好彩海鮮酒家

Open Now

Now Closed

周末，中午十二點，不用等位，太好了。奴隸獸趁主人去洗手間時點了9款點心：1. 蜜汁叉燒包（奴隸獸必吃點心）2. 羅漢腐皮卷3. 黑椒花姿餅（配黑椒汁好惹味）4. 鮮竹牛肉球5. 豉汁蒸鳳爪6. 奶皇馬拉卷7. 琵琶豆腐丸（以為是炸的，原來炸了再蒸，味一般）8. 蛋球（主人的至愛）9. 金沙蒜香骨（星期六、日及假期才供應的小食。好味）食得飽飽，好開心啊！！

在這間酒樓lunch就食得多,但晚餐就是第一次了.入坐率九成. 1.涼拌雞絲海蜇~ OK,不會太重麻油味2.上湯浸韮杞$68 ~ 有點肉碎及榨菜在面,OK3.秘醬京烤骨$78 ~ 一上枱先知原來大部份都是肥肉,有點似東坡肉,醬汁的確幾特別,少少甜又唔酸.用大塊菠蘿拌碟,幾好.4.豉汁蒸聖子$28/隻~ 都算幾大隻,而且亦新鮮5.椰皇燉雪蛤~ 唔夠熱,好少雪蛤

呢碗迷你杏仁露是中點,但完全難食,只得甜味,絕對無杏仁味.

小弟十月十五日在這裡擺滿月酒，食物質素和服務都很好，特別是條東星斑蒸得剛好。原來滿月酒都要三千幾，市道真的好了這麼多嗎?

同事成班食中午飯多是好彩，因為點心小菜都ok，不過午餐都prefer食點心，自己鍾意xo醬腸粉+燒腩仔，其實奶皇包都ok，不過自己對於甜包不是太好，但係好鍾意食豆腐花，呢間幾好味；上次見多咗幾款甜品，於是試咗雪蛤，原來只是燉奶，好唔掂，勁漏，叫椰皇燉雪蛤，食唔到椰皇香，應該叫燉奶算吧啦

1.黃沙豬潤腸$22~好食2.上湯菜肉雲吞$28~好食,豬肉似手打咁款,所以再order多一碗.3.什菌素粉果$18~一籠三隻,OK啦4.金粟賽螃蟹餃$22~一籠三隻,麻麻啦,因為蟹肉都幾假5.蜜汁叉燒飽$14~一籠三個,今日D飽幾掂喎6.叉燒餐飽$18~一碟三個,但略嫌稍甜7.上海小籠飽$22~一籠四隻,賣相唔得,但內裏好食,沒太多肥豬肉8.瑤柱珍珠雞$26~一籠三隻,飯內真的有瑤柱,而且亦沒有不必要的肥肉醬""雖然食物OK,但茶錢都幾貴,$8一位架""

好彩今日唔使13:00前交枱.1.香茜牛肉腸胃$22~普通料2.香煎蘿蔔糕$14~一碟3件,幾香的3.擂沙煎堆仔$18~一碟3個,入面d餡好稀,仲稀過芝麻糊4.鮮竹牛肉球$14~普通啦,不過總唔似cheap酒樓成口粉5.鮮腐竹雜菜扎$18~幾好的,腐竹包住東菇,翠瓜及豆腐6.鹹水角$14~一碟3件,感覺唔油膩7.鮮蝦雲耳勝瓜餃$22~一籠3隻,好食,無肥膩感8.碧綠帶子餃$22~帶子好小及好碎9.蜜汁义燒包$14~一籠3個,麻麻地,但佢唔會太甜10.田園煎薄罉$28~個人認為譚魚頭較好食,因為呢間煎得好黏,唔得乾身11.勝瓜魚湯窩魚麵線$88~係魚麵,似有咼氣果D,湯底都幾好.

為慶祝母親節,我們專登來這兒吃晚飯.其實這地點並不方便,在觀塘地鐵與牛頭角地鐵之間,不過佢海魚選擇較多(我爸好愛吃魚),媽又愛吃龍蝦,這天也不例外.海蜇拼乳豬-.海蜇爽脆滑,無雪味,但麻油味不夠.乳豬皮亦脆,肉不太肥海杉班兩味- 蒸頭腩及美極燒汁炒球.前者味清,微微蒜香,不會奪去魚頭的鮮味.後者味較濃,炒得剛剛熟,皮微脆,肉爽滑.好!上湯焗龍蝦(米粉底) - 龍蝦肉夠彈牙,米粉稍煎香,吸收上湯龍蝦汁,好味香煎虎皮椒- 不算特別,只因爸爸愛吃.虎皮椒不是每隻都辣(試過超辣),選擇時有點像買大細.時菜炒鴕鳥肉- 加0左紅辣椒炒,小小辣,幾香,鴕鳥肉幾滑沙拉骨- 不太甜,炸得剛剛好,咬落有肉汁,柱蛋白炒飯- 瑤柱脆口(炸過),炒飯夠乾身又唔油,OK!6個人份量,我都機大食0架!

唔知係咪真係無其他茶樓，午市如果要係度食飯除非book位之外都唔使指意有位﹐就算book咗都要等位。今日同同事來食晏，上點心都幾快，其實好彩啲酒樓通常都好有水準，呢到亦不錯，不過價錢係觀塘來講都幾貴。

昨天公司係度DINNER, 上菜勁慢, 佢地解釋因太多客.飽魚麻麻,不過算係咁了!西蘭花帶子冇咩味,太淡~翅OK !甜品係湯圓紅豆沙, 但湯圓內竟都係紅豆沙, "溜" 都爆!

食物大致上有好多新野但係無樣好食......好似佢個新dessert 南瓜+sweetcornsound like 呃緊錢咁d碟同用具好dirty,叫佢change 佢又好似唔想changed service好差. 有裂痕既glass都可以serve比人用....筷子仲要少咁幾對.....仲拎錯筷子....(公筷)我食到half 個胃已經開始痛呢間野依家前都幾好唔知點解依家咁差!!!!!!!!

上星期六是我表姨兒子大緍的日子，並於這裡擺酒。菜式與一般酒席差不多，味道尚可，但最令人失望的是那尾魚，竟然有血，唔夠熟，雖然唔夠熟但其他部位就好硬，一d都唔滑，真失敗，我仲問佢係咪加左茄汁，佢都無反應，照分俾我地，服左佢呀！俾面表姨唔俾個喊佢啦！

四女一男五頭人, 最少要叫四個送就即時有位唔駛等, 拿拿臨坐底後係張餐牌左揀右揀, 終於搵到四味, 南乳炸雞, 好似炸排骨, 入口香脆,又有南乳味, 但肉少骨多香竽南瓜煲, d材料好平, 但唔差, 特別係d竽頭又粉又香, 竽茸汁撈飯食, 正！燒肉叉燒拼, 兩款同樣肉質鬆軟, 皮脆又唔肥, 唔錯賽螃蟹, 用一個字來形容就可以喇~~~ 係個"老"字, 唔合格！另外, 仲叫多三碟點心, 春卷, 燒賣, 粉果, 大至都不錯, 但燒賣味較濃。

同客落廠兼食飯，廠主提議o黎依度俾個客食o下中菜~ 小菜幾好味喎~ 炸子雞，蒸石斑，橙汁肉排，等等好多都唔錯! 不過點心就無小菜咁好~

真係唔知由幾時開好，中午所謂飲茶已經係無點心食。今日又係呢個場，一出電梯就直入，慣咖啦。點知門口位姐姐問我去邊，咪係有位未喎。咁我咪問佢阿乜生到左未。佢反問我邊間公司咖？都費事理佢，掂行掂過入去問個話得事的好過。原來經理話佢第一日番工，咁唔認得都情有可原啦。算喇，講番食的…老闆娘話要扇貝，咁就一人一隻啦，粉絲蒜蓉蒸，好厚肉…肉係連殼的，唔係環保急凍果種。半隻貴妃雞炒碟菜，雞乃大路之選，菜則是……highway啦。有條叫王子班的魚，其實…點解魚有咁多唔同的名？有湯，鯊魚骨唔知乜，例湯格。味就好味，但食個lunch洗唔洗啊…無計啦，又唔係我比，老細話食咩就咩。