海福小館 (Closed)

屋企人間唔中會買咖喱羊腩外賣返屋企食，舖頭原來響觀塘。咖喱羊腩巳經炆到好入味，肉質柔軟，基本上輕輕抆條骨已經出咗嚟。咖喱汁對於食10小辣嘅人嚟講有啲辣，食開濃味嘅朋友應該會幾喜歡。兩塊手抓餅煎得徧油咗啲😬但都係會忍唔住沾啲咖喱嚟食🤭羊肉依然係咁柔軟，藥膳湯好足料，啱晒呢個開始涼嘅天氣食暖暖身👍🏻舖頭響觀塘廣場地下，餐廳環境比較迫，午膳時間都有唔少上班族堂食或外賣。喜歡羊肉嘅朋友值得一試😊

被藥膳兩個字吸引而一試，我點了一個藥膳牛腩，餐牌寫的藥材多不勝數，清湯牛腩黎到，單憑嗅覺，你也會估到湯底是用藥材。藥材跟牛腩也未有違和感，連湯也飲下，不算咸，可一試。

上枱嗰碟牛雜撈麵有三份一張枱咁大，認真嚇我一跳，點知份量更驚嚇，足足有三個麵餅的份量，而牛雜嘅份量就等於一碟餸咁多😯我E世人食牛雜麵嘅次數都唔小，咁巨大嘅份量真係頭一次見，兩個人食都足夠有餘。一個人食完，會飽到胃痛🤣份量雖然超巨大，但味道一般，咸得有些死實感，不是五香feel,味調明顯不足，辣椒油又不辣，而且牛雜質素麻麻。但只是$50一大碟，也沒要求了。最终當然食剩三份一，雖然抵食，亦不想浪費，但真的飽到上心口，不能挑戰極限了。

觀塘美食眾多，花多眼亂，想簡一間都不容易。呢間海福小館早排經過，見到有手抓羊🐑，一陣上來試吓，冇令我失望。咖喱🍛並冇得揀辣度，微辣帶甜，都幾香，羊腩下面有幾塊薯仔🥔。羊腩有成6-7塊，塊塊帶皮，肥瘦相間，好靚。食羊最正係有少少羊蘇味先至好食，呢度就做得到，同埋羊肉炆得恰到好處，不會太硬或太淋。薄餅仲有驚喜，有兩塊，好香酥，點咖喱汁好惹味。如有多一塊男士會更飽肚。套餐$88，加多$8罐裝可樂，大滿足。

正值午飯時間剛好見到海福小館，諗住門口咁多人排隊又上個電視應該幾好把心一橫走去試吓。見天氣涼涼店裏面嘅Menu推介羊肉料理於是乎order新疆手抓羊配上米線，價錢便宜分量足夠$63滿滿的一大碗羊肉份量絕對冇偷雞，而且湯底清澈其實幾吸引。不過我想最大的敗筆是Al Dente的米線，一直習慣軟身米線嘅我說實話接受不了米線中間帶點生的口感。雖然羊肉烹飪至淋身又不會太老太柴口感不錯，只不過羊臊味有點大不太喜歡。餐館地方範圍較少，座位比較狹窄，午飯時間容易肩膊撞肩膊。而且店內人手不足，單子不停出錯送錯枱上錯餸。

收工瞓醒，搭車出咗附近拎貓糧（好唔好食真係要問主子，奴才未食過唔知味道如何🙄），主子要食，但奴才都要食嘅⋯🤣行到東廣場，又唔想叫牛叫鷄⋯⋯飯，行過圈睇吓，見到有藥膳湯麪，一試坐低，見到有樣嘢叫「牛沙瓜」想問下阿姐，點知佢比咗個餐牌我話賣晒⋯推介咗個？崩沙腩（爽喎）加杯凍檸茶檸檬茶上枱，size ok崩沙腩同麫分開上，整啖頭啖湯先，藥味唔太濃，正常口味，之後咬啖麫先⋯⋯鹹嘅🤔⋯⋯溝番幾匙湯再試⋯麫底偏鹹，加咗五六匙湯差唔多⋯🙄再咬嚿崩沙腩先，口感一般，無阿姐講嘅所謂爽，相信再煮多陣會再焾啲仲正⋯⋯埋單85大洋⋯⋯ 一般🙄

上次跟朋友在東廣場看看有什麼午餐的選擇看到角落有一間小店幾受歡迎便去嘗試一下結果非常驚喜 今日特地再來一次.看到大多數人推介的主要都是藥膳湯和羊肉第一次我們點了藥膳爽腩河粉和新疆咖喱手抓羊腩配餅而今次就點了咖喱羊腩和普通牛腸河粉.藥膳爽腩河粉湯和河粉是分開上的 藥膳湯的味道剛剛好 湯底味道香濃之餘藥材味道不會過重而爽腩則十分彈牙👍🏻👍🏻.新疆咖喱手抓羊腩配餅咖喱味道香濃可口羊腩口感十分好 而且不會有羶味配上烤餅非常適合

正當諗緊唔知食咩好之際比佢門口嗰幅手抓羊嘅相片吸引咗☺️餐廳有粉面飯選擇我哋叫左份剩牛雜 HKD 100 + 羊肋肉米線 HKD 60 + HKD 6 凍檸茶同豆漿 HKD 6份剩牛雜好大份😎店舖姐姐介紹個辣椒醬，食得辣一定要試吓好香好惹味，唔係死辣提昇食物層次💯羊肋肉米線都好有驚喜😃面既口感唔會煮得過淋👍有4-5舊厚切大件羊肋肉羊肉有少少羊騷味，肉質軟淋湯底清清地👍價錢對得起食物質素😋P.S: 店舖姐姐態度好好，親切有禮

呢間野上次試完佢啲豬腰麵好好食之後，今次帶多個朋友去試多啲嘢。食第三樣嘢都係好好食，牛腩夠霖又夠爽口，佢嘅藥膳湯真係好好味，可以成碗飲晒都唔口渴。羊腩加埋藥膳湯都係一流，樣羊一啲都唔蘇，但係都有羊味，佢嘅燒賣魚蛋唔使食都得，應該係為賣而賣，但係佢主要嘅食譜全部都幾好食，雖然嗰陣時只係食咗三樣但係一定會再去食，下次試吓其他湯底希望都好食。不過老實講麵黎計佢有啲貴，但係勝在真材實料，如果鍾意中式嘅藥膳真係要試吓。

海福小館見到門口有金剛小儀食過嘅相，仲有好多其他名星食過，應該好好味就坐入去，睇咗陣餐牌見到有好多羊肉牛肉飯面，第一次就食佢招牌嘅羊肉試試先！-咖喱羊有好特別嘅藥材味！-烤餅烤餅淨係嗌咗兩塊，好好味夠香又有小小甜，點咖喱一流，不過有d油唔可以食太多-羊肉米線湯底比較清似滾過羊肉加䓤嘅湯，送羊肉食就唔會搶咗本來嘅鮮味，而羊肉塊數量好多，呢個價錢絕對超值，而且唔會太羶，肥瘦適中，下次可以試埋個崩沙腩應該都好好味。米線就正常，唔會係橡膠米線咬唔爛。雖然係羊肉但成個湯面食完好清新！

今日午餐經過呢間舖頭，見到啲相好精美，坐低叫咗碗手抓羊腩湯麵，啲羊腩好好味，冇蘇味，又清甜，價錢又平，份量好大碗，食完超級飽，性價比好高，值得推介！下次想試吓佢嘅藥膳羊腩，賣相好似都唔錯，又可以補下身。

呢期係觀塘附近上堂，就諗住逐間試下東廣場啲餐廳。呢次試到呢間，本身諗住米線都好難煮得難食，點知中曬伏🤯叫左手抓羊米線，羊肉都有啲羊味，但好硬，唔太咬得開。個湯一飲中曬伏，清到冇味，似係水溝味精，米線就直情冇味🥲。同隔離嗰間黑山羊湯米線完全冇得比。服務方面都麻麻，啲待應唔知係咪太攰，竟然背對住我同我同台坐左大約半分鐘🌝！出街食飯咁多年都係第一次遇到咁樣嘅事。張枱其實好細，我自己一個食，望住佢個背脊，成件事好尷尬。最後碗米線真係難食到我食到一半就走左…

附近做完gym，經過見到呢間有羊腩，叫咗個羊腩湯米線試吓點知勁油又咸，明明個舖貼晒相同介紹係好似好養生，懶sell健康? 但真係好難說服人!仲要唔算特別平，冇下次😖

我咁大個人都從未食過咁難食既牛腩河！河粉唔算散，但一D都掛唔到湯味，因為湯底好淡！完全係飲唔出用咩煲既湯底！牛腩好嚡又硬超難𡁻，河粉個味又怪。。送既豬骨湯都算係咁，有胡椒味，但係飲得出有味精。。。。食完兩三啖，真係食唔落，最後掉左！唉。。。。而家又要諗買過咩食，嘥左我41蚊。。。。其實佢地服務態度好好架！但食物先係最重要！我知而家生意難做，但係希望每一間餐廳都用心製作自己嘅食品，唔好等我哋覺得唔值，做衰咗個朵就一定唔會有人再幫襯架！

牛腩河 $38牛腩有層次，淋又入味，可以揀唔同部位既牛腩，腩汁夠味，河粉滑。非常唔錯既牛腩河！ 。米線就唔係好滑，河粉索汁d，滑d，推薦！陳皮魚蛋咖喱味可以再濃少少。茶葉蛋浸得唔夠入味。藥膳牛腩飯 $80藥膳味香濃，中藥味道重，但又唔會苦澀，帶少少清甜，又唔會覺得係味精，同牛腩味好夾，撈飯食，飽肚又暖胃！。📍坑腩好夠層次，可以揀唔同部位既腩，口感有唔同。📍下午茶超抵食，連飲品只係30幾蚊！📍涼茶都唔錯，蛇舌草最多人飲！。