香港達人 (新翠商場) (Closed)

有幾間分店的香港達人原來是椰林閣屬下的餐廳，今日到大圍分店吃午餐。我的$50牛柳飯沒有拍照，因為起初沒有打算寫食評，但後上的吉列雞扒芝士撈丁，令我改變主意。又先講吓我份燒汁牛柳飯，成碟飯尚算中規中矩，但個餐包就........記得上次吃；冷冷的，這次有改進，暖暖的，不過不像麵包的質感，像棉花糖，其實我建議餐廳不如免給如此低質量的餐包，或餐價加多幾元給顧客好一些質素餐包，否則主餐做得好，個餐包都首先令人客倒胃口。呢杯是餐飲熱杏仁霜。$48吉列雞扒芝士撈丁，我試過少少吉列雞扒和湯都頗不錯，記得三年前在旺角吃過一餐是無餸芝士撈丁，賣$60仲要加一小費，我當時真係O哂咀啦，那麼自然冇下次啦！呢度冇加一小費，做街坊生意。

今日放假同朋友走咗嚟呢度食個早餐。刀叉上有明顯污漬簡直邋遢到無人有，條腸仔質地怪怪嘅食落去有啲似硬膠，最火滾係杯檸茶上面鋪咗層好厚嘅油！牛扒同炸魚柳嘅味道都只係非常普通，兩個餐加埋成七十七蚊同區中算係貴，隆亨顯徑大圍美田大把地方好味過佢，第一次幫襯就比啲咁差嘅印象比食家，睇嚟之後想有回頭客肯定係難過登天！

第二次去啦，今次係22/2, 1:35pm 一個人去到，見有大量吉枱，打算坐卡位或沙發位。門口的圓潤姐攔住我，大大聲話，"一個人呀,圓台或者搭枱啦！" 我問，唔坐得卡位嗎？佢話一個人唔坐得。咁我坐圓枱囉…坐低左，點餐，同時再問多一次係咪唔轉得枱。佢再一次話一個大唔坐得，就算坐都係搭枱。我問，咁多枱都唔坐得? 佢一聲唔出，就走左去…點左個$51午餐，如圖。湯ok, 比正常茶餐廳辣。包，凍嘅，配上無牛油味的人造牛油。茶走係所有食物當中最好的，但練奶稍多。個焗飯……個汁無味，豬排好少，雖然係炒飯底，但都無味………以為上面的芝士會正常啲，點知又係令人汗顏的質感……一間茶餐廳服務差都算啦，預左，但食物質素同價錢的性價比奇低。後來見到同枱的中學生，每人只係$36/餐，就終於明白點解呢間野日日都咁多學生客了 。又唔好食，服務又差，單人食客無權選擇座位 (而其他2人或以上又可選擇) 的食店，有咩理由去令我再去?Bye Bye

下午茶叫個20號的吞拿魚焗意粉，睇圖片都幾靚丫，等到同檯既人食飽都唔黎時，就想吹吹佢，舉哂手同啲侍應有埋眼神接觸，竟然！可以扮睇唔到...舉到我手都攰時意粉終於都黎喇！第一眼望見碟意粉，圖片與事實完全不符囉！$4x比啲咁既野人食！有冇離譜左啲呀？！行過少少食個麥當當都冇咁嬲！同檯有人食個豬軟骨米粉，碗野得2舊半麻雀size既豬軟骨！咁又收人$4x，真係好賺！

話說同同事食個午飯，見隔離枱個炸豬扒沙律好大碟又幾靚。甘我3個同事都一齊叫啦。點個黎到同隔離枱個份差一半，豬扒又少一件。沙律又少d,問個阿姐。佢話廚房話事。我問佢3個人點同一樣野少d架。佢唔答就走左，勁無禮貌。同商品說明條例不符。差到爆

幫襯過幾次，食物味道差，啲粉麵碎濕濕，油淋淋，態度差，價錢貴，成日嚟錯嘢，錯完可以再錯，又唔道歉，試過食個早餐要食成個鐘，因為錯完再錯，等完再等，催完再催，杯熱飲最後都冇嚟，最後發火走人，發誓以後唔幫襯。

較早前食過佢晚市，已感痛心，又有集團帶劣質食物入屋村。今次中午鬼推之下又入左黎食，叫左吉列豬扒芝士撈麵 凍奶茶，大感失望。職員態度可其差，經常4,5個圍住吹水冇理客。吉列豬厚粉超硬身，肉質還算好，但肉的顏色係嫩粉紅色，真係咁嫩？芝士撈麵 比例嚴重錯配，芝士多到變湯低，加上麵質好林，食落感覺係一Pat pat。凍奶茶 又一劣到飲水仲好，奶味零，茶香零，仲帶有苦澀，極似隔夜茶。香港達人個名，達人兩字一點都談不上，更加上香港兩字，絕對有損香港美食之都的稱譽!凸-.-

超難食，家庭師奶都炒得好過佢個廚師，多味精，d粉炒到白“哂哂”，個咖哩牛腩超咸，干燒伊麵完全係失敗之作，喺邊度可以請到呢d咁難得嘅廚師。咁都開得店，有無攪錯，重要女店員大聲講粗口，完全中伏。絕對無下次。

服務生得寸咀，部分飲品要加八蚊唔寫出黎，只係話部機有寫，仲話無問，講真部落單機得啲侍應用，啲客用唔到，邊啲加三蚊邊啲加八蚊，分明屈錢。仲要無問題，無得投訴。仲有食碟鱿魚炒麵有石仔送。

又係領展嘅傑作😠剷走晒啲小本經營良心茶記快餐店，換嚟呢間同連鎖快餐店都不如的食品質素！烤雞扒·滑蛋·法蘭克福腸配焗豆忌廉薯蓉，熱檸水法蘭克福腸，原來係咁嘅樣原來我由細食到大嘅大條腸唔係叫法蘭克福腸⋯⋯我錯！薯蓉，乾⋯⋯冇忌廉味⋯⋯焗豆，簡直數得出有幾多位豆⋯⋯蛋，見到都知唔滑⋯⋯雞扒，超級雪藏貨是肯定的！但洗唔洗咁堅硬冇雞味呀⋯⋯熱檸水，兩片檸檬，連杯都細過出面傳統茶記⋯⋯果然係領展引入嘅質素除咗裝修坐得舒服啲之外一無可取！冷氣又係吹到人都癲⋯⋯

無左奇樂，轉左呢間香港達人。間唔時經過會見到有人排隊，呢日見少人啲就來試下。食呢啲都唔會期望係好食，但求不過不失又一餐。叫左馬來咖喱飯，幾香，少少辣，但感覺同大咩樂果啲差唔多味道。雜腸焗肉醬意粉，比想像中還好，都好大碟，味道不錯。羅宋湯好水而且太咸。

以係新翠嚟計嘅收費係中上價錢，以食物質素嚟計係仲差過大排檔，又無服務，叫完個扒餐十分鐘就到左叫就叫左五成熟但係嚟到以經唔係鐵板已經火都嚟啦，仲要係無比餐湯同餐包我，我問侍應佢竟然話我係咪落單時無叫，仲要塊牛扒竟然係八成熟以上

見新翠剛開了香港達人, 名字很巴閉咁, 而且剛開業時非常多人食, 今日本想去稻香的, 但少有地見佢唔駛排隊, 所以去試試啦！睇完menu見大馬煲好似好少見咁, 問問伙記, 居然唔知有咩料同咩味, 只係話好似係有蝦醬咁答!咁唔緊要, 一於試下啦叫左大馬煲, 魚腩煲同西檸雞, 全都要加$10才有湯及飯, 但不可以改湯做熱飲!差! 等左25分鐘, 終於出餸了, 唔多人都要等咁耐, 茶記咁慢板真係好少見, 仲慢過稻香好多! 諗住慢工出細貨, 應該會好食卦, 點知....二個煲一樣味, 都係超咸! 大馬煲就無蝦醬味, 火腩好硬!魚腩煲就少魚腩又多骨又腥!到個碟西檸雞啦, 無檸味, 炸粉又厚, 雞唔滑而且份量少! 請我都唔會再幫襯!

諗住入去試下啲集團式野應該無死，點之相當中伏，相片真係只可以用黎參考，兩人叫左個葡汁雞焗意粉，鐵板什扒餐，到菜時見到鐵板無鐵板，焗野分開意粉同汁上，第一啖食舊雞係骨黎的，好似係用粉炸過黎，完全唔要邊到先係肉，個扒毫無特別，平時唔叫野飲既我，食到一半超級口渴，已經知道味精野甚“燶”，到後尾才發覺佢欠我地一個餐包，到左之後凍冰冰是硬的，所以決定唔會就幫襯。另外，進餐程中坐隔離既話食物中有鐵線。

位於沙田新翠商場新開張的“香港達人”茶飧廳,多次經過都坐無虚席,特意去一試。當日点了較新配搭茶飧“海南雞湯米粉”。上枱賣相好差,盛載器皿好特别,但细咗d,湯面放咗件半雞胸肉,加件雞中翼。毫無刀章可言。雞肉非常韌,湯淡而無味,連汁醬都没有跟配，枱櫃食具空空如也,奶茶够熱但澀口，好失望。