北海道居酒屋 (Closed)

繼續開年飯，今次見到沙田廣場開了全新的日本料理店。想也不想，直接相約好姊妹在這家料理店入面等，先到先等位，也操縱著點菜的權利。我，就是相對早到的一位，所以嘛，我就選擇啦。 說到底日本料理嘛，又是開年飯，當然要點一些矜貴一點的食物啦。我今次就點了刺身、壽司、玉子卷、天婦羅等美食。就讓我挑選幾款跟大家分享吧。 特上刺身7點 ($408) 今次的刺身有海膽、赤身、海老、三文魚等，海膽有驚喜，竟然是甘甜的，不錯；海老很鮮甜；三文魚肥美可口。這邊的刺身也算是物有所值。 北海道牛奶玉子卷 ($68) 玉子卷嘛，並不外層並不算滑，但中間還有蛋汁緩緩流出的，蛋香也算不錯。對於喜歡吃蛋的我來說，這個玉子卷有70分啦。要是能讓外層更嫩滑的話，整體訐分定必更佳。 最後還有抹茶雪糕作結，沒記錯是大概 $28，味道普通啦，有甜品作結，感覺總是會圓滿一點的說。

位於沙田中心商場3樓的北海道居酒屋，主打日本菜及刺身。餐廳的設計以和式裝修為主，燈光頗明亮。牆上更有一幅掛畫，以卡通插畫介紹北海道的名產。首先來到的為北海道城松前町便當，店員把整座「北海道城」上桌，賣相十分有趣。這座城主要有三層，男士吃也十分夠飽呢。第一層是刺身三點盛，刺身的肉質頗為新鮮，蝦的味道也頗鮮甜呢。第二層是魚生丼，包括海膽、三文魚子、呑拿魚蓉、玉子絲及壽司飯。個人頗欣賞當中的海膽，完全沒有臭腥味，入口即溶，飛魚子也是粒粒飽滿，卜卜脆。第三層則是蕎麥冷麵，能吃到微微的麥味，頗為飽肚。北海道城還會包一客味噌湯和沙津呢。第二味來到的為極上壽司盛14件加3件鐵火卷。七款壽司各有兩件，頗適合二人分享。魚生的肉質頗新鮮，size頗為大塊，壽司飯也不會太黏。鐵板香蒜牛柳卷煎得頗為香口，外面的牛柳煎得微焦，脆脆的。裡面的金菇也頗多汁Juicy。北海道花蟹味噌湯來到了，店員也會放上拆蟹肉的工具供客人。味噌湯充滿了花蟹的鮮甜，令味噌湯的味道豐富了不少。

今日不想太夜回家，所以和同事近近地在沙田晚餐。*刺身三點（$88）刺身每一件都是厚切，而且每一件都很鮮甜。*蟹肉蟹膏玉子燒（$86）蟹肉蟹膏玉子燒真的不得了！玉子燒包著香香的蟹膏，上面再放了蟹肉和蟹子。*日本產和牛壽喜燒（$188）牛肉偏肥，油脂味重；湯底很甜，菇和菜都吸了湯味，超正！*燒活鮑魚（$58）鮑魚爽口彈牙！*鹽燒牛粒串（$48）牛肉粒很淋，而且很重油脂味。*北海道十勝紅豆黑芝麻雪糕（$28）黑芝麻雪糕夠香，而且伴了紅豆和白玉，真的要加分。

講真，影衰哂日本餐飲業，仲話咩北海道居酒屋授權.......笑死人20:40 太太叫個簥麥冷麵，我點左個天婦羅咖哩飯，再加一個鹽燒雞翼........21:15 我等唔到, 因為兩個細路放興趣班, 我先行離開接小朋友21:25 太太問佢，唔知我地點左咩, 正式宣佈漏單終, 仲好意思問我太太記唔記得邊個落單...............記得係咪打柒佢?!  仲要話白飯賣哂 (勁! 無白飯)，太太幫我點左和牛拉麵21:35 終於黎食物，但我地只有雞翼食哂，D拉麵真係好差我地起身走，仲懶殷勤咁走埋黎話:" 哎呀，拉麵唔啱食呀? 我見你都無郁過......"  真係想俾個LIKE佢

今天朋友約咗我入沙田，行新城市廣場買完野後，更順便食埋晚飯先回家，於是便過了旁邊的沙田中心，看見一間食日本料理的食府，名呼叫【北海道居酒屋】單看門口已覺食物質數應該不錯進入餐館內，地方很寬敞， 燈光也令人感覺很舒服先嚟叫了一點小食， 是一份香口鬆脆的『燒七味魚翅乾』， 沒想到魚翅可以這樣製作，咬落口香脆味道更滲入口腔跟住再嚟一碟黑松露牛油果沙律，當然裏面除了 黑松露和牛油果以外，還有有機蔬菜及平目魚肉，配搭下相當新鮮，也想不到平目魚肉質如此軟滑食日本嘢點少得刺身，當下便選擇了一個五點刺身，包括有每樣都好新鮮，口感一流，每件都很彈牙和富有質感單看個名❲火龍卷❳真係估唔到佢原來係， 但係食落真的不錯，蝦身炸得很鬆脆嘢未，包在外面的飯也很黏口最後還叫我玩嘢味香口的小菜，燒北海道魷魚和 鹽燒北海道產花魚，花魚的味道燒得很濃郁和魷魚燒得很煙韌， 也是絕對必叫的菜最後叫了一味叫和牛味噌雜菜鍋，首先在鍋內放滿了蔬菜，再鋪滿了新鮮肥美的和牛，和牛面上再加黑椒， 這樣的配煮起來，十分之惹味 另外再加上從日本進口的飲品好彩又細心的接待員，如果唔係，真的不知叫什麼好，因為菜牌種類十分多

星期日下午2點半，見旁邊嘅板長大排長龍，又見呢間食評不錯，所以就諗住一試。食過之後就可以100%肯定，呢度啲好評全部都係打手！首先，我見列佢餐牌原本寫住係「免收加一服務費」但係用黑色筆塗咗，好心就印過一張啦⋯⋯咁俾人第一感覺好差。叫人落單，叫咗3次先有人過嚟⋯⋯成間餐廳得一半枱係有人坐，都可以咁嘅服務，真係不知所謂。落單講咗一次「要滑蛋吉列豬扒飯（$78）同四色刺身丼（$118）」，個姐姐仔覆單竟然問我：淨係叫一個餐？我再重複一次，「仲有個滑蛋吉烈豬」⋯⋯咁嘅服務都仲要加一，離哂譜朋友叫咗吉列豬，睇個賣相好似唔錯，啲蛋都無乜問題，點知一食塊豬扒就出事⋯⋯真係「皮厚肉薄」塊皮係豬扒嘅2倍厚度⋯⋯真係食到豬扒嘅尾尾，都唔知食幾耐先食到真係有肉⋯⋯而我自己就叫咗個極上四色刺身丼飯，個碗比想像中仲要細。蝦仲有大大條腸未清走⋯⋯而三文魚竟然係三文魚碎片咁，勁細塊，似一粒粒咁，但因為一開始佢疊在一齊，所以睇唔出係碎片⋯⋯總結呢間野真係，一定唔會再去！

今日政府發表的財政預算案，說真的我們完全沒有受益，挺失望的。不過學朋友所說，沒期望就沒失望，倒不如自己去吃餐好的，不生悶氣好過，說的也是，所以朋友提議不如去居酒屋吃吃日本料理，談談天。來吃日本菜怎少得日本刺身，和朋友研究一番後，得出結論刺身5點最為抵食，每片刺身不用20元便可吃到，而且一次過可以品嚐三文魚，帆立貝，劍魚腩，甘蝦及油甘魚。每款刺身都有一定的厚度，相當肥美軟嫩，有著細緻滑嫩的口感，吃得到刺身原有的香甜味，不賴的選擇。玉子控的朋友早已預告要吃玉子卷，尤其是北海道牛奶玉子卷，玉子卷捲起圍成規規矩矩的長方形，呈現完美簡約單調的形態。店員問我們玉子卷添加牛油與否，我們都異口同聲答好。玉子卷頗厚，質地相當緻密，口感柔滑順口，表面牛油在香柔的蛋香映襯下顯得異常鮮美，牛奶徹撤底底地融入玉子卷中，帶有微妙的牛奶風味。不吃炸物總感覺有點空虛，我們最想吃都是天婦羅軟殼蟹。軟殼蟹外皮炸得酥酥脆脆，重點不用剝殼那麼麻煩就可吃到蟹肉，哈哈。軟殼蟹肉蠻扎實的，蟹肉鮮甜，炸得不油膩，非常可口。燒粟米應該是直接由生粟米燒至熟的，未至於燒到乾巴巴，脆脆的口感中帶有絲絲的水份，蠻有嚼感的，粟米新鮮香甜，不需任

Yes it's been too long.... honestly I have been recommended so I thought I would give it a go. This Jap restaurant is in one of the malls in Shatin where I used to live for a couple of years. Firstly we got a serving of sashimi trio for $88. Everything was fresh and really thick cut and I particularly like the salmon slices. I think it's great for the value so I would highly recommend you to order it. I have also ordered Matcha beer $58 because I want to know if it's the same as the matcha cider

今晚諗住試下新開嘅日本餐廳，我地（7:41）攞飛，之後等咗十幾分鐘就有位。😶😶😶（7:55）就入座，我地order咗冷麵、拉麵、火龍卷、雞軟骨、抹茶啤酒。我地等咗十幾分鐘，旁邊桌是遲我地一點嘅客人已上了牛肉鍋，之後再來了炒雜菜，之後她們差不多食完，但還有一個魚生飯未嚟，她們就問侍應何時來？女侍應說：「我去看看。」之後女侍應回來説：「沒有order，妳們要什麼飯？」她們就再點過。幾分鐘後就上了這碗魚生飯。我地就問剛才幫我地落單嘅男侍應，我地個order怎樣？他就看自己本落單薄，然後對我們說：「忘了落單。」😠😠😠之後立即走去🏃🏻‍♂️落返張單。我地叫他：「麻煩你快D，優先整我地張單先。」他説：「Ok 。」（8:28）先來了杯抹茶啤酒🍵🍺，之後我地繼續玩下電話等。（8:35）我地問另外一位女侍應：「我地D嘢食仲未嚟，可否跟下張單？」她就大聲跟這個男同事説：「你自己跟返張單。」我朋友一聽到即刻火到嚟🔥🔥🔥，叫妳跟下張單，為什麼要唔理，仲要叫返之前果個同事跟返張單。😡😡😡這是什麼服務吖？等到一肚氣😡😡😡，我朋友立即起身自己走去收銀處說：「結帳。」我個女侍應說：「等等吖吓。」之後大聲叫同事說：「出返

而加沙田廣場開左幾間新食肆，喺沙田搵野食又多啲選擇！今次試左間日式餐廳，晚餐時間都多人，不過我同朋友6點鬆啲就到左，唔洗等就即刻有位了。首先試左呢個三文魚富士山，上菜嘅時候真係有啲驚艷，因為真係好長嘅三文魚刺身呀！食落都幾新鮮，入面其實係壽司飯黎，我同朋友都覺得呢個最好食。跟住我地都有叫左一個麵，雖然天氣好凍，但都忍唔住叫左個蕎麥麵，月見姐係打喺麵上果隻半生熟嘅蛋。我覺得隻蛋熟得濟，唔係幾撈到啲麵度，肉片食落都係一般般啦。最後試左呢個薯仔露筍煙肉，上菜果陣有個小插曲：菜單上嘅露筍係綠色幼幼地果種，但個菜黎到我同朋友都搵唔到綠色嘅露筍，淨係見到啲白葱，於是就叫waitress啦…點知，原來白色得幾條果啲就係露筍！我心諗：連露筍個頭都睇唔到，得幾片露筍心...但味道其實ok,不過其實自己喺屋企整都好易整到。呢間餐廳仲有賣鍋物，我見到隔離枱叫左，都幾大鍋，下次都會再黎試下！

應該都有好一段日子沒來沙田中心一帶, 因為已經沒有太多值得本地人留戀的店舖; 記得以前這裡還有一些衣物或精品的小店, 不時會在當中尋到寶; 現在由巷頭至巷尾, 都是連貫的遊客購物店鋪, 迫得連站在門外的地方也沒有;  今天原只是打算繞路走過, 卻在眾多遊客店之中, 見到一間新的日本餐廳 - 北海道居酒屋, 可能是較新的關係, 並沒有在門外出現太多人流, 正合我意, 於是就與朋友走進去試試餐牌與一般日本餐廳大同少異, 不過也有不少獨家提供的菜式愛吃香口食物的我, 一見到這款燒七味魚翅乾($68) 想也不想就點了, 上枱時已聞到香脆味道, 魚翅燒得很到位, 不會太乾身, 很有咬口, 咬下去香脆的味道即時在牙齒之間滲溢灸燒平目魚邊黑松露牛油果野菜沙律($108) 是另一個非常喜愛的菜, 平目魚魚味出, 肉質很軟滑, 每片魚肉上配上適量的黑松露提味, 非常出色的配搭;  配上牛油果與新鮮有機菜沙律, 味道融和, 基本上這個菜被我一個吃掉了一大半.刺身五點($188) - 刺身本來不算是自己的喜愛菜式, 不過肉質新鮮而且相當彈牙, 當然也不會放過啦. 不知道是不是每間日本餐廳都必有的菜款 - 火

北海道牧場旗下居酒屋，已不敢抱太大期望，沙田新店，儘管一試。魚生選擇幾多，不過唔敢冒險喺呢度用呢個價錢食。叫咗四款食品，鰻魚炒飯太濕，似醬汁撈飯多過炒飯。和牛味噌雜菜煮，真係好多菜。鐵板牛油帶子，一般。最精彩嘅炸蝦雜菜餅蕎麥麵，個炸餅仲有未熟嘅粉漿，另一面全部係炸漿，無乜菜可言，成件炸物只有一半食到落肚。以後唔會再來。

呢日搵食搵到黎沙田，朋友係地頭蟲，推介我試「北海道居酒屋」，果然冇介紹錯呢！北海道暖薯沙律 $42沙律原貌色澤豐富，可以睇清楚有咩材料，包括薯仔、雞蛋、青瓜、蘿蔔、洋蔥，清新又飽肚。信月新薑鹽湯拉麵 $72鹽湯拉麵湯底濃郁美味，混和薑蓉同吃更覺特別，麵質亦爽口彈牙，非常不錯！唐揚北海道產雞件 $58雞件炸得色澤金黃，外脆內軟，而且啖啖肉，非常夠份量，保證不會令你失望。鹽燒牛舌串 $32鹽燒雞肉串 $18燒雞軟骨串 $18燒豚肉露筍串 $24幾串之中，燒牛舌最令人一試難忘，調味料夠入味，能夠保留肉汁，不會太乾，好吃。巨峰乳酸梳打 $28靜岡蜜瓜梳打 $38

男朋友最近激嬲左我，佢話要帶我去食番餐好補數，估唔到係沙田中心都有好野食！特上刺身五點 $258今日賣晒海膽，所以用赤貝補上，同樣新鮮👍🏻另外有三文魚、吞拿魚、拖羅等，肥美潤澤，質素上乘。和牛北海道牛乳味噌鍋 $108我非常喜歡呢個牛乳鍋呀，牛乳味濃郁，用料豐富，有極多牛肉、冬菇、娃娃菜、豆腐、金菇等，食完真係好飽！松葉蟹蟹肉蟹膏甲羅燒 $68蟹肉和蟹膏份量超多，附上六塊薯片，濃郁的香氣配脆卜卜的口感，很特別呢。毛豆$18燒雞泡魚乾 $48上桌時還是熱暖的，非常香口，滋味到極😍北海道十勝紅豆抹茶雪糕 $28北海道十勝紅豆黑芝麻雪糕 $28兩款口味的雪糕都好食，但黑芝麻會濃郁一點，配小丸子同吃較佳，都推薦！

今日上完課, 晚上往沙田北海道居酒屋食宵夜。我點了燒雞中翼, 鹽燒牛柳串、炸薯角、牛奶玉子卷和富士山可樂。燒雞中翼燒得金黃, 熱辣辣,肉質鮮嫩, 雞皮燒得爽脆；鹽燒牛柳串,牛柳粒燒得金香, 肉質鮮甜；燒雞中翼和鹽燒牛柳串佐酒一流；炸薯角炸得金黃香脆乾身, 食落不感到油膩, 配上蟹肉味噌芝士醬, 醬汁食出濃濃蟹肉, 好濃的味噌芝士, 配上薯角食口感豐富, 十分惹味,牛奶玉子卷上桌前職員先替玉子卷塗上牛油, 牛奶玉子卷賣相一流, 蛋食落熱辣辣, 配上牛油好香滑, 蛋好有蛋香, 份量適中,配上芝士醬食落更加惹味；最後富士山可樂,飲落酸甜度適中, 口感十足, 餐廳座位舒適, 食物美味可口, 串燒, 炸薯角和牛奶玉子卷食落好味,惹味十足和有特色, 值得再來的美味居酒屋。