麵，無他，想試一些未吃過的東西吧。好快放到我抬，我馬上撈撈撈，味道真的不錯，麵條也彈牙，恰到好處。

是晚吃了一碗慶麵🍲um.....碗麵的名字跟我食後感一樣真是慶麵一碗🙄🙄。碗麵是偏上海式，有豆卜、肉臊、菜肉雲吞，湯底混合豬骨湯及大地魚湯香，再配上日式麵條。我猜菜肉雲吞及日式麵條是找外面的供應商來貨的，呢兩款食物果真一般😜😜。湯底是鮮甜香醇魚味的，其他就比較一般，沒什麼驚喜。生煎包是人手即場包的，皮薄肉餡料都不錯，煎得底脆，內有爆湯，要小心進食，因為會燙口架😆😆。餐廳是用開放式廚房，可見到師傅即場包點心及煮麵，完全沒有油煙味，但如果問我下次會再來嗎？對不起，我猜應該不會吧🙇🏻‍♀️🙇🏻‍♀️🙇🏻‍♀️。

真的要問為什麼咁多好評，明明唔係平又唔好食。首先環境好細，放了好多張枱，已經坐得好唔舒服。其次，食物水準欠佳。如圖中我跟朋友分別點了雞絲冷麵和wasabi雞絲冷麵，兩個都好令人失望。我碗wasabi雞絲冷麵有一陣怪味！雞肉份量又少！麵似油麵。講真係葵廣食果d冷麵好食過佢10倍，仲要平過佢好多！小籠包係多汁，但夾唔起，全部爆曬一夾。肉質無咩特別，係大角咀食呢個價錢貴啦。生煎包等左十世都未黎，係就係好熱啦，但你咪睇佢脹卜卜咁就以為好多肉呀，肉只係佔體積1/3 o 1/2，其餘空氣黎......點解會咁多好評？

中午時分永遠都見到有條長長的人龍在排慶麵，通常要12點文飯即刻去食先有位，鋪面不大。推薦麻醬雞絲冷麵好適合夏天悶熱嘅時候食，食一個麵未夠滿足，可以再點多一籠小籠包，咁就岩岩好

有一晚行過呢間餐廳，有位小姐開門，收銀小姐態度超差，黑口黑面斜睥個位小姐，呼呼喝喝問個位小姐幾位，已見個位小姐即刻同身旁朋友說：呢間餐廳服務甘差，又呼呼喝喝，小姐好嬲甘同朋友走左。呢間餐廳已落左黑名單，就算有幾好食，我都不會光顧，收銀小姐既服務態度超差

見大家特別指明要食小籠包同冷麵，就算今次得一個人食都好，都一口氣點唒兩個，最多食唔唒打包 👍小籠包皮薄多汁，要小心食。每粒都分得較開，唔使擔心一夾痴埋隔離果粒👍👍👍前面嘅麻醬鷄絲冷麵，一開始以為唔夠麻醬，但寶物沉歸底，撈下撈下就將每條爽口嘅冷麵沾滿美味麻醬 (食完唔太漏），夏天食呢個一流，夠凍，同一碗份量都唔細，好夠飽。冬天就點個湯麵會較好。因為太好味，慢慢食下食下都食得唒，超級飽同超級滿足離開。下次多啲人黎食就可以試埋其他菜式🤤🤤

喺奧海城睇完戲，係時候搵野食但係又唔想喺商場入面食，喺外面搵下上次路過見到依間鋪好多人排隊今次 8 點半左右，無咩人，就去食下啦麻辣擔擔撈麵 ($36)係暖暖地嘅，好多肉碎，一啲都唔乾，好夠汁邊食麵，邊食到麻子，越食越辣中意食辣嘅朋友可以試下特色山葵醬雞絲冷麵 ($38)個人認為冷麵出色啲，個汁醬加埋 wasabi 入去，好夾加上青瓜絲，感覺無咁滯，清新少少冷麵質感啱啱好！下次會揀冷麵食小籠包 4 粒 ($36)依個小籠包不得了！要等大約 10 分鐘左右，入面超多湯，皮薄！比得上平時食開嘅上海菜

想念一個人的時候，自然會聯想起與他相處的時刻，一起品嚐過的味道。原本想到大角咀英記吃油渣麵，可惜大家timing不對，晚上七時才開始營業，也難怪我不知道，因為每次我們都是凌晨時分去吃宵夜的。轉戰另一間想試的川粵餐廳- 慶麵。近日天氣回暖，甚至覺得有點熱，於是點了個冰火冷麵刺激一下味蕾。很喜歡吃這種黃色的幼身油麵，口感實在。麵上鋪滿香酥肉碎，再與碗底的辣油醬汁拌勻便可以開動了。醬汁微辣帶酸，與冰涼冷麵同吃的確挺開胃，麵與肉碎份量比例剛好，單吃這麵也不會太寡，可惜於我來說辣度未夠，做不到冰火的效果。口水醉雞卷 一客八件，雞卷切得偏薄，醬汁味道跟冰火冷麵的相似，更辣更酸，但不會完全蓋過醉雞的花雕酒香味。最有驚喜的是小籠包即叫即造，製作需時，不過這小籠包完全值得耐心等候! !皮透薄得可望到裡面半滿的湯汁輕輕夾起頂部，看見湯汁在蕩漾，好不興奮，恨不得把上把它吃掉!真心欣賞師傅製作的麵皮，雖薄卻不易穿，新鮮不黏底，摺口位不乾硬。建議大家不要從頂部咬下去，要不然就會像我一樣被「爆汁」，濺到滿桌子都是湯汁。應先從底部則邊咬開一小洞，欣賞一下裡面澎湃的湯汁，比一般的清澈澄明，調味稍微較淡，但亦屬佳作唯一

屋企附近嘅餐廳都已經食到悶悶地，就決定不如出大角咀試吓新野啦！兩個人就搭巴士出到嚟，本身諗住去奧海城求其搵間嘢食下。點知經過呢間小店，睇吓個餐牌，食碗熱辣辣嘅麵都好喎！就決定試吓呢間慶麵喇🤗佢嘅餐牌選擇唔係話好多，分別有湯麵、撈麵、冷麵同埋一啲點心類食品。我哋兩個咁大食，都知道一人一碗麵係唔夠飽㗎喇！最後帶咗兩碗麵，一個雲吞同埋一客小籠包😝大少揀咗呢款巴東牛肋條撈麵，小小辣，個牛肋條好入味而且好腍，非常值得一試！我就揀咗紅燒豬軟骨慶麵，食得出個豬軟骨唔係交貨黎嗰啲，真係自己煮嘅，軟骨唔至於好腍，但係反而有少少咬口仲特別！味道亦都啱啱好，有時好怕紅燒嘅嘢食係會好濃味！略嫌個湯就鹹咗小小喇😧搞到我要飲多杯茶嚟解係佢嘅鹹味。個小籠包真係幾驚喜！非常多嘅湯汁喺個小籠包裏面，皮薄而且湯靚嘅小籠包唔容易食到。以呢個價錢來講CP值好高呀！最後叫咗一個淨百花雲吞湯，口味嘅嘢真係人人唔同，我就好唔鍾意食呢個口感嘅雲吞，個餡好似食緊一粒墨魚丸或者蝦丸咁，仲要唔係好爽口嗰隻。但係大少就話未食過咁好味嘅雲吞，佢就係鍾意呢一種嘅口感。所以真係百貨應百客啊！湯入面嘅豆卜同埋蘿蔔都好正，都值得一試嘅！小店嘅位置唔算

行過呢條街，見到呢間鋪頭裝修行簡約風格，鋪頭名亦都非常切合簡約風，就兩個字：慶麵！唔洗講，都知入面係食麵既。咁凍既天氣整碗麵，岩曬！麵當然係佢既主打，不過小弟覺得呢度有樣比麵更值得推介既食物：就係佢個小籠包！座吧台位，見長髮師父由猜麵粉，整麵皮，到包咸都以係以純熟既手法進行，完全睇到功架所在，食麵既同時點都要比面叫一籠，試下佢啦！小籠包皮簿多汁，肉鮮有咬口，最重要係睇住佢即時制作，新鮮有保證！！！

要去大角咀一趟，剛好有機會來試我一直想吃的慶麵。星期日下午的大角咀特別靜，店子內只有數個顧客，音樂聲比談話聲還要大。麻醬雞絲冷麵 $36我猜週末應該沒有下午茶，所以在3時入坐的我得到一張午餐點餐紙，套餐價錢其實和鬧區的下午茶差不多。曾見數篇食評也讚其麻醬的味道，便從十數款麵食中選了麻醬雞絲冷麵。這碗麵看來簡單，但與平常吃的同款麵確實有些不同。青瓜絲去皮，份量給得多，而且和麵差不多長度，吃下去頗清爽；雞絲也不像平時那一小撮碎碎的，反而是較幼的雞柳，吃得出是醃過，還可以。麵條則沒有什麼特別，不軟不韌，是冷撈麵的質感；精髓當然在麻醬，顏色較深，可是整體平衡，芝麻味不會太搶，令我讓起台灣吃到的味道。隨餐附送飲品一杯，40元有找。店子的裝修是走簡潔風，座位闊度還可以。個人認為衛生方面則需要改善，用餐時見三數隻小昆蟲飛來飛去，絕對不是食客想看見的情境。

真的吃到一半吃不下去$56蚊一碗百花雲呑麵3粒厚皮實的的嘅雲呑3粒半片的豆卜1粒半乾水的蘿蔔乾1注無味的百花白色的湯底似滴滴金我。接。受。不。了。Sorry!!ps, 個女伙記亦欠缺禮貌。今時今日競爭咁大。。。Good luck!

麻辣擔擔冷麵辣得啱啱好，麻而不痺，品覺仲係度。辣得過癮，尤其是煙煙韌韌嘅拉麵麵質好掛汁，一路食麵一路吸晒d汁！千萬唔好食食下飲水，d麻嘅感覺會擴散得仲勁㗎！肉碎好滑，一d都唔鞋。