炊豕店 (威靈頓街) (Closed)

May your lunch be as glorious as mine ✨Their pork chop rice with scallion oil is gold in terms of portion and taste 🤩Ambience: small wooden tone restaurant with vintage posters and a nostalgic vibeOccasion: good for a casual quick meal with colleagues and friends

今日中環行完街，去呢間食飯。呢間豬扒真係出晒名。餐廳好靚嘅裝修，但呈現出黎係7，80年代嘅感覺。睇到呢個舊嘅保溫水壺，回憶都返左黎。叫左個叉燒豆角蔥花炒蛋幼麵。都係咁大碗。果然豪氣。炒蛋係我最鍾意個個味道，好似媽咪整嘅味道。炒蛋真係好香，幼麵都好彈牙。好有細個食麵個種感覺。仲有超級大豬扒肉燥飯。豬扒好似唔洗錢咁，勁大塊！咬一啖，豬扒炸得好脆好脆。入邊仲有好多水份。真係炸得好好味，又厚！肉燥飯好好味，唔會太甜。又係大大碗，食完超飽。仲有小食炸雞。啱啱炸出黎，熱辣辣。點埋個蛋黃醬，真係超邪惡。炸雞好夠味，呢間餐廳嘅野食係真係正！唔怪得開左幾間分店。真係好大份好好味！飲埋杯熱嘅蜂蜜柚子茶，好舒服。下次再黎！

💖今日去左港島，順便去上環行吓食個lunch，朋友去過呢間嘅其他分店，話呢度豬排飯嘅質素同cp值高，就黎呢度試下。1⃣️秘製豬扒飯（咖哩汁）🐷 $64💖好大份嘅炸豬排🥩豬排外皮酥脆，肉勁厚，咬落唔會乾硬，肉質軟熟，豬排比飯🍚仲多😂搭配嘅咖哩🍛口味偏甜，唔食得辣嘅朋友都可以嗌，薯仔🥔軟糯。仲有配菜🥬平衡翻食過嘅肉，如果唔係大食嘅朋友仔可以嗌少飯，-$1得黎又唔會食唔曬。2⃣️原味豆漿🥤+$10💖跟餐加10蚊要左個壹品豆漿，係枝裝，方便拎走。💖店舖裝修舒服，店員好快手，態度都好好。$60起嘅大大份豬排飯，係上環附近都幾難搵到其他CP值咁高嘅餐廳，唔怪之得過左放飯時間3點幾都咁多上班族💼同街坊啦。

每次經過呢間食肆，都被門口食物相片吸引，今日終於和幾位好友一起去試我們四人各點一款，見到期間限定嘅尼款日式大阪豬扒飯，我就揀這款吧！炸豬扒上灑滿不停舞動的木魚碎，非常可愛，豬扒加埋沙律醬，食落更加美味沖繩豬軟骨再追加炒蛋，豬軟骨炆得入味，入口即化軟熟，配菜的羅白吸收醬汁又甜又好味，切片的蓮藕爽口入味，追加的炒滑蛋，滑溜蛋味香蔥油豬扒，用料新鮮，蔥油香味充滿口腔，混入白飯一起吃，真是好味到吃不停口，豬扒很厚加上蔥油，味道又有另一番風味，份量頗多，雖然食完有點膩，但無可口非，真係好味煎蛋焗豬扒飯，賣相非常吸引，煎蛋煎得有水準，蛋邊帶點微焦，吃落香口，蛋黃半熟，將蛋汁混入飯內一起吃，更加美味，飯是炒飯底，微酸的茄汁加上小配菜，減去豬扒油膩感還叫了一個小食一起分享，唐楊炸雞，熱辣辣的炸雞，外層炸得酥脆，咬落雞肉嫩又滑，炸漿一點也不厚，還保留雞肉的水份，點上沙律醬，味道更上一層樓，值得一試

是日到中環做身體檢查，完成後下午三點鐘，順道在附近找一間餐廳吃下午茶。剛好看見附近這間門面挺有特色的小店，便進去一試。餐廳佈置小巧玲瓏， 餐桌都是木製的 ，有一種台式風味。 餐廳的餐牌相當簡潔，主打豬肉。豬扒好像是這裏很出名的食物，但當日我比較想吃它的酒槽豬手，貪它骨膠原較多，亦不會太飽。 另外還叫了一個芽菜。芽菜是小小的 一碗，上面還有幾塊豆卜，是涼菜的做法。還有一些麻辣的味道，吃少許還可以，但自己一個吃一碗感覺好像比較多。酒槽豬手甜甜的，一點也不油膩。另外白飯是比較軟身的，有點像日本的珍珠米飯，還配有一條小棠菜。小小一碗有四至五塊豬手，份量十分足料呢。另外因為豬手會有骨，所以餐廳還特別附上一隻空碟讓我放骨，非常貼心。

放工約咗朋友食飯吹水，唔飲酒，近近地搵到呢間餐館。外面睇似係咖啡室, 有種小清新感覺。入到面，舖頭細細，啲木枱似功夫椅咁，牆身掛咗懷舊相海報，有啲台式feel。 成店可坐10個位左右，如果4人以上大班人食飯真係有難度。坐好後，待應哥仔送上紙袋放口罩及搓手液消毒。自助手寫落單，無套餐需要單點。想睇相可能要睇返門外口餐牌參考。熱柚子蜜好快送到，杯印咗logo，都幾靚，正常即沖味道，唔特別評論。前菜涼拌大荳芽，不得了，用舊式藍碗裝到小山坡，有埋豆卜。麻油味小小醋酸香，唔會好油，芽菜爽口唔痴牙，勁開胃，呢個量一定要share食。另一客小食酥炸鳳尾蝦，即係吉列炸蝦（？），望落色澤金黃炸得幾靚，攤咗一陣先食暖暖地入口，炸漿小小厚身，蝦肉嫩滑，不妨試試，唔點沙律醬都好夠味。主菜推介嘅蔥油炸豬扒飯，好多蔥油拌住，豬扒似係以鹽酥雞炸法，香香炸味色澤都光。咬落炸皮酥脆咬到'索索'聲，豬扒有肉汁小小油唔乾身唔是鞋口，少少鹹味，抵讚抵讚！白飯偏濕偏黏黏，撈埋蔥花食，good ar，想添飯添！另一個蔥花豆角叉燒炒蛋飯，叉燒同豆角幼粒切，混蛋漿炒，並無甩晒出嚟，炒蛋仲有啲係嫩嫩地嘅液狀，保留返少少叉燒汁嘅甜味及原

豕，豬也。炊豕店當然是以豬做主角，全場以豬肉為主，有豬扒、豬手、肉燥、豬軟骨等主食，除可以追加不同配料外，亦可以揀配白飯、撈粗麵或撈幼麵。還可以選擇多飯加錢，少飯減錢，好實際。小食則有唐揚炸雞、滷水雞翼、麻辣炸魚蛋、涼拌大豆芽、酥炸鳳尾蝦、洋蔥圈、咖哩角和肉燥凍豆腐等供應。點菜紙每人用一張，可自選各種配搭，餐主菜、追加配料、飲品和小食，一目了然，方便易用。係炊豕店，豬扒當然係必吃之選。喜歡人氣推介蔥油豬扒飯，蔥油香味配上豬扒油脂，送飯味道一流。豬扒好大塊，遮蓋碗口，幸廚師細心，先把豬扒切成 4 段，方便客人享用。厚身豬扒炸得好香口，仍保留肉汁，肉腍兼且鮮嫩，配上惹味蔥油和香軟飯粒，再加埋隻追加煎蛋，真系愈食愈滿足。至於叉粒豆角蔥花炒滑蛋，就轉轉口味，改配撈幼麵。蛋漿炒得幼滑，色澤金黃，配上紅潤叉粒和碧綠豆角，賣相對辦。入口蛋漿滑溜，蛋香充沛，叉燒粒肉質鬆化，加埋青脆豆角和彈牙幼麵，配上帶甜醬油和炸蒜，味道好夾。小食肉燥凍豆腐，材料簡單，清香滑溜凍豆腐，配上惹味肉燥，再放上營養豐富的天然調味料木魚花，睇得又食得。 

說到好吃的炸豬扒飯，能夠令我再三回味，一直支持的，實在沒有多少間，而中環呢間<炊豕店>，就是其中一間讓我再三光顧的。餐牌非常精簡，做的就是貴精不貴多，永遠支持的，依然是自家製的秘製豬扒飯。<秘製豬扒飯 配肉燥汁 $60>炸豬扒每天新鮮製造，即叫即炸，一大塊放於大碗飯上面。豬扒的炸粉非常薄，外皮炸得極為香脆。厚切豬扒肉，咬落去肉質十分鬆化軟淋，完全沒有多餘的根和揸，味道亦夠惹味。肉燥汁味道濃郁，肉燥肥瘦均勻，配飯和豬扒一起吃，份量夠之餘，亦充滿極大的滿足感，感覺滿分。其中一個轉了粗麵，粗麵掛上了肉燥汁，同樣美味，值得一試。<唐揚炸雞5件 $32>餐廳的炸物，除了炸豬扒，唐揚炸雞亦做得同樣出色，炸雞肉炸得外脆內軟，咬落去肉質非常juicy，感覺非常好食。最後跟套餐加了$10要了凍豆漿，非常抵飲。整體來講，餐廳雖然是小店一間，但食物的質素和水準都非常高，絕對是用心之作，尤其是主打菜式炸豬扒，份量多，味道佳，價格親民，值得推薦呀！～

原先都冇諗住寫食評，但之後睇返其他人食評就越睇越嬲。點解你地可以講到咁好食，係咪我得罪左廚師？（難啲係咁囉😅）我叫既係《大阪燒豬扒飯》，係我唔啱無問清楚，原來貴過普通豬扒飯$6就係吱左啲大阪燒果兩種醬汁，再加薄切鰹魚碎片。啲醬汁就係喺豬扒上面，而且不多，食起來個飯乾曾曾的...塊豬扒先係敗筆，點解可以咁多炸漿！我不能接受塊扒每2啖就食到一團膠質物體🙄廚師你咁樣煮野對唔對得住間舖頭個名？另外我仲叫左個餐肉炒蛋，普通到無輪，當你成碗飯得豬扒係餸，汁又唔多果陣，你有多個餸食下實好味架。 我知有人會話塊餐肉好厚，做人易滿足絕對係好事黎🙂 但塊餐肉厚得黎唔見得質素有幾好，而且只是係咁易煎左兩面，我個人認為就唔值得叫了。最後想講隔離枱仲好笑，佢叫蔥油豬扒飯，竟然無俾蔥油佢。好彩佢唔係傻傻下照食，要成$64架蔥油😂😂

原店係係銅鑼灣，跟著越做越大去左中環開分店（而家好似長沙灣都有）價錢唔算貴，食物質素又ok，自然一到食飯時間就大排長龍。今日特意帶左新同事來試下～期間限定大阪燒豬扒飯 $62 （少飯-$1）我最鐘意試期間限定嘅食物😜一反台式風味，用左日本大阪燒嘅方式做醬汁，食落又冇違和感喎！本身帶酸同好熱氣嘅豬扒一齊食都幾開胃，豬扒一如既往係出色嘅，炸得鬆脆內裏都唔乾酥炸鳳尾蝦 $27第一次點小食，炸野我對佢好有信心，同豬扒一樣炸得鬆脆，如果比多幾條就好了😜總結：雖然食物選擇比較少，但係勝在樣樣做得出色，價錢又唔貴，過一陣子掛住個豬扒又會再嚟食～評分（5⭐️為最高）：環境：⭐️⭐️⭐️服務：⭐️⭐️⭐️⭐️食物：⭐️⭐️⭐️⭐️價錢：⭐️⭐️⭐️⭐️如果喜歡我地嘅餐廳食野情報就follow我地啦～

大阪燒豬排飯真的很好吃😋我點了少飯夠吃的，就是覺得肉還可以多一點點看到朋友點的炒蛋也很不錯！下次可能加個菜吧。大阪燒的醬汁覺得可以多一點點桌上的醬油也可以加一點點不然飯都沒有汁拌

今天我來到中環區嚐試一下旗袍的體驗，玩累了當然找餐廳休息一下，無意中發現了這間台式的餐廳，它的食物價錢以中環區來說真的相當便宜，所以我和老公便選擇來到這裡吃午餐了No.1【秘製豬扒飯 (肉燥汁)】$58豬扒的份量簡直是「重量級」，完美滿足我這個「食肉獸」，另外由於豬扒是即叫即煎，所以外皮十分香脆可口，而內裡的肉質則非常緊緻彈牙，細嚼慢嚥的時候，鮮甜無比的肉汁更立即傾巢而出，在唇齒間留下一絲絲濃郁的豬肉氣息，鮮甜可口，肉汁四溢，口感豐富而飽滿，讓人唇齒生香，念念不忘至於肉燥飯的份量都算多，而且味道亦算濃郁醇厚，我們滿口都充滿著淡淡的油脂香氣，以及濃濃的鹹香氣息，咸咸的，香香的，咸香四溢，滋味非常，美味得讓人陶醉其中，難以忘懷！No.2【"大阪燒" 豬扒飯】$62雖然這是一間台式餐廳，但竟然有期間限定的日本"大阪燒" 豬扒，貪新鮮的老公當然點了一份來嚐試一下，可惜最後的味道卻有點不倫不類的感覺....所謂的"大阪燒" 豬扒，其實只是把章魚小丸子上面的沙律醬以及配料鋪在豬扒的表面而已，但是它們卻和豬扒本身的味道並不太夾，導致口感有點怪怪的，給人一種「九唔搭八」的感覺最重要的是，這份"大阪燒"

之前夜晚特登黎呢度食晚飯😚平時lunch time經過見到佢排晒長龍架🤯入面裝修走香港懷舊風幾得意🤣🍚秘製蔥油豬扒飯🥩🥬 $62勁多蔥油😍豬扒好厚 肥瘦岩岩好 皮炸得好香脆 肉質好嫩滑唔會乾👍🏻連埋甜豉油撈飯一流😆呢個組合一定冇得輸啦✨🥰開頭望落細細碗 以為會唔夠食 但其實食完都幾飽😆

放工路過中環買嘢，星期六下午茶時段冇乜人，就試吓好唔好食，原來有下午茶叫，我其實都冇留意價錢有咩分別，我叫左炸豬扒肉燥汁飯+涼拌大豆芽+鹵水雞翼。我鍾意食塊豬扒，吾Dry有味兼鬆化，如果能夠單點一塊豬扒作為小食就好了，我覺得個飯吾好食兼肉燥汁太少，但係飯的份量好多，只是不太好食（飯），涼拌大豆芽不過不失，當前菜食ok, 反而鹵水雞翼最有驚喜，吾單只上色仲好入味好食，若果下次再食不會再揀飯，另外飲品選擇不多。

一直見到呢間都係熱搜店咁啱約咗朋友喺中環食飯就順便試埋佢嘅豬扒飯.蔥油豬扒飯 $62.我諗蔥油豬扒飯都係佢哋嘅最出名嗰款雖然見到有其他選擇但都毫不猶豫揀咗呢款一上枱賣相幾靚豬扒上面有一堆蔥油第一啖咬落塊豬扒到外皮炸得幾脆豬扒咬落好鬆軟 好驚喜冇諗過豬扒可以咁冧而且份量足 豬扒大大嚿加埋啲香噴噴嘅蔥油送飯一流😋😋👍🏻👍🏻.佢張點餐紙都好貼心有得揀少飯細食嘅女仔可以揀少飯 減少浪費另外見到佢餐牌有個豬軟骨飯都幾吸引下次經過嘅話再會一會佢