慶麵 (Moved) New Location

朋友一直話大角咀有間好好味既小籠包，一直都唔會去開果邊既我，就算我前陣子一直尋找合心意的小籠包，我都無去過。今日終於挑起條筋突登搭車過去，仲巧遇下午茶，可以用加配優惠叫埋小食。我哋叫左一個好似叫冰火撈面，肉醬係唔錯既，但食完都唔知點解起呢個名。（因為太肚餓，無影相就食曬）我哋叫左牛蒡絲，出面都好少地方有，真係幾好味，味道調得恰到好處！加埋木耳絲同素翅，令口感層次都加分👍🏼醉雞卷係我朋友話必叫，睇得出係自家制既，雞滑唔老唔鞋口，但我覺得酒味唔夠，同埋唔係太入味...咁唔小得緊係小籠包啦！皮真係薄既，都有湯包的感覺，但係肉汁未去到齒頰留香既程度，係一啖清湯既感覺。不過都算唔錯既🎈不過職員話佢哋個湯底比較特別，係自己調配既，但係我食唔到有乜野特別之處，而豬軟骨係唔錯既，同佢地既拉麵係腍得黎仲有彈牙既感覺，我下次再食的話會揀撈面！雞翼係炸既，但佢果個透明汁點可以做出芥末既香辣味，我真係見識少，第一次遇上呢個汁，有驚喜❤️

見有飲食網介紹，好似好好食，專登放工去試下！店舖位置好難搵，同老公揸車去搵咗好耐至搵到，開門一入舖頭，腳甫踏入店舖，當時情形直頭可以用比人趕出黎嘅態度同語氣比店員拒絕我地入內，只拋下一句，收嘞！！佢頭也不回，即時拉埋度門😡！我即時望下手錶，原來差5分鐘就收舗。其實要收舖我好理解，我可以下次再黎，但可唔可以用好D嘅態度同語氣同客人講呢！我黎食野唔係黎受氣(雖然冇食到，但都唔想再食)咁嘅服務態度真係搵鬼幫襯，有幾好食都絕對唔會再去！！

我第一次寫食評，因爲我忍唔住要寫呢間嘢有幾差！雖然啲麵係幾好食…但食完好口喝，唔知係咪好多味精但店員態度極差，講嘢無尾音。問多佢两句就嫌你麻煩，用啲極衰語氣去shut you up咁。鋪頭好細…座位勁逼。店員上菜係亂放，夠膽死因爲唔想執啲菜既位，而求其將我地個菜放係隔離枱，但隔離係有人食緊嘢同佢個名一樣，啲客食完係會好"慶", 個慶係勁嬲個隻。Recap in English:The noodle is quite good, but the customer service is very bad. The staff is keeping her resting rude face and doesn't want to answer any enquiries and quickly shut u up in rude mannerThere are many many choices among that area, we don't have to go a restaurant with bad services

係奧海城買咗飛睇戲,想幫襯自家小店所以就去咗大角咀慶麺啦！叫咗個小龍包，煎雞翼, 生煎包, 紅燒黑豚肉腩麵.紅燒黑豚肉麵係分開上嘅黑豚肉顏色好靚,肉質好冧呠呠呀, 😋😋😋係非常入味呀,😋😋😋不過多油咗少少! 小龍包好鬼多汁,D肉汁味道真係好清呀！上面旋風位置收口部分一D都唔厚, 皮又夠薄😋😋😋😋！炸雞翼非常之合我心意啊！係金黃色呀💯！外脆內軟😋😋😋😋！生煎包同小龍包餡一樣啦,雖然係煎, 但係一啲都唔油膩😋😋😋, 衛生感覺非常好💯, 因為可以見晒入面廚房嘅嘢, 如果可以自動加吓茶就更加好啦😌！小龍包炸雞翼生煎包紅燒黑豚肉一個人分量嘅麵自取九折

慶麵服務態度負分今日晚上大概6:00 去慶麵食晚餐﹐3個（2位已經到左門口﹐另一位黎緊）相中既女職員係有多張空枱既情況下拒絕我地入座﹐態度惡劣﹐我地多次表示另一位朋友已經黎緊。佢都依然堅持要齊人方可入座。結果﹐係我地進食期間﹐有一枱新客人黎﹐一行四個人﹐得三個人到左﹐佢地可以係入面等﹐而我地就要係咁熱既天氣係門口乾煎左接近十分鐘﹐等埋第三位朋友出現先成功入座。野食幾好食都冇用﹐因為佢地既服務態度﹐我唔會再黎食

如果可以給負評，該是負一百分!食物雖好，但侍應(也許她是老板吧！)的態度極度惡劣，令人吃盡她工作繁忙的怨氣，就算多美味的食物也變得難以下嚥! 光顧多次所見，無論對誰，客人稀少，她的態度始终如一的惡劣。每次遇上這侍應，那頓飯後會令人抑鬱一整晚，多次反問自己為何犯賤再去光顧，今天遇上終極惡待，終於下定决心永不再光顧，也因此寫下第一次的食評，目的是提醒自己不要再犯相同錯誤!

1. 天氣太熱，碗野唔熱，可能驚我地太熱..2. 經反映後，湯熱左，但豬軟骨加左小小，但好硬，麵條都好硬，唔講以為佢地想訓練我咀嚼既能力3. 有人入黎借廁所，趕客走，仲講人事非..不知所謂！4. 小籠包太薄皮，易穿底，師父手工值得一讚，咁薄既小籠包皮都係第一次食到比起想像中仲要差，好嬲！

約咗男友早咗十分鐘男友叫我入去坐住等，見店裡面只有三幾個客我就入去話兩位，有一個女店員個樣好惡好凶講野無尾音咁話未齊人唔可以入咁我都即刻出去等。男友嚟到入去後又指定要咗喺好逼係攝喺兩個人中間嘅位到，我望一望成個場都係吉嘅，何解一定要逼客咗到咁辛苦呢？之後唔理點野食啦好肚餓，叫咗小籠包，麻醬雞絲冷麵，口水醉雞卷同紅油抄手：小籠包同口水醉雞卷OK嘅，麻醬雞絲冷麵好普通無咩好講，紅油抄手啲皮可能浸得內好淋用匙羹鈸都爛晒我同男友都食咗一隻無再食。總結：太多好食評可能會有期望，所以食完係失望。店員持續不友善態度可能都有啲影響到我，希望佢地可以檢討吓，唔好搞到客人入嚟比錢食野好似入嚟乞咁！

好少去大角咀，咁啱嚟搵喺滙豐做嘢嘅friend，佢就帶左我去附近嘅慶麵。鋪頭細細間，入面都幾乾淨利落，有D電影海報掛場，老闆應該熱愛電影🎥。涼伴山楂糖漬青瓜甜甜D，好特別，整得好好，出走晒水，唔會濕淋淋，平時食得太個多普通拍青瓜，食吓唔同口味，甜得嚟好清爽！口水雞絲冷麵夠晒辣，但係多D花椒會仲正D，唔夠麻，雞同麵都，好有家庭式感覺。巴東牛助條撈麵個汁好正，落左好多香茅同香葉煮，牛肉好入味，肉質好，撈埋個麵，好好食，我鍾意呢個多D！小籠包好味，豬肉鮮甜多汁，佢個皮唔係太薄嗰種，厚實D，又係好有家庭式感覺。我地之後嗌嘅豆漿都幾好飲，甜度適中。如果我晌附近返工，都好會日嚟，我估佢午市都應該會幾多人！

曾幾何時與小朋友的少肉時代，甚麼豬油渣麵車仔麵已是當時的極品。來到今時今日，多肉少菜似乎是必然的事；但是要香要飽肚，蔥油麵配著任何東西都可以。有感於此，來到於一間叫慶麵的食肆，小人沒選其他的，就決定試試其基本步蔥油麵到底有幾正。麵條已被瀝乾，兼且是挺身的，簡潔的配合著蔥油已是人間極品；事關當啜著一條一條的爽麵，夾雜著一口口的蔥油，實在是一件令人神往的事情~~簡簡單單的蔥油麵一碗，已能盡見廚師的功力。

早兩個月同女朋友去大角咀信錯左OPENRICE search下附近有咩食之後就揀左呢間慶麵都係因為佢多like又見D人吹食評吹到幾好咩{無得輸 用心用力 製作真正的XXXX}中午前等左5分鐘入座間野裝潢係簡潔點左一個 紅燒黑豚慶麵一個 巴東牛肋撈麵兩個都係招牌原本想叫埋 小籠包 都覺得佢個價set太高 冇叫撈麵先上 但係嗅到有陣怪味又唔係鹼水味 又唔係香味 講唔出係咩味但一定係唔吸引人既味撈麵FING都好乾 個碗底係冇水巴東牛肋 好大陣香茅味 但係肉係"鞋"口既 已經唔值得食女朋友個 紅燒黑豚慶麵到左結果都係"鞋"口 甚至係咬唔開麵同湯唔係出色 冇咩特別好講只可以話係失敗最慘係唔可以浪費 女朋友唔肯食 要幫佢食埋間野埋單仲要加一TOTAL比百多D 唔係太貴只係唔值 可能你會話用料貴但係SOR 真係食唔出 唔值出左餐廳同女朋友一致反應係唔會再黎

follow開一位開飯食家， 寫過這家一篇食評， 頗為吸引而且價錢又不貴， 今天經過決定一試。不過店員態度非常冷漠，令人不愉快麻辣擔擔撈麵， 要了小辣， 味道層次豐富， 既麻又辣，更帶麻醬香， 惹味非常！ 一碗36蚊， 非常值得。這是醉雞卷， 另有麻辣口水雞卷，不過朋友不吃 辣，只好叫個不辣的。 非常冰凍 ， 吃不出什麼味， 也許是上個 層次口味豐富的擔擔面影響所致？！這個可說是雞肋，沒什麼味道，若換麻辣口味的話該會不錯吧？輪到這裏充滿好評的小籠包， 記得價錢約36元， 不貴。 皮不厚，亦不易破皮穿湯單單是這樣已可為它鼓掌！而且裡面鎖滿滿的湯汁，肉質鮮甜。本人最恨就是小籠包 皮穿肉爛，湯汁鎖不住，這裡做得很好，而且不貴，比外面餐廳賣到80-100蚊的還要出色！這家店cp值很高，就是缺少服務態度！若能提高這方面的素質， 必是完美。

上次去完慶麵覺得唔錯，今次又黎奧運站打波，當然要再過去慶麵試下其他野食啦～今次我會試上一次看見師父自己親手做的小籠包，同會試下麻醬雞絲冷麵喇。大熱天時其實食個冷麵真係爽～不過今日的麵條口感略為硬了點，而且麻醬味道可以再燶一點，有進步空間。小籠包送到面前一試～可以話⋯⋯配上醬汁真好好味，新鮮同熱騰騰，而且包內好多汁係入面添，其實大家如果坐卡枱位可以看到師父好有心机包小籠包的⋯⋯報告完畢。下次黎會再試其他款麵同小食先～

位於大角咀角祥街的四川菜，加上海菜麵店「慶麵」，是我在奧海城「吉X家」吃完下午茶後，鎖定了當晚的晚餐目標。角祥街位於大角咀區內位置，與「奧海城」仍有一段路程距離，要在「奧海城」第二期近「奧運站」出口，走到「奧海城」旁邊的「匯豐中心」。食客要再沿着樓梯，徒步走到樓下的「博文街」，再轉入「角祥街」，才找到「慶麵」，「慶麵」的選址未免有點隔涉。如果「慶麵」位置較接近旺角，或者「奧海城」的話，要找到「慶麵」應該不是很難的事，可惜「慶麵」的位置偏偏是港鐵不能直達的「大角咀」。在我的眼中，食店選擇在大角咀營業並非好事。我之前曾經提及過，有間大角咀「塘尾道」的食店叫「艾莉添」，我很想光顧試食他們的「手抓餅」。怎料「艾莉添」的「手抓餅」，我只吃過一次便告結業收場，後來我要去到粉嶺聯和墟的「臺X手抓餅」，才能試食到很多餡料的手抓餅。或許大角咀真的不是我熟悉的地方，至少我在尋找大角咀「角祥街」跟「慶麵」，曾經消耗我和手機不少的精力能源，才能確定「慶麵」的位置，幸好當時還是下午五點九，差不多才到六點鐘時間，否則我也很難，以下午茶餐價錢，吃這餐麻醬雞絲冷麵晚餐。大角咀「慶麵」真的名副其實是間，賣不同國家，不同

媒體所提到的隱世小店，多數都不是真正的小店。真正沒有什麼後台、沒有付什麼宣傳費的店，如見真章，只會透過食客的口碑而傳頌。這家以父親為名的上海點心粉麵店，是一個住大角咀的朋友提及過，不算少到大角咀覓食的我，多數去的都是埃華街一帶，而非商廈林立的這端。週日空然想念麻香而來，小店出品的精緻和細膩程度，不枉從鐵路站走十多分鐘的步程。能令媒體感覺具吸睛度的綽頭，這店不缺，這些美點甚至在一臂之遙的面前準備，即使是用上快餐的時間，都可以是賞心的樂事。週日中午客人不少，不過稍等一會便可入座。店面一眼便看透，約廿個座位，人太多因此不便拍個全照，即使拍到都只是人頭而已。不算寬敞但絕對整潔，開放式廚房對出的吧枱位都不見油煙瀰漫。恰巧當時有的都是吧枱座位，我們說沒所謂，就坐上了原來可看到師傅弄點心的位置。手執一張自行挑吃的紙，圈好後交給職員便可。食物種類不算多，但在基本的款式上會看到精心的食材搭配。上海菜和川式交替下，辣的菜式不多(以辣椒符號標示)。麵類有湯有撈有冷有熱、有肉有素的。甚少有麵店會提供好幾個口味的雞翼，但這裡的四款，比雲南特色的譚仔還要多。價位親民，但不至再傳統一點的食店低，單是看麵類平均約四十