好彩海鮮酒家

Open Now

Now Closed

昨天下午不要開工同同事無聊入來飲茶午飯這裡飲茶等位就少不免了等了很久我們簡單地叫了4款點心蝦餃x2我同同事各人都喜歡所以各人一籠蝦係夠大爽口,就幾好吃牛肉球淋淋地,食到馬碲既索索聲不過無咩牛肉味鴨腳扎包出面腐皮獻汁濃,大大件脹卜卜鴨腳好入味,d 料叉燒片好腍,d 竽頭吾食韮菜餃皮算薄,不易夾爛餡料夠飽滿主要係韮菜都ok環境比一般酒樓乾淨,招呼又幾好啊五個點心埋單連茶錢 $108, 抵食!

中國人無鷄不歡，我自己也很喜歡吃雞，除了過時過節會吃雞外，大家平日家常小菜吃雞也非常普遍，所以本地對雞的需求非常大。很多人愛吃新鮮活雞，學麗梅姐話齋，「雞有雞味」，活雞有其可愛的雞肉味鮮。根據政府資料顯示，因為禽流感疫情的關係，現在每日本地活雞的供應大約只有4,800隻，一直供不應求。轉移求其次，我們只好尋找有雞肉鮮味的冰鮮雞。最近「嘉美雞」的品牌就推出了新一代的健康冰鮮雞「南王雞」，早前就來好彩來了一個中午全雞宴，品嚐它的味道。不說不知，「嘉美雞」本身都是標榜健康的冰鮮雞，飼養期間不會打激素，皮薄脂肪低，也是有供應給癌症病患者享用，雞肉的味道卻就會較清淡。這種在廣州從化飼養的「南王雞」，主打天然無激素餵飼，飼料加入中藥及人蔘以加強雞隻的抵抗力，飼養至95-100日足齡，才在「黃金時間」冰鮮運來香港出售。「准杞螺頭北菰燉雞」將雞、准山、杞子、螺頭、北菰燉約五小時，湯頭甜，我還隱約喝到了些少藥材味，起初還以為是雞隻吃中藥引發出來的味道，後來吃真一點是那股北菰及准杞香。我覺得這個湯有兩個特點，第一是面頭沒有肥膩的油，原因是南王雞皮非常薄及少脂肪；另一特點是雞隻在燉完之後肉也沒有散開，可以將

感謝 帝王雞(品牌)國際有很公司, 以及有關的PR, 小弟有幸被邀請出席 “健康「南王雞」鮮雞宴博客試食會”, 從中學懂了不少雞隻知識~「南王雞」這新雞種, 乃是繼鮮雞「粵皇雞」後的又一新品種~ 「南王雞」以自然生態環境飼養, 雞隻的抵抗力特強, 體質結實健康有彈力、無化學成份、無添加人造色素及激素, 脂肪少及骨膠原蛋白能保留在肌肉纖維中, 故雞味濃郁, 保證吃得安心又健康~這次宴會, 主要是以「南王雞」來烹調出各種中式美食, 是全雞宴~是次宴會在 聯合廣場3樓 好彩海鮮酒家進行有關新雞種「南王雞」的新聞稿~新雞種「南王雞」的 研發者 帝王雞(品牌)國際有很公司董事 鄭展強先生 (圖左) 親身上陣為我講解有關 「南王雞」的好處以及分享在飼料和飼養上的技術和心得~「南王雞」以天然無激素飼料配方飼養, 除菜、粟米之外, 飼料會加入中藥如: 人蔘、白朮、牛蒡子、烏藥、杞子~ 故雞隻的抵抗力特強, 體質結實健康有彈力!每一隻「南王雞」均繫有品質保證腳環, 上面印有「南王雞」商標及出產編號, 顧客可保留腳環以便日後查詢之用, 而且各銷售點均有大型橫額和委任狀作識別~邊飲啤酒, 邊學習, 豈不快哉

上週六，與囝囝一起受邀參與南王雞（冰鮮雞）的位於太子好彩酒家的試食會，發現這款由帝王雞國際公司（著名嘉美雞及粵美雞的承包商）新出的雞隻既健康又好吃。更大的裨益是透過與董事鄭展強先生的交流，對養雞業，以及如何選擇雞隻了解增加不少～　　講真，個人從來沒有特別偏好活雞多於冰鮮雞，總覺得處理得宜，冰鮮雞的營養及味道都可以保存下來，新加坡的雞飯就是例子。不過這天鄭生提出，不少行內冰鮮雞製作流程不合標準，如將快病死的弱雞提早宰掉拿去冰鮮，一想之下的確很心寒... 加上餵藉劣等飼料（包括令蛋黃不自然橙紅的色素飼料）、打激素加快生長速度等利慾薰心的行為，令到原本應是營養蛋白質極豐富的雞隻，變得不再健康不宜多吃，癌症患者尤其要小心慎吃。因此，老一輩愛買活雞的確有其道理，至少雞隻能生存到菜市場，體質及品質會較有保證。不過活雞價格太高了，加上禽流感等因素影響，供應非常不穩定；為了令香港人品嚐優質健康又安全的冰鮮雞，鄭生特別推出新品種「南王雞」。於廣州從化飼養的「南王雞」以天然無激素的飼料配方為基礎，選用特別飼料，除菜油、粟米外，飼料加入中藥及人蔘，故雞隻抵抗力較強。飼養期約95至100天，體重約2斤半至2斤

中秋做節記， 由於同為方便大家，每次做節的地方也是在旺角，今次選擇了位於太子的好彩海鮮酒家，他們一早已訂了枱，去到的時候不用等，可以即刻入座。點了不少東西，金菇牛肉煲，雜菜煲，魚香茄子，中式牛柳， 蒸魚 ，炒飯等等。起初上菜速度好快，但是，人開始多，上菜的速度就越來越慢了，最後一味餸菜上抬的時間距離我們點菜大約已經有兩小時，可能因為人真的太多吧。全枱人最拍案叫絕的就是蒸魚，時間恰到好處，肉質嫩滑动分量亦都比較多，魚很大條，好像四百八十元，抵食。其他質素就一般了，例如什菜煲，味道不夠。如香茄子煲分量極少，金菇牛肉煲只見到有幾片牛肉，中式牛柳味道尚可，但分量也是少，而乳豬半隻我們12人更會人分不到一件。。。整體食物質素一般，可能因為人太多的關係，但是那麼大間海鮮酒家，能夠說因為人太多，而食物質素下降嗎？？？

一行十六人，去到旺角團年飯， 原本高高興興開開心心……但食完之後背脊骨落 。罪行 1，訂了16位 ，只是能提供12座位 勉強玩可以坐下 ，但全枱人都要轉圓形座椅。罪行 2，坐下才告訴我們 ，只能用膳一小時， 無辦法，因為我們人太多，唯有就範。罪行 3，上菜速度極慢 我地點左套餐， 第一味莱和第二味相差半小時， 其實我們 一小時根本沒有可能吃完這餐飯。最後用了2.5小時。罪行4 ，極度難吃，從來未吃過這樣的燒鵝， 燒鵝很瘦，肉很少，味道奇差，超乾，皮不脆。另外魚未熟。炒菜味不夠味。鹅掌全不入味。罪行5超貴， 不知所謂套餐 ，多謝4800

我地3個女仔食飯,前後叫左5個送.... 聖子: 係一隻一隻叫的, 粉詩少左D,但整體泥講, 5個送入面,佢就最好味..西蘭花,配沙律醬大蝦... 睇餐牌以為係西蘭花,配大蝦沙律,,, 點知..泥到GE時候, 先知..份量好小! 麻麻地!可以唔洗點呢個送!南'雨' 炸雞, 完全冇南'雨' 味... 得個炸字..超熱氣... 雜菜煲: 入面有娃娃菜,小白菜, 小唐菜,和兩件小西蘭花,整體味道其實真係麻麻地, 但都可以試下GE!起碼侍應門都好HELPFUL,唔會扮睇唔到

放假同爸媽去太子好彩飲下午茶(約1:50)，D服務生員好似失憶咁，問咗2次攞大碗幹洗完杯碟的水，2次都冇攞，最後自己攞。之後落咗單等咗半個鐘都冇嘢食，又追2次，又係應完就算。眼見隔離枱遲嚟都上咗嘢食，之後呀爸忍唔著問經理，點知個經理一嚟就好「0灰」氣咁問：「乜事呀！」咁阿爸話咗佢知追咗2次啦，之後佢CHECK完，放低張電腦紙又好冇禮話：「啱啱先落單，D嘢未熟」，跟著我望吓張紙的入單時間係14:23，我地14:05就落單，分明係之前冇落到，但佢對唔著都冇句﹐唔理我地走開咗。 一肚火，14:40終於有點心到，頭果2籠就真係好熱的﹐但之後上果D﹐得少少暖，唔似即叫即蒸喎！D味道又唔係話好好食，好多集團式酒樓都好過佢。之後隔離枱個婆婆掛著好多一袋袋的餸係椅背，個服務員行過撞跌晒，對唔著都冇講就咁走咗，又唔幫婆婆執返……呢間嘢D員工的服務態度真係一致。佢D食物水準越來越差，呢幾年我地都有去開呢間飲茶，以前佢D點心真係好好食，今年每去一次就差一次，都唔知做乜事！？服務態度又超劣級，價錢又唔係平果D的級數，下午茶中點都要$16一個，我都唔明點解要比咁貴，仲要換嚟D嘢食又唔好同又差服務態度！！

由於所選的一間食店滿座，於是改去了好彩食晚飯，不用等位，弄過全場座上客也不少，有九成滿，侍應也快手快腳，問你飲咩茶，是晚點了五餸一湯，都是一些大路菜,式，做出來的菜式味道也不錯。湯：赤小豆眉豆粉葛鯪魚煲瘦肉，湯很濃味，不是味精水，湯料足，鯪魚令到整煲湯都鮮甜，粉葛夠林，我還吃了一大半湯料呢，我在家中煲也出不了這樣濃郁的湯味，真夠火路，一個例湯，四個人每人有兩碗，足量。招牌菜：化皮乳豬件，一碟排滿了一片一片燒得油光的乳豬皮端上桌，眼晴即時發亮，賣相吸引，把乳豬件放入口，脆脆的聲響便爆發出來，果真是化皮，皮下的肉嫩，吃上一片後禁不住又取第二片。煎釀虎皮尖椒：普通的一道菜，這個菜不足之處是魚肉煎得不夠金黃，椒不是每隻都辣，但調味的汁做得好。窩塔滑豆腐：這個用煲仔上的菜式，把豆腐保持在暖暖的溫度中，豆腐外脆內嫩配合適當的醬汁，把沒有味道的豆腐變成一道十分好味的菜式，分量多，夠食。 生劏大班兩味：時菜炒球，有鑊氣，西蘭花保持翠綠，魚肉爽。清蒸頭腩，這道菜做很失敗，魚是沒有問題的，問題是魚鱗沒有打去，咬下去竟是魚鱗滿口，本是一道好菜卻即時被大打折扣，可惜。這頓晚餐因為上菜的速度快，可能是八時後了，

同舅父洗塵, 因他下午才落機但明日又要再上機返大陸, 所以揀了在他樓下食, 就係呢度!11人都係叫個套餐喇.有燒味拼盆, 一個羹, 幾味小炒, 蒸魚, 炸子雞, 炒粉炒飯, 很標準.燒味其實很不錯, 海蜇彈牙, 义燒夠蜜汁;羹- ok 喇, 普通左d, 都足料既.小炒夠镬氣, 油左少少喇.蒸魚很好, 生熟剛好, 新鮮唔霉.炸子雞都仲嫩滑,但皮脆, 也不錯.服務- 人手太少, 好難搵人, 想埋單都難, 何況叫佢收吓碟?!11人食了千二蚊, 很不錯了, 算ok 吧.

約了妹妹中午在這裡飲茶, 兩個人不用等位, 點心紙上的選擇很多, 特價抵食的郤欠奉.剔了:蝦餃, 燒賣, 脆皮牛肉燒賣, 牛肉腸, 雞紮, 皮蛋瘦肉粥, 鹵水掌翼, 煎釀尖椒.很欣賞這裡的點心有兩粒裝的; 如蝦餃, 脆皮牛肉燒賣...最先上的是脆皮牛肉燒賣, 很脆的外皮, 點了喼汁吃, 不錯, 8 分;燒賣是普通貨色, 7 分;蝦餃味道甚佳, 蝦很爽口, 比 x 好運的好得多, 9 分;牛肉腸郤稍遜, 料是多, 但粉皮不夠薄, 味道還好, 7 分;雞紮不錯, 不像有些酒樓胡亂充數, 內有雞肉, 芋頭條, 火腿條, 魚肚, 冬菇, 一點不欺塲, 尤其是魚肚, 吸飽了汁水, 好味非凡, 9 分;皮蛋瘦肉粥十分好味, 又多料, 是真的用皮蛋去煲粥, 因為可以見到煲至差不多溶化的皮蛋, 9 分;鹵水掌翼的鹵水太新, 肉味未夠濃, 香料味攻鼻, 不大欣賞, 6 分;煎釀尖椒是後來看見隔離枱柯打的, 心郁郁要試, 賣相很好, 紅綠相間, 兩隻巨型尖椒剖開, 釀入魚肉, 煎至油亮, 可惜稍燶, 魚肉鮮味不足, 7 分.整體來說, 是不錯的, 服務來說也合格和算勤快.會再來的.

今日同媽咪係聯合做d野，跟住去食飯，見好耐好似無飲茶咁就上左去 3 樓好彩飲啦。佢下午茶去到 5 點，一去到就有位啦。不過佢食物選擇真係唔太多，得好少野揀，同埋都係一D好大路既野，無咩特別既野食。叫左個香麻花生捲，佢似係一個甜品黎架，好似D夾餅咁，入面係好多花生芝麻等等，甜甜地幾好食。不過佢個皮就厚左D，而且無味既，但作為甜品都唔錯。另外叫左個荔灣艇仔粥，碗粥份量不大，幾快就食完。而且唔係太夠味，偏淡，咁都好既好過係味精多! 入面有魷魚，豬腸等等，但都係個句... 無咩味。不過清清地要黎調和下都幾好。因為我地之後叫左個好濃味既炒麵，就係味菜牛柳片炒麵，呢個好食呀! 佢D麵唔會好硬好似個麵餅咁，淋淋地剛剛好，而且係好惹味，因為有豉椒，味菜，紅青椒等! D牛肉好淋又有肉味，好食。最後仲有個馬拉糕同埋綠豆沙。兩個都唔錯，不過馬拉糕好似乾左少少，但味道是好的。另外綠豆沙幾好食呀，好香臭草味，又多豆，唔會過甜，不過幾細碗下。佢有茶錢有加一，加埋都唔平架。不過算啦，我地都係旨在舒舒服服飲餐茶姐。

原先book左附近既海港食大閘蟹, 由8.30pm等到9pm仲未有位, 講緊係訂左位架喎火都黎埋, 所以去左聯合既好彩, 呢d時候, 點都有位喇, 地方又大好多雖然呢度無大閘蟹, 但都有其他全包宴既套餐, 我地7個人點左8人餐, 都食得哂, 勁龍蝦片皮鴨餐:上湯開邊龍蝦 (四隻伊麵底) :唔錯, 不過d伊麵唔太夠味, 但龍蝦都算大隻京式片皮大鴨: 可能我地太夜去喇, 無哂, 改為一隻脆皮燒雞(幾好味, d皮幾脆)玉環瑤柱甫: 瑤柱都幾大粒芹香畔水鳳片貴花蚌: 鳳片即係蓮藕片, 切得幾薄好爽, 貴花蚌都好爽清蒸海星班: 有2條既, 肉質夠滑, 新鮮荔茸香酥帶子: 食完一個都幾飽, 不過片帶子都幾細幾薄生滾火鴨粥: 無鴨...所以無呢個粥, 改為白粥, 真係好清腸胃, 有少少瑤柱, 係成窩入面有幾絲, 但煲得幾綿紅酒: 我地一開始話要西瓜汁, 所以就無紅酒喇, 不過d西瓜汁好似糖水溝咁, 麻麻地果盆: 西瓜, 哈蜜瓜同菠蘿, 我太飽無食到可能我地夜左少少, 第一度菜係脆皮燒雞, 之後等左好耐都未有黎, 可能以為我地食完雞係最果度菜, 要吹先到, 唔知係咪全包宴既問題, 叫佢送糖水都唔肯,

表弟生日一行八人去開飯.好味又大碟.正!!睇相啦!

星期日波兒跟媽媽到好彩飲茶, 本來茶樓波兒覺得沒什麼特別好介紹, 但今次想介紹佢地個"流沙"奶皇包, 因為真係好流沙, 好好味呀奶皇包的流沙, 一咬落去已經口彭口彭聲流出, 仲好好味添 d奶皇好香, 仲有粒半溶的咸蛋黃, 味道簡直係無懈可擊, 一籠三隻我自己食o左兩隻, 因為實在太好食了如果去好彩, 叫番籠試吓啦