韓正屋韓國料理 (海壩街)

Open Now

Now Closed

荃灣D-PARK附近，除左8咪半之外，行遠少少去福來邨都有幾間平價野食。今日午餐選擇左韓國菜。1. 石頭傳統雜錦雞肉飯 $55石頭鍋上桌時都係熱辣辣，油分充斥係石鍋入面，令佢發出煎野既沙沙聲。跟餐有甜辣醬需要自行混合，甜辣醬味道偏甜，唔係好辣。配菜方面有芽菜、紅蘿蔔絲、翠玉瓜、菠菜等等，但食落原來有白蘿蔔絲，生蘿蔔既味道有少少影響味覺，如果可以去除應該會更好。2. 韓式蕎麥水冷麵比起係韓國或其他更為正宗既韓式餐廳，呢度唔需要自己落醋同黃芥末，唔夠味；湯底冇冰塊，唔夠凍；水果以蘋果代替雪梨，唔夠清新牛肉味道OK，有少少"UN"。麵條幾彈牙，但梘水味有點重。價錢正常，食物水準一般，唔會刻意想食多次。不過店內都有唔少熟客食，午飯時間人流都旺。

想係荃灣坐低食飯又想一百蚊落樓？原來真係有架！呢間韓國餐廳以前成日食，但搬走左之後就好少，今日咁岩入荃灣當然要支持下小店。我同女朋友都唔太餓，我叫左個鐵板豬肉飯，而女朋友就叫左個韓式豬肉年糕湯麵。兩個加埋連加一服務費一百蚊都唔使，超抵食。當然食物質素就唔好咁高要求，但都ok既！

之前去朋友屋企，路經呢度發現有間韓式餐廳，上網睇食評好似都唔太差，一向中意食韓式野既我，因而產生興趣，是日終於搵到時間約埋朋友一齊黎試下。即使係星期日都有lunch menu，價錢雖然同主餐牌一樣，但差別在於包餐飲，價錢中規中矩唔算貴。由於我好中意食韓式紫菜包飯，所以首選小食就揀左佢。韓式壽司 $28令一心黎食佢既我，大失所望!! 韓式紫菜包飯既最大特點係麻油香，但呢款野完全無麻油味…而且飯唔彈牙，而又係乾又硬…餡料又淡而無味…豉油更係港式生抽。我知$28係唔應該期望太高，但加d麻油應該唔會好貴丫嘛?? 八個字形容「食之無味，棄之可惜」。石頭芝士香辣豬肉飯 $65當芝士控見到餐牌張圖拉絲拉得咁靚，就梗係忍唔住order佢架啦!! 值得一讚既係，石鍋上枱果陣係超熱，食到尾芝士都仍然可以拉到絲，而且有飯焦。豬肉分量多，不過肉質偏粉，唔多新鮮。全個飯味道單一，豬肉同個撈飯醬都係韓式辣醬味，無麻油香、無甜味、亦唔夠鹹、只得個醬味。個人覺得個飯真係好麻麻。鐵板燒雙拼(牛肉拼豬肉) $65無論係牛肉定豬肉，分量都好多，不過即使用鐵板裝著，但都無鐵板既”味道”。睇相都睇得出，鐵板唔夠熱，洋蔥仲係生。

平食韓國菜價錢十分平民 但份量質素不錯.雞排雜錦拌飯🐔勁大碗 可以話係男人份量不論蔬菜定飯都好多 都幾健康雞肉嫩滑 辣醬按個人喜好自行添加 更野味.蜂蜜蘋果茶🍎飲品反而有驚喜啖啖蘋果蓉 都幾有誠意 好飲！

店舖比較迫，坐位也不多，坐下後基本只淨兩旁窄窄的通道供店員上菜用。食完店員好快收野，而且有人等位，坐得唔耐。上菜比較慢，等候10~15分鐘。 但食物質素不錯，份量都算多，相對抵食，仲要免加一。叫左個泡菜煎餅，牛肉湯年糕，韓式飯卷，還有炸雞。泡菜煎餅，$38，真係好抵食。又香脆，淡淡泡菜味，少少辣。牛肉湯年糕，$58，湯香濃，牛肉甜甜地，幾好食，年糕又唔會好韌。韓國飯卷，$28，咁既價錢，有咁既份量，真係好抵。反而炸雞有d失望，$48，雖然雞肉嫩，但冇咩味，一定要配個醬汁食。炸粉有別於平時既炸雞，唔夠脆。飲品都係加$10~15。不過韓國前菜小碟，呢度就唔包既，每碟$10。

放假唔想自己煮😂，出街試下呢間韓國🇰🇷。睇網上食評唔錯。lunch set 大概$60左右，包熱飲☕️，冷飲🍹加$3。有d湯類，例如：人參雞湯🐔，牛肋骨湯🐮就大約$100。鋪面唔算大，兩邊設置卡位，中間放佐4排枱，每排大概有8-10個位，比較擁擠。如坐中間位置，需要與人搭枱坐，出入唔方便。今次食咗石頭芝士豬肉飯、拉絲芝士炒年糕。芝士夠多🧀🧀🧀🧀🧀！芝士控必選年糕煙韌有趙口，魚蛋魚腐一般貨色。石頭鍋好夠熱🔥（大家小心燙到⚠️），上菜時渣渣聲，而且好保溫，食到尾都仲熱。攪拌時，有小小芝士黐住鍋邊，會聞到好濃嘅牛奶香味，如果你唔攪佢，最後會變芝士脆片🍘，又系令一種食法。肉片有小小柴但可以接受。如果想食到底有飯焦，就等1分鐘左右再攪拌。兩種野食嘅辣醬甜度適中，唔太辣，適合唔食得辣嘅人😛生薑茶🍵好夠薑，杯底好多薑絲，驅寒🥶一流！最後，呢一間系性價比高⬆️，整體味道唔錯嘅餐廳。

星期日下午六時左右，不用等位，鋪內環境有小許濟迫，但算整潔。服務員很快幫我們下單添茶，有禮，服務態度不錯我們點了兩樣食物，分別是人蔘雞湯及鐵板牛肉，兩樣食物都配有白飯。鐵板牛肉及洋蔥份量頗多，雖然牛肉肉質有小許鞋，但味道不錯，送飯很搭，價錢約60元～人蔘雞湯雞肉偏淡，建議加鹽食，雞內糯米飯很入味，再加白飯絕不是一人份量價錢９８元～此店全日不收取加一，價錢相宜，食物份量多，味道不錯，有機會會再幫襯～支持小店～

今天下班後 , 就到附近隨便找點熱的吃, 誰知道就中伏了...侍應可以從頭到尾都不跟你說一句話, 直到最後埋單價錢...一進去, 侍應就帶到我們坐卡位, 還不錯, 我們拿到MENU就直接ORDER了一客部隊鍋, 每次去韓國都必吃的東西, 心想公司附近難得可以吃到, 超級開心的!侍應先上兩杯熱茶, 是部隊鍋餐內包含的之後, 再上小菜, 份量和味道也不錯。再上其他配料, 可惜的是公仔面和芝士都是平價款 餃子更不用說, 一煮熟便散開, 味道也一般般,餃子皮就更不用吃 重點來了!!!我人生第一次吃這麼難吃的部隊鍋 眼見橙紅色的湯底, 應該是很吸引, 誰知道試一口, 完全是沒有味道,只有一點點的韓國辣粉味, 好明顯他們只落了辣粉, 極少許鹽, 還有少許泡菜味, 其他味道我真的真的完全吃不到 正常愈煮得久,味道就愈濃厚,可是這個部隊鍋真的令我很失望, 我向侍應取了兩次 調味汁, 才能吃完一半...讓人生氣的不只是湯底太敷衍特別是材料實在不值這個價錢,內裡的都是極平價的食材, 份量過少而不新鮮, 真的極不推薦部隊鍋! 貴而不好吃我不會再來了, 若你們來, 真的別點部隊鍋了...

第一次黎食，已經好失望了。 而家荃灣都有好多餐廳食，行行下揀揀下就揀呢間啦。環境還算可以不過食物質素欠佳 ❌韓國部隊拉麵尚可，只係唔夠辣，普通。不過這個鐵板雞肉真係好差，好失望，沒有鐵板味道，一上枱已經唔算熱又無鐵板既jaja聲，即係已經凍左。雞肉唔似係鐵板內有熱辣辣既情況，雖然雞肉味道可以，應該自己有先加工過黎但係沒有鐵板味道，只係煮完再放上鐵板感覺而係唔熱既情況下，所以用碟上同鐵板上都無分別，好失望。飯唔夠熱。 飲品方面，熱蜂蜜蘋果就沒咩蜂蜜味。。總結失望。

女朋友成日話食嚟食去都係食嗰啲嘢，唔係西餐就日本野，唔係日本野就係米線，叫我諗下荃灣有啲咩好介紹，俾啲新意。諗左一陣，咁岩收音機播緊韓文歌，就即刻提議去食韓國餐，不過諗諗吓，自從韓流興起接近10年，香港嘅韓國餐廳開到成行成市，但要搵一間正宗嘅韓國餐廳真係幾難，見「韓正屋」評論唔錯就即刻去試吓，點知去到門口勁多人排隊，所以最後選擇叫外賣返屋企食，揀咗個鐵板牛肉豬肉雙拼飯，只係需要$62!!牛肉比較出色，價錢對比尖沙咀啲韓國餐廳成兩三百蚊一個飯真係一啲都唔貴，仲要好正宗同我之前喺韓國食差唔多，下次會再試

《韓正屋韓國料理》 #食在荃灣 #平民韓國菜📍荃灣海壩街22-32號華達樓地下E舖-🔹泡菜豬肉豆腐湯 $58 配白飯d豬肉煮得太耐 除左豬肉都幾好 泡菜同豆腐都唔小重點係 佢夠辣😋 當然比唔上韓國 但係香港食好多韓國野都係唔辣 😂到底香港人有幾唔食得辣呢.🔹韓式韓菜煎餅 $38只能說 抵食 個餅可以整薄d就更好.🔹韓式炒水晶粉絲 $38淡味左d 我自己加左韓國辣椒醬食就ok.🔹涼拌韓國海帶 $10呢個一定要嗌 好味呀 $10一份真係好抵食 .90sfoodieshare: 7/10

係荃灣想食韓國菜，以前有好多間可以選擇，而家就好似無乜，之後就揀左呢間試下間鋪唔大，最入面仲會有間房仔都係比客坐既，野食種類都算多，上菜都算快蝦卷壽司（呢個一般，蝦都炸到好軟身）我仲叫左韓式壽司（呢個會好食d）泡菜煎餅（泡菜有d酸，味道一般）鐵板燒牛仔骨（好大塊要自己切開，肉都夠‘林’味道都好好食）泡菜炒飯（好夠辣，味道一般）石頭芝士香辣豬肉飯，另有韓式辣醬比我地加落去（味道唔會辣，無芝士味，豬肉都‘林’）整體所有野一般，但價錢合理

相連幾間係海霸街嘅食店，韓正屋算係比較唔突出嘅一間，經過左咁多次都無幫襯過入內比較狹窄，三人分配左係卡位，餐牌上林林總總各式各樣韓食，每樣都想試試，不過因為不太餓所以三個人叫左一個二人餐加一個小食。二人餐有一個人蔘雞湯，鐵板牛肉同埋一個石鄉鍋飯，跟餐配一個白飯同埋兩色前菜，再叫多個炸雞。雖然話二人餐，但是石鍋飯同一個白飯已經好夠分量所以三人食剛剛好先試人蔘雞湯，其實香港鋪頭嘅韓國菜已經調較到好符合香港人口味，所以雞湯飲落無咩特別排斥，唔覺特別甘口。雞湯頗清，雞肉可能煲耐左所以有少少鞋，但雞體內嘅糯米，栗子🌰紅棗都吸收左人蔘嘅味道，糯米好香綿。凍冰冰可以補左身。石鍋牛肉飯里有好多菜蔬，芽菜，脆肉瓜，紅蘿蔔，菠菜，再加埋韓式辣醬拌食，熱熱嘅石鍋做出嘅飯香飯焦，真係食完成個人暖笠笠。唯一想批評嘅係佢隻辣醬味道唔係好夾。鐵板牛肉就啖啖肉，唔會鞋口。而近年好流行嘅韓式炸雞有驚喜，炸粉唔厚而且啖啖肉

之前友人曾經提及過呢間荃灣韓食店今次就做運動之前去試食下啦時間大概晚上7時半，店裡面都坐滿咁制店員帶咗我哋去店舖較後嘅位置，座位比較窄安可接受我就梗係要叫我最愛嘅辣豆腐海鮮湯啦辣椒味唔會太重，唔會淹蓋曬海鮮嘅味道豆腐份量好多，食極都食唔完，的確唔錯另加咗一個炒粉絲，唔係太出色個粉絲好似煮得太淋，雖然有麻油香，但好似彌補唔到太淋粉絲嘅不足之處友人叫咗人參雞湯，湯夠清甜雞内釀咗栗子，紅棗，人參同糯米成碗食曬一定夠飽但係泡菜要另外叫就好似孤寒咗少少

韓國餐廳，其實很久之前已想來，但是礙於地點比較不就腳，大概位於福來邨再過一點，鄰近香車街，因此，平日可能都會在南豐、力生、或是路德圍那邊，就經已到了其他餐廳。這次突然想起這間餐廳，於是毅然一試。這間餐廳，看起來，內裏也非常大，但是大概七時許、八時，內裏已經人多，非常熱鬧，看似沒有什麼空位。但向店員示意兩位的時候，店員卻能夠在另一邊的窄巷，將我們帶到窄巷盡頭的座位。這樣更加好，因為如果大大的餐廳，坐在中間，更加逼夾。且看看有什麼特別，又有些二人套餐、四人套餐，但是套餐包括的牛肉、牛仔骨，等等都不算非常吸引，於是吾等便寧願散叫了。結果點了一個韓式炒粉絲、人蔘雞湯、以及一個辣豆腐湯。不算等得太久，首先來的是粉絲，不算鑊氣非常之強，但是剛剛炒好，溫度也夠熱，粉絲份量也不算太少，大大箸粉絲，彈牙，味道還好。之後就是辣豆腐湯，豆腐沒有酸味，這個湯的辣味也不算非常之嗆口，配飯吃就更加好。人蔘雞湯，大大隻雞，放在湯鍋之中。湯之中好像沒有其他配料，應該是因為所有配料都已經在雞的體內。結果，將雞切開後，就發現內裏有紅棗、蒜頭、栗子、糯米，相當豐富。煲了這麼久的雞，當然不能說非常滑溜，但是肉非常容易撕下來，