Home Sweet Home (Closed)

友人介紹一間超級抵食的半自助餐廳，價錢約一百元左右己包括主菜一款和自助區。自助區包括餐湯，沙律和甜榀。今天的餐湯是薯仔洋蔥忌廉湯，質感濃稠，有粒粒洋蔥增加了口感。我連飲兩碗....！沙律區簡簡單單的幾款蔬菜，以價格來說己不錯。主菜選擇了西冷，大大份，肉質軟熟，不過要求的五成熟了一點。甜品最喜歡朱古力慕絲，朱古力味濃厚。咖啡質素也不錯，甘香味道濃。環境地方雖然細小，論價錢和質素我感覺是值得推介之一。

臨時臨急黎到呢度， 因為冇book位，所以就得張好細既二人枱。我地就叫左芝士拉絲牛排🥩同炭燒🐷豬肋排。 芝士牛排🥩十分多筋位，好難咬。 不過味道同熟度係幾好的👌！真心希望塊排可以高質翻少少。唔好浪費左廚師的功力。炭烤豬肋排簡直喺高質🐷😘份量十分大！令隔離幾台都話正！ 份量賣相就有晒分啦！ 咁味道呢？ 我之前都有食過呢個！ 簡直係十分好！ 水準保持到👍🏻juicy ! 入味！ 十分推薦大家一食啊👍🏻🙆‍♀️

渡過一個美好的晚上餐廳門口裝修得好靚，有垂垂的燈飾，又有爆谷機，柔和的燈光，配上動人的音樂，環境情調可算係一流前菜非常精緻的前菜三小碟，中間用一個shot杯裝著龍蝦湯，入口濃郁。點了一個小的海鮮拼盤。當中最特別最正的是有麵包蟹，一打開是滿滿的蟹膏，軟綿甘香，不會有腥味，蟹黃控必定喜歡。甜品係綠茶心太軟，一切開個心太軟勁流心，碟上的裝飾亦十分繽紛，一上枱的確令人好如果唔係嘅話，主廚係呢方面的確亦用盡心機。下次繼續。

哈比今晚話想同我食西餐，帶左我去呢間環境舒服，樓底夠高，燈光柔和，播住經典英文歌，有散叫，有海鮮拼盤，但今晚我地選擇晚市套餐，減低選擇困難症出現前菜有3款 : 黑魚子蟹肉他他，龍蝦湯，煙三文魚，擺盤相當精緻一口份量，食到蟹肉味及青瓜嘅爽脆; 湯有龍蝦味，暖暖地可以一口氣飲晒; 煙三文魚有陣陣咸香味道主菜出場 : 煙燻加拿大穀飼豬鞍扒配忌廉薯蓉蘋果汁，睇得出係擺盤方面係有心思嘅件豬鞍都相當有份量，煎至外面帶少少脆香，用刀切開時已感到相當鬆化，入口當然一樣，伴以甜酸蘋果汁可平衡肉感，又開胃D!  其餘嘅配菜如薯蓉及粟米芯都唔錯!另一主菜上枱 : 澳洲和牛牛柳拼芝士烤波士頓龍蝦，食物顏色配搭吸睛半隻龍蝦以芝士焗製，軟滑芝士熔掉係龍蝦肉上，雖然肉量唔算好多，但都幾滋味另外和牛牛柳選擇七成熟，煎至外圍帶點硬度，切開入面仍然帶紅色，肉汁流出，外硬內軟，兩種口感，無論點芥末或醬汁都可以!今晚主廚精選甜品有焦糖燉蛋伴雪糕球，心心眼出現.........哈哈!以食用花作點綴，口感幼滑，甜度岩口味，食埋雲呢拿雪糕，滿足呀!食完甜品當然要杯咖啡，熱度十足，咖啡味幾香濃，為呢餐寫上句號!

今日同同屋企人去咗太子買花，跟住我就帶咗佢哋過嚟呢一間基隆街嘅西餐廳，喺門口其實都覺得幾神秘，因為望唔到入邊。走入餐廳，發現個環境都幾舒服，兩邊嘅牆壁關上好多嘅走進，前方有一張長吧枱，放滿了半自助餐的食物，有沙律、水果、同埋角色嘅甜品，另外仲有熱湯同埋青菜呢。半自助餐嘅價錢真係好平，有$58起，真係好抵，呢個價錢已經包括餐湯、自助沙律、仲有精美甜品任食。雖然係半自助餐，帶食物嘅種類都好多，都有差不多二十款，甜品都超過10款。。主菜：意式芝士香煎龍利柳。燒薯。他他汁$78紅酒燴牛尾。燒薯 $98美式燒西冷牛扒。燒薯。燒汁$98燒薯可以免費轉飯或者意粉。。龍利柳真係煎得外皮香脆，肉質都算嫩，最緊要係冇雪藏味，最欣賞條魚係碟上面唔會太油膩。牛味夠入味同軟稔。西冷牛扒，簡直係巨扒，呢一個價錢差唔多有塊面咁大塊，性價比真係相當高，牛扒七成熟剛剛好。雖然唔可以同大酒店嘅扒房相比，但係呢個價錢非常抵食，因為仲有半自助餐嘅其他食物可以任食呢。以上三個主菜，都冇令到大家失望，而且佢嘅伴碟都係相當用心，唔係得幾條菜，有蘿蔔、薯仔、沙律菜、有幾種不同嘅蔬菜。.半自助餐嘅食物：沙律有六款，而且每一款都新鮮雜菜

要揾高質素既西餐唔難但要平衡性價比價錢唔會太貴既 就要好好選擇今日黎到homesweethome感覺非常好先講環境暗暗地既光線 好浪漫環境優雅好寧靜今日叫dinner set要左開心果果仁烤羊鞍澳洲和牛牛柳加芝士烤波士頓龍蝦佢先黎個前菜黑魚子蟹肉他他海鮮酥皮小盒龍蝦菠菜湯前菜已經好有心思龍蝦湯味濃再黎主菜先講賣相好靚開心果果仁烤羊鞍有4件 好有份量又有好多伴菜店員會細心問你要幾成熟真係做到岩岩好好嫩好香軟澳洲和牛牛柳加芝士烤波士頓龍蝦個賣相好靚真材實料大大隻龍蝦好香芝士味烤得好入味肉質仲keep到好彈牙牛柳五成熟肉味濃入口即溶既感覺整體黎講又好食又靚環境性價比一流

與朋友久不久見面，交換近況消息，乃人生一大快事。今晚和朋友來這裡食晚飯，環境算寧靜，唔會太嘈。朋友好喜歡食斧頭扒，就以我地選了這個餐。精選沙律，有多款沙律菜，火龍果和牛油果。黑糖麵包，麵包都幾軟熟，有微微甜味。是日餐湯，菜湯唔會太濃。45安士美國頂級斧頭扒，嘩! 是我見過巨型斧頭扒，店員給我們看一看，然後攞入去俾廚師將斧頭扒切開一片片， 斧頭扒有肉汁，肉質都幾嫩。珍寶拼盤，拼盤有雞翼、豬肋骨和薯條。海鮮意大利飯，這個海鮮有墨魚，青口和大蝦，飯的口感煙韌。夏日風情薄餅，有芝士和菠蘿餡料，餅底都幾脆。洛神花蘋果蜜，味道酸酸甜甜。莫希特，檸檬沙冰。可以開心聊天，盡情地吃喝。

今天中午到太子行街，預先是想到地道的茶餐廳食午飯，經過見到這間餐廳Home Sweet Home 很有特色，決定試一試餐廳環境好有情調，很浪漫，很適合情侶去牆壁上排著一排排並列的美酒，很高貴，很有氣派點了一道紅酒牛尾，牛尾肉質很嫩，味道和紅酒汁與牛尾好夾，配菜的薯仔焗出黎很香，只是有點美中不足，配菜有點少，如果能夠多一點就很好我再叫了一道牛排，很大塊，煎得很香，伴碟很靚總括來說，服務不錯，食物質素可以，價錢很抵，會再來吃的

去太子找地方吃飯，又不想吃放題或火鍋，如何可以滿足一班食肉獸真是傷腦筋的，這食肆正好滿足我們所有要求。火龍果牛油果沙律，味道清新。黑糖麵包，鬆軟可口。是日例湯是菜湯，感覺沒有很大的負擔非常健康。先來珍寶拼盤，內裏有燒雞翼、炸薯條、汁燒豬肋骨， 雞翼炸得香脆沒有過咸，豬肋骨燒得剛好沒有太熟的感覺嫩滑多汁。45安士美國頂級斧頭扒，這個真是使人驚喜，除了份量充足外，主要是肉質很軟熟嫩滑沒有如外表粗豪，而且肉汁豐富。再來是夏日風情薄餅，最喜愛餡料的菠蘿夠多，而且醬料充足，簡直停不了。海鮮意大利飯，有蝦青口墨魚，用的芝士很香，差不多每粒飯也沾上了芝士，味濃而不膩口。味道: 大滿足衛生: 乾淨環境: 舒適服務: 殷勤抵食: 食物跟價格成正比

看到這餐廳的high tea set推介，這天就特地請半天假和朋友一起來吃餐廳裝潢可媲美五星級酒店，由太子站C2出口走過去很近精美的high tea set有䶢點也有甜點，拍照拍過夠才開始品嚐煙鴨胸沙律 - 以竹簽串起沙律菜及鴨胸卷，吃起來很方便，鴨胸肉鮮嫩👍三文魚籽溫泉蛋 - 熟度剛好的溫泉蛋，口感軟綿綿👍鵝肝小餅乾 - 香口的鵝肝加上鮮甜的菠蘿，清新又特別的配搭，一口份量吃得滋味👍芝士火腿法包 - 麵包有些應是阿麻籽，香脆有咬口，加上熱溶的芝士跟火腿成為一體，口感煙韌，健康味美😋迷你蟹肉牛油果薄餅 - 質感及味道也很好😋玫瑰奶凍杯 - 賣相精美，有著香濃的奶味，又不會過甜😋焦糖燉蛋 - 燒得脆脆的焦糖面，加上香濃的燉蛋，非常滋潤😋特濃朱古力凍餅 - 鋪上金箔作點綴很吸引，餅質厚實而滑溜，朱古力味相當濃郁，甚少吃朱古力味甜品的我很有滿足感😋馬卡龍 - 口感煙韌，不會過甜另有一個應是寒天粉做的甜品，透明的波波內藏著一朵小花，又精美又好吃飲品方面我們選了花茶，紅糖桂圓薑茶及紅棗黑枸杞，份量頗大又足料，泡得越久味道越香濃兩人能以$328這價錢享受這環境及食物質素，實在超值

放假就梗系要出去搵食， 揾吓搵吓。。。Home Sweet Home 的半自助午餐唔錯噃， 最正係11:30點開始， 可以當brunch食， 早餐都慳番, 食店位高於太子站，行幾步就到，夠晒就腳。人家開11:30， 11:30前到達，哈哈。。。包場，一陣咁多啦， 餐廳面積不大， 裝修都幾舒服。趁未有客人，快快影吓食物。甜品就有多款奶凍、 焦糖燉蛋、 new York Cheese cake 、芝麻 cake 及朱古力等。沙律配料都係大路野，有红腰豆、鷹嘴豆、粟米粒、青瓜粒及番茄等， 沙律醬就有橄欖油陳醋、千島醬及傳統沙律醬， 可自由配搭。半自助餐包任飲餐湯、任食沙律、生果及甜品，11:30-14:30 食足三個鐘 主菜價錢由$58-$98 不等，$58食足2個鐘，過大海都要試啦。**York Cheese cake  ~ 芝士味都幾濃， 味道似足m記的new York Cheesecake， 食咗三件。**焦糖燉蛋 ~ 最好味， 糖衣脆口，燉蛋香滑唔太甜, 又二件。**牛奶凍 ~ 香滑**果仁朱古力 ~ 麻麻，喊喊地的朱古力，食唔慣。**芒果慕絲 ~ 甜到阿媽都打冷震是日餐湯 : 菠菜

用心的店子實在是令人感動！因緣際會陪太座往太子，試到這間平靚正的餐廳，更深感營商之艱辛！經過餐廳，見到門外的poster，吸引了我行注目禮，半自助餐由$48起，與一碟燒味飯差不多價錢，太座想吃，我一於奉陪。餐廳地方不大，在餐廳水吧前放了一張檯，擺放了半自助餐的沙律和甜品，而旁邊有餐湯。半自助餐可選一份主菜:意式番茄肉腸薄餅日式咖喱雞飯煙肉車打芝士汁長通粉意式芝士香煎龍利柳越式香茅豬扒香草焗雞扒黑豚肉野菌忌廉意大利飯意大利茄醬素雞肉意粉南瓜芝士素蝦意大利粉美式燒西冷牛扒紅酒燴草飼牛尾乾煎雞胸肉牛油果蕃茄甘藍黑醋沙律價目由$58至$98，視乎你選甚麼主菜，還包括是日餐湯，自助沙律，精美甜品，咖啡或茶。自助沙律吧，十一時半便開始了，有三款已拌好的沙律或冷盤，麻辣木耳及青瓜，橘子紅菜頭沙律和青瓜沙律，味道調得不錯，旁邊有三種醬汁及很多種配料，粟米，車厘茄，紅腰豆，鷹嘴豆等，隨意添加製作自己喜歡的沙律。及後又出了冷蕎麥麵和冷豆腐，精緻可人！吃過兩輪沙律，試試餐湯，西蘭花忌廉湯，味道也不賴。我的主菜送來了！紅酒燴牛尾，份量可觀，除了牛尾，有大量甘筍，番茄，燒薯等，牛尾與番茄甚合拍，燴得很入味，絲絲

嚴熱的天氣，係旺角行街想食tea，黎到一間很久沒來的餐廳，發現做緊tea set，立即試一試。雖然係tea set，但實際很豐富，沙律、溫泉旦、牛角包、pizza都有，當然甜品不少得。用hi tea餐架形式上菜，下層是熱食，上層是甜品。所有菜式都做得很精緻，包括熱食。熱食當中的鵝肝小餅乾比較推薦，鵝肝很香，而且有燒蕉的感覺，非常吸引。凍食之中最好的是焦糖燉蛋，蛋味很香，甜度亦足夠，表面的焦糖燒得很好，很有心機飲品點了cappuccino以及小野菊杞子，cappuccino入口厚身，不會苦及酸。小野菊杞子菊花味很重，入口有清新的感覺。

星期日中午朋友約我Lunch，他帶我到港鐵太子站附近，原來這間小店"Home Sweet Home" 中午都有Semi Buffet環境優雅舒適，播著耳熟能詳的懷舊英文歌，特別有Feel，感覺悠閒。看看餐牌，性價比十分高，而且現在提前訂枱還有75折優惠。夏日半自助午餐 (11:00am-14:30pm)是日餐湯.自助沙律.精美甜品自助區有多款沙律配搭，包括有粗通粉、天使麵、凉瓜桃、粟米粒、車厘茄、青瓜、蒜蓉麵包粒等。南瓜湯 - 好Cream好滑，南瓜味道香濃。主菜：紅酒燴草飼牛尾.燒薯 $98牛尾十分軟腍入味，配上蕃茄紅酒汁帶點微酸很開胃，配菜有烤薯和紅蘿蔔，份量十分足夠，二人都足夠。香草焗雞扒.意粉.蒜蓉汁 $88雞扒夠大件，煎得表皮金黃香脆，肉質嫩滑汁潤，配蒜蓉汁，整體不錯，配菜有烤紅蘿蔔。咖啡、熱檸水自助區有精美甜品有各式精美蛋糕、Mousse、馬卡龍和凉粉。

今日與家人到此餐廳享用一個半自助午餐。環境情調非常好, 每張枱上放上朵鮮花, 室內彌漫著淡淡青香氣味, 播放著悠揚情歌。 半自助午餐包括一個主菜, 而餐湯丶沙律及甜品以自助形式。 飲品已包咖啡或茶, 可另付費升級。 是日餐湯是洋蔥肉絲忌廉湯, 清甜。甜品不少, 做得精美 法式焦糖燉蛋表面脆焦糖, 內裏好滑, 加上新鮮藍莓, 美味 黑朱古力千層蛋糕, 內裏有粒粒朱古力, 不膩。 芒果千層蛋糕內含新鮮芒果肉, 芒果醬甜。 士多啤梨奶凍的士多啤梨味濃, 而奶凍非常滑。自助沙律吧也有很多選擇, 沙律醬也有三款。 沙律和鮮果盤用料新鮮。 美式燒西冷牛扒.燒薯.燒汁 : 牛扒五成熟。 主菜配燒薯, 可轉配飯或意粉。 燒汁含黑胡椒味道, 但不會蓋過牛扒肉味。 紅酒燴早飼牛尾.燒薯 : 燒薯和紅蘿蔔不多調味, 反而嚐到食材的新鮮原本甜味。 清香的紅酒味道滲透出來, 牛尾烹調剛好, 可容易把肉切出來, 但肉的質感又不會過腍。凍檸檬茶 : 清甜。洛神花蘋果蜜 : 有朵新鮮花朵, 好美和好香 味道酸酸甜甜的, 帶來清新的感覺。註 : 下午一時前入座可享8折。 以這個價格享用