好彩海鮮酒家

Open Now

Now Closed

Had a gathering here so ordered a variety of dishes.The fish was meaty with grassy celery.The best was the sweet and sour because it was crispy and lean and the sauce was just right.The chicken was perfectly roasted. It was tender and the chicken skin was crispy.

Ho Choi Prince Edward Branch cannot use HSBC credit card because their credit card swipe machine is too    old and customer has to go to the MTR underneath to draw cash from ATM machine to settle the bill if one      doesn't have another credit card .This is poor service and existed for a few months already.

過年前一家人黎呢度食團年飯，貪佢無限時間同以前食過都OK, 可惜今次食物同環境都令人好失望。食物好一般，年尾套餐都唔會有咩期望。飯枱一張貼一張，每張枱同隔離張枱好近，最接近既兩張櫈呢，基本上係痴住既，每次隔離枱有人出入既都要起身，唉！

上星期五，親友請食飯，於是去到旺角酒樓食晚飯，我們散叫小菜，這兒的小菜味道尚可，但價格太昂貴，感覺酒席的價錢會更划算。首先是羊腩煲，羊腩煲是經典的粵菜之一， 一般都是用黑草羊作為羊腩煲的主角，這兒也不例外，羊腩夠稔和沒有氈味，香味很夠，羊腩煲除了羊肉外，還有馬蹄，冬菇，枝竹，花椒八角，薑等，羊腩煲多數配生菜，因為生菜可吸收羊腩和配料的精華，冬天食暖暖的羊腩煲既滋補又暖胃，可惜的是最近的天氣忽冷忽熱，食起來好像不太合時。跟著是清蒸龍躉，龍躉肉很嫩滑，蒸的時間剛好，魚肉沒有過老，味道可以。我們點了半隻燒乳豬，瑤柱豆苗，西蘭花炒帶子貴妃蚌，大連鮑，這幾款菜式份量十分少，鮑魚比平常食到的細一倍，說好的半隻乳豬只有十件乳豬片，如果胃口佳的話，一定唔夠飽，當晚我們九個人食飯，結果不夠分，所以我們還點了干燒伊麵和燒雞。所謂抵食，雖說是見仁見智，但一般而言，指的是食物質素，份量，環境等因素與價錢成正比，食物味道固然重要，但份量和價錢同樣重要，這兒食物味道雖不俗，但份量太少，以食物質素和份量來衡量不值這個價錢，所以個人認為這餐不抵食，食得亦不太盡興。

上次嚟好彩係食lunch嘅，果時覺得味道都ok，就過嚟飲早茶啦...聯合廣場上去三樓就係啦，人真係超級多，9點半過去排隊嘅排咗半粒鐘鍾意有位坐我地五個人點咗四個粥、兩籠蝦餃，一份牛肉腸，一份鹹魚煲仔飯，一籠韭菜餃，兩籠牛肉丸⋯⋯結果俾個服務生問咁多粥食唔食得曬！先知道原嚟一碗粥好大碗！！蝦餃做得都好鮮好香，畢竟係用鮮蝦整嘅...牛肉腸嫩滑，煲仔飯唔錯！鹹魚味真係好香，幾舊魚就可以送一煲飯啦！排骨肥豬肉太多，不過口感都算嫩..牛肉丸，唔鍾意！反正早茶嘅牛肉丸我覺得口感都好怪

本身啲野食都可以，但衛生特別係生果嗰度真係唔掂。食下食下啲腐乳椒絲通菜竟然有蝦殼、蝦鬚，爭啲啃到人。都算啦，問題係一齊食既有人有蝦敏感。但重點係佢生果啲碟竟然有霉！嚇死人！

第一次食龍蝦剌身是在太子好彩酒家，有過不錯的經歷，今次再次到來，卻有著難忘的經歷!知道大隻的澳洲龍蝦不會留太多，甫抵達已跟部長說要找一隻做刺身，想不到部長回應: 起碼4千蚊一隻喎!刺身食左有咩事我地唔負責喎!但菜單卻明碼實價標示了刺身$22両!好彩酒家請了這些倒米部長算是好彩嗎?最後叫我地出去揀龍蝦，出到去卻只有一隻!講返龍蝦，4斤重，肉質爽脆蝦頭用來做上湯伊麵，由於龍蝦大隻，蝦腳拆出來整條都是肉，好似蟹柳一樣，非常美味伊面卻太林，帶點散亂另外點了條清蒸彬班，肉質鮮美，由於海鮮即揀即煮，當面磅重，所以很新鮮!!再點了兩斤中蝦，鼓油王煎，可惜煎得唔夠脆，否則會連殼食埋埋單5千幾，部長仲要嫌小費少

樓下京華酒樓的門口阿姐非常之囂張，一直在說等得就等，所以來了樓上這一家好彩。好彩好像真的比較少人，小桌子只等了兩張就有位。現在去酒樓，很少會見到阿姐拿着點心或是推點心車了😢，更加，現在的點餐紙連寫一二件都不用寫，就像學生在學校的學能測驗，客人用筆在紙上面打橫刪去就代表點餐了，那即是連下單這一個步驟都已經電腦化了。蛋散不是炸得非常之透徹，顏色比較淺色，好像感覺比較健康，有點兒蜜糖在面頭，蜜糖算是比較香甜，味道還是不錯。山竹牛肉、跟鮮竹卷都非常之小巧，山竹牛肉很深色，非常之細粒的牛肉球，牛肉球也不是很濃味。珍珠雞也是非常之細件，好像只比壽司大件小小，有細細粒的蛋黃，跟小許冬菇，三兩下手勢就吃完。砂薑鳳爪收費更加貴，比較硬身，如果不點任何醬汁的話其實沒有任何味道，醮少許砂薑就香濃得多，有點兒微咸而香。蠔仔粥我都不懂得欣賞，看見粥內也相當足料，有大頭菜，好像也不是太少，味道還好，清淡得來又有點兒鮮味，不覺得太鹹。茶芥收$9一位，但是這兒的茶不太香，還要是使用茶包😵，不知那些茶包是不是好彩自家製作的，還是外來的，總之味道就是不夠香濃，無論第一第二壺，都不覺得在品嘗美味的茗茶。 好像只是點了九個點

如果你係九年未食過嘢嘅餓狗，對食物全冇要求，呢間一定啱你，請客擺酒？面子都冇埋！服務：1.我們一行10人預早訂咗檯諗住為朋友慶祝生日，6點半左右陸續到達入座，室外35度大暑天入到去感覺很焗，問伙計係咪未開冷氣？個伙計居然反問我地：你地好熱咩？2.除咗一個睇落似新移民阿姐“招呼”我地“飲咩茶”之外，基本嘅招呼全冇，無人走嚟問你地“想食啲乜”，更加唔使指意有人埋嚟會介紹啲好嘢、招牌嘢等等呢啲酒樓基本動作。菜式：我地免煩揀咗個睇落菜式唔錯嘅套餐：乳豬全體、翅、節瓜瑤柱甫、蠔油鮑片生菜、大蝦伊麵......八大餸 （夠晒抵），製作效率：點菜之後唔使幾分鐘，啲菜出晒嚟擺滿你張檯，嘩！啲廚師煮嘢嘅速度又會快得咁交關嘅？一如所料，以食咗幾十年嘢嘅經驗話比自己知：啲嘢唔知幾耐之前煮定晒，見單就拎出嚟翻熱執好個賣相就隊晒上檯！除咗隻乳豬尚算ok之外，1.啲節瓜瑤柱甫淋pet pet無厘味道好似煲過湯攞出嚟擺靚佢上翻個芡，個蠔油鮑魚仲弊：啲鮑魚係朱古力咁深啡色嘅你話係即日煮嘅鮑魚？我點都唔信，條龍躉蒸到又老又鞋......。我地食後嘅強烈感覺係：垃圾！

因必須在太子搵早餐食好彩尖沙咀東也試過所以就去了開早市的太子好彩門口靚女招待十分正常省鏡魚缸猛料聲勢浩大8点20分入去見到好多窗旁位起碼10 張8張圖中央的黑衫女captain告訴我們每一枱都不能坐有人訂左見這裡做婚宴食品差極有限吧？於是叫了点心等了23分鐘忍不住請侍應生問問黑衫部長很想排解他與眾待慢者完全不同看到窗口仍有些空桌問一次後并沒有任何東西到到我們一再請催之下負責我們一桌的女侍沒空理會別的，負責他桌的一個新人告知這裡是這樣的結果到9時我原本約會時間到了我迫著急電改appointment從8点幾拖到遲到只是來了上面一碟魚餅由於遲大到急忙懷著問題離去

似乎有一段時間沒上酒樓飲茶，於是與親愛的去飲茶。選址為太子的好彩海鮮酒家。餐牌中夾著點心紙，內頁也印有其他的菜式，但咱們還是點選點心好了。牛肉腸粉是咱們會吃的點心，腸粉夠滑，牛肉也頗幼滑的，加上醬油，今腸粉有點鹹味，提升了滋味，唯米香不足。鮮蝦菜苗餃是在下其中喜愛的點心之一，除了羊蝦，還有菜苗，澄皮夠薄，吃起來有點煙靱，鮮蝦的爽口配上柔嫰的菜苗，還好的。鮮竹牛肉是親愛的最愛，牛肉味道頗為濃郁，加上喼汁，令牛肉有點酸酸微微的味道，而且牛肉都幾軟腍的。加上蒽花，食食味增添不少。飲茶不點來叉燒包，似乎欠缺了甚麼似的。一籠有三個，當中的蠔油充裕，叉燒粒粒都夠大和入味。豉汁鳳爪只有紅色辣椒在內，色澤呈啡色，醃得入味，而且很軟腍，唯多一點豉椒味道更好更濃郁。潮州粉果一向都會點來一籠，而這籠粉果同樣地皮薄，內裡食材有馬蹄及豬肉等，唯沒有花生在內，令口感少了花生的咮道。鹹水角真的很久沒吃過，今天點來，一嚐以往的滋味。咸水角的皮柔糯而富芝麻味，內裡的食材以鮮肉為主，口怠都幾豐富，唯相對以往的份量，今次是細隻了一些吧。懷舊馬拉糕是親愛的最愛點心之一，皆因其鬆軟的口感，加上甜甜地的味覺，實在令人難以抗拒。茗

星期日中午來到，輪候约十分鐘入座。樓底較矮較嘈雜，幸侍應服務態度積極，洗手間也非常潔淨。蜜汁义燒腸: 义燒份量多，味道懷舊，但腸粉外皮較粗稔。馬拉糕: 入口鬆軟，但味道較淡。鵪鶉蛋燒賣: 鵪鶉蛋味很薄，燒賣之豬肉也味淡，整體比較稔身。上素蒸粉菓: 皮薄而太軟稔，味道不鮮明。籠仔荷葉班腩飯: 班腩份量多，肉質結實新鲜而外皮還帯脆。白飯炒底味道懷舊，製作出色，實為驚喜！價錢尚算實惠，但部份點心不知是否蒸時太長以致質地過稔，味道過淡。

星期六同爸媽去行旺角，下就先出，所以去到就飲茶。係聯合個邊落車，是但近近地去環境ok，又唔使等位嘅酒樓食野。見隔離枱個豬肚湯飯幾令，所以我地都嗌左個。如圖所見，成碟野其實唔大份，不過飯同料嘅比例唔錯，夠豬肚食! 個湯我地飲晒，有淡淡嘅胡椒味好養胃，個味好真，唔似落味精，而且我地飲晒都唔會口渴~ 豬肚彈牙，幾新鮮點心就有义燒包: 又細個又難食，得啲醬囉，义燒得一粒仔蘿蔔糕: 好味，有一條條蘿蔔，鮮甜，但又係好薄燒賣: 終於係正常size, 蝦仁彈牙，豬肉味道都幾好，好有自家制感覺，又juicyoverall, d 野大份少少好d

近年禽流感肆虐, 又經常傳出有關病雞的報導, 而幫雞打激素加促生長之說亦流傳已久。這樣看來, 相信好多朋友或多或少都會對食有所顧慮, 身邊甚至有朋友唔敢俾雞肉佢囡囡食。。。其實雞類本生是營養豐富的食物, 但是, 而家係香港出售嘅雞隻究竟安唔安全? 仲適宜食用嗎？早前余媽媽受邀出席了帝王雞國際有限公司於太子好彩酒家舉行的「南王雞試食會」~余媽媽係公司執行董事鄭展強先生身上取經, 學會如何可以食雞都食得安全和健康! 而家就同大家詳細分享啦！我地今次很有口福, 試食左多個用南王雞製成的菜式~其實余媽媽從小到大都是無雞不歡, 燉雞湯更是我的至愛! 平時我地買開的活雞---「嘉美雞」和「粵王雞」正正就是帝王雞國際有限公司的出品了~隨着活雞價格愈來愈貴, 而且好多時一朝早已經沽清, 有時余媽媽係無選擇的情況下都會考慮購買冰鮮雞。 但識食之人一入口就會食得出冰鮮雞無論係雞味濃度和肉質上始終不及活雞~有見及此, 鄭展強先生就推出了南王雞呢種嶄新的冰鮮雞品牌。由於南王雞的飼養方法令其膠原蛋白得以保存於肌肉纖維中, 因此佢嘅雞味濃郁、肉質結實、有彈力, 而且皮薄脂肪少, 但最緊要都係佢不含化學成份, 人造

嚟到太子，本來目標係下面果層嘅京華，但真係好多人等位(其實“好彩”都多人等)，之不過攞咗張飛之後竟然好快入得，所以轉飲呢間。好彩酒家都叫有好多分店，但呢間食物質素都唔係太高，餐廳入面面積都幾大，有好多張枱，但枱與枱之間好貼，待應上菜時都好難行入嚟，所以感覺一般。叫咗雪菜火鴨絲窩米，都幾有驚喜! 火鴨絲都有足料，好多鴨肉都連住層皮，我就最鐘意食層皮㗎啦，而且層皮都燒得香口，帶少少肥但又唔會太膩，可以一試。份量方面都分到6-8碗左右，$88，份量足。另外叫咗份燒肉例牌，第一口就幾好食，燒肉皮勁鬆化，肉質都淋，但再食落去就有啲瘦，少少un，有10零件左右，唔算多。點心方面叫左燒賣皇，叉燒腸，馬拉糕，叉燒包，金錢肚，較為欣賞嘅係燒賣同金錢肚，金錢肚個沙嗲汁都叫入味，唔算un。燒賣都幾大粒，但蝦就唔大隻，豬肉都唔算好肥嘅。但最怕就係點心唔夠熱，啲點心出到嚟都好快凍。 到最後埋單等咗成10幾分鐘，得1個人負責埋單，仲要每次一大疊單埋幾張枱，希望可以改善吓。(另外呢間酒樓唔收AE)