凱施餅店 (Closed)

我同屋企人各自買左個父親節蛋糕番黎 因爲我地無夾過邊個買~變相又多左個蛋糕可以食! 想唔肥都幾難唔緊要啦~ 賀一賀父親節啦!屋企人去左凱施餅店買咗個oreo蛋糕番黎! 食oreo既雪糕就食得多, oreo蛋糕未食過~原來都係咁好食!Oreo 父親節蛋糕- oreo 蛋糕上面就佈满晒好多oreo~ 賣相唔差呀! - oreo 蛋糕入面係朱古力蛋糕~有d oreo 慕絲，唔會太甜~- 朱古力蛋糕都算鬆軟~又幾好食呀!!!!

今日返工前路過麵包舖，好耐都冇食吞拿魚麵包 ，見有時間入去睇睇有咩包新鮮出爐。時間啱啱好，去到見職員把啱啱新鮮出爐吞拿魚麵包放入麵包架 即刻急不及待去攞麵包盤和夾，每個都幾大個，個個脹卜卜架。返到公司已經急不及待，個包都係仲熱 真係好好味 裏面有 滿滿吞拿魚餡料，咬一口已經滿口吞拿魚唔會要食到一半才可食到餡料。早餐來講都幾飽肚，唔會好似有些麵包舖嘅空氣 麵包食完好似冇食過野咁如果平時返工太趕時間都係一個幾好選擇。

今日呢個午餐食得好飽，而家又到三點三嘅下午茶時間，今日喺旺角附近開工，所以呢落咗去樓下見到有間凱斯餅店，諗住呢買個包食頂下肚就夠啦，因為唔係太肚餓嘅關係我喺凱斯餅店裏面行嚟行去，左揀右揀，本身諗住揀個豬扒包或者係肉鬆包。不過最後都係驚太飽所以我買咗個雞批。 不過呢個雞批買咗都幾有驚喜，攞到返公司食嘅時候個面仲係脆卜卜，而且裏面啲餡呢好多，成個口感都好好，入面啲料都好有味好開胃，可以講係外脆內軟裏面啲餡都仲係熱辣辣。 呢個價錢十蚊到買到呢個雞批，都幾抵，而且又唔會令到你太飽。正

芒果熱情果蜜糖忌廉蛋糕 $112上個月在凱施餅店買過一款"比利時層層朱古力"的蛋糕，吃過之後對其蛋糕的出品有了信心，近來看見凍櫃內的蛋糕又有了不少新面孔，今日假期就再去選一款和家人一起嘗嘗。今日買了一款"芒果熱情果蜜糖忌廉蛋糕"，價錢同樣是$112， 選中它是因為蛋糕上面的一個個白色忌廉很是吸引，而且我也是芒果愛好者。蛋糕上的白色忌廉果然沒令我失望，除了忌廉打得很柔滑輕身之外，原來是帶著淡淡的蜜糖味的，這確實有點意外驚喜，因為購買的時候從未有留意到蛋糕名字的"蜜糖"兩字，而有蜜糖味的忌廉蛋糕倒是第一次吃的，味道很香，好吃。芒果亦一點也不酸，甜甜的不錯呢。蛋糕部份也同樣是朱古力海綿蛋糕，蛋糕吃下去依然挺軟熟，口感沒有乾。 海棉蛋糕夾著兩層忌廉，首層忌廉入面有些熱情果片，味道雖有點酸酸的，卻有中和忌廉和芒果的甜度之用，次層忌廉則有些朱古力脆粒， 加添了一種口感，整體依然很滿意。

之前有次黎左銀行中心呢間凱施買D麵包食, 順便買多個流心奶皇月餅走. 我上年第一次食凱施既奶皇月餅,  上年就未係流心, 只係普通奶皇餡, 但比我既印象都唔差, 奶皇餡幾香既不過就有DD碎散.今次知道佢地出左流心版本, 就比次機會試下啦! 番歸後唔食D麵包住, KO個月餅先. 呢個流心版本比上年果個正好多, 切開之後側邊D奶皇餡都完全冇碎散, 質地亦唔會黏+唔會漿住個口. 中間既流心奶皇真係一切開就有漿慢慢流出黎, D奶皇味流心漿好好味,  味道自然又唔會好甜, 同時都夠鹹蛋黃香+夾雜D蛋黃粒粒, 口感滑身之餘又有D咬口咁. 整體都幾好, 手掌心大細, 過到口癮又唔會膩, 會考慮買盒裝送比屋企人.

今日3點3下午茶有我既好同事請我食酥皮蛋撻, 第一次食呢間既蛋撻, 原來都好好食喎!! 同我一向幫襯開既豪華餅店有得fight! 不過豪華已經加到成8蚊一隻..有D貴..又要去九龍城先有得食..先睇賣相都幾吸引, 蛋漿飽滿, 色水幾靚...即刻咬一啖試下, 隻蛋撻起酥水準唔錯, 酥皮層數夠多, 食到一層層, 咬開鬆化得黎有陣陣酥香, 但又唔覺得膩口. 另一重點蛋漿都正, 蛋漿質地豐厚, 唔係稀liu liu, 蛋味亦都好香濃, 味道帶微甜, 入口滑滑, 連啪兩隻蛋撻超級滿意+滿足! 雖然食既時候已經唔係熱到辣手, 但已經食到質素係相當唔錯, 如果新鮮出爐即刻食應該不得了! 

今日女小編係工作上出左小小錯....心情認真麻麻但工作還工作，放左工就唔應該再帶住唔開心既心情返屋企，為左tum返自己，經過餅舖就買返件蛋糕歸家做甜品！！！！今日既目標唔係麵包，係cakeeeeee！！！！買成個蛋糕好似有啲過份啵>_<“““都係平平地買件細細地既凍餅自私食算啦~係眾多件西餅入面，女小編睇中左件：黑糖栗子cake 都等唔切返去做宵夜啦，反而返到屋企都仲未食得飯，咁我就食左件cake先雖然賣相幾靚，但栗子同黑糖既味都唔出，黑糖味接近係“零”幸好入面既蛋糕都叫鬆軟嗯！食完甜品就要開心返聽日繼續努力

今日去左屋企附近間凱施睇下買邊款生日蛋糕為母親慶祝生日之際, 竟然見到凍櫃入面有一樽樽布甸賣  (我一向以為這間餅店只售麵包和蛋糕)...最鍾意食呢D一杯杯既野, 價錢又唔貴, 就買左杯焦糖香草雞蛋布甸試下啦.返到屋企立即試下, 一打開樽蓋已經聞到好香vanilla味, 幾吸引！馬上食一口, 口感是意料之外的正~ 質地幼滑, 口感軟綿綿creamy, 最緊要係甜度恰到好處,  好好味!  食到最底有一層薄薄焦糖, 以香濃焦糖味作結. $13有如此質素, 我覺得好抵食! 絕對值得再幫襯～下次會試埋另一款綠茶紅豆布甸 

之前排隊買麵包時發覺凱施原來都出左奶黃月餅，仲可以散買~ 我見40蚊已經有兩個咁抵就買黎試下~ 早兩日終於吃了~ 估唔到咁平嘅價錢都食到呢個質素! 首先月餅外型係一朵玫瑰花~樣子都幾靚! 一拆開包裝袋就聞到奶味同埋蛋黃香，食落去好香，唔會好甜，口感唔漏，餅皮都整得唔錯，夠薄又鬆化。不過略為覺得奶黃餡唔夠黏! 如果個餡冇咁散就仲 perfect~ 不過以呢個價錢來說性價比真係算好好了! 下年中秋會考慮買呢間~~

位置方便所以經常會買早餐食，發現花生醬三文治越來越少醬，本來都不覺得嚴重但因為它是3片面包夾醬食。結果面包邊邊部分全都沒醬，失望。反而欣賞吞拿魚三文治，雖然要$15，但份量夠而且一點都不乾，生菜亦新鮮沒有變色

呢個提子包做下午茶加杯咖啡就真係正哂。條包提子又多又均勻，面包師父應該落足心機去搓。包條質感幾好，咬落起鬚皮得來又實在，而包面塗滿甜甜嘅糖醬，食齋啡都唔怕苦。👌🏻

母親大人老闆送贈之美食 : 凱施酥皮蛋撻 同 叉燒酥開盒時見蛋撻燉蛋顏色冇平時咁黃聞落有奶脂肪香, 似煉奶食落燉蛋部分比較甜,奶脂味濃,蛋黃味好似冇乜, 似吉士或煉奶味唔知呢個其實係唔係鮮奶蛋撻,定係改左配方不過都好食, 夠香甜, 清新 可惜唔係出爐即食, 冇咁滑Anyway, 酥皮造得好, 薄, 唔油, 而且酥脆, 唔會因多油而令酥皮淋,淨食燉蛋, 香甜淨食酥皮, 酥脆兩者並吃, 皮酥肉嫩,奶滑融合於酥皮間, 好夾到叉燒酥, 酥皮好香, 脆, 唔油, 唔淋 叉燒肥美不乾, 汁味偏甜, 汁量適中而不蓋過叉燒味,鹹味由外表蛋漿及芝麻供給, 鹹度與內餡之甜度相若,鹹甜均等,交織奇妙味道,加以酥皮豐富口中一層層咀嚼感覺,三者完美配合,奏出幸福動人的交響曲食不厭精,膾不厭細小口品嚐,先食得出烘焙食品既細膩感吃過齒頬留香凱施出品既烘焙食物酥而不油,抵讚

凱施麵包食得多, 但從來未試過蛋糕凍餅.有日lunch時與朋友講起, 決定即興買幾件試一試.凍餅選擇不多, 名字卻十分有趣..."柔情亞當" - 單看名字完全想像不到其實只是一件芒果凍餅. 面層的一片芒果被啫喱牢牢黏住, 入口有些硬, 下層的芒果慕思及蛋糕尚算可以."檸檬忌廉芝士" - 賣相不俗, 但味道欠奉, 無論上層的蛋白還是下層的芝士蛋糕都過硬."粉紅貴族" - 另一只有賣相之作, 實為紅桑子芝士蛋糕, 味道一般."芒果班戟" - 好多忌廉, 好少芒果.令人十分失望的甜品, 還是只幫襯麵包算了.

中午, 要行街街選購一些物品. 變得食飯時間不足. 不想吃嗱喳三文治, 又真的不想吃三文治. 近近地, 就在近公司的地方, 買個包食.凱施, 算是最近, 最就腳的麵包店. 此麵包店, 一向都只是小小的連鎖, 主打一些私人屋苑同屋邨. 不過, 近來的她, 已大展拳腳, 開始要找進主流麵包西餅店的行列. 銀行中心呢一間分店, 雖然都只是細細間, 但有一種感覺, 凱施, 想升呢...用作食兩下野頂下肚, 一個包仔已經足夠. 對叉燒包有少少厭倦感, 所以就要一個更加簡單傳統的餐肉蛋包. 凱施, 雖然是一間麵包連鎖店, 但她們堅持店內自製, 所以麵包是夠新鮮的, 有時候老闆回公司, 不時會係凱施買包仔返黎, 請大家食.餐蛋包, 餐肉同蛋仲帶一點水份, 證明是名新鮮, 沒有放太耐的麵包. 水準上, 其實好過美心. 號外的一件事, 就是我發現他們有自家製的凍咖啡. 對一家連鎖麵包店來說, 又幾新鮮既. 凍咖啡, 因為成支從雪櫃取出, 有點似冰震的咖啡, 而且其味道是少糖, 濃郁, 香滑...從來沒想過是這樣的好. 簡單, 用作早餐食物, 好吃的麵包, 永遠是最好的....