豪宴海鮮酒家 (Closed)

有一段時間沒有來這裡飲茶, 是日就跟文迪來吃午餐. 星期六的下午, 當然是人山人海, 其實在區內的酒樓也是有相同的情況.奶皇流沙包: 6分, 點選了好幾款點心, 其中最期待的還是奶皇流沙包, 不過流沙度認真一般, 不太流, 而包身亦不算太鬆軟, 還好的是奶黃是幾香甜的.其實這裡的點心選擇不太多, 下次還是去其他酒樓吧.

7 人局, 唔想叫外賣, 所以落新港城睇下邊度有位就食邊間... 間間都排長龍, 行過豪宴比較小人, 而且之前食過12人套餐還不錯, 所以決定等呢度... 7 個人有傾有講, 15分鐘好快就入得坐喇... 脆皮芝麻雞 (半隻)- 上枱時有微熱, 皮脆, 味道偏淡, 肉不算嫩, 但也不鞋, OK川辣土豆絲 - 土豆絲切得很不一致, 而且偏粗, 味道太酸, 不好吃... 腿汁琵琶豆腐 - 腿汁沒有金華火腿的味道, 豆腐沒有豆腐味, 魚肉同豆腐混埋, 其實分唔到咩味, 總之咸咸地, 用黎用下飯都OK, 這已是是全晚最好的一個餸... 松葉蟹柳炒蛋白 - 成碟野淡茂茂, 好似冇落鹽咁,D 蛋白太熟, 沒有軟熟的感覺, 更加唔好話香滑啦! 金牌山渣骨 - 睇落去几靚, 但山渣的酸味控制得很差, 非常的酸, 而家包住豬肉的脆漿太厚且已變淋, 米通亦因為不是新鮮炸的而變得很靱, 不能咬開, 最後沒有人能咬得開米通... 非常失敗! 廣島蠔肉崧浸菜苗 - 廣島蠔鯹到入唔到口, 我吐番出黎, 之後冇夾過呢碟野.... 真係好差... 仲話廣島蠔, D 菜一D 都唔係菜苗, 有渣的, 失望! 甜品

避過了父親節在各大食慶祝的人們，家中定了是晚到親民的馬鞍山街坊食堂，豪宴海鮮酒家來個簡單聚餐。父親大人如上一代典型的男人般，對吃這題目沒有多大講究與要求，揀選小菜的責任就交給我們吧!時近晚上7點15分扺達，已意識到場內人聲鼎沸，估計不到平日的晚上，無論是吃火鍋或小菜區域也人山人海，相信再遲數分鐘到來必定滿座撲空。小菜款式花多眼亂，在左翻右揭餐單後，方決定了以下的菜餚：1. 檸汁香酥大蝦球 HK$98喜歡它的檸汁不嗆喉，雖明白不會全數採用天然檸汁，吃時酸甜度適中，大大件蝦球，肉質爽彈味道鮮甜，份量也不欺場，金黃炸皮微微香脆兼帶有檸檬糖漿的煙韌，啖啖肉吃得過癮又清香酸胃，這就成了多吃幾口的理由了。2. XO醬夏威夷果仁炒鴛鴦蚌 HK$78惹味香口的XO醬伴海鮮如貴妃蚌或鮮魷應是經典的配搭吧。平常在外吃到的蔬菜大多沾上極多油份，令人望而卻步。慶幸在這裡的西蘭花清新爽口，彈牙有嚼勁的鴛鴦蚌份量不少，失色反而是隱約滲出油膱味兼不脆口的夏威夷果仁。3. 秘製黃金生海蝦 HK$68又來一道以蝦入饌的菜式，望見這道黃金蝦放在桌上，雙眼不其然發亮，筆者向來稱得上為"蝦"迷，師傅煮功不凡，將咸蛋黃平均分佈

我耐唔耐都會到E間野食下野...因為有朋友係附近收工..所以一兩個月都會食一次...真係唔明E間野點解越做越差....但係竟然上黎睇係一個劣評都無...真係忍唔住寫晒出黎...我同3位朋友一齊食任食火鍋...首先9點入坐9點30分先出第一轉野食..再加98蚊要多個生蠔...仲要催先有...但係最過份係4個人得3片肥牛..其他野都唔係我地叫一大堆菜(個生蠔未到)...我地心諗算啦一次半次..再叫過...第2張單..同樣請況..等左20MIN都未到..連侍應姐姐都睇唔過眼，幫我地走入廚房追...我地再追問生蠔，佢地話廚房無單，咁我地話取消再打電話去投訴...有位女仕應該係經理聽電話，我向她要求..我要求食得飽姐...麻煩出足一次野食..便夠...食完我唔會耍黎，點知隔不夠2MIN有個男經理過黎，仲拎左筒生蠔過黎話無得取消..因為一早已落單，咩都你地講，我地話算..照要...之後個經理當面係我地面前講(又要叫又要取消)..我地問佢講咩...佢一句都唔應就行開..過左5MIN到..佢態度180度轉變，話收到電話，主動問我地要咩..直接入廚房拎比我地食...講完之後...出黎0個一碟，真係多幾倍

本來對此酒樓不會有高祈望, 等位入座,竟然發現隔枱人不需等位只是同個亞姐講聲,不消三分鐘就有位,即時向經理反映他只說是誤會,但佢拉亞姐一旁叫她下次唔好甘揚,此為一嬲,第二嬲當我地食豆苗餃時內有一大條鐵線,即時向經理投訴,但他態度不好地話甘你地想點,我們說報食環,他即二話不說收起了食物並說同你地取消佢之後就走開!!! 如此的態度如此的服務叫人如何幫"趁"!!!!

聽到水滾茶靚、一盅兩件，不禁令人即時想到飲茶! 有所不知，筆者小時候最怕與媽媽和鄰居上茶樓，一坐便是一兩句鐘，又嘈又吵的環境，對只顧鬧著玩的小朋友而言簡直是坐牢。到長大了，工作地點商舖的租金昂貴，附近的酒樓又不好等位，好多時與同事三扒兩撥，每人平均花費過百元才得到一份溫飽，因此我對飲茶沒有多大好感。直到近大半年多了時間和家人茶聚，才懂得欣賞這人間美味。位於馬鞍山的豪宴是我經常出沒的地方，屬於新派酒家裝潢，喜歡它的等候時間不過份長，喜歡它地方諾大開揚，透過落地玻璃除可飽覽海濱長廊一帶景致，更引入了自然光，光猛中見生氣，與我印象中的舊式茶樓截然不同。下午茶時段這裡的下午茶時段由星期一至五下午2時至4時30分供應，除特點外，價錢劃一為11.8元，還有多款平價點心可選擇，每星期不同。先來一壼龍井，便急不及待在琳瑯滿目的點心紙上劃劃劃。*皮蛋瘦肉粥*點心是即叫即製的，先來個新鮮熱辣的皮蛋瘦肉粥暖暖胃，大大碗的粥底夠煲得夠綿和軟滑，也有米香，但瘦肉和皮蛋是切成極小粒拌入粥中同煮的一種，欠缺些口感。*豉汁蒸鳳爪*先炸後炆的雞腳發泡得鬆軟，一吮便能脫骨，調味得宜、入口帶醬汁的惹味和椒絲微辣，越吃越滋味

今日,我一地一家大細決定去豪宴海鮮酒家食火鍋,我地座低決定下食咩,最後我地就決定左用皮蛋沙爹湯做湯底,當中,我地叫左豆卜,魚蛋,粟米,肥牛......等等做火鍋既配料,個火鍋一黎,個湯底既味道好濃郁同有一點點辣,不過味道有點咸,但火鍋既味道令人大讚美味。

今天是妹夫的生辰，一家人希望簡簡單單地吃一頓慶祝飯，家人試過座落於馬鞍山海栢花園的豪宴海鮮酒家，菜式覺得不賴，又貪其地點近和環境衞生整潔，於是就定了到這裡吃個開心晚飯。晚上7.30分甫進入酒家，已是人聲鼎沸，晚市時段非常熱鬧。大部份食客都是吃火煱的，再隨隨地瞄向各張飯桌，食物屬巨型份量。好奇地取了張點菜紙，發現食物種類不少，有我喜愛的鯪魚肉丸、鵝腸、豬潤和脆肉鯇等，任飲任食價錢128元一位，湯底和其他貴價食材，例如鱔片，美國桶蠔另計。沒有吃火煱，我們這晚打算點小菜，眼見每枱都有個冬瓜盅，相信是豪宴的招牌湯，加上店員對我們說只剩兩個，二話不說便她替我們先入單。原個冬瓜盅上桌了，體 積很大， 一揭開冬瓜頂皮香氣撲鼻! 內裡的材料又多又豐富，翠肉瓜粒、蟹柳粒、蝦仁、蓮子等，味道清潤香甜，再用湯匙將軟綿綿的瓜肉挖入湯內，喝一碗全身暖笠笠好舒服。這個菜以鐵煲上，滿以為黑椒汁在燒紅的煲仔內會熱得吱吱作響，誰知一揭開煲蓋毫無動靜，很是失望，但其實豬手是夠熱度的，只是酒店以鐵煲盛菜為賣點。原隻份量大大的咸豬手配上黑椒汁已略聯想到有多惹味，肉質鬆軟，皮脂腍滑得只要以筷子輕輕一夾已與肉分離，此時怕胖的女生

As well as the freezing cold air conditioning, it was noisy and the food was lousy.Sat down and the air conditioning was about 21.5 degrees C as measured on my digital UV and temperature meter.Then it slowly dropped to 21.0 degrees.++++++++++++++++++++++++ChickenThe chicken was not fresh and there was a rancid oil taste.++++++++++++++++++++++++Prawns on toastThe toast was so thick and the oil was unfresh.There was chinese salad cream as dipping sauce, not the usual sauces you get in the UK.+++++

因為有小朋友原固, 所以搵酒樓食, 大家會坐得舒服一點.這一家我們只有媽媽幫襯過, 說也OK, 所以就book 位黎. 中午打來訂9位(2個係bb) , 晚上7點, 完全沒有問題, 而且來到時, 也不用再多等. (讚)外觀跟別的酒樓沒有分別, 有火鍋及晚飯. 我們一家只是點菜吃晚飯.菜方面有1. 片皮鴨2. 冬瓜盅3. 火龍果炒鮮蝦百合4. 南瓜牛仔骨煲5. 雙菇炆豆腐6. 蒸倉魚7. 鴨絲炒芽菜 (當然因為個片皮鴨而有)8. 雞半只食物味道好一般, 叫不過不失, 但沒有驚喜, 試過一次的我, 我都唔會再番轉頭再食.片皮鴨 ---> 可能係第一味來, 所以大家反應都覺好好食, 有皮有肉, 夠熱. 但跟來的包皮如果可以多d就好, (我估只有12塊左右)冬瓜盅 ---> 雖然等左好耐, 而且味道都有小小略咸. 但份量及料真係足火龍果炒鮮蝦百合 ---> 大蝦得5大隻, 莫非蝦好貴? 火龍果就好多南瓜牛仔骨煲 ---> 牛仔骨有3大件, 之後就係南瓜. 黑召味道重, 但都野味.雙菇炆豆腐 ---> 冇咩特別, 但豆腐似有d酸味? @.@蒸倉

環境：一般酒樓格局，裝修沒特別，枱和椅子排得密密麻麻，有逼的感覺。食物：芝麻雞皮脆有雞味；芝士龍蝦伊麵底，芝士夠多，龍蝦足料，不是只有龍蝦腳。服務：服務可說是較差，坐下沒人開茶，落單叫極都無人得閒。如果真的不夠人手，真係要多請員工呢！

點咗湯底後半個鐘還未上. 問過幾個部長都冇跟進. 最後問咗個經理, 答案是"冇晒煲". 食物質素 差, 大部份食物, 一早用完 , 點咩冇咩, 最後叫個即食麵, 才可以食飽, 話送蝦, 又冇的送. 服務態度 差 唔會再有下次.

嘗過這間酒樓的晚飯小菜，水準不俗，這次和老公嘗試下午茶點心。由於我們下午３時才到達酒樓，大部份食客已入座，故就算我們選擇不搭檯，也只用20分鐘時間等位。環境上，枱與枱之間不算擠迫，服務上侍應們也達到應有的禮貌，事不宜遲，我們開始點菜！小妹很欣賞上菜速度，雖然人多，但只等10分鐘，傳菜員便把一籠籠點心送到桌面上了，讓小妹分享對各種點心的評價吧！鳳爪排骨飯（我們要求少鼓油）作為平價的盅頭飯，這個點心造得不錯，飯粒乾爽不黏不爛，而排骨的肉不是只得肥膏，也不會蒸得霉霉的。蝦餃餃皮造得不黏稠，由蒸籠夾到碗內也不易扯破，而蝦肉夠爽口，亦沒加入肥豬肉和筍。雞包仔吃中式包最怕包包濕漉漉，但這個雞包仔沒這個問題，雞肉算新鮮。羅漢齋腸粉及羅漢齋粉果兩種點心的餡處理得不錯，清甜的沙角配合其他餡料，令兩款本來清淡口味的點心的味道加點層次，但腸粉不夠滑，而且造得薄點的話可提高不少分數。翡翠玉環（一籠應有3件，但其中被小妹夾走，留下夾散的豬肉）在枱上多種點心中，較為遜色的便是這個，開始進入夏天，瓜類開始當造，照計節瓜應會鮮甜，但這個節瓜蒸得不夠較身，又不夠味，豬肉容易夾散，仍需努力！除了一、兩款點心有進步空間外，

馬鞍山開左間新酒樓,即管試下.一入到去已經見到枱枱都有個豬骨煲,所以屋企人都話一定要試吓嘩真係幾足料,個窩又深.我地一行六人,每人都飲到兩,三碗餸方面就要咗芝麻雞,上枱仲熱,皮脆卟卟,正梅菜扣肉,我覺得好好味,啲豬肉唔算肥,味道啱啱好,唔會太鹹花膠雜菌煲又係好足料,啲湯唔覺有味精,我地飲哂本來仲叫左個蒸糯米蟹,可惜賣哂,所以換咗個荷葉飯.味道真係麻麻地,啲飯又唔乾身.唔掂

和媽媽來這間新開張的酒樓喝下午茶很多人在排隊等了三十分鐘才入到去還要搭台立即叫了個燒鵝瀨粉,沒錯,是燒鵝!不是燒鴨!肉質不錯,吃一碗已飽肚.還叫了個雞粥,煲得很入味,很香!之後還叫了幾個點心,都很不錯.這家新店的味道不錯!