開花結果 (榮吉工業大廈)

Open Now

Now Closed

呢間食過幾次㗎啦，每次都食唔晒，但每次去佢又好想食佢個沙律😂佢哋個自選沙律餐包一個包，有法包、牛角包、白包好多款式比你揀。之後就可以自己自選兩個沙律，吞拿魚粟米火腿沙律極度推介！！其實一份沙律已經好多，佢仲可以俾你揀兩份，所以如果有興趣去試嘅話建議大家可以點一份沙律餐，另一份可以叫返湯麵或者扒餐～因為一份沙律真係太多🤣🤣（雖然去到就忍唔住都係揀返沙律！）而且佢哋個嘢飲係偏向大杯～～呢個價錢相當平靚正🙈地鐵站一出轉左直行就係，位置都相當方便！

想健康啲就可以試吓呢一間又可以滿足到我食牛角包😆佢嘅牛角包沙律餐可以任選兩款沙律！你哋有時間經開都可以試吓，不過真係要早啲去攞位下午茶都好爆其實分量一啲都唔少我覺得男人都夠飽！牛角包邪惡得來再加兩款沙律即刻中和返講個自己好健康😎😆你哋睇清楚沙律有得選擇水果水果嘅款式都唔少不過我朋友就選擇咗食呢一個大大塊扒意粉😆我朋友覺得塊扒真係唔錯

开花结果推介—魔鬼通菜繼魔鬼脆肉菜心後雄哥繼續研究蔬菜系列今次推介嘅係魔鬼通菜用輕微嘅鮮絞肉碎煮湯再加上即日新鮮的通菜最後更撒上海量胡椒粉兩個人加一份菜啱啱好用來平衡嘅邪惡感你地食左未？😈依間係我差唔多每個禮拜都會食嘅茶餐廳好有人情味，啲嘢又好食🫶🏻連老闆都認得我每次都會叫呢碟焗飯🤣-焗白汁雞皇飯焗飯係炒飯底，仲要係用珍珠米雞嘅份量夠，仲有青椒同洋蔥有少少芝士碎鋪面，焗得微焦焗飯嚟講都唔錯☺️-揚州炒飯有鑊氣，價錢合理不過不失🤣📍开花结果 (青山道)荔枝角青山道608号荣吉工业大厦B座2A舖🌟推薦指數：6.5/10

🔅🔅🔅🔅🔅🔅🔅🔅總分: 4/5 (下午茶來講呢個價錢真係好高質)推薦俾:食量比較大 鍾意食沙律 想食高質平價下午茶嘅人🍗🍗🍗🍗🍗🍗🍗🍗🔅香炸雞髀拼沙律 ($41)隻炸脾超級大隻同埋超級高質！新鮮炸起 熱辣辣！個炸粉好薄 肉質好鮮嫩同多汁但係如果真係要搵一樣嘢講嘅話就係雞髀本身唔算太入味多數嘅味都係嚟自炸粉但係呢個質素真係算係好好！個水果沙律就其實冇乜特別有蘋果 粟米 罐頭黃桃 同椰果 (加椰果幾特別)加沙律醬🔅煙三文魚牛角酥 ($36)其實原本都冇諗住嗌但係見到佢有成個corner都係牛角包咁就叫一個嚟試吓！個牛角包本身好食！ 夠酥夠脆！但係煙三文魚就可以唔使嗌了🥐🥐🥐🥐🥐🥐🥐🥐地址: 開花結果 (青山道) (荔枝角)荔枝角青山道608號榮吉工業大廈B座2A舖環境嚟講~依家餐廳其實應該本身幾出名平日下晝時間去都算幾多人服務都幾好而且每一台客人走咗之後都會拖地環境好乾淨企理餐廳位置都好近地鐵站~

朋友帶我來下午茶傾計聊天，第一次來這間餐廳，下午茶時段都坐滿七成，餐牌上有好多選擇，和朋友叫了生果沙律和餐肉芝士牛角酥，食物味道不錯，食材也新鮮，份量都算多，而價錢算是便宜，絶對可以再幫襯 👍

平日少行開依邊，以前返工見到門口有好多人排隊，原來係有間餐廳有大大份既沙律餐，健康又抵食，咁岩行開呢頭，帶老公再黎試下。地點方便，我地係地鐡站行5分鐘就到，啱啱係下午茶時間，好彩唔算太多人。呢度有好多選擇，我地要咗最出名既沙律餐，可以自選一款麵包 + 一款餡 + 兩款沙律。沙律份量大大份，男人都會食得飽。🌟🌟皇牌經典套餐（全日供應）$56香芒雞肉+牛角酥+開花結果（各款新鮮生果）+菠蘿粟米蛋沙律每次都鍾意食牛角酥，新鮮香軟鬆脆，套餐可加$12轉台式飲品，大大杯都覺得好吸引煙三文魚和芝士火腿餡料配煙肉西芹薯仔沙律和吞拿鱼沙律亦相當好味和有份量，如果食2個沙律我都會打包一半，通常一個開花結果再加1個沙律就飽肚下次有時間行開呢邊又要食下

放lunch 食飯怕飯氣攻心？下次可以試下本店嘅麵類😉呢個係本店推介嘅豬手麵雲吞牛腩河🍜🍴 瑞士汁雞脾芝士撈麵芝士勁濃 個麵吸哂 d汁 雞脾大大隻 熟左少少 但豉油王入味 整體中上

成日經過都無發現依間鋪，一食就愛上吞拿魚係本人最愛配埋新鮮水果，夏天食一流～牛角包好鬆脆，套餐可以配鮮榨果汁，抵飲抵食想食薯條的我們都好後悔點解唔揀埋沙律，沙律款式超多，樣樣都想食，一定會經常黎食下午茶～

呢間位於荔枝角地鐵站B1出口附近的地鋪，行2分鐘就到，地點就腳又好有特色。香炸雞髀拼沙律沙律🥗有6款選擇，有低卡菜沙律、水果沙律，我就叫左煙肉西芹薯仔沙律，d煙肉粒好香脆，加埋薯仔同西芹，味道好夾。炸雞外皮超脆，外脆內軟，啖啖肉，唔乾，有汁。好有水準的炸雞髀。香茅豬扒番茄湯烏冬豬扒好林身，唔乾。呢個湯有得選魚湯同蕃茄湯，面都有好多選擇（米線、公仔麵、粗麵）蕃茄湯好濃郁又有薯仔紅蘿蔔粒，好足料。如果餐飲轉西瓜汁加$8，大大杯。檸水奶茶咖啡唔使加錢。

這裡常常排長龍，所以提早小小去食中午，這裡環境裝修簡約，空間一般，多以4人一枱為主，所以4人一起食，空間會好d。這裡以沙律為主，但其實都有很多其他選擇，今次當然試沙律$56 選兩款餸＋一種包＋兩款沙律通常牛角包最多人選擇，比較香口，餡料就選了蜜桃火雞，火雞比較小食到加上蜜桃加持，味道很好，沙律就吞拿魚、薯仔西芹煙肉，啖啖都吞拿魚，薯仔就加上煙肉粒和西芹，令到口感很好。這裡食材其實很普通，但出來效果很好又大碟，價錢公道，難怪這麽多人

哩間沙律店一到lunch time就大排長龍🫠好彩我lunch 時間比較自由，可以選擇tea time食！食tea有三個好處1) 冇咁多人 2)價錢平啲 3)份量少啲 啱晒我哩啲要減肥人士😆之前食過lunch $5x 有一個自選包加兩份自選沙律… 飽到晚餐都食唔落😂🔸沙嗲牛肉漢堡包配薯仔煙肉西芹沙律$35 佢嘅沙律我大部份都試過，吞拿魚沙律同蛋沙律都好食，但比較多沙律醬，會飽啲又肥啲！淨生果就一般般，啲生果唔太甜😂今次哩個沙嗲牛肉漢堡第一次食，我唔太喜歡，因為啲沙嗲汁好甜🫠包嚟講我比較鍾意食lunch set嘅飽，我會叫煙三文魚牛角包走醬😂整體嚟講價錢都算抵食，食物質素OK👍🏽只喺要等一陣位！間唔中想懶健康下都會去食下(我知有沙律醬喺會好肥 唔洗提我！🌚比我扮下嘢！)📍荔枝角青山道608號榮吉工業大廈B座2A舖#美食 #食評 #香港美食指南 #香港美食推介 #食好西 #小店 #hkfoodielife #hkfoodgram #hkfoodie #hkfoods #荔枝角美食

開花結果🌼 由佢係石蔭結業，到現加荔枝角店做到有聲有色🥰 三點去到都全場爆滿！係樣值得開心嘅事😋不過由佢$4x到現加$56一個皇牌經典套餐都無損我對佢嘅興趣😋 自選包款，自選餡料，再自選兩款沙律🥗 我好鍾情於煙三文魚牛角包🥐 沙律要4,5 (姐係吞拿魚粟米火腿沙律同菠蘿粟米蛋沙律)再加$10飲木瓜奶或者珍珠奶茶🧋我老實講我都未試過成功食晒佢成個餐，平時叫外賣🥡就會留返一半沙律第二餐食😂 但係今次堂食之後又會再出街，就放棄咗呢個念頭😂我對佢嘅喜愛度係我會特登搭車去荔枝角買，雖然佢唔係咩特別嘢，但我自己好中意食煙三文魚牛角包🥐，如果唔鍾意食太多醬，記得叫佢少醬‼️ 煙三文魚好足料，啖啖都咬到，但當然唔係啲咩特別靚嘅三文魚啦😂 沙律都係非常足料，雖然都係果句只係好普通嘅嘢，但相對上喺其他地方都難食到，因為好多地方都會加埋薯仔🥔落去，本人就唔係咁喜歡🤓

天口熱🔥，有時就算我地lee D 麻甩佬 ，都唔想對個一大碟飯，反而都想食下 D 輕食。好彩公司附近有間這樣的東西，清清地。推薦牛角酥 + 生果 + 沙律。如果平日，lunch 一定要早 D 去，最好 12pm 就到，不然一到 12:30pm, 超勁多人。

多比是一個勤勞嘅打公仔每天只有兩個時間係多比最開心嘅時間就係多比嘅放飯時間，同收工時間 分針搭正  1點 ， 就係多比嘅第一輪HappyHour😍多比之前已經經過呢間花花結果 ，但次次因為太忙食唔到 而開唔到花結唔到果，今次 終於俾多比我搶到頭等位 坐到係餐廳嘅位度啦🤪多比 一坐低 唔洗諗  即刻打開咗個Menu 睇下有咩好食點解 我要咁快 ？ 因為多比嘅時間只有啱啱一個鐘 遲一分鐘都會俾人 KO眼利嘅多比 已經見到有牛扒套餐，唔洗諗 即刻叫爆俾多比食！餐廳都好快手 大約 五分鐘就出到餐俾我期待已久嘅多比 終於都食到開花結果嘅餐啦😼牛扒咬落都幾順口，肉質都嫩滑 再混合餐廳嘅醬汁 都幾開胃 唔錯唔錯唔知係咪因為 加埋啲醬汁一齊食 ，多比零射開胃只係用咗10分鐘就食曬成碟嘅牛扒餐啦，只家仲有有成十五分鐘俾多比我係度 Un Un 腳飲佢果杯凍檸茶，以多比多年飲凍檸茶經驗 ，開花結果嘅凍檸茶 可以俾到去7.8分 都算一個高分嘅級別 ，食完成個餐  都只有五十幾蚊 以多比嘅銀包 絕對應付有餘啊！（其實多比啱啱出糧）（又去到評分環節啦 ！ 5分🌕為滿分）味道：🌕🌕🌕🌖🌑環境：🌕🌕🌕🌑🌑 （午市環境

很久沒食這間，現在地方大了，客人多了，但服務差了，質量差了，買外賣回公司食，境然沒有跟主菜，買了皇牌經典套餐，境然沒了主菜煙三文魚。。。。打電話去，還說因為忙，所以忘了。。。叫我自己去攞返。。。。