拾う月

Open Now

Now Closed

約咗朋友去新蒲崗嗰邊lunch，想搵比較貼地平民版嘅居酒屋食返個刺身定食午餐🍱🍣🥗就在比較舊式嘅新蒲崗廣場發現這間居酒屋，主打日式，泰式美食，定價合理。❇️一客四色刺身定食（三文魚,油甘魚,赤身,帆立貝)才$118～+$8 仲可以轉套餐包括前菜，沙律，味噌湯或汽水。估唔到呢個地段，格局，刺身也極為新鮮。帆立貝肉質好爽甜，三文魚夠肥美亦帶甜。油甘魚也有驚喜，肉質柔軟，入口甘甜；吞拿魚赤身也不錯，味道清新同樣帶甜而冇雪味。❇️胡麻將沙律，味道討好，醬汁唔會太酸又唔會太鹹，是我喜歡的沙律口味😍🥗北海丼❇️松葉蟹🦀肉，吞拿魚茸，三文魚籽$133朋友極欣賞這個北海丼，米飯和刺身比例均勻。本身可能加咗少許特別調製嘅醬油，令吞拿魚蓉特別鮮味!基本上有松葉蟹肉已經無敵😻，仲要加上脆卜卜嘅三文魚籽，完全心動嘅美食😍！！❇️名古屋風炸雞翼 2件 (套餐+$25)叫即做熱辣辣炸雞翼，一啲都唔油膩，雞皮乾身冇乜皮下脂肪，肉質仲相當Juicy ，灑上的味份香氣撲鼻😻，越吃越滋味！😋日式定食質素甚佳，下次會試試佢嘅泰式美食~😍😋

今日午餐去到新蒲崗搵食，上網搵吓，有日本嘢食， 就去咗新蒲崗廣場試吓。呢度12點先開門，我早咗少少到，職員都比我入座，邊坐邊等開市，值得一讚。-北海丼👍🏻，睇餐牌見到有松葉蟹肉，吞拿魚蓉，三文魚籽，點知個飯一到，竟然仲有海膽。我以為職員俾錯，一問之下，原來廚師每日都會比唔同嘅刺身驚喜，抵讚。芥辣唔係牙膏貨，而係即磨嗰隻，每樣刺身都好新鮮，海膽份量好多，推介。-名古屋風炸雞翼👍🏻，雞翼炸得啱啱好，唔會話太乾， Juicy. ******************************👍🏻好食 | 👌🏻可以 | 😔 難食評分 : 9/10簡評 : 性價比極高，支持小店

店外已經見到有個好大嘅魚缸，一入門口抬頭就有以傘🌂做成裝飾😍 左邊仲有一棵櫻花🌸樹。原來餐廳除提供日本菜之外，亦有泰國菜🤩燒一口芝士配草莓醬 第一次真係好鍾意，芝士烤過後，入面半溶更軟滑，味道更濃郁，配上自家製草莓🍓醬，香甜美味😋蕃茄蜜糖漬 蕃茄每粒漲卜卜，色澤鮮艷，入口爽甜帶微酸，好開胃三文魚子茶漬飯 呢度有多款茶漬飯揀😍， 三文魚大大粒，爽脆鹹香，茶漬飯味香又濃，唔會太重，入面仲有蛋絲、紫菜、香蔥、芝麻做配料。帆立貝、牡丹蝦、赤身刺身 刺身三款有9折！帆立貝牡丹蝦爽甜鮮味；赤身，即係吞拿魚，肉質軟腍，魚味幾濃。鯛魚燒 綿花糖銅鑼燒 最可愛💕嘅甜品🥰 魚型🐠鯛魚燒外面烤過特別香脆，蛋糕鬆軟，綿密奶黃餡香滑又香甜；銅鑼燒入面除咗紅豆🫘仲加咗略帶黏貼嘅綿花糖，口感更有層次

估唔到係舊式的商場內有間日泰餐廳！餐廳有日泰菜式提供,無晚市之下,午市餐牌以定食套餐唯主,今日試咗個刺身定食$118, 加$8跟麵豉湯同沙律！食材新鮮,讚一個係魚生用冰粒盛托住,魚生為厚切,如果以埋單$128 來說,同區亦有好多選擇！同行人叫咗個牛飯,一上枱已經聞到好香嘅牛肉味,同行人亦大讚味道濃郁！服務員有禮👍🏻因同區太多太多食店了,如果試哂後先會再光顧🤣

其實第二次黎，上次坐泰國個邊（好運），今次就試坐日本個邊，食個刺身定食😋。樣子十分不錯，魚生都新鮮的，解凍得岩岩好，不過個飯係熱飯😅有啲唔係好夾。蕃若係蜜糖漬，十分不錯！個麵豉湯就同上次一樣，偏鹹，最致命嘅係…..唔熱，呢個位真係扣分。個定食$118，湯同沙律另加$8，所以剩係計個定食呢就有點單薄，加埋就豐富啲，不過可惜個湯係敗筆。整體來說，性價比唔算好高，可一試，但不必encore，可能poke會好啲，有啲dressing 無咁寡；同場嘅泰菜似乎更值得食，如冬陰公湯。

當日同同事食飯，因為疫情又吾想中午多人嘅時候係店食飯就點了外賣番公司食🤤牛肉丼（$價錢忘了🤫）並沒有因為外賣而減少分量牛肉擺滿外賣盒🤤肉質小小乾但不影響肉汁鮮甜開胃🤙🏽——————拾う月 (新蒲崗)新蒲崗崇齡街33號新蒲崗廣場2樓C39號舖

✨忌廉柚子醬松葉蟹八爪魚Poke松葉蟹肉同八爪魚都好足料，份量好足！但略嫌忌廉柚子醬酸左少少！✨味噌呑拿魚牛油果Poke相比之下，味噌就無咁濃味，唔會搶左呑拿魚同牛油果嘅鮮甜同清新，份量同樣好足！✨雞皮餃子上枱熱辣辣新鮮炸起，外脆內有肉汁，點埋七味粉沙律醬，好味！整體黎講，呢間小店性價比高，值得一試！

澳洲和牛燒肉丼新蒲崗最近多咗好多食牛丼嘅地方，不過呢間唔係專食牛丼，反而是提供日泰式食物。第一次食，覺得幾好味。牛肉嫩滑程度有啲似中拖羅，牛肉味濃，加埋隻蛋就100分啦。

本來睇過食評，都有個疑問，個個都話隱世，係咪真係隱世？跟住地址行，去到一個噏耷嘅新蒲崗廣場，入到去以為返咗80年代，上兩層，死角位先見到間野。間野係日式加泰式，坐低咗其實兩邊都可以嗌，午餐價錢都好合理，$50-60都有選擇。午市坐多陣就多人，唔知點解咁嘅位置都可以坐滿人。好啦講完廢話，查實間野啲嘢食都係正正路路，直接睇相：燒和牛

自家製·免治雞肉串 $38之前係ig見到已經覺得好吸引🤤 一黎到就聞到好香既雞肉味 仲有生蛋黃加豉油一齊上 雞肉串食落啲肉質都好淋 唔會太乾 點埋蛋黃豉油就有少少甜味 兩者食落都幾夾 整體黎講算幾得意 但又冇話唔試唔得🤣評分: 7.5/10🌟 燒肉丼 澳洲和牛使用 $118上網見到個賣相超吸引 價錢又抵食 就叫咗黎試 雖然今次啲牛肉有擺得咁靚 但食落都好香口 肉質唔會太鞋 而且加埋飯同燒牛肉汁一齊食更加突出個牛味 加埋蛋汁食仲豐富 整體黎講以呢個價錢都算係唔錯🥰評分: 9/10🌟 明太子醬炙燒三文魚丼 $88呢碗飯賣相都幾吸引 黎到又香氣十足✨ 食到啲三文魚燒得好均勻 唔會好生 而且食落好軟淋 加上明太子醬同三文魚好match 可以輕鬆食哂啲飯🤩評分: 9/10🌟———————————————————————拾う月 (新蒲崗)新蒲崗崇齡街33號新蒲崗廣場2樓C39號舖

同朋友黎晚飯🥣即日book到位知道佢兩間連住可以食泰菜同日本菜坐位都okay，不過張檯未抹好，痴笠笠有啲汁，等朋友到朋友到左一分鐘未夠就問要咩咁話再睇多陣啦，因為怕食唔哂想分開兩次叫但想知佢地幾時last order就叫一個侍應黎問佢幾時order ,佢話要問第二個人到第二個人就話我地收10:00我問姐係幾時last order佢話總之我地收10:00⋯⋯答非所問咁，其實我以前都做飲食我餐廳收11:00可能會10:30last order咁樣我覺得你直接同我講幾時last order我會好配合囉😥😓咁之後都係直接叫算啦見佢有兩邊唔同食物就兩邊叫啲叫一個泰式小食拼盤失望在佢個餐牌有圖片係有四隻雞翼，我地諗住可以食到每人兩隻，但到左得3隻，我地廢時為左隻雞翼去講，諗住支持下啲小店，但如果我係四個人食，四個人以為一人有一隻雞翼點知得三隻都幾無奈，小食拼盤都尚算可以，不過個皮蛋嘅炸皮好厚之餘仲會成個分離同埋都唔係好夾陣味....見到個蒜香炒軟殼蟹一心諗係避風塘之類，味道卻異常地甜，啲蒜多到見唔到蟹咁制但居然唔重蒜味反而好甜啲蟹口味唔錯但完全味道唔太合理最後叫左幾串串燒串燒算係冇死就係正常串燒要

入到去發現，唔單止有日式料理，仲有泰式食物；所以決定嚟個泰日混合。不過食物可以有更大進步空間沙律係一般標準水準，正正常常咁至於牛肉丼其實食落堅有少少似”吉X家”嘅牛肉飯，只係拾月嘅牛味重啲啲本身我哋最期待嘅皮蛋，不過佢上枱賣相差啲，而且蛋皮分離，有啲失望，味道都係標準水準，正正常常咁。聞落係香嘅，不過汁稍為稀咗啲，而且肉得好少。

一心諗住食日本嘢，一坐低店員比咗本泰國菜menu我，以為行錯舖頭原來佢有一本日本菜menu 同一本泰國菜menu,我哋兩樣都有嗌，諗住試下～食物都唔錯喎！可以滿足晒食日本嘢同泰國嘢嘅慾望又幾好～ 唯獨咖哩但有啲”希”，但味道都ok, 送薄餅一流

新蒲崗廣場二樓，在商場的透明電梯一出便到。同一間餐廳可以點泰菜，又可選日式刺身，超多選擇。如果你同時點刺身及泰菜，店員會安排先上刺身，再上熱食，做得好有要求。三色刺身 | 油甘魚 $48、帆立貝、八爪魚 $68刺身選三款有折扣，油甘魚厚切幾肥美，八爪魚有嚼口但不韌，帆立貝新鮮。泰式拼盤 | $146有蝦餅、豬頸肉、雞翼、皮蛋，醬汁都有三款，幾抵食，蝦餅彈牙。鯛魚燒 | $28鯛魚燒造型可愛，暖暖的，內有吉士醬，甜味適中。

新浦崗少有高質日本丼，串燒今日試左一灸燒三文魚丼，好好味我阿媽試左魚生角切丼 ，賣相生鮮牛舌串燒👍👍日本串燒用料靚門口配上大魚缸，吸引了好多客人眼光，的確係靚，而整體店入裝修十分有心思，泰國同日本風裝修，顯得兩國風味特出