香港達人 (新翠商場) (Closed)

第一次早上去香港達人吃早餐，中伏😣叫了早餐c2煎蛋牛仔加5元牛油厚多士，牛肉勁難食好梅個汁濃（早餐來說汁味道太濃不令人開胃，煎蛋是已經煎定的乾淨淨，內有一嚿薯蓉有驚喜（最可以入口的了），加錢5元的牛油厚多士，更是騙人到極點，用隔夜麵包又乾又硬，一上全餐見到已經冇胃囗

叫咗海南雞米粉，一杯熱奶茶，一試之下，火都嚟！完全違反左「商品說明條例」，白切雞就白切雞，講咩係海南雞。不只賣相差，海南雞真係好難食，無味，啲肉勁老，仲要雞皮有勁厚既脂肪，1/3 雞皮 2/3 雞肉，好唔容易先吞咗一舊落肚最後食咗啲米粉算，一如所料，個湯只係用滾水整，完全冇味，第一次食甘難食既切雞米，呢一餐係我今年食過最難食既下午茶最後想飲杯野飲安慰下自己，點知又中伏，奶茶好淡，無茶味冇奶味，而我不知道這是一杯奶茶。總括今日既食評：非常差，我日後一定唔會再幫襯！！

剛剛在香港達人食咗個豬軟骨公仔麵套餐，＄43有多個奶油豬加杯凍飲。當然叫得豬軟骨公仔麵，麵底唔會有太大驚喜，再好食都也只是公仔麵。不過都要講返煮呢個面嘅時間幾好，保持住爽口不太腍。依個湯底都係普通嘅味精湯。講到好唔好食，其實最主要睇返個豬軟骨的質素；質素大概可以從味度，入味程度，選材去睇。我雖然唔太識煮嘢食,但平時都好鍾意食豬軟骨。先表明我自己比較鍾意食甜，所以我覺得個味道調校得唔錯，但沒有太多醬汁或被湯沖走了，有點可惜。我還是喜歡滿滿的醬汁包著每一塊豬軟骨。但我覺得這碗豬軟骨整得唔夠腍滑， 還欠一點點火喉. 整個豬軟骨嘅敗筆，其實在於硬骨多個軟骨。或許這是選材嘅問題。而奶油豬還是不錯的，要脆嘅地方脆，要軟嘅地方軟，溫度夠, 奶油和牛油比例適中。我叫嘅係凍檸茶少甜,但似乎沒有減太多甜。

# 欣賞侍應暫停清理隔黎枱之碗碟，招呼我地，幫我地落單，但見到佢隻手指沾有餸汁，有少少反胃（隻眼開隻眼閉，繼續落單）# 已下單（黑椒汁乜乜飯），忘記話黑椒汁分開上，因小朋友食唔到辣。提一提侍應︰黑椒汁係分開上。但事後我見到人地食都係冇分開上，但我信個位侍應，冇再追問。# 食物到枱，汁冇分開到，想提出換過碟，侍應已一支箭走開。諗諗下，唔想浪費食物，所以大人食啦，小朋友食白飯+少少冇沾汁既腸（食齋咩！）# 我見到幫我落單既侍應行過，我同佢講返件事。佢只黑面同我講sorry。都欣賞佢有講sorry，但請不要對客人黑面！我地黎食野，只想開心地食！你冇幫我認真跟進係咪黑椒汁分開上已冇服務可言，仲黑面！！！# 到俾錢時，都到忍唔住同收銀再講多次，佢回應︰「但而家冇得cut單！」我都冇話要cut單，我有食，一定會比錢。但只想比少少意見你地，做野可唔可以認真D，小朋友食唔到！野食唔係好食、又唔平、又冇服務質素，大家自己衡量值唔值得再去啦！

午市套餐附的餐湯跟餐包提醒三次都沒送來。其實其他人的都有送啊，但是我的提醒了三次都沒送是怎麼回事？！太忙忘了可以理解，可是三次耶！後來不想等了就埋單走人，有在櫃檯提醒一次，說願意補給我，但誰知道要等多久啊！畢竟之前講了三次都沒來。還有餐具不是很乾淨。

還境都算係舒適，眼見有一半是卡位，燈光充足.陽光也能照到室內，所以最愛來這裡下午茶，喝著奶茶看看書，也是不錯的選擇.上菜的速度很快，可以一讚.我叫左個蒜蓉牛仔柳意粉。牛柳size 同厚度都算合理，而且都煮得幾林，雖然牛味一般，但呢個價錢冇投訴啦。而個汁呢香又唔鹹，至少食完唔會頸渴。不過有一點可以進步的，那就是配菜太少，其實加多一兩條蘿蔔或雜豆都不會增加太多成本，但的確可增加整體的清新度。奶茶也不過不失，茶味足既，但入口始終唔夠滑身。不都係果句，呢個價錢，冇口手投訴吧.

這店的飯已不是第一次飯焦，食5次中3次，不是少少飯焦！如果唔係附近無嘢揀，都唔會去。侍應態度差，我見到自己order嗰碟嘢放咗係出菜位超過5分鐘以上，都無人理，個個係度傾計，連收碗經過出菜位都無望一下有無菜出😣收完碗碟，立即又傾計。水吧嘅人見到D嘢食放晒係度，都唔叫樓面出菜，各自為政！最後，係我自己叫個侍應幫我睇睇，先有嘢食😥

之前食過一次下午茶覺得麻麻地, 早輪又食多次呢間餐廳不過當然就食其他野啦~ 因為唔太餓所以淨係食個奶油豬就可以喇, 於是揀左個香脆奶油豬仔包下午茶餐 $20 包埋杯熱奶茶~ 奶油豬有一整個切開兩邊~ 食落都仲好鬆脆~ 溫度暖暖地, 味道都唔錯丫~ 上面搽既牛油同奶都足夠, 入口唔會覺得乾硬~ 奶茶黎講呢間就普普通通啦, 勝在入口冇乜苦澀~ 不過呢個餐包埋熱飲$20都算抵食啦~ 下次都可以再試多次!

之前有個晏晝去左呢邊搵朋友, 就順便試左呢間既下午茶餐~ 呢度裝修都唔錯架, 又係幾光鮮咁, 靚過一般茶記丫~ 我揀左款蒜蓉汁牛仔柳配意粉 $41, 見佢寫牛仔柳以為咁正, 點知黎到發現其實咪即係薄牛扒....牛扒味道正正常常啦, 質地都唔un既~但好心唔好叫自己做牛仔柳啦... 反而最驚喜係配既意粉原來係用茄汁炒過既~ 原本以為淨係白烚意粉架咋~但點知...一食落口就發覺d意粉超鹹啊要一路食一路飲水.....究竟佢係咪落左幾次鹽啊....食物認真麻麻丫!

新開張嘅時候頭幾個月去過幾次， 每一次都一定會有問題出現。 一係就飲品極耐都唔上， 一係就嘢食錯或者上得勁慢。試過 飲過一杯超級苦嘅檸檬茶，根本個檸檬就係壞嘅， 試過食肉醬意粉諗住好穩陣， 點知食落完全係唔知乜嘢味，而且啲肉醬係深啡黑色嘅，好恐怖，食剩咗大半碟。 最近諗住畀多次機會佢去試下， 叫咗三個下午茶， 等咗半個鐘都一個都未上， 叫個staff跟跟佢話焗嘅係要等耐啲， 但其實三個餐得一個係要焗的… 之後食咗兩個餐第三個都未來最後取消咗埋單走人…食物唔得，服務一樣差到死… 個個阿姐都蠢落單又落錯又冇禮貌，後生嘅都唔見得好，試過佢哋整跌咗張單落地，佢就咁執番，一野定返落我張枱度 ，一句sorry又冇，張單差啲掉落我碟飯到， 望都冇望一眼就咁擰轉頭走咗， 完全唔知乜嘢態度呢間咁嘅嘢望佢快啲執笠， 打死都唔會再幫襯

下午茶餐點了咖喱牛腩飯、熱華田，等不用五分鐘就上碟，心想咁快？牛腩咬落凍既，白飯都係凍既難怪快得咁緊要，換過後飯是暖些少，但當中兩件牛腩變了牛根，還有兩件牛腩都係凍既...事後唯有跟經理反映一下，順帶一提杯熱華田水咁淡同唔知點解會有咖啡味囉！！食個咁普通既下午茶都可以咁馬虎真係理解唔到🙁其實食呢間有幾次都係有問題，唔係無選擇都唔洗迫住幫襯，但唔會再有下次了。

坐低諗住食個特級肉眼扒餐，見佢價錢唔算貴，都係$148，滿懷希望諗住唔會太差，比我估計同想像中更加差。首先湯都未飲就畀個特級肉眼扒你食先，我覺得好奇怪，追問個侍應先至有羅宋湯同餐包食！但係個羅宋湯誒真係非常之鹹，諗住噉都算喇，諗住試下個特級肉眼扒明明落單要五成熟，點知嚟到差不多全熟，我已經點餐前係要碟上，再同個侍應講，點知個侍應話無得換，真係成肚火，再知後點餐要蒜蓉汁，點知畀個燒汁當蒜蓉汁，明明係燒汁，個侍應死都話係蒜汁！呢間餐廳唔會再嚟，垃圾餐廳。😡😡😡

食物還可以啦。只係因為附近冇咩好食，迫住要食。如果你唔係有好多時間等佢漏單同比錯食物嘅話，絕對絶對係唔建議食呢間。啲職員態度又差。追佢又話係要等咁耐架啦。但明明其他人坐低遲過我，嗌嘅食物又一樣，每次都係好嬲收場架。我見其他客都係咁架。等半個鐘已經係必定的。不過十次都有一兩次係唔洗點等嘅，睇你好唔好彩。但差唔多次次去親，唔係漏你單，就係漏其他客嘅單。最後一肚氣咁走。好討厭。都唔知點解仲可以生存到而家。

上網睇左餐牌至黎，點知其實已經嫁咗價⋯（畢竟係2016嘅餐牌，算啦⋯）但係火腿通粉要加成$6，而且通粉又唔俾人轉米粉，條氣有啲唔順囉，不過都算啦⋯上菜速度都算快，大概3-4分鐘就有得食。賣相合格，但味道就⋯通粉個湯唔夠熱！雖然係大熱天時啫，都唔使比碗室溫湯我架！蘑菇炒蛋啲磨菇硬到呢⋯⋯最掂係條腸仔，短過我隻手指，食落去硬到以為佢係臘腸！唉！我知30幾蚊一份早餐唔係好多錢，但係真係邊食邊後悔囉⋯⋯

難得放下假瞓覺瞓到黃朝百晏是常識吧瞓醒都十二點🤦🏻‍♀️近近地就系屋企附近搞掂佢吧！去到新翠商場幾乎都食過啦！難得LUNCH無咩人一於試下平時夜晚成日爆場嘅香。港。達。人。唔睇唔知原來佢系'椰林閣'集團期下散叫黎講唔算平午餐價錢就幾抵我同朋友都叫左牛扒餐我配薯菜佢配意粉首先羅宋湯味道唔錯餐包暖暖地試枱配湯食一流呀主。角。到。啦反而有d失望味道有d奇怪朋友就話意粉有炒底有誠意嘅哩個價錢算系咁啦！另外仲叫左個雞翼OMG難食到呢椒鹽雞翼完全睇唔出邊忽似味道就唔洗講啦成撻粉漿包住隻雞翼到而且無所謂嘅椒鹽仲要成$30幾40不過LUNCH $50幾一個SET都算抵不過留意返佢嘅餐具真系有D唔太乾淨用前記得浸下🍴 抹返乾淨但晚百幾蚊系領x商場食就。。。所以我唔明點解平日咁爆場🤷🏻‍♀️