好彩海鮮酒家

Open Now

Now Closed

今次有心理準備，預左食咩。不過都係唔好彩，連續幾餐早菜海鮮，唔係話折墮，真係有D悶。所以轉轉口味整隻凍蟹食下好過。兩斤重的蟹，扣番個殼都叫做多肉食。個蓋入面的糕亦唔弱。

星期日，跟媽媽飲午茶。原以為她位置不近住宅，不會太多人，但殊不知上到去，竟然有好多人企o係度輪籌，幸而我們只是兩個，很快便有位。 是次跟媽咪要了三樣點心，分別是碧綠帶子餃、XO 醬煎腸粉和生滾海斑粥。帶子餃的皮幾薄O下，綠綠o地，應該混了菠菜汁，餡料有粒粒馬蹄，增加了口感，而且沒有太多醃料，純以鮮味取勝，十分討好；XO醬煎腸粉就偏鹹，較乾身，腸粉並不算很滑，但幾惹味；最後那碗星斑粥，真的很鮮，加上蔥絲和白蘿蔔絲，多添一份清香，惟粥底較稀。結帳時，盛惠$110，真的嚇了我一跳，！

百合餃, 麻麻! 最正係燒豬!上湯波菜麻麻!不過呢度LUNCH 真係好貴! $80 先麻單!

時近中午，烈日當空之際，正當扎晒馬準備收工之際以防止濃烈的睡意發作。神秘電話突然響起，傳來一把古怪的聲音提意：去唔去飲茶？本來想唔去，但反正未有約，於是就是是旦旦咁坐陣都好。點知去到，patpat都坐穩，已經有野食。心諗，點心紙都唔比我睇下，我唔係遲好多之麻。先來例牌點心數過，跟住，有碟野送來，嘩！？咁快炒麵？打開，菜黎的，係我唔鍾意的茼蒿。面色都未比睇，跟住又來一個菜，仲比人話：你唔食茼蒿嘛，叫左個芥菜比你…不過，你話出黎飲茶喎…是旦啦，反正菜都叫做纖維，無所謂。跟住…3隻瀨尿蝦，又有人話：無大隻的，呢度都唔夠兩斤。大佬！你話出黎飲茶喎！？反正計已中，唔來都來左，而且生平最憎浪費食物。食就食啦。之後，意料中事，好在唔係so眉，無雪卡毒。唉…又話出黎飲茶…上當之餘雖然免費午餐，但真係唔知好彩定唔好彩。

去過兩次食飯....第一次：好熱o既一日，食左幾款清淡o既菜1.北菇鵝掌煲-- 味道o岩o岩好，好香北菇味，唔太咸2.賽螃蟹-- 其實係蛋白加蟹肉，但係好好味，加上腊，真係飯都食多碗3...唔係好記得...第二次：都係食左D比較清o既菜1.鮑片北菇鵝掌煲--比上次多了鮑片，更好味！！2.海鮮卷-- 好味，但係少左D3.海鮮扒瓜甫-- 尼個就麻麻喇...服務唔錯，都幾周到，我地將個果盤轉左做糖水，食左個合桃露... 真係好味到唔知點形容，香，滑，濃，不太熱不太冷... 諗起都想食

都係美心集團,但係度切蛋糕要比$50 ! 唔係近工業區都冇咁多人幫襯~

呢間好彩幾好食,向官塘住既我都去過好多間酒樓飲茶,我覺得呢間算係最好比起德福,美心,同稻香都算較為平環境又幾好,要靜d既話記得揀非吸煙區個邊,個邊好坐d等位方面十一點倒去大概要等十分鐘倒,算快快過德福間美心同稻香多多聲點心方面就比較少款,不過呢間係賣特色點心多d推介食品係蛋散,呢間做得好髮化,好好食服務方面都算ok,除左企門口個位姐姐之外,可能因為俾人鬧得多,成日都黑面值得一讚既係如果你要拎走d野食既話呢間好彩並唔係用發泡膠盒又或者紙盒而係用膠盒,而且仲係可以入得微波爐的總括黎講,呢間好彩既質素係全官塘之冠

帶子餃好正! 湯飯冇咩味!淡左D !燒鰻魚同燒肉都好正!不過lunch time 黎講$80 一位, 貴左D !唔夠8個唔BOOK 得位就麻煩D

LUnch time 勁多人勁FULL , 等上菜超耐喎...點心又唔齊款! 不過d 野真係好好食! 地方好嘈! 客家炒飯唔好食!

成日聽到d人話好彩有幾好...幾好,咁咪諗住同d friend 去試下啦.點知唔試由自可,試完就真係極度失望呀!我覺得呢間野就唔係好掂,員工服務態度又唔好,野食一般啦,價錢又貴!d員工真係好似借左阿陳對耳同對眼呀,又聾又盲...我地就真係賓客呀,阿賓叫狗越叫就越走呀!!我覺得我真係唔會再幫襯佢囉~~

哩間好彩都算新，同九龍城果間好唔同，連d食物都好d0既。我最鍾意去酒樓食奶黃卷，佢果個真係好好味，最驚喜就係佢有我至愛既雷沙湯圓，仲要都係好好味，xo醬炒芋頭都幾好，我唔太好芋頭都食好多...

公司團年飯係度搞, 果度D 員工八到死, 企係度睇人地抽獎, 又眕下有咩禮物, 野食一般啦!! 碗翅咸左D !! 另D 位又迫, 又冇得唱K , 成日都壞..... 都唔知搞咩!真係妁為自已係酒家中高檔D, 咪又係唔掂!

某次與家人去吃晚飯，落單時招手叫個侍應過來，誰知他極其大聲地回應:「老細，食乜呀?」大半間店的人都望著我們，令我們非常尷尬。那種招呼方式感覺像在大牌檔般，非常不合宜。<br />食物方面就很不錯，小菜水準高超，而且便宜，海鮮是比較貴，但物有所值，最令人生望是沒有生果和糖水送。

Food is good, but not like what Tony is mentioning... A bit too hard sell. Really need to improve service quality. Waiter ratio is not enough, & some are not too polite at all.

有朋友請飲,到官塘間好彩飲午茶直落.不只點心稱霸,果有王者風範,小菜/海鮮正就早知道啦,原來點心都正到,,,,,,,,但是要有耐心身等位,無法,只因太好食了.