海福小館 (Closed)

呢間野比華姐同九記更值得食，食物同價錢成正比，真心唔差佢既牛腩最值得食，雖然唔係話好食過九記或華姐，但人地收正常價，另外個兩間可能地點好就遊客價炸醬麵就差啲，啲麵油味重左啲，感覺係啲麵想變想變咁，麻麻地服務就無乜特別，正常，係餐具污糟啲但又無熱水比無得洗，好在同啲服務員講完佢幫我洗總結，我會再嚟食

午飯時候走進觀塘廣場的話、就如新年行年宵一樣水洩不通，但無論點辛苦點擠迫，每次想食牛腩的話，總會迫入去海福，那怕要大排長龍及背對背滴著汗的去食，為食~是要付出代價的每次我一定會order肥腩，肥油甘香、肉質特別嫩滑無渣，識食一定食肥腩啊

最近放工總來到這家小店食番碗牛什河先返屋企。這裡深得我心的原因係牛什河湯底同一般麵店的顏色差不多深色, 但入口感覺較清甜不含味精，原全不會令你有口喝的感覺，而牛什本身也很入味, 亦可向老闆娘隨意走掉自己不愛的部位，照顧到食客的需要。最貼心的是小店結合了傳統的涼茶鋪, 可以邊食麵, 邊喝涼茶清熱解毒, 見到食客一坐底就叫柸銀菊，可見其值得欣賞之處。試過銀菊及涼茶亦是心機之作, 真材實料值得推介

又是忙碌工作的一天，今天又到了海福買午餐。今天吃蠔仔肉碎湯泡飯，在下單的時候，身旁的另一顧客也正在下單，他也是選擇了蠔仔肉碎湯泡飯，但他還加了一句 實在太多肥肉了，唯有放棄肉碎，只吃泡飯和蠔仔了蠔仔數量很多，吃每一口都可以吃到蠔，很正，味道十分鮮美。下一次⋯⋯我一定會記得叫「瘦底」了

觀塘的午餐時段真的很多人很繁忙，很多時，我都寧願買外賣回公司慢慢食。今次來到了海福買了蕃茄豬潤泡飯，豬潤的數量不少喔，而且也很新鮮，新鮮蕃茄湯令人十分開胃，浸著軟硬適中的米飯，份量亦適中，絕對午餐的好選擇

下午到中銀入數時,肚子餓餓的，腳步慢慢又走向海福小館，人總有慣性，總愛重吃之前感覺不錯的食物，所以我又再次重踏入坐下，今次不同之處，就是午茶的時間了，我今次叫的是腸肚河加腩汁，要了杯凍檸茶，不負所望，腸肚又肥又香，好有口感，停不了口! 加上凍檸茶，不到十分鍾己吃光!果然稱得上是牛什之皇，口感十足!

今天去觀塘廣場找旅行社，拿了一疊資料去北海道，走了半天，人也倦透了，竟被我發現了一間小店在地庫中，很遠也聞到牛什的香味，所以二話不說，我入了小舖叫了一碗牛什河!  牛什很香，又很多汁，口感新鮮彈牙，因下午茶又有檸檬茶跟餐，最重要没想到小店的牛什真的頂瓜瓜，真的一讚!

去觀塘廣場曬相，見小小肚餓，望到呢間隔離鋪有兩個大廚食緊牛腩飯，心諗廚房佬都食應該唔會差，於是就入去叫左碟牛腩飯。個阿姐問我食咩野腩，我就求其要左半肥瘦，再要多杯豆腐添。牛腩飯上枱，份量都幾多，牛腩切粒上，囗感唔錯，夠林唔靱冇渣，半肥瘦啲肥油好香牛味，估唔到呢間涼茶鋪樣既牛腩飯水準咁高，唔怪得酒樓師傅都黎食。

不嬲都鍾意試新野，朋友介紹我黎試呢間小店，話有樣野一定要試，叫做牛沙瓜，話係男性恩物，當然我冇問題但係都想去試試係咪真係咁勁。牛沙瓜唔係瓜類而係牛既第四個胃。平時街外好少有鋪頭獨立賣，而呢間就只做每日限量發售，所以就聽我朋友講點左個飄香牛沙瓜湯麵。飄香其實係沙嗲湯底，啡橙色，杰杰地，一擺上枱就聞到好香既沙嗲味。牛沙瓜一條條賣相似胡椒豬肚湯既豬肚，囗感煙煙靱靱，好有咬囗。面底係幼面，鹼水味比較重。份量夠食，五十蚊一碗抵食過日本拉面，算係咁啦。題外話，唔肯定有冇影響，不過小弟細佬當晚成晚企起身。

最近轉新工，去左人生路不熟既官塘區返工 第手1日返工都唔知食咩好 行下行下 見到呢間舖仔細細 但門口人山人海既海福小館本住人多唔好執輸既心態試試 雖然舖仔細細 逼逼地 不過店員親切 加返分 係店員極力推介之下 試佢個牛沙瓜撈面 佢話 我好彩點阿 牛呀沙瓜好少貨嫁 有時d熟客仔黎足幾日都食唔到 聽聽下又有道理既 咁大個仔我又第1次聽牛沙瓜雖然人多 但都場算幾快手 5慣學分鐘就有得食 試下 又幾好野喎 一個沙瓜 食落幾個層次 又有部位 有咬口 有部分又幾軟熟 加埋個汁 真係fresh 既感覺 同個撈面都幾夾整體所都唔錯 可以一食再食 下次再試下佢木湯面先

買了觀塘 APM 戲院的戲票，距離開場還有一個小時，肚子有點餓，於是走到觀塘廣場那邊找吃的。無意中看到一個寫著「秘製牛腩粉」的廣告牌，心想吃吃牛腩也不錯，於是就向著指示的方向前進。這間海福小館，店如其名，很小。是裝修欠奉的家庭式小店，卻有賣涼茶的裝置。它的位置就在雲南阿老表黑羊米線旁邊。店內客人不算多，隨便找一個位子坐下。看餐牌時，發現這間小店也有點小名堂，曾受《街坊廚神》訪問。　　不過，個人不太認同這類節目的公信力，所以沒有因此而提昇心中期望。既然是被「秘製牛腩粉」吸引而來，當然要來一碗試試。牛腩河細細碗，肥瘦比例約一比二，煮得都算鬆軟同夠味。整體來說當然未至於出色，但都及格。始終一分錢一分貨，以街坊價來講已算不俗。至於湯底同幼麵，就普普通通。　　每次吃中式粥粉麵，我都愛配一杯凍豆漿。飲得到箇中豆味，不算很甜，比想像中好。　　可能由於份量比較少，所以吃不飽。見還有時間，再加單點了一碗「馳名秘製彈牙魚蛋」。魚蛋細細粒，咬感略帶彈性，但恐怕還遠遠未到彈牙的級數吧。魚蛋咖哩味不夠，秘製醬汁反而做得不差，香濃有辣勁，是整份魚蛋的靈魂所在。　　吃完，埋單找數，去睇戲。這間《街坊廚神》推介的街坊

其實幫襯過好多次, 之前都淨係影相。今日終於有時間寫~平時多數食晏黎, 好多人。今日收工先黎就可以慢慢食。今次叫左個牛雜河清湯加凍奶茶。其實都幾鍾意食呢間野, 因為佢唔會好似其他食粉麵舖頭咁食完有種好口乾既感覺, 味道岩岩好~ 牛雜個D 賣相好好, 食落好清甜。由於我係會比食野既環境影響到食慾既人, 呢間粉麵舖相對一般其他真係企理同乾淨, 坐得都好舒服~ 杯奶茶唔會太甜, 好飲! 價錢都好叫平, 廿幾蚊。而家香港食野真係好貴~整體黎講呢間係我可以長期幫襯醫肚既舖頭。

是日在附近有事忙，原想到觀塘廣場吃碗車仔碗便算午市時間，這裡真的繁忙得很，連兩個位也真的沒有趕時間，不等了，便走到其他食店碰碰運氣，最後找到了這間海褔小館海褔原是涼茶鋪起家，不知怎的也賣起粉麵來牛丸挺彈牙，牛味略欠魚片魚香甚豐，咬落也挺爽口的米粉也十分煙韌，配以清湯，吃得愉快要求多蒽，也做到了豬肉丸稍欠彈性，不過頗富肉香牛雜中，以牛腸最好，帶點羶香，頗滋味不過牛肚就似乎過稔整體來說是不過不失飲品也不錯豆漿不過甜，豆味豐富凍檸茶的茶底不錯，茶香濃，但似乎檸檬不夠味，整體還是甜了一點吃罷，又要忙了~