Home Sweet Home (Closed)

推門入餐廳，立即聞到陣陣好舒服的香薰，配上情歌，有點浪漫情懷。裝修柔和，黃黃暖燈，感覺溫馨我地叫左兩個set dinner前菜：黑魚子青瓜卷好fresh，作為第一樣食物，好醒胃；香煎吞拿魚好新鮮主菜：澳洲穀飼黑安格斯肉眼（medium）只簡單用鹽及黑胡椒，於表面煎封，鎖緊裏面肉汁。估計餐廳專業地於煎好後5分鐘才上枱，有足夠時間令纖維放鬆，更能鎖緊肉汁，所以不會有血水流出亦很juicy主菜：德國鹹豬手出乎我意料之外，原隻火焰豬手還是第一次，更端上至面前表演。表演後更會收起幫我們起肉。豬手火燒後，肉質還是嫩滑，不過最頂的豬手皮即已燒燶。甜品：南瓜西米露很甜，西米份量亦很多其次Brownies不算太甜，好chewy最後飲品亦很出色黑牛：即朱古力雪糕加可樂，很懷舊的飲品，我們很久沒有見到其他餐廳提供啦洛神玫瑰花茶：酸酸甜甜，材料豐富，而且擁有加熱功能，全晚我亦飲到暖暖的花茶

朋友推介中午半自助餐，當然要試試。餐廳在太子站附近，交通方便，餐廳內部裝修別緻，座位舒適，冷氣足夠，熱天光顧很涼快。中午半自助餐有多款主菜供選擇，價格由58元至98元不等，另收加一服務費。南瓜忌廉湯任飲，忌廉味淡淡地和南瓜味很和諧。沙律有很多款式，任食，青瓜、粟米、鷹咀豆、小蕃茄、紅腰豆、橙、紅菜頭、羽衣甘藍、木瓜、蜜糖豆和貝殼粉均很鮮味開胃，多士粒卜卜脆，咬落有聲，配有兩款沙律醬和一款黑醋，感到餐廳很有誠意。主菜之一紅酒燴草飼牛尾配燒薯98元，牛尾用了很長時間烹煮，肉質軟，牛味濃，醬汁惹味不太咸，薯仔沾醬汁吃很好。主菜之二乾煎雞胸肉配牛油果蕃茄甘藍黑醋沙律，雞胸肉份量不多，肉質出奇地嫩，牛油果新鮮，沙律清新。甜品款式多，任食，以蛋糕為主，當中意大利芝士蛋糕、朱古力蛋糕最好味。總結：環境、味道和價格均滿意

踏入7月已到2019年中，見時間飛逝，特別約好友飯聚，她提議到近太子站，因交通方便。到達餐廳見環境挺浪漫喔，感覺舒適！精緻的龍蝦菠菜湯，滿載濃郁龍蝦精華，令人回味。安格斯肉眼扒，肉嫩軟腍，補充鐵質，另外大大隻虎蝦，非常彈牙，挪威三文魚充滿奥米加3，對身體有益！以燒薯及蔬菜伴碟，有澱粉質增飽肚感及纖維幫助消化！跟朋友一邊聊天，一邊享受美食，是個不錯的地方！前菜黑魚子蟹肉他他海鮮酥皮小盒龍蝦波菜湯主食澳洲鮮榖飼黑安格斯肉眼扒.燒薯香煎挪威三文魚燒原隻虎蝦飲品洛神蜜玫瑰甜品 精緻的蛋糕

女同事得知太子人氣西餐廳 Home Sweet Home 近來推出了半自助午餐，硬要和我去試試，所以俾個面同佢去試下。原來半自助餐的意思是餐湯、甜品、生果和小食 是任食的，而且大部分甜品都是自家製作，不是叫貨。意式芝士香煎龍脷柳 燒薯 他他汁龍脷柳外層煎得香脆，內裏嫰滑可口，魚味恰當。 薯仔當然味道濃郁，外脆可口。再配上他他汁，味道剛剛好。美式燒西冷牛扒西冷牛扒雖然看似薄薄的，但是口感煙韌鬆軟，牛味濃郁。雖然是半推半讓地吃了一個午餐， 但是是喜出望外的是餐廳內部環境裝修完全是針對女性，而且樓底超高，感覺舒適。再者，中午餐牌是每星期更新，女同事好快又會再來。

周年紀念日男朋友想找間比較安靜的西餐廳慶祝。若不是朋友介紹，真不會找到這間那麼有情調的隱世西餐廳。餐廳菜式選擇很多，有pizza、意粉、牛扒等，選擇困難症的我們點了兩份晚市套餐。黑魚子蟹肉他他、 龍蝦菠菜湯、海鮮酥皮小盒薄切的青瓜片捲住蟹肉，入口感覺清新。龍蝦菠菜湯以shot杯承載，龍蝦鮮味濃郁，分量太少不太夠喉。另外還有一件微微火炙過的吞拿魚，外熟內生，口感柔軟。扒澳洲鮮穀飼黑安格斯肉眼。燒薯 $398點了一份七成熟的牛扒，肉質嫩滑帶彈性，脂肪比例平均，肥膏只在側邊，怕肥的也能輕易切走肥膏。入口時可以聞到香濃的牛肉味，肉汁亦相當豐富。香煎挪威三文魚。燒原隻虎蝦 $298虎蝦表面烤得金黃，肉質較爽，用刀一切蝦肉便剝落，吃蝦也能吃得很優雅呢。三文魚外層煎得乾身，内裏卻剛好。店裏有一部爆谷機，原以為是裝飾用途，但後來店員為我們每一桌都端上了一杯爆谷。每一顆爆谷都沾滿了焦糖，讓人忍不住一顆接一顆。店員看我們全部吃光光，還主動詢問要不要幫我們添加一杯。店家的溫馨用心，顧客都能感受到呢。 是晚甜品是芒果布丁，布丁滑嫩綿密，配上新鮮果肉，甜度剛好。餐飲方面可以選咖啡/茶，我們點了一杯餐酒，也

每次經過都想試呢間西餐廳， 主打食海鮮🦞提供即開生蠔😍 及其他海鮮套餐 價錢都算合理 如果想同朋友或者情侶靜靜地休息下 呢間都算吾錯因為我地4個人就叫左4人套餐：有2個前菜、4個主菜同4杯飲品 當然仲叫左海鮮拼盤 🦞🐚🦀 海鮮拼盤有青口、生蠔、海蝦、蟹等等 蟹肉一般最鐘意食海蝦🦞特別鮮甜彈牙 加上濃濃既海水味 正 頭盤特別推介芝士西蘭花🥦 配搭水牛芝士 入口即溶 薄餅我地就叫左北京片皮鴨薄餅 第一次見到呢種配搭 幾特別 😋口感好豐富 用特薄餅上面放了片皮鴨 配上醬汁 食左好多野埋單都吾洗千五真係好抵 下次都會繼續幫襯😋

太子好多地方食嘢都係人多和嘈雜聲，今次我跟朋友來到呢間西餐廳，一推門香味清新，每枱都放了一瓶香薰蠟燭，增添不少浪漫氣氛。餐廳內大都是2-4人枱，加上環境下影響，各人都有禮貌地說話和進餐。我們先選了一份勁量十足海鮮併盤，有6隻手掌大生蠔、海蝦、青口、田螺、中龍蝦、大麵包蟹。味道方面：生蠔加入檸檬汁新味更濃郁，入口蠔味流出，質感嫩滑。麵包蟹-蟹蓋非常多蟹糕，蟹糕好鮮味。龍蝦，撕開頭部，用配備工具剪開了龍蝦殻，都有手掌咁大龍蝦肉，因凍食關係，龍蝦肉是實肉，比較爽口，鮮甜味仲保存到。連兩旁蝦夾都好有肉。田螺好耐無食過，怕佢入面有沙，呢間餐廳完全沒有這個問題，螺肉肥味，仲好爽鮮甜。食完海鮮後當然要食番D蔬菜，芝士焗西蘭花。好食，每顆西蘭花都沾上幼滑芝士，味道適中。西蘭花爽口。炸魚薯條都係必食，是即叫即煮，需要一點時間，出來時係好熱，炸魚做得非常好，外脆內軟，仲保持魚質嫩滑。薯條唔洗講必係脆口。法色香草春雞-起初都會覺得燒春雞肉質比較老，所以朋友話叫時我都有反對，但他話你食完就會改觀了。果然，上菜時都比佢擺設吸引，好細緻。再做刀切開，因有雞骨關係好不容易分開2節，我就試左雞脾部分，果然好嫩滑加上特

是日九龍遊行，細妹拖住疲勞身驅黎搵我同老公食個飯，大家都想飲杯酒，係openrice見到食評有生蠔白酒set，就被吸引住，決定一試。環境：我地walk in，入到去要坐門口位，因為其他客人book左枱，門口位就坐得冇咁舒服啦，對正風口位，吹到頭痛。服務：首先menu比唔齊，我係開住open rice食評黎問佢呢個果個餐牌有冇，準備不足。經理好似咩都唔知，咩都要問番廚房。其實當晚唔多客，最多得3，4枱。見到經理企係當眼位置禁電話，我嗌佢都睇唔到，要廚房同事叮佢，呢到扣左啲分。食物：我地點左個2人生蠔白酒set，鹹蛋薯條，牛排既dinner set，龍蝦濃湯意大利飯。整體都不錯。okay熱辣辣，少少鹹蛋香唔會over，配埋茄汁幾好食。生蠔白酒set，生蠔新鮮，帶少少海水味，白酒係原枝上，唔係比得果一杯，都okay嫁。不過個人白酒就麻麻地啦，唔係咁鐘意果陣酸味。set dinner入面既前菜，係迷你份量，仲以為一個set入面點都會有碗餐湯，點知湯都係迷你份量，咁計既話性價比有啲低…但味道可以的。肉眼扒，我地叫左5成熟，煎得好好肉好爽龍蝦濃湯意大利飯呢個係我地一致認同好好味，唔會好咸好濃，值得

離屋企夠近，又多好評，今晚要同好姊妹傾工作上既事，特登搵間就算食完野都可以坐耐小小，傾到計既餐廳，所以book左依間餐廳都幾特別，好似welcome food咁，吾係話特別好食，但夠晒新意，落單前已經食晒冇蘋果蜜味道，好淡好淡，就好似飲水咁，每次飲之前都要攪杯底既糖漿分量多，但可能都係水太多，香茅好淡味，飲到最後三四杯味道先濃D燒得香，夠味道，沾上甜酸醬一齊食更加惹味中間嘅湯幾濃味，左右兩邊嘅都一般般呢個飯幾好食，香濃嘅芝士味，飯嘅軟硬度適中，不過海鮮唔足夠7成熟羊鞍配合開心果仁一齊食好夾，我比較少食羊，因為好怕騷味，呢碟羊鞍吾太騷，我鍾意配上芥辣一齊食肉質易咬，但近骨位要用手將骨同肉撕開先食到咖啡酒味香濃，芝士蛋糕位置唔夠軟滑，好少餐廳會會用芝麻蛋糕，但呢碟蛋糕都算合格～打到呢度先記得原來個餐嘅甜品忘記上比我地～等候時間超級耐，坐左半個鐘先黎雞翼，之後坐到45分鐘先黎飯，最後等左一個鐘先黎羊鞍，真係等太耐～我哋後面張大枱，有個男人飲醉咗，不停大聲講嘢&叫...連我側邊枱嘅幾位女士都話好嘈啊，真係滋擾到其他嚟食飯嘅人

9點15分入座 叫左4樣野食其中三樣只係小食點知10點都係一樣野食都未有反而隔離檯遲我地20分鐘入座佢竟然早過我地有野食係同一樣既菜式！啲嘢仲要唔好食 貨不對辦 違反商品說明條例首先 嗰個青口自稱有忌廉 但其實係海水嗰個雲吞仲離譜溶溶爛爛咁 如果你話佢係喺急凍水餃買返嚟自己烚 我都信然後 嗰個蝸牛自稱有黑松露有香草 其實我都冇expect太多 但係佢竟然係得蒜蓉味嗰個薯條$78 令我好想好想好想食返18件麥樂雞算雖然員工有禮貌 但完全唔識解決客人既問題！一定不會再食！

以往對太子區環境不太熟，經常迷路， 亦因為這原因有緣路經此舖 ，晚上由對面街望過去，以為Home sweet Home 是一間酒吧；，餐廳招牌以粉紫色為主調，門外天花垂吊著一束束不同顏色的小型 LED 燈，黑夜中既夢幻又帶點紫醉金迷的感覺，透過茶色玻璃門望入去，燈光昏暗，隠隠見到餐廳一大片牆身以紅酒酒樽作裝飾，甚有氣氛。後來上網睇，才知原來是一間西餐廳，兼且對其中一款菜式，十分感興趣，所以便專程來試一試。餐廳有2-4人dinner set，主菜有肉類、飯、意粉、薄餅為主；亦有1人套餐介乎$268-468之間、主要以扒類為主。不喜歡跟餐 ，散叫亦可。前菜以海鮮為主題，侍應建議我們順序  : 先吃黒魚子配蟹肉他他、龍蝦湯、最後煙熏吞拿魚。黒魚子配蟹肉他他入面都幾多黑魚子，咬落脆口，蟹肉鮮甜；龍蝦湯用小杯承載 ，味道甚濃，應該用了好多龍蝦/蝦頭煮 ；吞拿魚口感彈牙，煙熏味濃郁 。精緻開心果果仁烤羊鞍$298羊架有4枝，配以開心果仁加香草漿烤焗而成，肉質嫩滑juicy，羊肉香味四溢， 而羊骨附近的肉因為最受熱所以亦最香口 ，所以我每次都不會放過這小小的邊位。德國咸豬手 $198這就是我十分期待

想係太子找個傾計好地方，唔係咁容易，我特登問同事有無好介紹，佢話home sweet home唔錯，有輕音樂播放，好啱傾計。我6點半去到，已經有1檯人。地方雖然唔算大，入到去昏暗既燈光，好有放鬆心情既感覺。望望menu食咩先，看到dinnee set 有”和澳洲和牛牛柳、芝士烤波士頓龍蝦” 好吸引，仲配頭盆、甜品及飲品。 頭盆上檯時已經好吸睛，精緻美觀，有甜蝦牛油果卷，燒吞拿魚, 濃郁龍蝦湯，份量剛剛好，侍應仲教我地順序食，由淡味開始，好有心。主菜龍蝦大大隻，配上香濃芝士，肉質鮮甜，仲有蝦膏。牛柳肉質鮮嫩，濃濃的牛味，配上細薯仔+蔬菜，我俾滿分。💯另外，我地唔想食咁多肉，所以叫了”手工松露野菌釀雲吞配忌廉汁”，忌廉+松露野菌係絕配, 唔會肥膩, 味道清新, 份量剛剛好。甜品係芝士撻, 賣相好靚，淡淡的芝士味, 唔會好滯, 而且甜度適中, 好滋味。餐飲選擇很多, 我選了藍莓青檸果茶，送上檯時真的很驚訝………點會咁靚既~ 有果茶香味, 加上梳打水, 好唔捨得飲呀~😍 朋友叫了藍碟豆花茶, 送來大大壺, 還用燭台熱住, 好細心呀~ 味道酸酸地, 朋友話食得咁飽，消滯一流。👍總括來說, 看到餐

同屋企人係太子行行下見到呢間home sweet home個名咁warm就入去食個飯喇個前菜都幾精緻，一碟三種前菜，平時個d前菜多數都係沙律，餐湯，面包咁，呢個咁特別，好加分Main course 揀左肉眼同龍蝦和牛黎左肉眼先，一上見到勁大份有d驚喜，仲大個手掌丫，佢個配菜有都有唔少薯仔蔬菜，呢個set勁抵丫叫左塊排就叫埋個餐酒飲下，d人話紅肉配紅酒，一於叫個紅酒喇，佢上個陣又比佢個size嚇親，第一次見咁大個酒杯，都比得幾多紅酒，呢個仲要係個set包埋唔洗加錢，味道都唔錯🤗之後個龍蝦拼和牛都上左喇，個和牛好嫩，好易切開，個龍蝦有好多芝士係面，食食下老闆娘仲埋黎話幫我地整開個鉗佢，好貼心💕最後食完就上左個甜品，有個馬卡龍同朱古力蛋糕💕放得令令好賞心悅目👼🏻呢間餐廳幾有格調，幾適合情侶親人一齊食餐飯

每日返工放工咁單調，唯一可以令我有動力既就係放工食好野！今次揀左間位於太子既西餐廳，叫「home sweet home」，一入到去，果然店如其名，每張檯都有朵玫瑰同埋蠟燭，再配合幽暗既燈光同埋浪漫既音樂，果然係sweet home！講返食物先，佢既set都會有份前菜，分別係「黑魚子蟹肉他他」、「海鮮酥皮小盒」同埋「龍蝦菠菜湯」，三樣都小巧玲瓏，又精緻又好食！至於主食方面，我地先黎一個「澳洲和牛牛柳。芝士烤波士頓龍蝦」，牛柳叫左七成熟，黎到切開就知係頂級，肉嫩多汁，每啖都值得細味！而龍蝦都好有鮮味，所以就算Ｄ殼幾難拆都唔好浪費每一小撮肉！另外仲叫左一個套餐「香煎挪威三文魚。燒原隻虎蝦」份三文魚鮮甜肉厚，虎蝦都係啖啖肉，同埋有好多薯菜伴碟，一定夠飽！之後就係甜品啦！係朱古力心太軟！一刀輕輕切下，入面既朱古力就應聲流出，食落去甜到漏呀！最後要介紹飲品，分別叫左杯「洛神花蘋果蜜」同埋「莫希托」。前者有盞紅色燈係杯野飲入面，好夢幻！杯飲品酸酸甜甜好開胃！而「莫希托」係檸檬混入香茅既特色飲品，幾得意！

三大問題！！1.食物唔新鮮2.上菜速度慢3.無因應顧客要求第一，帝王蟹啲雪藏味超重...食落去一啲甜味都無...肉質又硬....感覺係長期用冰水唔知浸咗幾耐嘅肉咁。Set dinner 嘅前菜同豬扒同其他海鮮就不過不失啦..但個帝王蟹真係可以用垃圾嚟形容第二，只係嗌咗一個set dinner 同$698嘅海鮮盤...上菜慢到乜咁...由7點食到10點..食咗3個鐘...坐都坐到眼瞓..最後9點幾10點先焗到個甜品比我第三，個日訂台時有特別要求餐廳喺甜品碟上寫上一啲慶祝節日嘅字眼...求其用朱古力醬潦幾筆都得啦...點知個甜品出到嚟...乜都無寫..隻碟係雪白餐廳環境OK..但食物質素同價錢唔相符..整體嚟講..無下次