品尚橫濱拉麵 (Changed Hand)

比較少來左敦; 在此食日本菜可以話係第一次咁滯.想食拉麵, 自然揀左呢度.店內有個日本客人及港客分別叫的拉麵的龍虎榜, 看到香港客的第一二的拉麵分別係橫濱醬油及豬骨, 唔洗諗, 就呢兩味喇!另仲叫個餃子, 及橫濱燒賣先! 因都幾特別.麵都好快上前面的係橫濱醬油.橫濱醬油不愧為招牌菜, 味濃, 但又算好咸, 义燒也是正宗日式的肥义, 入口即溶, 正.豬骨就比較遜色, 豬骨味少, 胡椒味卻重, 蓋過了豬味.麵餅兩個都出色.餃子很標準, 長條型, 不太多肉. 皮略韌.橫濱燒賣賣相一般, 味都係一般, 同茶樓點心一樣, 不過收你成25個大洋.服務很快手, 姐姐也好好笑容.香港客的第一二的拉麵分別係橫濱醬油及豬骨, 橫濱醬油也同時係日本客人最多叫的.不過豬骨湯底卻非日本客人榜的第二;下次都係跟日本龍虎榜穩陣

起初這家小店毫不吸引我, 心想香港那麼多拉麵店, 不好吃的比比皆是, 故此最初我路經此地並沒有打算進內光顧直至有一次, 我好奇看看店外剪報, 意想不到的是一個移居日本的香港人從日本回流開設的, 而且有不少日本人曾光顧, 所以我都要試一次. 反正價錢不過是$45-55, 以日式拉麵店來說相當的便宜. 不好吃的最多都是損失五十多元, 反正我也食過$60-70一碗都不盡人意的都有.那我第一次就點了最大路的豬骨湯麵, 看看他們煮得如何. 果然一上檯, 我聞到很香的豬骨湯味, 先試一下湯底, 嘩~! 真的很香濃, 絕不欺場. 拉麵亦相當彈牙, 又沒有鹼水味, 叉燒鬆軟又很有豬肉的鹹香, 水準很高的~! 這為我留下相當好的印象, 絕對有下次! 第二次我要試豬骨湯以外的湯拉麵, 同樣都充滿驚喜. 試了橫濱醬油拉麵, 再試多個小食---Pizza春卷, 兩款都同樣令我相當的滿意. 橫濱醬油拉麵是這裡的皇牌, 醬油湯底香濃得來又有鮮甜的味道, 比豬骨湯還更吸引. 豬骨湯底已經做得很好, 但醬油湯底亦做得更出色. Pizza春卷出色之處在於夠脆口, 油溫夠, 內裡餡料真的是芝士, 火腿等Pizza主要配

開這一題目並非想將香港現有的拉麵店分類或者怎樣去評審她們,老實講自己並沒有資格做這等事情, 只是想試行找尋出有否品質,服務,價錢也適中的拉麵店,這間拉麵店的前身是一間越南餐廳都做咗有一段時間,那時候食物質素都OK架,後來唔知係咪加租或者其他理由, 結束了換來一間日本拉麵店, 當天試了:味噌拉麵$48: 湯並不太咸且有味噌味道,义燒兩片, 肥瘦適中, 糖芯蛋未算太糖芯但也不實芯, 只有味噌湯麵才有粟米粒, 我的魚介湯拉麵$50則沒有了, 其他的面料都是一樣, 只是湯底不同吧了, 雖說是魚介湯但也是有落味噌的, 不過, 兩碗麵的湯是可以清晰分辨出來的, 另外叫咗一個韮菜炒豬潤$46, 炒的菜有韮菜/芽菜都很爽口, 而炒豬潤亦沒有炒至老身, 其實豬潤也切至有厚有簿, 但火喉同炒功控制得宜啩剛剛咬開沒有血水滲出那種, 配上較重口味的鼓油汁相當合襯,雖然以分量來說取價較高, 但不致離譜那種,還是可以接受的,由於當日時間上有點緊促,自己同太座以超高速(半小時)食完兩碗拉麵一個小炒,能感受到的只有以上寥寥数筆, 總括樣樣都恰如其分的拉麵店以後來佐敦又可以多一個選擇了,

豬骨湯拉麵，沒想像中好吃，麵質尚算彈牙，沒有討厭的鹼水味。湯底偏咸和較多油，豬骨味不算很濃。兩片叉燒較薄，是較肥那種，很腍和入味，口感不錯。半熟蛋水準普通。套餐連2隻煎餃子。

是晚，D建議去吃拉麵，於是去了品尚橫濱拉麵店，他點了橫濱醬油拉麵，也是他們店的招牌拉麵。有蛋、叉燒、紫菜，還有筍絲，材料好足量！而我點了XO醬叉燒炒飯。大大碟，齋看還不錯！細心的侍應拿了小碗給我們。這樣，我既可以吃炒飯，又可以吃到拉麵，同時間滿足兩種口福。拉麵濃香的湯的確很吸引，我把湯一滴不剩全喝光了。而炒飯反不如拉麵精彩，或許太多蔥花我不喜歡。八十八元埋單，抵食！

途經佐敦，我就想食野，與媽媽望下有無新野食先，行了一會就被我們發現品尚，未來過，就要試。入到內，我們以為未開門，因為見到侍應同廚師正在入睡中及看報紙中，問一問，真的營業中，餃子無驚喜，味道可以，食物款色不多，價錢不貴，無加一，平均50元一位，要了味噌拉麵和魚介醬油拉麵，除了湯底不同，其餘配料都一樣，叉燒、筍（平時吃拉麵好少會見到）、半熟蛋、紫菜、海苔、蔥花麵條，粗細適中，半肥瘦叉燒入口鬆軟，味噌拉麵的湯頭濃郁豐富，魚介醬油拉麵的湯頭清清甜甜，半熟蛋幾吸引，埋單100元，值得再去。

平時好少係佐敦食野，係有friend話呢間ok先黎試下。同老婆兩個人叫左兩碗拉麵，再加d 小食。老婆揀左中華叉燒蔥絲拉麵，拉麵夠彈牙，味道有少少辣，食落去既味道同係日本食既拉麵好似。自己就揀左味噌拉麵，味道一樣唔錯。小食就叫左餃子，春卷同橫濱燒賣飲茶成日食燒賣，日本燒賣真係第一次食。層皮唔係綠色既。野食既價錢同味千差唔多，不過就好食過味千多多聲。其實自從去過日本食過正宗既日本拉麵，之後都好少去味千食。下次行開呢頭既話會再食過。

其實佢第一日開張我已經幫襯喇~因為我係住佐敦既,所以食到已經麻目哂,同男朋友仔行行行,都唔知食咩好,點知經過呢間鋪頭既時候,有三個女仔不停咁好熱情咁叫我地入去試,我諗諗吓,其他食市都食過哂,佢又咁熱情,所以就入去試吓!初頭都冇咩期望,點知我叫左一碗豬骨拉麵,第一口食落去已經覺有水準! 湯底真係唔錯,再叫一個春卷,超好味^^ 拉麵亦都彈牙通透^^ 點知當我第二次去既時候,竟然個服務生走埋嚟同我講,好多謝你再次幫襯,我當堂呆左! 真係覺得好warm好開心~我咁大個女真係第一次聽到,我都想借呢度同個服務生講返聲"多謝你記得我" 大家可以一試

昨日星期六，我特意走到佐敦廟街搵呢間 < 品尚橫濱拉麵 >。原來沿佐敦道，見到一間時裝店 MAPLE，轉入廟街就見到！左搵右搵，終於搵到！ 當時已經超過 2:00 ，所以當作下午茶！ < 品尚橫濱拉麵 > 是以家庭式經營，老闆負責睇舖，老闆娘負責樓面及收銀，仔仔負責廚房，一家三口合作無間！另聘請 3 位師傅。店子主打拉麵，提供 8 種口味， 拉麵款式貴精不貴多！由 $45 ~ $50，價錢尚算合理！ 此外，有和風飯餐、小食....等。小小店子以深啡色及黑色為主，簡約裝修，配合米白色葉子暗紋牆身，突出風格！並掛上好幾幅購自日本的畫，不失東瀛味道！ 大約 8 張枱，共有 32 坐位，坐得總算舒服！尚未決定食邊款拉麵，老闆娘先遞上一杯既熱辣辣又清清地嘅日本茶，可清一清喉嚨之餘，又可解渴！真係來得正好！ 拉麵8 種口味：中華叉燒蔥絲青瓜拉麵、血之池地獄拉麵、橫濱醬油拉麵、味噌拉麵........等，有辣有唔辣，視乎個人口味！大部分拉麵均有配料：叉燒、筍、雞蛋、紫菜、海苔、蔥花；有些口味另配上：木耳、粟米、芽菜。味噌拉麵 $46 配料：叉燒、筍、雞蛋、紫菜、海苔

平日開工去到邊食到邊 一向午餐多數茶餐廳食快餐嗰日去開佐敦做野行過廟街個日本人客話想食午餐 咁咪週圍搵吓有無日本菜行行吓搵到此店食拉麵 起初無甚期望 Order 兩碗拉麵及炸雞麵到後外觀像樣 吃落味道也幾地道 日本客人也說不錯再吃炸雞 味道也好 埋單價錢也OK 總之交足貨

早幾日同同事喺佐敦見客後, 周圍搵嘢食之際,被呢間拉麵店的招牌吸引。大家抱住試吓嘅心態入去食。MENU嘅食品種類唔算多, 我哋叫咗一碗中華叉燒拉麵、魚介醬油拉麵、餃子及橫濱燒賣。原本想食醬油拉麵, 因本人喜歡食醬油, 但魚介醬油比較少見, 聽我呢個日本人同事講,魚介湯味拉麵係喺日本新興起。加上店員又極力推介就試試。拉麵嘅湯除了醬油味之外亦有魚香味, 麵質亦是我嘅喜好, 估唔到幾啱我嘅口味。叉燒鬆軟味偏淡, 蔥花可以再多D就好了。我問同事點解叫中華叉燒蔥絲拉麵?佢話喺日本嘅拉麵店都幾常見, 喺香港就比較少有。至於味道我沒有試, 佢就話味道不錯, 有少少辣, 配上醬油湯麵都幾夾味。餃子賣相一般, 但有口感有嚼頭, 菜肉分明, 非菜肉打蓉嗰類型。橫濱燒賣賣相與廣東燒賣有別,以豬肉為主帶有洋蔥味,都幾特別。總括嚟講喺沒有期望下有D驚喜。或者呢D就係小店嘅吸引之處。沒有華麗的裝修, 單憑味道留住客人, 希望呢類型嘅小店能保持水準。下次會試試其他食品, 尤其PIZZA春卷, 因隔離枱嘅食客點完又再點。每個人的口味不同,能夠食到自己感到滿意的味道已經很不錯。