海雲天

Open Now

Now Closed

琴晚食左，10人坐海景台，買coupon 2送1兩張，3送1一張，6點入坐，食到9點幾先走，紅白酒汽水橙汁利賓立任飲，放題食物以呢間酒店來講係hea左啲，正價一定唔推介，但係特價呢，成家人來任飲任食飲番兩杯酒唔先諗價錢，以5星酒店海景來講，就很不錯啦😂😂😂❤️❤️❤️ 點心很不錯，海鮮桶細路食得好開心，飛天通菜勁辣，燒腩仔好脆，兔兔好得意，甜糕都唔錯😋😋😋 我本人就好鐘意食鯖魚，片皮鴨個醬唔好食，小籠包都ok可以喪食😂😂😂

海雲天一向定期都有做D主題點心放題，今次佢地就做左呢個”鴨之點心放題”，巿場上用鴨去做點心放題既其實就唔多既，咁我地就梗係唔會放過呢個機會啦，今次就帶埋屋企人一齊去，一於喪食片皮鴨。既然今次用鴨嚟做主題🦆，咁當然都會有啲陪襯返主題嘅點心啦，今次就有一共13款鴨之點心，當中包括片皮鴨、鴨脯肉燒賣、椒鹽鴨架等等，亦都有啲經典既點心例如係排骨、粉果、燒賣同蝦餃等等超過45款點心小食俾我哋揀既。但係既然揀得鴨之點心放題，我哋既目標就當然係片皮鴨啦！！！今次就會概括咁揀啲重點既食物嚟同大家share下我地試過之後既感受啦。🥙片皮鴨片皮鴨本身嘅味道都唔錯嘅，肉質未至於非常細嫩，但絕對唔係鞋過擦子膠咁，片出黎既鴨唔算好肥，放題嚟講，片出黎既鴨皮肉既比例就當然係多皮少肉啦(雖然有少少失望但都唔算係意外既)，配上薄身嘅餅皮，口感算唔錯！值得一提既係，唔知係咪片皮鴨太過矜貴啦，上菜速度就比較慢，我地第一個order既片皮鴨足足等左45分鐘，而佢既出品亦都唔算好大碟，必須承認係同預期既有多少落差😔。🍖椒鹽鴨架鴨架骨肉比例大概係 7:3左右啦，以食骨架嚟講比例算係幾好，骨架食落肉質就非常韌啦，同嫩滑呢個字真係

好耐無同屋企人飲茶啦，諗住見有片皮鴨，又經kkday有3送1優惠所以試下啦。人均消費$270💸我哋被安排到海景位係開心既，不過今日都幾多人同埋可以近窗邊所以有啲熱🥵第一樣就黎左腸粉，點知個皮厚到乜咁，仲要唔係熱😂好彩，其他要蒸既食物都熱既，片皮鴨就不過不欠啦，一塊皮就包一塊鴨皮一條蔥一條瓜咁囉，不過無一樣野食完系特別好食，唯一好小小系甜品既棗皇糕同咖啡千層糕。以酒店食物整體黎講其實都幾失望，服務態度還可以吧，見啲人話可以唔知食幾多次，我就一次夠了😁呢個價錢又真係食好小小既酒樓點心應該係無難度既🤭

絕對唔會有下一次😅如果唔係朋友見網上有任食仲話做優惠試吓都唔會食坦白講，仲差過普通酒樓。。。啫喱似藥水味片皮鴨細塊到。。。唔知有無食到支裝飲品冇晒又唔refill黑名單😌

海雲天做緊片皮鴨小菜點心放題買二送一，朋友話想食，又即管試試佢。紅磡 Harbour Grand 話自己五星，佢個酒店大堂同中菜廳海雲天睇落都係金碧輝煌，不過好睇唔一定好食。本身對長和系酒店冇乜好感，之前住過幾間佢旗下嘅酒店，無論係住宿定餐飲都硬係覺得佢孤孤寒寒甩甩漏漏咁，喺啲唔明顯嘅地方慳啲減啲博人唔覺，一樣半樣或者俾佢偷到雞，但樣樣都偷加加埋埋就好擇使。因為呢個優惠係要經 KKDay 去買，去到 reception 個疑似 captain 叫我 show 個 QR code 俾佢掃，咁就真係考起我，你知啦，年紀大咗對科技係有啲手足無措。我打開個 inbox 望吓，KKDay sent 咗好幾個 email 過嚟，都唔知邊個先係。逐個開嚟睇吓又唔見，俾部機阿 captain 睇佢好似仲濛查查過我。搞一大輪，好彩個肥妹仔侍應帶完枱返嚟，佢兩吓手勢就搞掂。我當堂鬆一口氣，望望後面，原來已經聚集咗一條人龍。嗱，唔關我事㗎，唔好鬧我。雖然間餐廳有一邊落地大玻璃無敵大海景，但我哋就無緣坐近窗嘅位。唔緊要啦，食嘢啫，都係講番啲嘢飲嘢食。嘢飲方面，佢有罐裝啤酒汽水，亦有利賓納同鮮榨橙汁嘅 disp

本來朋友話要去飲茶，見到係一間好似都唔錯嘅酒店就諗住去試下。到嘅時候其實樓下自助餐嘅環境都唔錯，我諗住茶樓都會差唔多，對佢期望都好高 但係不過上到去之後就令到我跌破眼鏡。講真五百幾蚊一個晚市飲茶任食放題 想像中一定係好多嘢揀 又好食 但係一坐低入咗佢個qr code 睇完成個menu之後 其實個menu得好少嘢 又冇乜選擇 全部都係啲好低成本嘅嘢食 基本上喺普通茶樓好平就一定嗌到 啲點心又唔係幾好好食 講真一句呢間嘢收五百幾蚊又貴又唔好食又無選擇...

我同朋友都好鍾意食片皮鴨🦆，所以一睇到有優惠，就即刻booked咗位於九龍海逸君綽酒店二樓嘅海雲天食晚市三小時全無限任食片皮鴨🦆、紅白酒🍷🍾、啤酒🍻、汽水任飲放題，買二送一連加一茶芥$438一位，很抵！我哋被安排對住落地玻璃無敵大海景食晚餐，環境簡直係一流。當中有多達四十五分食物無限時追加，但我哋不可能眼闊肚窄試曬所有菜式和點心。所以我哋叫了自己想食的，包括片皮鴨🦆🌮、脆皮燒腩仔、潮蓮燒鵝🪿、黃白灼海蝦🦐、惹味椒鹽骨、吉列大蝦🍤、翡翠蝦餃🥟、灌湯小籠包、黑金流沙包、蟹肉🦀罐湯餃，胡椒豬肚湯，鮑汁鳳爪，帶子炒時蔬，椒鹽豆腐，手撕雞等......🤤😋🫶食物都保持中菜廳的水準，好味！而每位客人更享真品頭盤五款選三款，我們選了濃湯雞煲翅，古法金錢扣鵝掌，鮑魚沙律盞，每位更加送焗龍蝦半隻🦞。濃湯雞煲翅味道很濃郁真材實料，焗龍蝦半隻🦞可能焗耐咗啲肉比較實，古法金錢扣鵝掌炆得好淋入口溶化，鮑魚沙律盞成隻小鮑魚，很滿足。最後食埋甜品🍮更加大滿足

令人失望的片皮鴨放題，等好耐先拎來，d皮又凍，片皮鴨肉又薄，青瓜同京葱又吾夠。因為放題關係，會不断叫食物，但又驚叫得多會浪費，但係食物叫咗冇貨吾來又吾出聲！燒腩仔，鹅同蝦蛟好快已冇貨，又吾出聲，等到結賬問先知！個翅湯催咗3次,最後個次話㷛緊！真係吹賬！！要㷛到差不多結賬先拎來，真令人無語。啫喱糖太多魚膠，彈力十足，能當乒乓球。個爆珠芒果布丁太水。需然係買2送1，但每人加一及茶芥後都要$438，吾值得，冇下次！！

點解會有一間酒店附設既酒樓可以咁差之前喺優惠購物網站買左$238一位120分鐘任食點心，去到用手機點單，系統好廢，明明已確認發送，唔知點解廚房會收唔到，成枱人喺度呆等，之後問個待應話冇收到單；有時落單，又會話你落既野太多，唔比落單，講緊只係六個item嘅食物。食物質素：惡劣有碟豬腸，係酸左，變壞左食得落口既只有鳳爪同蝦餃環境：海景其實冇得輸但食物質素拖累，加上一肚火，望咩都冇感覺員工服務係唔錯既，但待應多過客，明顯反映食物質素

本來我是不會寫食評的人，但這次點心放題確實令我非常不快，首先這裡的環境及工作人員都很好，但去到食物方面，以我們一行四人來說，是極差，首先，款式不多，然後每款食物都不夠熱，只是少少溫暖，需然這裡出食物速度正常快，但食物質素是很難吃，之後有人請我也不會去，當天大約坐滿了4成客人，不知道是我要求高還是什麼，總之就係差差差。

首先，我想講，我唔係海雲天的員工，與海雲天冇任何關係，只係一個食客.剛剛的星期六，我同友人一齊去食點心放題，一去到就覺得環境唔錯，服務員個個都好有禮貌，食物選擇多。對於有其他的差評，我只可以講，唔同人有唔同要求。海雲天，我會再去，帶其他家人一齊去食。因為只可以放12張相，仲有叫其他，但放唔到相。

今日嚟食點心放題，早嚟可以安排到窗口位，坐得好舒服，啲嘢食上枱時間唔算慢，上到枱仲熱辣辣；間唔中都有啲服務員行過嚟，唔會無人理；啲吉碟吉籠都回收得好快，服務員態度好好，好有禮貌👍🏻

一直想試海雲天的點心放題，見網上評價不錯，家人生日就來試試。到達時比入座時間早了20分鐘，職員也可安排即時入座，雖然不能坐近窗邊位，但也不用等到夠鐘才入座。坐下一看手機menu，跟網上的不一樣，有30-40%的點心都是沒有的。落單後15分鐘左右終於有兩樣食物上枱，但份量少得可憐。鮮蝦腸粉是寫著一條的，但來到時的份量其實是1/3條，而且是凍的。再過15分鐘才有2-3樣蒸點上枱，這次食物質素不錯，全部熱辣辣新鮮出爐的。因為上菜速度實在太慢，我們就再下單叫了些甜品點心。這次來得比較快，可能因為都是整定端出來就能吃的食物。味道普普通通，都算合格。已經過了一小時，第一輪下單的蒸點還沒出現，追了兩次單才有職員走過來問有什麼點心漏了單。最後半小時的用餐時間才陸續有之前一直沒來的點心上枱。但有些食物如臘腸卷、乾蒸牛肉燒賣已經沒有了。因為漏單太嚴重職員讓我們最後半小時也能繼續下單點食物，但也沒什麼意義。整體來說一間五星級酒店120分鐘的點心放題，只有最後30分鐘才有正常的食物供應，是非常令人失望。

我們家庭新春團拜，一行25人，知道限時90分鐘放提，之前好像有人說歌值得一試，所以我們家庭新春團拜便訂了枱。我哋入去冇耐，有位服務員已經同我哋講十二點last order, 十二點半就要走，雖然這一點我們是知道的，但如果食物美味足以補償時間不足這一點。所以特別寄望在食物質素上，可是真係令我們大吃一驚，無論簡單的點心，以至炒粉、炒麵，沒有一樣講得有質素。其中鮑汁雞腳凍冰冰，很多點心都唔太新鮮，每人收二百五十元左右未計加10%，令我們大失所望，完全掃興😔

海雲天點心放題我同朋友一早喺KK地book咗聖誕節正日下午2:30嚟食呢個點心放題，每人$188 ，到步得知原來要再收加一服務費，嗰度就每人$44 。朋友早咗度，就話原來2:30到咗都要逐個逐個叫名入座，全程都係用手機落單，不過去到3:30就截單。我哋叫咗兩輪嘅食物，食物冇其他食評講得咁差，我覺得蝦餃、鮑汁鳳爪、口水雞、碗仔翅、排骨、蜜汁雞翼都幾好食。我哋坐到面對海景嘅位置，呢個景120分！不過不過最大嘅敗筆位係啲服務真係十分之差，仲差過屋村酒樓，首先侍應係唔會主動收任何嘅碟，同埋加水，而且十問九唔應。侍應好似覺得我哋點得太多，甚至開口問我哋會唔會食唔晒，其實我哋最後係食得晒嘅，同埋問侍應拎牙籤，侍應仲要特登講句比多一包你，總共有四支牙籤，嗰種感覺令人好差，覺得好似個過嚟食放題嘅客人都好貪心好彩嘅係我哋食最後一輪可以坐到四點幾先走，如果上一輪食就比較慘，一定要準時走。