Holy Chef (Closed)

好喜歡呢間CAFE既裝修同感覺, 平曰時間黎食返個EARLY DINNER 都不失為一個幾好既選擇. 因為下午同夜晚等候時間絕不講少, 皆因坐位唔多.  餐湯 - 小小一柸, 好香濃既蕃茄菜湯味道, 飲落有一粒粒既菜粒又CREAMY, 令口感有層次, 絕對係有誠意兼開胃既餐前湯.黑松露沙律- 黑松露唔吝惜, 松露香氣撲鼻, 沙律菜好新鮮. 南瓜卡邦尼意粉 - 面有一塊燒過既之芝士, 開初望以為係一塊煎香左既魚柳, 望真原來係芝士呢, 哈哈. 意粉軟硬度適中煮得岩岩好, 但個汁偏杰身, 要將汁同意粉撈埋一齊係有點難度. 食完感覺都幾膩, 不過味道好好! 

成日係ig啲人去holy chef食brunch，搞到我都好想去試下。係長沙灣搵左好一陣先搵到，都幾難搵。一去到，得幾張正常枱，然後我地要坐係近門口位嘅一坐細枱，係去到腳度嘅高度，坐得都幾辛苦。同朋友一人叫左一個餐，all day breakfast 同黑松露意大利粉。附送餐包同一小杯湯。餐包同湯嘅分量都十分小。All day breakfast 好大份，但bacon腸仔都好油，點知連蕃茄都有芝士係上面，成份都頗為heavy，除左有啲菜係隔離。黑松露意粉就比較出色，黑松露味好出，忌廉分量放得剛好，意粉硬度適中，可以再林多少少。總括黎講意粉幾好，但食得好辛苦，下次都係唔好係食飯時間去。

很早前網上看到黐線芝士三文治（芝士三文治）而想去一試，不過頭一次在星期天光顧就碰釘，因為平日才有芝士三文治供應。今次就趁著10月平日有2天公眾假期終於可以試試~附送的蕃茄湯，超美味濃郁，一個美味的開始。士多啤梨乳酪 Smoothie $48甜甜酸酸的很吸引，不過上面有白朱古力粉就有點甜。黐線芝士火腿黐住芝士絲治　$95芝士拉絲十足，香濃芝士味，跟有嚼勁的超厚火腿相當配搭，而麵包也烤得香脆，跟朋友也吃得很滿足。煙三文魚炒滑蛋牛角包 $68牛角包也算鬆化香脆，炒蛋味道不俗，不過跟芝士火腿三文治的超超超好味程度就相差得很遠，而今次薯條也比上次夠熱及香脆。第二次又按捺不住來了，臨近萬聖節，今次的美味南瓜湯就有可愛的嘩鬼圖案，別有心思。今次就點All Day Breakfast $108芝麻醬青瓜絲沙律很開胃，炒蛋、蕃茄、磨菇等味道也不錯丫黐線芝士黐住芝士絲治　$88因為想試紅菜頭就點了這款，可惜味道有點失望，芝士雖然拉絲十足，但沒有火腿質感總是差一點，下次還是點芝士火腿三文治較為惹味。而Holy Chef 的飲品大部份也不錯，今次點了綠茶奶昔 $52，綠茶味適中，甜而不膩。聽說餐廳由幾位年青人

店子很小，去之前必須訂枱。主打芝士厚多士， 太厚，裡面的芝士有辛辣的味道。好一般的菜色 意粉味濃，但太細碟沙律新鮮好味，但份量始終不大。餅底係難食等餅，pizza之中都算hea

每次想試，去到店門口了，店內也坐滿了人。不想浪費時間等位，所以也都過門不入。今日終於試到招牌之作的CRAZY CHEERS CHEEEEEEEESE(芝士三文治)，紅菜頭做的麵包已非常搶眼，再配痴到難離難捨的半溶芝士，多士面放了小量海鹽,確是非常美味。拌碟的薯條和日式沙律醬蔬菜份量也多，再送一杯小型而味濃的番茄肉酱湯，實在大滿足 再點了一客蟹肉拌日式沙律酱蔬菜加水波蛋。但這款沙律價格偏高，而且也很普通，如巳點了三文治便可以不點，因為上碟的也是同一款蔬菜和日式沙律醬。

熱愛芝士既我，當然要黎試試佢啦！目標鎖定了，勁多芝士既芝士三文治！主角黎之前，餐廳送左細細杯既番茄南瓜汁，本來唔太愛番茄既我，都覺得幾好味，甜甜酸酸幾開胃！主角黎啦！😍😍😍😍😍三文治芝士多之餘，麵包係香香脆脆既紅樹頭麵包，有蔬菜甜甜既味道，好好食！（好食過台灣個小X包子既芝士包☺️☺️）仲有埋香香脆脆既幼薯條同加上芝麻既生菜沙律！

小妹自問自己都幾為食，而且亦會捐窿捐罅去搵啲隱世地方食好嘢。今日就比小妹喺長沙灣行行下街見到一間真係隱世小鋪，本來想入去食點知就closed，唯有第二日兼再搵埋班friend一齊試試佢。到第二日，夾好時間就去馬。呢間餐廳隔離左右都係車房嚟，唔細心留意真係比較難覺眼。間鋪門面就已經係好英倫風格，都估到入面係食英式嘢。間鋪唔大，不過裝修有落過工夫，都係跟足英倫風格，成個格局都幾舒服，其實都有啲估唔到喺呢頭會有一間有番啲講究嘅餐廳。叫咗嘢食後，首先送上嘅係蕃茄南瓜湯。蕃茄南瓜湯用一個細細地綠色嘅杯仔裝住，湯面放咗一啲香草，而且碗湯睇落好濃郁，賣相唔錯。飲落口就更加feel到餐廳好有誠意，碗湯飲落夠creamy有層次，味道十分開胃醒神，只係飲碗湯都已經feel到呢度出品嘅用心。Cheers！跟著到主菜，第一樣嚟嘅係All Day Breakfast。All Day Breakfast入面有咩料大家都心中有數，不過小編想重點講嘅係喺坊間食親嘅通常都會份量唔太夠食完唔夠喉，而呢度有圖你睇係塞到成隻碟滿哂見唔到虛位！味道方面，腸仔大條有咬口，唯獨鹹咗少少；炒蛋唔錯，有澳牛七八成水準；多士夠香夠熱夠脆

第一次去,諗住食招牌菜 "痴線"crazy cheers cheese, 點知得星期二至五先有,星期六及日得好普通嘅All day breakfast, 意粉及pizza, 仲要係等左超過半個鍾入到去坐低先知,即刻唔知食咩好,是但叫左個pizza 同老公share 啦,咁又等左20分鐘先有食。件pizza 賣相真係唔想講,黑過我塊面,啲topping 好似over cook 勁乾,又唔夠茄醬,個包又厚又硬,究竟呢塊野係邊個門派,真係嚇死人囉。一件pizza 已經咁,完全無信心佢個招牌菜有幾好食,sorry, 我唔會再來。

見長沙灣竟然有間餐廳近來咁出名,就諗住嚟試下,點知啲野食真係好普通,完全唔明點解咁多人排隊!叫左餐廳新出嘅雞翼,黑松露磨茹意粉,同煙三文魚炒蛋包....講真..啲雞翼好乾...個意粉有啲鹹又無黑松露味...個炒蛋淡謀謀...無味嘅....我等左四十五分鐘就係食啲咁嘅野,真係完全唔值!另外就係當日係四點幾去,我地係攞左下晝嗰輪嘅最後一張飛,啲職員唔知係咪掛住整理啲枱櫈俾六點嗰輪,我見店入面吉左四張枱佢都仲未叫我地入去!當日出面係落緊雨又三號風球緊,我諗你早少少叫客人入去坐會好啲囉...話晒都喺出面吹左成四十五分鐘已經=.=總括嚟講野食好普通,唯一最好嘅係啲milkshake,都算好飲嘅..但等四十五分鐘得一杯milkshake係可取嘅...就真係好失望...

山長水遠黎試個流心芝士多士，剛剛到達俾前面的情侶攞左最後一張檯。。。 終於等左超過半個鐘先入到。。。 等好耐，終於上飲料食物。 飲料普普通通，黑啤奶昔整杯都無飲，因為味道好怪。 多士。。。 其實一到檯面，芝士已經硬緊，到食左幾啖，芝士已硬晒，非常唔惹味。。。 撒係多士／薯條上面既海鹽太多，我地飲左好多水。。我建議去食既朋友唔好好似我地咁，叫兩個。。 其實貪得意，一個share已經夠。 

事隔不夠一個月，再訪Holy Chef一嚐其本店名物 Crazy!Cheers!Cheeeeeese! HKD88這天下午到來用膳，食客不及上次的多，在輕快的音樂播放下，餐廳多了一份寧靜、寫意！點餐過後，店員例必端上小杯湯，是日南瓜蕃茄湯。稠密濃厚的南瓜湯帶點酸甜的蕃茄籽蓉，感覺開胃的餐前湯。製作需時的主角終於出場。紅色麵包是加了紅菜頭汁製成，為普通的三文治帶來了新的視覺享受，賣相討好。鬆脆麵包烘得脆口不乾涸，內裏夾雜著半融的芝士，真的急不及待的把它送到嘴裏去。多款芝士，加上自製的香草醬，中和了油膩感，用口一咬，拉出了絲絲的芝士絲，看起來很「漏」的芝士，實際吃起來沒有想像中的膩。而且健康的紅菜頭麵包，亦減卻了自我的罪咎感！是日飲品當然選擇了以紅菜頭製成的Bloody Smoothie HKD48鮮紅色的Bloody Smoothie以紅菜頭和碎冰打成，上面放上一小粒玫瑰花蕾作點綴。入口清甜自然，帶有少許的青草鮮味，感覺清涼健康！在這裏享受一頓悠閒的午餐，為忙碌的工作添了補給站！

今日同朋友食lunch，見天氣咁好心思思想去食holy chef🌞 holy chef 個位置都算偏，係正長沙灣同荔枝角中間，不過之前去過一次都仲幾得點去😝😝 上次星期六去要等位，今次閒日去就唔駛等有位坐😚 ，本身想食all day breakfast，後尾見到隔離枱嗌cheese sandwitch又想叫👉👈後尾嗌左curry cheese sandwitch（$88）伴碟有薯條同菜 真係好多cheese 呀 黑色既多士已經好吸引 芝士仲半流出黎😳😳😳 咖哩味估唔到同芝士好夾 一拉起 啲芝士拉到好高都唔斷 多士咬落去熱辣辣 脆卜卜 好味 😍😍之後仲嗌左意粉 意粉有四款 揀左車尼茄肉醬意粉（$88）🍅意粉上面撒滿香草同芝士粉 意粉煮得啱啱好 完全唔同出去煮到淋哂既意粉 而且蕃茄酸酸甜甜開胃又好好味😋😋員工態度都算親切，每張枱都有大水一枝自己斟，如果唔熟路既記得google map定先🔍

長沙灣區不是甚麼消閒熱點，附近不是樓房、就是車房，在這平民化的地方，卻隱藏了一間特色清純小店，彷彿令人有一種「竹林深處人家」的感覺～這店子由幾對年輕人一同經營，每日輪流當主廚，自家設計菜單，有著不同的主題，頗有新鮮感！是日與P先生前來造訪，好好享受一下這道清泉！店內面積不大，只有十多個座位，被安排到近門口的位置坐下，感覺自成一角。白色磚牆上的手繪字畫，頗有個人風格，看得出具心思的裝潢。坐在這裏，可清楚得見廚師的一舉一動，感覺開揚隨和。細閲餐牌，足見店主的用心，白紙黑字的手繪餐牌，圖文並茂，增添了一份趣味！點餐過後，奉上小杯南瓜湯，南瓜味香甜突出，質感濃而不膩，喝下去口感很厚，不是一般水汪汪的貨色，正式為這餐揭開了序幕！Smoked Salmon and Scrambled eggs on Farmer's Bread HKD88炒蛋火喉控制得宜，蛋漿濕潤嫩滑。煙三文魚帶煙燻香味，味道沒有太搶，再配上鬆脆的農夫包，令這簡單的配搭帶來了喜悅！嫩綠的沙律菜蘸上日式麻醬，感覺清新開胃！Black Truffle and mixed Mushroom pasta HKD98甫上桌，已傳來陣陣松露

星期六又到放鬆的日子 呢個地方有啲難搵。 黎到5點鐘，冇乜人。 即刻叫野食先。南瓜湯味香濃，唔稀。 加入粟米，又有咬感。 好味道。 熱朱古力普通，唔特別。 主菜 - 黑松露炒蛋香滑，小小咸。 麵包好脆，放耐了都唔會淋蕃茄好食，甜甜的，唔酸。 有啲調味係面，好滋味！ 薯角有小小咸，但都好香脆。 香腸同豬柳有啲油，都ok 茄汁豆同粟米普通。 沙律都幾新鮮，但多左啲汁，濃味左 地方小，服務不錯！

見雜誌介紹長沙灣保安道內街的小店，先被工業風的門面吸引，繼而令我好想去食的是像溶岩般爆出來的芝士三文治。芝士控的我當然要去拜訪一下。星期六因怕午飯時間大排長龍，特地早一點出門，到達時差不多12點，幸好不用等位，但已是最後一張檯了。兩邊工業風落地玻璃窗，大量陽光照入店內，相當的舒服！白色馬賽克地台，細膩的陳設裝飾，播放著輕快的音樂，望着半開放式廚房玻璃門後的廚師們忙碌著，為進餐前營造一股愉快的氣氛餐墊和餐牌花了點心思, 餐牌更是用手寫的, 格外有份親切感!餐具亦見精心挑選!先是飲品Daily special: summer berries smoothie粉紫色的smoothie面加了些白朱古力碎和一片薄荷葉，視覺上很有夏天的感覺，味道方面很濃郁的berries味，飲時還有粒粒莓子增加咬口感，好味！Caramel Coffee反而遜色, 味道好一般，飲落似是茶餐廳加甜了的咖啡食物方面，原本好想食湧出來的芝士三文治，可惜店員說只在平日供應，連特別的全紅色紅菜頭三文治也於平日供應，頓時非常失望！唯有平日再來！每個set都包了一杯creamy tomato soup和沙律。果然是用espres