故鄉俱樂部

Open Now

Now Closed

可能係情意結，每次嚟到長洲都有幾樣嘢係一定要食嘅。除咗大魚蛋之外，長洲式手卷一定係我必食之選！而家周圍都有得食手卷，三文魚，海膽呀等等～～～但長洲呢間唔係用常見嘅魚生，而係用腸仔，蟹柳等等，好有屋企自己整嘅感覺。 今次仲見到以前無嘅鰻魚，不過都係想食佢地原本有嘅配搭今次我嗌咗腸仔拼蟹籽，貪佢多沙律醬！一咬落去，紫菜好脆，飯已經調過味暖暖地，啖啖都有料好正。腸仔仲要一路都尾都有得食。雖然係普通家常野，但勝在有人情味。

曾經住係長洲十多年，如果問我長洲有咩必食，我會答你"手卷壽司"！當咩咩芒果糯米滋，咩咩大魚蛋重未係長洲出現之時，故鄉俱樂部兩位日藉夫婦已經山長水遠走黎長洲開始做起手卷壽司同紅豆餅生意.即使價錢貴咗差唔多一倍，即使手卷壽司同紅豆餅size細咗成4份1，我仍然推介佢地嘅產品係長洲必食！每次我都會點腸仔蟹籽手卷，蟹籽係加入沙律醬內再搽到手卷內，亦因為手卷內有蟹籽，所以口感特別豐富.今次再試試當年無嘅鰻魚手卷，鰻魚熱到辣咀！而且鰻魚份量比較少，所以，腸仔蟹籽手卷都係賣飛佛！日藉老板娘見我地食得咁開心，問咗句：呆師？我地回覆：呆師呆師！因為，呆師入面，滿懷回憶！

長洲咁多間手卷最岀名數一數二應該係呢間😏😏人龍唔少，要排一陣隊，見到有鰻魚手卷就二話不說即刻叫😆一拎上手都幾大舊。紫菜脆卜卜，鰻魚都幾大塊幾足料👍🏻👍🏻

此店主推是日本人主理，賣紅豆餅和手卷多年前到長洲已試過紅豆餅，忘了是多少錢有4個，但反正一個人要吃2個我吃完第一個已不想再吃，餅皮的粉漿無味，紅豆微甜但不香，又軟又乾，有如吃柴皮😨今次經朋友推薦，再試此店的手卷但餡料只有香腸、蟹柳、蟹子可選，有如街頭沒心思的壽司小店店員很殷勤地推介了三味合一的手卷，所以即管一試價錢牌很不清晰，寫著G手卷是$28，上面又貼著另一價錢是$48，嚇得我以為一個手卷要$48！不知道$48在賣甚麼，反正三料手卷是$28吃下去，很普通，其實香腸蟹柳蟹子都是些一般的材料，應該不要抱太大期望如果特意光顧想吃好味的手卷和紅豆餅，可以省下金錢多吃兩串大魚蛋或巨薯棒🤷🏻‍♀️如果想吃地點，手卷也可以一試，紅豆餅可免則免～

呢間小店係日本人開，以我所知都開左一段時間， 都唔係第一次幫襯了。紅豆餅 賣6蚊，超平，魚旦都買唔到串啦。咬落去好彈口， 紅豆好新鮮。仲熱既添。另外仲有手卷賣， 都幾多款。 不過長洲太多野必食， 食唔到了。

今日難得放假，仲要係平日，一於約埋好朋友同契女入長洲食食食😎但估唔到原來平日嘅長洲都勁多人，好似假期咁😂😂 食完糯米糍，大大粒魚蛋，糕點同焗蠔之後，第4站黎到隔離舖故鄉俱樂部😁入得黎長洲梗係要食最出名嘅紅豆餅😋😋啱啱新鮮出爐，熱辣辣，好香口😚😚一咬落去勁多紅豆，好足料！！之前試過買嘅時候只係暖暖地，真係無今次咁好食☹️今次咁啱遇到出爐時間真係好好彩✌️✌️本身想食埋手卷，但仲要留肚食海鮮😆所以打消左呢個念頭😂😂😂

來到長洲除左大魚蛋，其中一樣每次黎都會食既就係故鄉茶寮既紅豆餅。記得好耐以前睇電視介紹時話老闆係日本人，可能係咁小店外面充滿人手繪畫既卡通公仔，非常特別。紅豆餅 $6店舖只賣兩款口味，普通的紅豆（$6）和芝士紅豆餅（$12），選擇左原味紅豆，拎上手時熱辣辣非常新鮮，紅豆餡料好多而且唔算太甜，皮唔會好厚，比例適中，做到每一口都會紅豆，價錢亦非常化算。 不過味道只是普通，沒有非常驚喜，食既就係兒時既味道同一份回憶。

故鄉茶寮在長洲的店鋪里算是名氣比較大了，是一對日本夫婦開的，見到親切既老闆娘，原來店鋪右邊既長洲風景畫系佢先生畫既，有興趣的話可以買番一set postcards留念。店鋪主要賣紅豆餅和手卷，之前試了其他家的紅豆魚仔餅，所以這次試下芝士紅豆餅，紅豆餅6元港幣一個，加了芝士的要12元港幣一個，紅豆餅口感扎實不鬆軟，乾巴巴的口感並不好，芝士味道偏鹹，但紅豆就好甜，食落又鹹又甜，感覺有少少怪咸，咸的芝士搭配很甜的紅豆，覺得換另一種鹹味冇咁重既芝士會比較好。這次比較失望 有點可惜呢

今日同男朋友去咗長洲 人少少 想係呢間好出名既小店食紅豆餅 雖然佢話新鮮出爐 但係成個紅豆餅都係凍既 除左溫度 味道尚可 甜甜地既紅豆蓉 另外佢嘅手卷都幾出名 食咗腸仔蟹柳 入面加左沙律醬 味道幾夾

喺沙灘隔離既故鄉茶寮係每次去長洲必去既地方，今次亦唔例外。每次都見到親切既老闆娘，原來店舖右邊既長洲風景畫係佢先生畫既，有興趣的話可以買番一set postcards留念。講番正題，我地買咗紅豆餅同芝士紅豆餅各一個，共18蚊。紅豆餅一如既往，紅豆又甜又綿滑好好味。而且每次食都新鮮熱辣，好滿足！至於芝士紅豆餅，芝士味道偏鹹，但紅豆就好甜，食落又鹹又甜，感覺有少少怪，覺得換另一種鹹味冇咁重既芝士會比較好。

週末想遠離煩囂, 又想買吓食吓, 長洲絕對係一個好選擇。去過長洲掃街, 就會發覺到街頭大部份小食既款式都是倒模式。即使行過了店舖, 轉過小巷又可隨手買到同款小食, 味道價錢也大同小異,  無太深刻印象。唯獨故鄉俱樂部既手卷令我一試難忘, 依家每次去長洲都一定會去食。手卷價錢雖然唔係特別平, 但就非常足料。好似我今次簡左哩款腸仔蟹柳手卷,廿五蚊, 原條雞肉腸同蟹柳上之餘, 店員仲會毫不吝嗇放入大量蟹籽同沙律醬係手卷裡面。單單蟹籽既數量已經值回票價。另外哩到係即叫即製, 感覺好新鮮。多醬少醬只要同店員姐姐講, 佢都會好有禮貌咁滿足我地既要求。

每次去長洲都一定會買紅豆餅，原因一係紅豆餅已經成為長洲特色之一，二係每次食都會記返起第一次食個種驚嘆～仲記得第一次食真係覺得好好好味！餡料超足，熱騰騰，又軟綿綿～好溫暖～係一種手工製餅既感覺雖然而加食已經無以前第一次咁驚嘆，但整體都算不錯，起碼d餡無偷工減料，但就覺得可以再熱返少少，紅豆都可以甜返一d（但甜度真係因人而異）

星期一的長洲比較安靜，印象中好耐之前假日到來這小店要排長龍，今日唔洗等，又可慢慢坐在旁邊椅子一邊聽住佢嘅日本音樂一邊慢慢吃，好正嘅渡假感覺。新鮮做好嘅芝士紅豆餅好好味啊！最初其實想要普通嘅紅豆餅，不過店員推介芝士紅豆餅新鮮出爐，叫我地試吓。我其實係怕芝士係鹹味，同紅豆餡料嘅甜味會唔夾，但係食落去好好味好夾呀，有熱熱地咁，感覺好幸福！蟹子手卷好好味，沙律醬同埋豉油都落得好適中，如果米飯再林少少我會更加鍾意！

話說在長洲一天遊搭船途中，與Calbeepapa 研究去到長洲應該食什麼東西之時，Calbeepapa強調一定要食手卷，他更説食手卷是他每次到長洲必做的事！今次就讓Calbeepapa帶我去試試。😻這小店雖然位於橫巷，但依然起眼，因為有不少人排隊圍繞著。《故鄉茶寮》是由日本人主理，主打手卷及紅豆餅。手卷款式選擇不多，只有蟹子、蟹柳、腸仔。Calbeepapa例牌要了一個「蟹柳手卷」。手卷雖然選用了最簡單的材料，但出乎意料的好味！😋手卷選用日本米，壽司醋份量適中，由於是即叫即做，所以紫菜特別新鮮香脆。蟹柳配上沙律醬，一定不會失望。😋💯個人認為，雖然是簡簡單單，但勝在富有長洲悠久情懷。小店已經在長洲開業十幾年，Calbeepapa説是由細吃到大，水準不變，人情味也不變，不單止是遊客，而且是很多長洲島民的童年回憶，難怪旅遊書也有推介！❤️👍🏻如果下次再來長洲，我們依舊會吃這店的手卷，希望也有機會再試他們招牌的紅豆餅！😃

👁‍🗨 紅豆餅 💲6其實每次去長洲都一定會去長洲沙灘附近既呢間店食返舊紅豆餅，唔係話超級好食，但就係總會掛住嗰陣味，見住佢由五蚊加到六蚊，不過都依然係平平哋，咁咪又買返舊黎食下🥫細細間既店鋪，並無任何座位，主打賣既係壽司同埋紅豆餅，大家買完都係立食😛紅豆餅攞上手嗰下熱辣辣，咬落去暖暖既紅豆蓉，又甜甜地都尚算唔錯，但係如果紅豆餡好似台灣既晴光紅豆餅咁再爆餡啲就會好滿足啦🤓🔛 整體評分（7/10）