好彩海鮮酒家

Open Now

Now Closed

舊同學年尾升職加人工，一班人去左佢office附近間好彩食。之前幫襯過好彩，除左海鮮最深印象係燒雞，今次都有點，食落都唔錯，好哂味。我地叫左條班，真係好滑好好味，真係雞有雞味魚有魚味。大伙兒仲點左蒸鮑魚，不過不合我口味無食，西蘭花炒帶子就合我心水，帶子好鮮甜，西蘭花都好爽脆 ^^仲有個老火湯都好有阿媽的老火味道，湯渣都比我地清哂埋單1人70蚊，唔算好貴，中菜來說都ok，個場都幾靚下，仲有些古董，唔知係咪真的。

天氣轉涼諗住去apm打邊爐, 但人太多唔想等位結果去左酒樓晚飯可能好彩樓上d寫字樓去晒happyhour, 所以唔係太多人隨便叫左幾個小菜, 不過不失, 但想讚下個蒜茸珍珠貝, 粒元貝開邊蒸都唔覺得好薄反而仲幾有咬口, 一碟4隻, 我地5個人叫左兩碟, 加埋d粉絲送飯一流, 覺得幾好食, 於再叫多兩碟, $38/4隻真係抵食其實佢仲有其他海鮮做promote, 不過果日冇食到, 可以下次去試過晚市只有生果盤送, 糖水就要自己叫, 凍凍地一人一碗薑汁湯圓暖下胃, 薑味好濃, 估唔到材料都好足

最近似乎跟"好彩"的酒樓結下不解之緣. 自從發掘了V CUISINE和彩雲軒, 竟又不小心碰上彩晶軒和今次的觀塘好彩. 月底又有朋友到彩雲軒擺酒, 一下子發覺原來"好彩"這個字號雖然"老餅", 仍能追上時代, 怕且跟他們食物質素佳有關。今次的飯局選址, 小妹全沒有參與, 只因朋友剛上新工, 卻已經開始DAY DAY OT, 才隨便選擇她公司樓下的這間酒樓, 以便她可以以最快的速度付約.觀塘好彩的裝潢雖不及彩晶軒和V CUISINE美輪美奐, 但食品質素一樣好.今晚點了一個湯, 一個小菜, 以及一個龍蝦配鮑魚的套餐.朋友非常喜歡喝湯, 老是說"女人飲湯唔易老", 所以每次跟她吃飯, 都必有湯水. (即係每次都要食中餐!!) 今晚的例湯是"野葛菜生魚煲唐排". 經常熬夜的人喝最好. 湯明顯煲了很久, 非常有火喉, 排骨入口即用溶, 無牙婆都食到! 小菜是魚湯鮮茄豆苗 (又係湯|||), 魚湯沒有腥味, 但略嫌不夠濃. 蕃茄加豆苗的配搭頗新鮮.南非龍蝦配鮑魚的套餐$98@, 我們叫了兩客. 鮑魚新鮮彈牙, 而且不是超迷你那種, 一過口癮非常滿足. 龍蝦比想像中小, 但味道口感俱佳, 肉甜夾爽

游完水之後, 同仔仔去好彩飲茶, 嗰度野食味道好, 係一個好值得去飲茶的好地方! 我地兩個人都幾拆得, 食物有燒鵝檬一窩, 海折拚青瓜, 蒸排骨! 仔仔好欣賞個燒鵝檬, 因為檬粉個上湯好好味, 我地兩個人通常都可以食哂成窩 燒鵝的汁好食, 有蜜糖味, 鵝肉又唔鞋, 質素同深井唔差得太遠架! 海折都幾野味, 不過食得太多會口乾, 因為都幾味精! 排骨都好, 豬油味好香, 肉又多! 食完返屋企仲訓左個晏覺添, 舒服哂

今年的年廿八,如常的要返工,放工後亦如常的去嘆茶,但今天H好開心,因為飲完茶後H相約了至愛的華仔,哈哈!食了點心如下:1.蜆蚧炸魚球==>魚球幾好味,但K話個蜆蚧汁一般2.XO醬煎腸粉==>味道都OK,不似是煎,只是炒的,但都算幾香3.錦老雲吞==>雲吞沒餡的,炸得幾香,不油,總括只是一般,但配的那個酸甜汁就幾好味4.炸芋角==>沒芋味的,餡料亦不好味,失望5.蘿蔔絲酥餅==>味道只是一般總括食物質素只是一般,抵食指數同樣也都是一般罷 !!

My sis chose this restaurant for her birthday meal. I thought it was a good choice!The food was yummy and the service was not bad, but it could have been better. We ordered lots of dishes and everything was great. I definitely want to go back there another time.

曾經何時觀塘創紀之城間好彩點心做得不錯，可惜近年正往後倒退，只是沒有同區金龍船直插無水花那麼嚴重。最近和舊同事去，侍應唔夠，等了又等，當然點心質素下降是最大問題。叉燒包餡料縮左水，而且唔好味。其餘五樣點心，牛肉過稔，腸粉皮爛，都令人失望。蝦餃和珍珠雞還算OK。但價錢唔平，整體點心可否做番好些呢?

星期六約了男友的媽媽飲茶，為方便她飲茶完畢後乘車回家，選了巴士站樓上的好彩。二人只點了叉燒包、上海小籠包和無艷煎堆。叉燒包包皮偏甜了一點，但包身挺鬆軟，餡料亦不太鹹，份量適中；小籠包頗為驚善，包夠薄，湯汁亦豐富，豬肉也不是十分肥膩；無艷煎堆是貪得意點的，因為名稱夠特別，上枱才知道所謂的無艷，是煎堆面頭有一小撮的黑芝麻點綴，煎堆攤涼了，不過皮又軟又煙韌，惟餡料的黑芝麻蓉少了一點。

Our family (7 adult + 1 child) went to 好彩 last evening for dinner. The food was very tasty, all the dishes were well cooked but quite expensive, just the Baked Lobster With Cheese alone costed $1,350 ($25 per tael). The whole dinner costed $2,850 which was quite expensive for this area. Service was acceptable but not outstanding, will probably come again as cooking is really good.

星期六晚上跟家人及長輩晚飯人也不少,差不多滿座幸好一早訂了位6人點了4個菜半隻炸子雞-皮炸得很脆,但份量非常少 東星班 - $680 太大吃不完 西蘭花帶子 西蘭花海參3枝啤酒6個白飯 共$14xx 服務態度不錯但真的有點貴

我上星期去飲茶 , 可能早O既關係(大約10:00AM)人唔係太多 , 我攞左張7位飛 , 唔使2分鐘已經有位 , 件事就因為咁開始 , 以下對話全屬真實 : 門口登記個姐姐仔: 小姐 ! 你D人到整未呀 ? 有幾個到左 ? 我答 : 未有人到呀 ! 得我一個 ! (其實我打算就算唔比枱我 , 我等多一陣都無所謂 )門口登記個姐姐仔: 咁佢地重有幾時先到呀 !我答 : 我唔知......(點知姐)門口登記個姐姐仔: 你打電話問下囉 !!! (我好合作 , 即刻打電話)我答 : 5-10分鐘左右啦 !!門口登記個姐姐仔: 咁即係到邊呀 !!!我答 : 附近啦 !門口登記個姐姐仔: 7位 , 你肯定 !我答 : 係呀 , 你問左我3次啦 !門口登記個姐姐仔: 我唔理你一陣夠唔夠7個人 , 我地都收足7位茶錢架 !!!我都唔明 , 你成日追住我 , 問我D人幾時黎 , 我答你10分鐘 , 咁如果佢10分鐘之後都未到 , 咁你係唔係趕我走哎 ??大佬 , 我比錢黎飲茶 , 唔係黎受你氣 ! 我寫左投訴書 , 放左係意見箱 , 但係呢 , 事隔3日啦 , 影都無 !!!四個字 , 不知所謂 !!

同家人去完將軍澳拜祭先人,10多人浩浩蕩蕩走去酒樓填肚.由於之前食了好多燒豬切雞等"祭品",故只叫了點心就算...人多關係,所以小弟都唔係樣樣試均,不過小弟就不能放過飲茶必食奶皇飽,呢度d飽都ok,d奶皇都算多同埋有d雷莎湯圓feel.一般來說,呢間酒樓d水準始終有番咁上下

呢間好彩由佢第一日開已經幫襯, 但係依家只會係第二度搵唔到位至去.話說上個禮拜六,想去果間新港明珠冇位, 於是去好彩啦, 一行7 人, 叫咗六個餸, 其中半隻燒雞得果幾件, 勁细碟, 好似要成$128, 唔抵, 不過都算好味, 仲有蒜香骨都ok啦, 其餘d 餸都只係一般, 食得唔係咁飽, 於是就叫咗6個甜品, 叫咗好耐都冇嚟喎, 就搵個部長check 下啦, 但係佢都唔知聽唔聽到, 一d 反應都冇就行開咗, 終於嚟咗4 個甜品, 仲有2 個未嚟 , 再問啦, 今次個伙計就話我知西米露賣哂(個伙計d 態度仲好過部長, 唉...), 最終埋單, 果2個冇嚟 ke 甜品係冇取消到ke, 同埋單個女仔講, 佢好似唔信咁, 望下張枱 d 碗碟, 唉......都唔知講mud 好, 真係好失望>_<

好彩天下烏鴉一樣黑!永遠都係一樣!食物水準高服務態度差劣到極點!!早茶一入門口問完你幾多位後唔係講「歡迎光臨」而係問「你12點半走唔走到」語氣好差!未見過一間咁o既酒樓!!d侍應個個好似死老豆老母咁黑哂口面見到佢地就唔開胃!不過...呢到d點心水平真係好高好彩個老闆都唔知點搞請到咁好o既廚師但係就請埋d咁死串o既侍應...唉..浪費哂......3個人食...埋單$250...算ok貴...~比西環分店貴..~不過十年唔黎呢到食一次算了吧!

可能方圓數十里沒有一間較似樣的酒樓(最近要去到APM), 所以造成這間好彩酒樓勁寸。打電話book位一定要點小菜(視乎人數, 人數多要點多幾款小菜), 否則只可以walk in, 而且就算book位後, 黎到都要等,當然唔係大問題, 但如果book 10位, 到時只有9位到, 都要收足10位茶錢, 真係唔多合理。講番食物質素, 都有好多款好味既點心, 例如賽嫎蟹餃, 帶子餃, 奶皇卷, 燒腩仔, 叉燒包椰皇雪蛤糕, 雪耳木瓜糖水。但價錢並不便宜, 中午飲茶平均每人要$70-80。