海興廚房

Open Now

Now Closed

突然想食豆腐，晚餐餐牌見到 豆腐鯪魚球煲幾吸引不過呢間野炒野真係可以推介，但小弟從未試過其他小菜先唔講價錢，好食既其實幾多錢都冇所謂豆腐完全冇豆既味道，勉強能稱呼為硬豆腐！鯪魚球完全唔掂，擺入口咬落仲要好腥！最慘就係娃娃菜 成顆放落個煲到煮當我每塊咬出黎都見到有污漬...食到一半先話冇例湯，改飲品免費....連最想飲既例湯都冇....如果成80蚊食呢煲野就真係唔值....最少睇得出廚師求其煮完就算...

今日星期六，我同朋友揀咗屯門虹橋嘅海興廚房去食早餐。雖然人多，但等咗一陣之後，我哋終於搵到位。我叫咗豬扒意粉配茄汁豆陽蛋多士同埋凍杏霜。豬扒份量好足，食落去又多汁又香口，意粉都係，份量夠晒，味道正！茄汁豆同多士屬正常水準，但太陽蛋就真係煮得啱啱好，唔會太熟或者太生，食落去滑溜溜嘅。我朋友就點咗酸辣炸菜肉碎米配薯餅炒蛋多士同凍檸茶。佢對呢啲食物都讚不絕口，尤其係酸辣味。最後，要讚下店員嘅服務態度，雖然客人多到爆，但都保持到良好的服務態度，感覺良好。

冬天一向有幫襯開（外賣）羊腩煲，足料夠味又夠淋，好正👍👍今日經過開就去食晚飯，街坊茶餐廳裝修企理坐位舒適（街坊小店人多嘅時候會比較嘈），出菜都算快服務唔錯，散叫份量較大碟，兩個人叫咗2碟小菜都食唔晒，下次可以試吓晚市套餐老火例湯好味👍👍沙嗲金菇肥牛煲沙嗲味唔算濃，肥牛新鮮，粉絲芽菜墊底索晒汁好味，茨汁同肥牛一齊煮再淋上面，食前最好撈一撈勻先咸魚蒸肉餅肉餅好淋加埋豉油好送飯凍奶茶驚喜茶底好味

戶戶送在紅橋眾多餐廳中，海興餐廳算係唔錯！但如果晚市叫佢地碟頭飯外賣，佢地有權踢單唔做你生意我都明白既，餐廳太多人幫襯食貴價小菜我呢d窮人只能任由餐廳話踢單就踢單！亦都係呢個原因，小弟試過每晚連續叫外賣！連續5日，有3日都比餐廳踢單！不論踢單或者成功叫到外賣都好...銀行會先扣數，然後踢單又會退返d錢比你....搞搞下，銀行或付款apps d數會亂哂無論點都好，戶戶送容許呢間餐廳咁樣選擇性做生意實在太離譜了吧！餐廳嫌賺得少，不如索性晚市取消做碟頭飯外賣啦！況且廚師炒幾下就有錢賺，又唔需要餐廳搵職員送外賣...咁都選擇性做生意，唔知以為戶戶送既員工係你餐廳d員工！先不評食物味道質素如何，長期抱住已叫外賣既心情，諗住銀行扣左錢，陣間就有飯食點知隔左10分鐘再打開個apps睇，又取消左張單，令人空歡喜一場又要再搵其他餐廳...！不如餐廳幫幫忙，你嫌賺得少，唔好做碟頭飯生意啦！ 客人又要顧住你有冇cut單，又要再搵個其他餐廳，呢種心情真係好悽慘！ 唔知以為食客冇錢比餐廳賺...大佬，假假地每次叫外賣都要100元，可能海興覺得呢d唔係錢，要接大單先唔會cut單！

今晚晚上到店點了兩個小菜，其中一個係咕嚕肉，食左一兩舊肉之下，硬到完全不能咬斷食物，之後叫侍應，而佢哋張碟餸取回廚房，但結果係話用刀可以切得開，又話全晚都無人投訴過，吾通係我一家人有問題，自問牙齒好健康，之後仲比把刀同义黎切，之後我地都完全無再食碟餸，咁既服務完全係不能接受，簡直垃圾，不會再幫襯

係兆康站附近工作一排，發現原來冇咩好嘢食，最近要行十幾分鐘去景峰，先多啲食店選擇。但一來一回已經用晒時間冇得休息。🤩一日意外發現呢間可以送外賣🥹真係太好啦真係抵食又好味😋外賣都仲保持得咁好！試過佢地好多外賣不同菜式實在太多，都冇記晒落嚟佢地嘅焗飯系列，全部都冇得輸🤣當中最出色就係👆🏻黑椒牛柳粒炒飯😍另外湯飯系列都係，依加天氣凍食🤪一流呀👍🏻👍🏻👍🏻仲有皇牌小炒：黑椒蜜汁薯仔牛柳😂😂😂😂食到停唔到，薯仔係大贏家👏🏻👏🏻👏🏻👏🏻如果有機會再黎，要再試埋其他小炒先得😋😋😋

📎餐廳類別：小菜⏰用餐時段：晚飯🍽餐廳環境：🧡🧡🧡💛💛🙋🏻‍♀️餐廳服務：🧡🧡🧡💛💛👨🏻‍🍳👩🏻‍🍳味道🧡🧡🧡💛💛💲性價比：🧡🧡🧡💛💛(5🧡最高)見呢間餐廳好似新開 又未試過晚餐時間諗唔到食咩 一於試吓佢二個人食 叫咗三個餸 又幾抵食 埋單唔使三百蚊😋👅薯仔牛柳粒呢個餸好似好多店都有得食呢間嘅味道預期之內 有水準👍🏻豉油王鵝腸🙀第一口係驚喜嘅感覺好夠味 我好鍾意食芽菜 芽菜底索咗啲豉油汁好正!只係我覺得有少少油🤧扣少少分咸菜啫啫雞煲雞件好滑😽湯底夠味送飯食一流～

周圍行了一圈，因他的裝修較新所以就選了這間食早餐。初坐下並不算多人但都要搭枱。店員安排好位置準備坐下，但座位和枱面都有點污漬，自己拿紙巾抹一抹吧。等餐期間對面坐位換了食客，店員只收走上位食客的碗碟後，沒有抹枱，新來坐下食客用自備的消毒噴霧清潔枱面。點了西式早餐配熱奶茶。奶茶好快到了可以慢慢嘆，期間食客開始多，聽到店員話雞扒暫停，要等20-30分鐘，魚柳要炸所以係耐啲等等，最後我都等佐20多分鐘才有早餐。味道真係好一般，薯餅烚蛋正常，麻醬沙律不如叫麻醬粟米啦，炸魚無味，蒜蓉多士難食。

我今日經過試吓外賣，買咗三個餸，豆豉鯪魚油麥菜～味道正常，水煮牛肉，豉汁斑片蒸滑豆腐，等咗25分鐘左右，滿心歡喜拎到返屋企開餐嘅時候食食吓我大佬同我講話啲魚未熟，我就夾一舊出嚟試吓用筷子係中間整極都整唔開，成舊魚係生㗎，直頭好似冇蒸過咁，係咪提供材料俾我返屋企再蒸🥲🥲🥲我而家開返個鑊蒸一蒸先

本身諗住落街食米線，但太多人所以改左去海興餐廳自從裝修完後都冇去過！見仲有午餐就叫左個咸菜胡椒豬肚雞湯飯！凍奶茶 黎講海興係紅橋黎講都算好飲湯飯黎到，整體黎講唔錯，豆卜夠入味，另外有白蘿蔔呢一點比到我驚喜，夠淋雞肉都幾滑，豬肚冇異味幾好食胡椒落得好多 整體黎講幾足料51蚊黎講算幾抵食唯獨係食到最尾時，廚師一早將d飯撈左落個湯度！ 食飯果時有好多雞碎骨，最尾都係食唔到d飯 餐廳侍應叫我下次分開上喎 唔該哂喎期待下次再光臨其他美食

明明用openrice叫外賣早餐，已經不是第一次被無原無故取消，對顧客做成極度不便，幾十蚊又要等十幾日去退款。之前叫通粉又比左米粉。到底係員工無心做定係其他原因，如果不想做外賣就不要上外賣平台去比人落單啦!!

食外賣餐廳之下，媽咪就介紹咗我去食呢一間海興廚房！叫咗一個滷水鵝片返屋企試吓，呢一度嘅滷水汁真係好好食，非常之入味，而且鵝片亦都係好有口感！另外仲有茄子斑腩，茄子嘅香味同埋超級林，再加埋上面嘅斑腩，估唔到兩者配合埋一齊係咁夾！

最鍾意去茶餐廳食飯，地道又大眾化。今日去左虹橋的海興廚房，小菜種類多，連潮州打冷都有，夠晒地道！點了 （免加一）🐱 砵酒燴牛仔柳$85份量挺大，上菜時一直冒煙，用煲仔生鐵鍋盛裝更能保溫！牛仔柳很多而且大大塊，全部都很軟嫩無筋，也無肥膏。配洋蔥、薑蓉和薑片一起炒，很香。調味也剛剛好。🐱西蘭花炒鮮魷$82也很好吃。鑊氣夠，份量也多！鮮魷火侯剛剛好，不會過熟，咬落去好彈牙爽口。西蘭花也多，很青綠爽脆，伴碟的還有彩椒，再加蔥、薑、蒜一起炒令整道菜惹味可口。非常好送飯。🐱菠蘿船咕嚕肉$82用菠蘿殼裝著賣相很吸引。份量也很多，酸酸甜甜的醬汁配上菠蘿彩椒非常開胃。🐱凍檸茶+$3/凍奶茶+$3大大杯，消暑解渴！🐱白飯$10@大大碗，飯筒也絕對夠食！🐱老火湯（送）材料豐富，可以看到大大件紅蘿蔔、排骨、圓肉、薏仁、百合、淮山、蓮子等。一邊吃飯，還可以一邊看電視。舒舒服服又一餐。

和朋友去了屯門青菱徑6號富麗大廈地下的海興廚房食飯。這是一間專做街坊生意的小炒店，裝修實而不華，坐得舒服，卻很有親切感。店員也很有禮貌，殷勤有禮。我們點了晚餐蘿蔔大鱔煲，鹵水鵝拼腩肉及單點啫啫滑雞煲。由於晚餐有例湯及白飯奉送，所以店員為我們端上例湯。非常足料，滿滿大碗紅蘿蔔粉葛雞腳湯。蘿蔔大鱔煲，鱔片好鮮味，蘿蔔配上火腩，好入味，是個好好餸飯的煲。鹵水鵝拼腩肉， 份量出滿滿一碟，滷水鵝內腩肉片，好肥美，豬油送飯甘香，好食，底部是大塊的豆腐乾，大豆芽菜及花生。啫啫滑雞煲，熱辣辣，有鑊氣，雞肉很嫩滑，配上鮮嫩的黃沙潤和其他配菜，真是不錯。總結：海興廚房是一個專做街坊生意的小炒店，價錢合理，份量足，用料新鮮，所以十分喜歡幫襯街坊小店😉👍👍

海興廚房雖然是街坊小店，但晚市經常滿座，有廣東小菜，又有潮州菜，價錢相宜。下班不煮晚飯，去吃小菜也很經濟。來到點菜後先會送上每人一碗例湯，今晚的例湯是蘿蔔節瓜煲豬骨，無味精，又夠甜，很有家的感覺。首先點出名的蠔仔粥$60,價錢不貴，但一大碗，裏面十分足料，蠔仔份量很多，脹卜卜滑嘟嘟，有很香海水味；大頭菜脆卜卜，增加口感之餘，又令蠔仔粥有適當咸味，還有柴魚乾、芫茜、蔥，令整個蠔仔粥十分 鮮甜又有香味，真的是招牌菜，推介！海興小炒皇$82, 以小炒皇價錢來說真的不貴哦，而且看到用料有花姿片、炸魷魚、炸小魚乾、菜脯、韭菜，用料多，又好味，超香口，又爽又煙韌的多重口感，真的很喜歡，這裏的小炒皇炒得真不錯！火腩豆腐斑腩煲$78,覺得超值，因為平時吃一個煲一定超過$80。先說火腩，炆得夠腍淋又帶爽口感覺，非常香；豆腐香煎過，加上煲裡的醬汁很入味；斑腩走油再落煲裡煮，外層夠香夠夠惹味，啖啖肉，用料又多很夠飽，吃過一定印象深刻。鹹魚香煎蓮藕餅$78,一碟有七件，每件都幾厚，外層炸成金黃色，非常爽脆，裏面軟滑的肉餅混合蓮藕，增添爽口感覺。這又是食到你飽系列！不過有食肉獸在，通通吃光！埋單$299,吃得非