北海道牧場餐廳 (Closed)

個日同朋友行到沙田新城市覓食 行過見到北海道牧場個裝修有點吸引, 而且未食過. 所以就比佢吸引左入去LU.11:30AM 入到去 唔洗等位, 可能因為岩岩正式開始LUNCH TIME 所以唔洗等位就入左去.呢間有得揀坐入面涼冷氣或者出去外面露天的地方用餐. 最後我們選擇了入面.我地一人叫左一個套餐. 有個味噌湯 入面有 栗米.. 咁豆腐去左邊呢..?呢個係佢地貼起門面推介既招牌菜, 但竟然冇晒雞肉 話同我地轉 南瓜.咁我地都冇所謂既, 但O咀左啲姐.淡淡既蕃茄醬汁, 配搭白飯 罐頭午餐肉 南瓜餅 紫菜碎 木魚碎 -> 59$成個飯一般啦..但竟然最好味既係 南瓜餅 咁我地係咪應該慶幸 冇晒雞肉?!大阪板燒牛肉飯 聽個名都幾吸引  59$最好味既係牛肉粒一啲都唔韌, 反而汁就一般 酸酸甜甜既特別味道開頭仲以為真係會板燒.. 但望落去啲牛肉似係來自一煲野煮熟 再撈一部份上碟就出黎唔算係正宗板燒牛肉, 反而似中式炆牛腩咁囉但整個餐黎講叫做 不過不失啦...抵唔抵食就見人見智啦 杯朱古力都幾好飲既 落足料 最後愈飲愈甜....最後都可能會番黎光顧多次既..但唔會坐呢個位囉

今日收工後, 鉉了朋友在沙田吃晚餐, 突然記得連城廣場上面有很多餐廳, 於是上去看看那一家合眼緣。見到有點名氣的北海道牧場餐廳, 未試過的我們決定入去一試。懶得想吃什麼的我們點了個二人套餐, 包括兩碗味增湯、照燒雞肉沙津、特式烏冬、咖哩豬扒飯。另外把餐飲升為特飲, 分別是雪糕忌廉和榛子燕麥牛乳。味增湯: 湯裡加了海帶和玉米, 不會很咸。照燒雞肉沙津: 雞肉和醬汁味道有點怪, 配搭沙津不是十分討好, 旁邊的薯角稍為這個加了分, 建議沾上蕃茄醬一起吃。特式烏冬: 3.6牛乳炒蛋味道不錯, 可惜炒得有點老; 义燒是比較出色之作, 雞翼和烏冬也是一般水準。咖哩豬扒飯: 咖哩汁偏甜, 吉列豬扒炸得很散, 整體質數較差。雪糕忌廉: 汽水忌廉加3.6牛乳雪糕, 雪糕夠香滑。榛子燕榛子麥牛乳: 全晚最好味的特飲, 有果仁、榛子、燕麥、忌廉, 加在牛乳裡顯得格外香滑, 而且不會很甜。整體而言是有點失敗, 不過不失啦。

每次經過北海道牧場餐廳都會有想試既衝動.. 淺藍色既裝修, 北海道3.6牛乳.. 種種因素夾埋令人好想試今日約左朋友黎沙田食飯, 上到連城廣場周圍都係人, 見到呢度唔使等位就即刻入黎試~~見到餐牌上既早餐, 窩夫等等已經令人好興奮, 賣相好好雖然好多個餐都唔係好抵, 但因為佢掛上北海道牛乳既名  令人聽落感覺好似高級左好多我叫既係北海道特餐 $42 (包火腿+炒蛋+多士+叉燒通粉+餐飲)呢個餐既配搭同澳洲牛奶公司既茶餐完全一樣.. 所以不自覺咁將兩者做比較可惜完全無得比!炒蛋: 唔夠香唔夠滑唔夠熱辣辣 (食唔出有用北海道牛乳炒..)火腿: 一般多士: 牛油唔夠均勻, 麵包唔夠脆口叉燒通粉: 通粉太硬 ... 叉燒一般, 不過件數都唔少~朋友叫既係 大阪板燒牛肉飯餐 $59牛係牛腩, 夠淋, 但係同個好似燒汁味既醬汁好唔襯, 令成個飯有D怪, 白飯得好少跟餐有麵豉湯, 係我直至目前飲過最差既麵豉湯, 因為佢溝左好多水, 好稀, 好難飲入口...呢度有個好處係有幾多小食款揀, 可以跟餐, 可以試到多D款我同朋友就加左個北海道牛乳窩夫 $12一上枱見到個樣已經知中伏... 係最薄最無口感個種

食物差，服務差，唔抵食一個餐$29起，但食物份量，質素都比大家X同大快X同澳x牛x公司 既差！ 炒蛋細份又唔滑，火腿通粉無乜味，火通無煎又唔香，勁一般 另一個餐係肉丁意份，加杯餐飲，其他咩都無就叫做一個餐，都幾唔抵食。再講服務，全店坐滿8 成，但都只係得一個送餐+點餐+收錢既waitress, 可能太多野做啦，態度唔好，由落order 到送餐至收錢都黑口黑面同無禮貌。 其間我張枱擺左兩碟野食有少少唔夠位，佢拎碟意粉埋黎又唔幫人執下d 碟位，拎住企係到等我幫佢執，之後仲放埋一邊就算。

平時比較懶起身既我, 今日去左呢間北海道牧場餐廳食個早餐, 呢間餐廳對我黎講係個十分好既選擇, 早餐賣到12點, 對我呢個懶人黎講, 訓晏少少都唔會無早餐食。今日去到間餐廳, 見到坐滿晒人, 不過只係等左5分鐘就已經可以入座, 裝修以藍色為主題, 茶餐廳黎講已經尚算美觀, 雖然地方比較淺窄, 不過只係為左食而唔係為左入去享受環境既我, 地方環境都唔係一個問題!坐低左之後, 服務生已經好快比左餐牌我, 服務生態度好好, 溫文有禮, 仲向我推薦邊樣食物係特色, 好少餐廳會咁做。然後我點左個火腿意粉, 炒旦多士, 凍華田。意粉出奇地彈地, 炒旦有3.6牛乳味, 加上剛烘起既多士, 香脆可口, 呢度飲品既主打係凍華田, 比起其他餐廳既華田真係好飲好多, 上面有層華田粉, 可以食之餘, 仲好好飲, 無記錯只係+$5, 值得一試!!下次仲會黎, 希望可以試堆其他既食物!!

心血來潮想食waffle,沙田無咩選擇只好試下依間～選擇唔多，配搭普通有雪糕既只有綠茶口味，對於唔食綠茶味的朋友就少左兩個選擇～無雪糕既只有奶油奶醬，朱古力醬等配搭～點左個最普通既試下～都係普普通通，好似食緊街邊格仔餅～感覺唔到係北海道牛奶整不這環境同衛生唔錯，員工都好有禮貌～價錢正常！

又係衰貪心買團購，買左兩個特餐好似27蚊一個，星期一中午去到坐底左佢話團購12點至2點只可以外賣，算數啦，因為就到期外賣都算啦，拎特餐一個要通粉一個要意粉，衰貪心加12蚊要左半粉窩夫，一打開外賣時見到好貼心，因為湯同粉有分隔分開，意粉好食d，通粉好"霖",湯底唔錯，堅有忌廉雞湯味，其他只係普通，仲要拎左番屋企先發現佢冇俾個窩夫我，唔通番去拎咩，臨走都有諗住check不過我買咁少諗住都唔會執漏啦，點知.....所以大家記得睇清楚，份量好少，如果要正價42蚊食我寧願食華星，民華嗰d

話說平日都鐘意食早餐, 就係鐘意朝早O既寧靜Boxing day都唔例外朝早 8半就走去試一試呢間見佢 sale 北海道3.6牛奶有個期望啦~當時我係第一個客地方有D 污糟可能尋晚趕住收工睇一睇個餐單茶記野?點左自家製肉丁套餐+熱咖啡咖啡杯有唇膏印待應完全無留意到個肉丁通點睇都唔係自家製份量又少食到一半仲要見到有條毛........我認輸....唔會再行入黎北海道3.6牛奶完全係呃人....完全食唔到牛奶味特別重又唔係特別滑我去瀝源食茶記仲好

今日路過,剛好不用等位，見標榜用北海道3.6牛奶，心裡想着是滑滑的炒蛋而進入。店內陳列了很多飲品用料，當然少不了主角北海道3.6牛奶。我選了北海道特餐，朱古力飲品，另加半份朱古力窩夫（waffle）。飯友單點牧場湯通粉。 北海道特餐包括，厚多士，火腿，炒蛋，朱古力，义燒通粉。稀釋了的金寶粟米湯。厚多士最佳吃法是滿滿的牛油溶在熱多士上，可惜多士上桌時不夠熱，牛油又太少，火腿是雪藏貨式，沒甚評論價值，最期侍的是3.6牛奶炒蛋卻令人最感失望。炒得不滑，沒有奶香。义燒通粉的湯尚算不錯，义燒份量頗多，通粉份量也不少。朱古力粉不是高等級貸式，所以味道也配合級數。waffle做得不錯，不會乾硬，兩片分別配牛油及及花生醬。飯友的單點牧場通粉同樣有炒蛋，火腿及稀釋金寶粟米湯，並有厚切午餐肉及腸仔，份量不少，炒蛋也是不滑但又不是全熟，顯然是厨藝未到家。通粉是港式煮法，偏軟。其實只要食材品質好，食物可以很簡單已美味。以一間標榜北海道牛奶的餐廳而言，連炒蛋也做得不到家，真是有點兒那個。整體食物水準不高，也沒有日式餐廳氣氛，如果不看餐廳名稱，還以為是進了一間茶餐廳。

又係因為有COUPON，所以又去呢間野食，真係有Ｄ後悔買左咁多張團購點了北海道特餐，即係平時係茶餐廳的常餐。有牛油多士、火腿（普通火腿一開二）、炒蛋、叉燒湯意、餐飲，盛惠$42牛油多不錯，不太燶，牛油超多。火腿無咩特別評價，火腿好少會中伏。炒蛋真係令我打左個突，份量勁少。一舊酒樓中式包咁的大小。食落口係滑，但係無咩蛋味，亦無牛乳香。大家樂炒蛋仲好過佢！枉呢間野仲以北海道牛乳做selling point 叉燒湯意份量少，叉燒算大舊但係較乾，千祈唔好諗住食到太興或者燒味鋪果款蜜汁叉燒

沙田連城，一上電梯即見。係門口企係度就覺得入面幾吸引，坐低食落野就發覺不外如是，無咩野值得追棒。叫左個北海道早餐（$29），加$5轉熱牛奶炒蛋夠滑唔夠香，大家樂炒蛋好過佢腿通真係普通。湯底仲勁油，搞到賣相好差呢杯就係加$5 轉的熱牛奶。飲落後好稀又無味，出街食真係永無真材實料，同自己買番黎飲果隻差得遠。早上樓面連收銀得兩個staff, 收銀除左落order, 仲要執埋野做埋傳菜, 店員很勤力，但可能因為多野做，態度真係麻麻地，多少少要求就會黑人面。總括而言，呢間野名過於實，一味靠包裝，如果唔係有coupon都唔會黎食。

剛去完連城DSC買完些少野，經過這新店見人不多，於是就嚟試下！裝潢以藍色和木色為主，頗舒服，但坐位比較少。開始唸住叫個有炒蛋普通的常餐，但又見到這個叫「特式烏冬餐」頗豐富樣樣都有，又想食雞翼，於是就試咗：「特式烏冬餐$65」配料有：叉燒、雞翼、炒蛋、粟米粒、蕃茄蓉、葱花等。💢湯底係3.6牛乳蕃茄湯，因混合了牛乳加上烏冬，湯比較杰！味道一般。中間紅色一pat蕃茄蓉，凍冰冰，雖有些已混合係湯裡，亦感覺酸而不甜，唔好食！ 💢烏冬不夠彈牙煮得亦比較淋。普普通通！💢炒蛋味道一般，不夠滑、牛乳味欠奉。💢叉燒一般、偏瘦。雞翼係用黑椒汁硽過，味道算可以，係全碗比較好的一樣。<<<<<<<<<<<<<<<<<<<<>>>>>>>>>>>>>>>💢凍華田（跟餐+$5）上面係灑上華田粉。。係好濃味！但飲落係甜得有些誇張！好~甜~呀！

行完街搵野食，見佢橫裝唔錯，就入去試下。其實都係普通餐廳嘅快餐，以為簡單，點知又幾新奇。首先個午餐肉通粉，肉厚茄醬濃，唔錯！五香肉丁如果再多啲、濃味少少就perfect，個炒蛋加蘑菇汁好好食！！！！！好特別，可能我未試過有蘑菇汁嘅炒蛋xd唔夠飽？！再加多個朱古力醬mix 花生醬窩夫！又係好好食，個窩夫好實正，中間一啲air都無，醬都好好食，加埋呢個窩夫，係好飽會再去食！

做業務的最怕遇到什麼？我自己最怕是要收數，日本人做生意很講誠信，不過對着某些國家的客人，有時候很難搞，合作之前簽好的協議，還有電郵白紙黑字做証據，都可以不認帳。最近便有一單爛攤子要收拾，一早要跑到客人處理論，30分鐘已經為對方辯解的能力感到氣絕兼虛脫。完成不可能的任務，回到香港，剛好12:30，於是一個人找吃的。在連成廣場遇見北海道牧場餐廳，第一次光顧已經是幾年前在銅鑼灣總店的事，現在的北海道牧場餐廳在香港已經有十間左右的分店。此店雖然門外沒有人排隊，店內還是滿座，不過一個人來這兒用餐的人很多，亦比較容易搵位。點了一份北海道特餐，其實想叫意粉，不過自己沒有看清楚，所以default變了通粉。白麵包跟記憶中一樣厚，只是不夠熱。驟眼看，以為炒蛋變薄了，怎麼只有5mm厚？原來麵包夾着的是厚厚的牛油。真正的3.6牛乳炒蛋隱藏在火腿底下。也許是因為加了牛奶的關係，炒蛋的顏色很淡，質感很滑但很濕潤，個人還是想念普通的厚蛋三文治多一點。叉燒通粉用的是瘦叉，通粉軟硬適中，湯身有點點油花，呷一口，的確有濃濃的雞湯味道。通粉意粉餐還有肉丁和厚切餐肉可供選擇，如果可以同時有沙嗲牛肉就好了。吃完特餐，還是覺得

今晚同朋友去左沙田行街，行到肚餓就周圍搵野食，去到連城見到呢間北海道牧場餐廳，見佢裝修簡約幾舒服就坐低左。一睇餐牌，其實晚餐選擇唔多，以牛乳咖哩為主，其次可揀通粉，但佢既小食、甜品同飲品就民間多選擇。今晚食左個咖哩吉列豬扒同加左$12有半份朱古力窩夫，盛惠$84，都算好味道。