好彩海鮮酒家

Open Now

Now Closed

垃圾酒家，服務態度差劣，4:00收工，2:40 就已經吹人哋快啲入座，快啲飲茶叫野食俾錢，員工就掛住吹水唔執枱，仲要一味催人俾錢，好聲好氣問人要張收據🧾仲要話我要求多多，服務態度差到極點，幫襯左咁多年真係今次最差，以後一定唔會再幫襯呢間集團嘅食肆。

同屋企人出去食晚飯。。。屋企人話想試吓好彩嘅片皮鴨海鮮餐，因為上次食唔到！😔😔😔由於片皮鴨餐數量不多。。。屋企人訂坐時已訂埋片皮鴨餐，所以今次成功食到！😁😁😁片皮鴨餐有魚兩味。。。仲有涼瓜炒鴨件。。。我哋另外仲叫了上湯澳洲龍蝦！😋😋😋龍蝦份量好似比上次少，可能係因為今次無叫伊麵底。。。感覺今次份量小了很多似的。。。片皮鴨份量和味道都 ok！其實，我覺得個翡翠炒斑球幾好味。。。不太鹹，都幾新鮮！個蒸魚就麻麻。。。我覺得有少少怪味。。。但整餐也算滿意！

星期六放假晏起身, 又想平平地飲早茶, 太子呢間酒樓係好選擇, 星期六日早茶做到中午12點, 正喇🤩娥姐粉果$14驟眼睇勁似上素粉果, 食落都好似, 只不過多了蝦米, 味道適中, 餃皮晶瑩少少彈牙但偏淋點心拼盤 - 共六粒$28 (娥姐粉果, 芋粒松子餃, 乾蒸牛肉, 蝦餃, 燒賣, 叉燒包)1)娥姐粉果如上2)乾蒸牛肉唔會太淋, 質地算好食3)芋笠松子餃餃皮同粉果皮一樣質地, 裏面有芋粒芫茜…都幾好味4)蝦餃 偏細粒, 餃皮彈牙, 餡料唔算太juicy, 但鮮蝦都算爽彈5)燒賣味道適中, 豬肉餡算爽口, 裏面亦有冬菇, 不過就冇蝦6)叉燒包包皮軟硬適中, 餡料唔算太甜, 叉燒餡料亦唔會有雪味鳳尾蝦蜂巢芋角$14芋頭蓉薄薄地但幾鬆軟, 裏面有鹹水角嘅餡料, 最緊要就係夾咗原隻鮮蝦在中間, 味道適中, 炸得唔算太油膩鹹魚肉片煲仔飯$26驟眼一望冇咩餸食, 食第一啖飯之後就食到飯有鹹魚香味, 鹹魚亦都好正, 不是死喊, 肉片就麻麻地冇肉味, 飯粒爽口濃湯狗仔粉$16驟眼看勁似酸辣湯底, 但食落其實係似蠔油湯底或豉油湯汁芡, 不過我就唔係幾鍾意呢啲湯底, 湯底有草菇冬菇… 狗仔粉質地煙煙靭靭

依間太子好彩酒樓嚟过好多次，一路都沒有寫过食評，今次去開花墟，順便喺呢間酒樓飲过靚茶😋每一次呢間好彩酒樓，食物都沒有令我失望👍大約十點半去到酒樓，人流都多，等咗大約十五分鐘侍应安排入座，早茶係去到12點，一般酒樓都係去到11點半，可以休休閒閒唔使甘趕，抵贊，提提大家依間酒樓有個特點系你可以按自己有几多人數去点几多件嘅點心，比較特別係出面酒樓都好少見到，跟住當然点我喜愛嘅點心啦！等左大約十分鐘點心陸續上枱，有鳳爪排骨飯，蒸粉果，燒腩卷，鴨腳扎，粉卷，佢個排骨飯入面啲飯粒粒分明，超級好味真係好好食，值得推介，唔怪之得我每次經過太子都係諗起呢間酒樓，哈哈哈😂😂😂

2021最後一夜，與親友來這店吃一餐作慶祝。五人點了五個菜式，每個菜式都滿意，吃清光。一碟有11片，厚度合適，不韌沒有渣，帶點麻辣的醬汁，可剌激味蕃。真是十分脆皮，雞皮油光亮麗，賣相佳，雞肉嫩滑結實，有咬口，醬汁調配鹹度適中。肉炸得剛好，能夠保持肉質有彈性的口感，鮮菠蘿，西椒，洋蔥等配合咕嚕汁的酸甜，整個菜式開胃好吃。全碟滑滑豆腐，入口易。內有蝦仁、帶子粒、菜粒、草菇、甘荀片。獻汁味道好。茄子走油處理，茄肉軟綿，肉碎滿滿，魚香味濃。配白飯同吃也是一道開胃菜。

假日媽咪提議到好彩海鮮酒家飲茶😊， 位於太子彌敦道760號聯合廣場3樓， 太子地鐵站一出行幾步就到。 酒樓的樓底偏低，我們坐在近門口位置， 🔸點心有灌湯餃$26、蝦餃$19、燒賣$16、牛肉腸粉$26和鵪鶉蛋燒賣$26， 茶錢$10一位，令加一服務費。 首先講講上菜的速度實在太慢😅， 其實五款點心味道都不錯， 但全部上檯的溫度都是凍冰冰的🥶， 灌湯餃的湯底也是凍的。 其實我們原先還點了其他點心，到結帳才知道沒有， 服務態度亦都不太好🥴， 整體質素有待改善。    好彩海鮮酒家地址: 太子彌敦道760號聯合廣場3樓

今日約了友人在太子好彩相聚吃飯 ，上到了去酒樓， 雖然只是十一點多，未到午飯時間，但已經有很多人在等位。酒樓始終地方不算小，但枱擺放得比較擠迫，坐得令人不太舒適，而且覺得侍應的人手亦不夠。因為朋友的食量少，只點了個叉燒包吃就說已經半飽了，於是由我就發版要了個揚州湯麵，湯麵到了，見了整整的一鍋，份量都相當充足，有蝦有肉片、菰類、菜芯還有些紅蘿蔔絲等配料。自己鍾情伊麵多一些;可惜只有辦麵選擇。蝦身都算大隻兼有咬口和彈牙，肉片就沒有什麼肉味，不過兩者都是冰鮮貨，一定如是。菰是 秀珍菇和細隻的冬菇，算有少許的淡香味，菜芯沒有灼得太霖，還算有咬口感。反而上湯味道不錯， 彌補了蝦和肉片的應有鮮味。 綜觀整個鍋麵都有中上之水準，下次都會再來。

疫情開始下滑，相約兩位老友記茶聚在「好彩」酒樓。一邊聚舊，一邊用點心，南瓜排骨煲仔飯頗不錯。從未嘗試過如此差勁的炸兩，油炸鬼蒸到軟腍腍像粉團，份量又奇少，一碟六件，十分難食，所以份量少得有道理。 最喜歡這款有南瓜汁的鮮竹卷，味道清甜可口。菇滑雞煲仔飯，白飯爽口，滑雞的肉質尚可。豬肉丸鯪魚球雙拼粥，粥底夠綿密，豬肉丸與粥底味道很濃，我略嫌味道重，吃過口乾。鯪魚球則不錯，爽彈、味道尚好。鬆鬆軟軟的馬拉糕，口感很滑，蠻喜歡的。

疫情下，搵地方飲茶要留意開門時間本想到尖咀向海飲個靚茶好彩，查一查，11點才開門立即轉軚，到太子這家好彩茶樓喜歡這家茶樓，不似現在的新派連鎖茶樓自助下單，到柜面埋單。各樣各樣，這里，完全感受到服務🤟🏻原始的，拿起一支筆劃點心大電視提點食客留位結賬，有職員幫助埋單12點前既點心紙好多選擇，生滾粥見隔離枱好大碗的白粥配饅頭清清地，粥不會太漿或水白粥有質素糯米飯不要點，好多油珍寶鴨腳好大隻，味道ok四點前都供應既二人世界點心好好呀！啱晒二人行一人一件，可以食到其他野蓮藕餅熱烘烘，食到一粒粒蓮藕芝麻糕熱，香，滑，濃👍🏻最原始的飲茶方式好好享受飲茶應有的服務⭕️全店職員戴上口罩⭕️進店前量度體溫 ⭕️提供酒精搓手液 ⭕️座位間有距離感💮如搭枱以透明膠板在中間相隔

食品質素唔錯，但茶（香片）就略嫌稍淡，職員服務質素（態度）有非常大的改善空間！約12:20左右到達，問門口接待處3-4位是否需要攞「籌」（等位），出奇地唔駛等，就即刻有檯，跟住就有個「阿姐」問幾多位，由於當時未確定第四位嚟唔嚟，由於唔想白白俾多個茶位，於是答3位，跟住阿姐就去攞「㗎撐」（食俱），當嗰個阿姐攞嘢過嚟嘅時候，確定第四位會到，故此同阿姐話加多一位，阿姐去攞㗎撐嘅時候就一路行一路講麻鬼煩一時一樣，由於佢細細聲講，我又唔想同佢嘈於是「當聽唔到」，之後由於有人唔飲茶，叫職員攞壺水，職員都好唔「情願」（四個人頭，連埋壺水都係3壺），之後舉手示意加水職員都係「時運高睇唔到」（埋單時都係咁）！

~今期推薦蝦餃王，炸蝦雲吞今天天陰陰，但是很久沒有到酒樓飲茶，所以和爸爸來到好彩海鮮酒家。因為爸爸話早茶10分抵食,可是我們來到，已經是中午沒關係，只要好吃便10分值得。飲茶真是一家相聚的好時光。今次我們叫了不是太多食物，因為打算在吃下午茶。我們今次叫了鹹魚肉片飯，蝦餃王，炸蝦雲吞和海蜇燻蹄。首先講一講，鹹魚肉片飯的米飯真的10分軟，我比較喜歡吃硬一點。由於午市的關係，原先這個飯是$19.9，所以午市是$56。但也份量也比較大。所以如果想抵食，就可以來早上飲早茶。另外比較推薦的是蝦餃王和炸蝦雲吞，雖然都知道是用雪藏蝦，但也10分彈牙，味道也恰到好處。最後的海蜇燻蹄，燻蹄比較肥一點，但又可以接受，配上醋真的10分好吃。

很久沒去這酒樓飲茶了, 於是約了妹妹中午會面, 飲茶.中午12 點抵達, 人客不多, 知客小姐表示可以即時入座. 是一張四人小圓枱, OK 既, 新鋪的清潔枱布.待應很多, 開了茶, 是香片, 茶味算香濃的.  由於妹妹未到, 自己點剔點心, 種類也相當多. 更點了妹妹的喜愛肉絲炒麵.點心陸續到, 相信不是即叫即蒸的, 因為熱度不足.先來的是鮮蝦腸粉, 很滑, 料很少, 不過豉油的味道很好, 8/10.其他的點心也跟著到, 水平普通, 山竹牛肉不甚新鮮, 會散的, 因為油太多和是雪貨. 也難怪, 休漁期和豬源短缺.之外的點心也很油, 一餐吃了整個禮拜的油. 肉絲炒麵來了, 很大碟, 肉絲和銀芽用碗另上, 份量很多, 於是把餸的一部份加上而開始食.幾箸之後, 問題來了, 因為大量油從麵中滲出, 不停的滲出, 於是把餸一把倒在麵上, 用那碗盛滲出的油, 再把碟子用豉油碟鈄放, 待油流盡. 盛起的油有半湯碗, 附圖的右方 是我出來食野最誇張的一次, 假如我不這樣做, 把這碟麵連油都吃完, 相信一個星期都唔駛再食油.經過這難的得的經驗, 想我再回頭都不容易了.

由上至下服務差勁越叫越走帳目混亂擅改檯號食品嚇人廚部較好態度差劣永不錄用絕無下次浪費時間請都唔去。。。。。。。。。。。。。。。。。。。以下純粹堆字，謝謝閱讀。。

好耐無嚟幫襯飲茶,但係一樣無改過咁難攞位今早12:20pm上到去兩個人都要等幾分鐘先有檯。後來見到其實有空檯但伙記未安排到清理啫。老實講,係旺角,太子飲中午茶大把酒樓。佢咁多茶客應該有獨特過人之處啩。先叫叉燒腸粉,啲粉都幾厚皮,好在啲饀料叉燒好新鮮有燒臘嘅香味$40一碟嘅炒銀針粉唔歸入點心,但估佢唔到咁(的six)。都算係肥膩,又無乜料喎鮮竹卷可以推介入口好清新,無一般會蒸耐咗之後超級腍身果隻。有時又會有啲有一大舊漿粉送,或者調味過濃過咸。今次廚房師傅做得好,饀料啲蝦都算新鮮。入口之後無糊口嘅感覺基本上有讚有彈,但價錢就偏貴

最美好嘅時光莫過於一家人可以齊齊整整去歎中國茶, 食吓點心！！兒時許多美好嘅回憶就係位於太子聯合廣場嘅好彩海鮮洒家渡過！！不過傳統嘅推車仔賣點心的情景巳經好難揾到！！依家時代變奏成即叫即蒸的光景！！各有千秋！！今日難得約同屋企人在這裏渡過快樂的半天！！我哋一家四口叫左好多點心！！石班片粥！！可以被稱為超班粥！！超新鮮！！仲不計成本！！用石班做材料！！所以食到好濃嘅湯底！！仲加埋生菜絲添！！可以話錦上添花！！金珠咸水角細細隻！！糯米皮煙煙靱靭！！錎料略嫌太少！！蝦餃皇大大隻！！但味道一般！！燒賣皇用肥肥哋嘅豬肉整成！！幾有彈性！！但如果加埋蝦仁會更加豐富！！BB鴿炸得很香脆！！但師父落盬太過重手！！要飲多幾杯茶解渴！！菠蘿咕嚕蝦球！！酸酸甜甜！！蝦球很爽！！不過可能係小食！！比較細碟！！菜遠牛河就大大碟！！很多牛肉同菜遠！！都幾美味！！