慶麵 (Moved) New Location

一出奧運站 去深水步方向途中見到細細間又坐滿人，一行4人就決定試下。等左一陣就有位，食物既選擇唔多我地叫左 紅燒黑豚肉慶麵，巴東牛肋條撈麵，蒽油撈麵，麻醬青瓜撈麵。小食就 生煎包同蒜香雞翼咁上菜都算快，撈麵最重要就係麵條，呢間做得幾好，有咬口彈牙，不過撈麵太細碗，加個小食就差唔多啦而紅燒黑豚肉慶麵 豚肉半肥瘦 幾滯食兩舊已經唔想食，佢一碗大概有3,4舊到。湯麵就普普通通，無話有d咩可以講。反而小食有驚喜，生煎包一咬落去好多汁，唔錯。一客三件，可以試下。蒜香雞翼就中規中矩，可以不試價錢方面唔算貴，但係我覺得去一次就夠啦，因為比呢間好既同類型食店多的是。

下午約朋友打羽毛球，開波前當然食的野先啦～係奧運站行去hsbc 大厦下面舊區，見到一間鋪叫慶麵看過餐牌好像唔錯咁⋯⋯入去試下啦鋪位不大可坐三十多人，但位都坐得舒服。我選bar枱位對著師父～正在制作小籠包中見到餐牌都幾多款式麵同小食就點了紅燒豚肉腩慶麵同胡椒包。個麵賣相幾好，湯好濃，麵彈牙爽口腩肉都ok～再黎胡椒包直徑大約60-70mm，皮薄汁多肉有重胡椒味～正。邊食邊看著師父包小籠包同，由麵團分好小籠包皮用的份量，再用圓木轆壓制成圓皮再加上餡料包好放入蒸籠內。人手新鮮製作。整體滿意下次黎可再試其他野

叫了担担麵，加左克椒碎，感覺新鲜，辣味豐富。叫了黑豚肉腩慶麵俾小朋友，小朋友咬好耐都咬唔開，只係食了豆⺊。懷疑係咪用黑豚肉，定未煮夠時間。小籠包係得，皮薄湯夠熱。只係坐向個凍死人嘅位下，一陣間就凍哂。最後一杯豆漿就嚇人，明明我知係壹品豆漿，但係細細杯都仲要加冰。莫明奇妙，成杯無味。

今日去左奥海城附近横街既慶麵食lunch。果度鋪面就好細嘅 ，但係夜媽媽都有人排隊你就知好食啦。今次點左特色山葵醬雞絲冷麵 。唉！碗麵d雞絲就真係少得可憐數埋都唔夠五條但有大量青瓜絲 。啲麵係闊麵好似油渣麵但係就冇咗油渣麵嗰種益味。特色山葵醬似wasabi加胡麻醬，但係好好味嘅。之前有喺呢度食過佢嘅生煎包，煎得好脆、 好有肉汁，好好食嘅。今日呢碗麵都係好好食但係分量就真係少咗啲。睇樓面啲侍應態度好好嘅同其他食客都有講有笑，但係個收銀嘅太態度就差啲啦。希望佢以後改善下啦！！

見有咁多好評，午飯慕名而來一試。店子不大，數張檯只可以坐20人，再加4個bar檯位置。點了紅燒黑豚肉腩慶麵。(此店所有的湯麵都叫慶麵) 非常足料！豚肉很多！雖然有部份太肥唔敢食，但好入味。湯底食得出係熬的，真材實料。麵中有一塊蘿蔔，很新鮮。廚房屬開放式，我坐bar檯，剛巧遇到師傅弄小籠包，便偷拍了小籠包的樣子，好想食啊~店中的每一人都很有幹勁，包括侍應、煮麵的、包小籠包的、及廚房內的工作人員都很努力，幹不停，也甚少閒談，專心做自己的工作。午飯時間頗多人等位，由於旁邊就是匯豐中心，很多職員來午膳，要有心理準備要等位。

男朋友係大角咀附近返工，話平時見到依間慶麵好多人多爆。今晚見經過附近，就去試試佢。雖然今日都Full哂，不過好在等左10分鐘就入得去喇。餐廳細細，得20幾個位左右。設計簡單、坐得舒服既一間小店。麻醬山葵雞絲冷麵 $38 山葵汁真係夠哂特別 一入口真係有啲啲嗆鼻 配搭出面好少有 有驚喜！雞肉嫩滑無雪味，麵質爽口。巴東牛肋條撈麵 $52 少少辣又少少油 好香香茅味 哈哈諗起冬蔭公陣味！牛肋條好焾好入味！3塊大大舊好鬼飽入面仲帶舊羅白，清甜中和油膩感。GoodGood！ 小籠包 $36 雖然講皮薄餡靚係有啲娘 但係依度既小籠包真係皮超薄薄到透到入面滿滿的湯汁 熱辣辣都要即啪兩粒呀！好多野都未試 下次要試埋個胡椒包至得

話說尋晚去食，一去到門口見有位就開門入去，入到去有位員工就大聲講等等，我就話無問題，企左係度五分鐘見到你地員工落單寫野傳菜我都無麻煩你地，之後個位新請番黎收銀見到我企左係度五分鐘都忍唔住出聲話有位坐呢邊，坐低叫野食，個員工全程口郁郁又自己同自己講聲，算我黎食野姐，就叫野食，五個人叫左四碗麵，三煎包，小龍包，醉酒雞，青瓜，四碗面份量小，三煎包凍既，小龍包好食，醉酒雞無味，青瓜都可以，見到餐牌食面送豆漿，問個員工有無，佢話六點零一分落單就無，你早一分鐘問就送，吹脹，呢間野一定無下次，咁既態度，咁既食物，一個字，差

星期日當然係男朋友帶我食好西，早左落車，喺太子行去大角咀尾，都幾遠😂😂我叫左麻辣擔擔拌麵，好香花生醬味，好多肉碎，d麵好有咬口，雖然唔辣但我都食唔停口，d麵唔係好多，男仔可能會唔係好夠，可以加麵底，食到底會覺得有小小油膩感，不過都ok的，男朋友叫左紅燒豬腩肉拌麵（唔記得左叫咩名），d豬腩肉炆到好淋，但個麵就冇我果個甘好食，唔係甘熟，整體就冇我個麵甘香😎我地重叫左紅油抄手，面頭有辣椒，乾蒜，葱，底下有d辣油同埋生蒜，個皮好濕潤, 唔會乾，足料👍我地已經諗定下次再去要食咩喇😁✌好食好食😋😋😋

大角咀有好多小店，每次嚟都可以試到唔同嘅小店，好喜歡哩個小區。今次嚟到慶麵哩間中菜小店，位置非常方便，係天橋一行就到。店舖裝修簡約時尚。選擇分左幾類，款式都較為特別，可以話係嶄新嘅中菜。而且價錢合理，份量足。特色山葵雞絲冷麵係全晚嘅亮點。一大碗，麵條有咬口，青瓜絲幼細而爽口，雞絲尚算嫩。特色山葵醬將三種平庸嘅材料昇華。山葵醬不會過濃，恰到好處，質地好似沙律醬，味道清香，令人越食越開胃。另一款巴東牛肉條撈麵係濃味之選。牛肉份量都多，大大件，加入左好多香料去煮，所以味道較重。牛肉係有少少鞋。最正係d蘿蔔索哂d汁。不過，個撈麵嘅麵條煮過龍，太淋，口感欠奉。最後上一碟生煎包。本來係小籠包同生煎包中諗左好耐，最後都係香口嘅生煎包獲勝，小籠包留返下次再試。生煎包都好出色，即叫即整，要等。底部脆口，包面嘅蔥同芝麻令包更香口。一咬好多肉汁咇出嚟，肉汁又多又鮮甜。肉餡都幾多，豬肉都幾嫩，亦唔會有太多肥肉。哩個一定要親熱食！慶麵推介俾食厭左傳統中菜嘅人，哩到你會揾到味道不俗嘅新口味！

久未經過大角咀，今日已經見唔到昔日D舊餐廳附近開了幾間看似價格蠻貴的西餐廳，餐牌都幾吸引不過窮就算啦慶麵位置於我來說都頗偏僻，不過下晝兩點幾去到，入面都坐滿九成舖面企理乾淨，印象不錯紅燒黑豚肉腩慶麵$54餐牌上面呢個有個皇冠響側邊，咁梗係要試招牌野豚肉份量好多，足夠share完畀個朋友之後，再一啖肉一啖麵，都未食哂肉同脂肪分佈啱啱好，係真肉腩位黎麵質咬口好彈，諗起台灣D紅燒牛肉麵，好吃肉燥慶麵$34朋友叫左肉燥慶麵，我諗同豚肉麵一樣，只係拎走左D豚肉，加左肉燥小籠包$36小食叫左小籠包，皮夠薄，入面嘅汁同餡都不過不失至少唔會係難食嘅小籠包，值得一叫

近排 holiday mood, 用了很大決心才的起心肝寫這篇食評，這篇應該是大角咀 quick lunch系列最後一篇了，因為囡囡的英文班已完結。但大角咀有很多好餐廳, 例如有間好好食的生炒排骨，有機會一定會介紹畀大家。好.....言歸正傳講返間餐廳先。餐廳是吃中式麵的，餐廳不大，只有不足30個位，裝修乾淨簡單為主。我點了一個口水雞冷麵 (2隻辣椒), 老公點了麻辣擔擔撈麵 (2隻辣椒)。比想像中辣，我一路食要一路飲嘢，老公一路食一路抺汗。還好我要的是冷麵，而且有清涼的青瓜絲，否則我只能感受到咀唇的麻痺。雖然是辣了一點，但仍食到辣中帶一點香，青瓜感覺很fresh。我沒有試老公的撈麵，但老公話辣得很過癮。另外加點了一個麥麻排骨，賣相好似好吸引，但太乾身, 好似食柴皮咁。食完一舊已經無牙力再食落去。如果每人只要個麵，埋單都唔駛$80係抵的，只係個排骨太差.......

今日收工, 1個人去覓食, 本身想食附近既車仔麵, 但路過此店, 又未食過, 係門口附近企住先, 然後上openrice睇下此店有咩食先, 見到食物相都幾啱食, 就試下啦。因為時間都不早了, 客人不太多, 不用等位。呢個黑豚腩肉, 脂肪比例均勻, 又多汁比你撈麵, 睇見巳流晒口水。 腩肉炆得好入味, 肉質部份軟腍, 部份較硬身, 醬汁甜甜地, 調味很好, 撈麵一流。雞翼就一般, 本人較鍾意蜜糖味, 但一點都食唔出, 只有芥辣醬味, 皮脆, 但肉質不夠juciy, 鎖唔住肉汁。飲埋汽水, 承惠$98。

一個星期第二次來這家，中午1點多來到，半滿。試了店家推薦的紅燒黑豚肉腩麵，和冷面完全不同風格。麵上來就感覺有點太罪惡了，肉腩確實有點油。面身還是一樣，夠筋道。下次還是繼續吃冷面好一點。

星期六規定陪女朋友食午餐😂今日去到奧海城附近一條小街覓食。角祥街上的。慶麵。店面不大，裝潢簡潔，沒有過多不必要的裝飾。準備開餐前菜：口水醉雞卷涼拌小菜，份量夠，微辣，適合大小朋友。雞卷圈得夠紥實，再切薄片，雞肉亦夠滑。淨菜肉雲呑湯。內裡除了菜肉雲呑外，還有豆扑、蘿蔔。每一粒菜肉雲呑都大大粒。經典的菜肉雲呑。菜跟肉份量恰到好處。而且一碗有六粒雲呑😍小籠包。一籠小小的小籠包，最重要就是皮跟湯汁。皮不能過厚或過薄，為了將湯汁緊緊鎖好在皮內。讓皮、肉、湯汁同時入到口👍加上小小的陳醋，反差令內裡肉更香更甜。主菜：雞絲冷麵由麵、雞絲、青絲、海苔、山葵醬組成。整個麵的味道都由山葵醬帶出，微微的辣度，刺激人食完再食。再加上大量青絲，令口感層次更豐富。

友人就在對面的大廈上班，近近地去慶麵吃個午飯聚下舊。小店座位不多，午飯時間相當繁忙，幸運地正好有人離座，有兩個吧枱位，可以觀摩師傅的功架。麵分為湯麵，撈麵和冷麵。不同的配搭有肉燥，菜肉雲呑，牛肋條，黑豚肉等。不吃麵，可選雲呑湯。點心有小籠包，生煎包等，小吃則有四款雞翼，口水醉雞，牛蒡絲等，夠選擇而不過多，而且不少別具特色，如芝士生煎包，胡椒蟹小籠包，玩轉傳統。午餐還送飲品，凍豆漿不太甜，豆味夠。師傅本來在切蔥，完成後拿出幾粒麵糰，難道是我們的單？只見他手勢純熟地碌下碌下。把麵糰壓至超薄的圓形，放上餡料，在手裡轉下轉下，不消一會已包好四個小籠包。放入蒸籠裡，放上蟹籽，大功告成。蒸籠被拿入廚房，師傅開始煮麵。特色山葵醬青瓜冷麵拌勻後，冷麵上的大量紫菜和青瓜絲被醬汁染成淺啡色，跟麵條混在一起，原以為很多，煮腍的青瓜吃起來，跟麵的口質相差無幾，似乎消失了。山葵醬帶微嗆，吃起來都幾開胃，尚算消新，適合炎炎夏日。菜肉雲吞慶麵三大粒菜肉雲呑，皮薄又滑溜，包得脹卜卜的，夠足料。菜青，肉鮮，混為一體，味道不錯，但口感略腍。揭起香口的乾蔥有驚喜，下面藏了不少肉碎。肉碎醃得剛好，沒有過份的調味，清清的肉香，