海福小館 (Closed)

天寒地凍就梗係搵D 野補下身啦, 下下羊腩煲又燥過頭。係觀塘廣場行左個圈, 搵左間裝修至....... 「豪華」既海福小館.... (其實無裝修)但離遠都有陣孳膳味飄過黎, 不得了。打佢馳名牛腩, 原本諗住食個清湯腩, 見隔離位D 腩大到好似扒咁, 好吸引。一坐低打開menu見到個藥膳牛腩?原來果陣好重既藥膳味係咁黎既，有北芪、黨參、淮山、杞子沙參等食材，補而不燥，啱晒呢排既天氣。即叫！湯味啱啱好，唔太濃。牛夠稔，湯送飯啱晒。地方麻麻，都幾迫

上個月誤打誤撞入嚟諗住求其食碗粉，點知發現新大陸咁，朋友食藥膳崩沙腩飯，我試咗一舊好好食，崩沙腩超淋口感好好。 個藥膳湯好足料好好飲。可以睇倒佢嘅紋理幾鬆化，想像倒有幾淋嘅口感。而我嗰次食嘅咖喱牛腩飯，牛腩嘅口感就同崩沙腩比下去，比較硬，普普通通，但係個咖喱汁都唔錯幾惹味。由於食完一次好正，今個月經過又入去食過，但係今次就失望了。崩沙腩夾出嚟都feel倒有幾硬... 咬落去真係好硬，唔易咬開藥膳湯依然好飲，不過主角失職了。朋友叫嘅普通牛腩麵，個牛腩仲淋過我碗崩沙腩如果可以keep倒第一次食嘅水準，我會經常嚟幫襯。 但係而家就唔會再首選。

甚少來觀塘，有點餓，到馬會的商場行下，見到有間腸粉店好多人排，不過得外賣，再行入d, 見到依家藥膳店貼晒金剛小儀d post , 所以駐足望望。牛腩粉$36元，都唔算平， 見到佢有藥膳，要成$75, 對粉面店黎講真系貴。不過見有藥膳下午茶餐$60, 即管試下 (食完覺得值，要encore)味道： 好夠料， 夠藥材味，牛腩份量都算ok牛腩： 好稔， 好味服務： 老板娘系街坊type, 會同d熟客傾兩句凍奶茶： 有 d甜， 應該叫少甜多奶

久違來觀塘廣場食飯，剛好經這附近有事忙 ，立即找一間餐廳填飽肚子行著行著，就看到熟悉的招牌和店面，二話不說進入舖內，食馳名牛腩河，希望食回昔日的味道。人物依舊，味道我心信不變，可惜可惜。。。說得很誇張但事實如此。雖河粉質感滑而薄，湯底是真材實料無味精的牛什牛腩湯底。本是涼茶店的它，當然老本行最架勢堂。其涼茶，百花蛇舌草、銀菊露、廿四味、感冒茶等等，全部都是自家製品，甜度恰到好處，我也是支持者之一。所以其藥膳湯麵應該值得推薦，可惜我未試過。今日吃的是半肥瘦牛腩，太嚡又難咀嚼，我可以說，敗筆在此。以往我食牛什河多，味道很好，再配上濃郁牛腩湯底，一啖牛什一啖河粉，滋味無窮。我也不知是廚師不同的原故或是什麼。希望下次食會有所不同。

今日黎觀塘做野，於是約左個係附近返工既朋友食晏，佢就帶我黎左依間隱世小店試下佢既藥膳粉麵。舖頭吾算起眼，面積好細，而且座位密密麻麻，多人既話會坐得有d迫。聽聞原先小館係賣涼茶，依家就變成食牛雜粉麵、湯飯等。可能因為賣涼茶既關係，佢既藥膳都做得幾好。我當然叫左碗推介既藥膳牛腩米線啦，先黎一碗藥膳牛腩，成碗都好重藥膳味，全部自家煲，食落少少偏鹹，同米線一齊食就balance返。米線係另上既，配埋自家調教秘製醬汁，用黎撈麵都幾好味。牛腩份量都算多同入味，不過肉質吾夠淋，整體都算抵食！

我做人都好有信用架，話左今個星期去食藥膳🐷就一定去食，守承諾的我，一入到鋪就要個藥膳🐷啦，原來藥膳🐷係有藥膳肉片同藥膳🐷潤————😊😋我叫左藥膳🐷潤————-😂😂😂😂飲第一啖湯，竟然好感觸想咸左出黎😥初時我唸住藥膳🐷係🐷軟骨做，但原來係，用🐷潤，即刻就唸起😀................好耐無食過甘好味既藥膳🐷潤兒時的我，媽媽經常整比我食，同呢度既藥膳🐷潤好相似的味道，今日竟然再比我食反呢個回憶，除左係回憶，仲係真係整得好好食，藥材足料，湯夠濃郁，🐷潤狗嫩，一句講哂，頂瓜瓜，下次又再食過

好耐冇幫襯這一間店，再次幫襯，點知中伏。以為這個沙嗲手撕牛肉撈麵係特色菜，點知完全出事。這個什麼手撕牛肉完全是煲了湯之後剩下的牛肉。超靭，超難咀嚼，更超難消化，而撈麵卻是一大堆。伴湯也是淡而無味。吃完之後，一整個下午還未消化透，同時感到非常口乾，證明落了很重手的味精來調味。這間鋪的秘製怎麼會變成這個地步？非常令人失望。以前這店舖也不會感覺那樣差，是否這碟菜出了很嚴重的問題，還是整個店舖也開始質素下降呢？難怪沒有比以前那麼旺。雖然不是價錢的問題，但以$58來吃這難堪的撈麵，卻是大失所望，no more。

好小去觀塘呢邊，間中會去下，有嘢做但未夠鐘，就搵地方坐底食D嘢，有緣入左呢間鋪頭，叫左一碗雲吞拼魚蛋剩食，一杯熱🍋茶，見到好多人入親黎都係叫藥膳牛腩，我坐係隔離都聞到好香，可惜我吳食牛，再周圍望下貼係牆上的食物餐牌，原來先知昵度個藥膳牛係好出名，再望下D相，原來係之前電視小儀介紹過，吳怪之人人入黎都係食呢個藥膳牛😆講反我個雙拼雲吞魚蛋先😂魚蛋爽口好食有🐟味雲呑入面既焰有🦐同🐷肉，🦐都幾大隻味道都屬於好味，但我覺得塊雲吞皮吳夠薄，如果再簿D仲正，湯底咸左小小，整體都👌既。見到老闆同D伙記都係有禮貌同客氣既人😊臨走前同個女店員講左兩句:我話聞到你地D藥膳牛好香，可腊我吳食牛!點知佢話原來有藥膳🐷的☺️早知一早知道有，就一定會叫湬食不過我同佢講左下星期黎食昵個藥膳🐷期待

同事都算是這裡嘅常客介紹這間小小隱世但好好食嘅牛腩粉！當然要去試吓啦門口小得可憐！店面一眼看到哂！全店不過百多方尺，置了四五小桌始終內街，人流不多，我們坐得尚算舒服中午時間一位師傅，兩位阿姐！鎮店之寶是馳名的藥膳清湯腩！甚多選擇：牛筋、牛肚、爽腩坑腩以及崩沙腩！來一個藥膳崩沙腩，跟河粉另上！索價＄72，不便宜！主角崩沙腩成碗上來時候.....已經令人雙眼發亮，口水直流！但看份量，這72元是值得的了！呷啖湯，就明白點解佢咁多年都仲能生存！藥材氣味芳香！且當歸味純和不會過於濃重！冬天喝到真的好！先嚐如橡筋圈般的爽腩！滑而香，入味而爽脆，不失爽腩美味！崩沙牛腩肉軟彈有勁，連著點點脂肪！令牛味更加香濃！墊底還有幾件冬瓜，感覺變得清新了！最後我們當然有把這特別滋味的挑逗湯頭喝光！再飲多杯凍飲每次來這裡！必定是滿足而回，甚至晚飯也不用吃！

今日Lunch要去觀廣買野，諗起好耐冇食過既牛腩，經開順路就去啦，海福佢係一間涼茶鋪，但係又有牛腩同生滾粥食，都幾特別，之前街坊食神都有介紹過藥膳牛都有好多款諗左好耐，最後揀左清湯腩加麵線麵線份量好多，不過就冇咩蔥油香味，再試埋個牛腩，個湯藥味都幾重，不過好順喉，飲完好舒服，湯入面仲有幾舊冬瓜，都幾好食牛腩味道就好夠，有6-7舊，份量好夠，但係覺得佢太腍，唔太岩我，佢既爽腩好食好多，下次都係試返爽腩飯

百物騰貴，連觀塘工業區d 普通餐廳嘅人均消費都$50-60，觀塘廣場可能係最後嘅後花園。不過觀塘廣場舖頭種類又混雜，感覺好污糟+打工仔為填肚嘅劣食居多。男朋友話觀塘廣場有間清湯腩好正我都半信半疑，我都去過好多次，乜有好嘢食咩？原來間嘢係地下嘅一檔涼茶舖，要行入d 先搵到。咁雜嘅舖頭，係咪為做多d 生意先整牛腩架？得唔得架？點知真係好正wo！個腩汁湯底有胡椒味！腩肉半肥瘦，唔太腍！女仔係夠飽嘅！仲可揀藥膳湯底，$3X, 抵！

第二次食海福小館了，依舊多人，依舊美味。粉麵應有盡有，價錢大眾化。除左粉麵，仲有粥品，都係好多選擇。👉🏼紫菜四寶河好大碗架，滿滿嘅紫菜同河粉。湯底消甜，仲有貢丸、豬肉丸、墨魚丸、魚蛋、魚片。粒粒都好大粒，味道各有不同，暫時未搵到最喜歡嘅一粒。但整體係好味而且食得飽。👉🏼牛腩粗撈麵牛腩口感適中，粗麵亦夠滑，味道唔錯。相比湯麵，撈麵睇落份量少啲，牛腩可以再多啲就好喇。總結呢餐食得飽又好味，會再食，下次試粥品。

今天走到觀塘廣場工作前。先在附近午餐。坐地鐵來，這商場有MTR附近！就順道在這邊午餐。看到餐廳門前的牛腩檔，十分吸引！就試試這裡的牛腩河吧！我嚟到嘅時候大約2點鐘左右。入面仲幾乎坐滿哂人伙記做事十分有效率迅間找到個位比我！叫咗個牛腩河牛腩切得整整齊齊，雖不是坑腩！但每件牛腩肉質纖維夠鬆化，有連著牛脂的。也有部份還夾雜著筋腱位。牛腩入口不起渣，不乾柴。小小店子能夠比到肉質鬆軟既牛腩！實在係令人喜出望外而且切腩份量大 河粉都比我想像中多簡單啲講價錢合理 店鋪坐落係小商場入面,價錢相宜，$35可能係我食過最好食的清湯腩！

見到呢間舖次次都坐滿曬食客，就知呢度有好嘢食嚟親呢度我都必食佢超正嘅 --- 蠔仔肉碎泡飯啲蠔仔真係好新鮮好甜， 肉碎又夠晒林，湯味夠濃咁大碗又足料都只係收$48，老闆真係好有良心，唔幫襯佢點得呀

其實官塘真係好難搵又平又好食既野，呢間係工業區好食既一間。我同男朋友突然想食個好食既茶餐廳，所以就黎左呢間（第二次食）。男朋友order左個牛腩撈麵同凍檸茶，我就order左個牛腩河同熱菜蜜。牛腩撈份量有d少，但好食。牛腩河個牛腩好香甜唔韌，個河粉唔會浸到太lum，唔錯要睇一間茶餐廳有冇心機，一定要睇下飲料既質素。今次個凍檸茶同熱菜蜜真係沖得唔錯另外，環境方面都幾衛生，d餐具冇咩油漬，地面乾淨會再幫襯