韓正屋韓國料理 (海壩街)

Open Now

Now Closed

幫公司送完野響香車街附近食飯, 呢邊多數都係茶餐廳,  不過仲有一間日式, 一間韓式, 一間西餐可以選擇.日式非常多人要等, 西餐無人好拍烏蠅, 所以入左中間有少少人既韓式.飯類有便當類, 鐵板類或者石頭鍋飯, 價格幾平由40幾到50幾左右, 夠大眾化.要左款雜錦豬肉伴飯, 雜錦即係除左豬肉, 仲有強, 紅蘿白絲, 菜, 芽菜, 翠肉瓜絲等. 豬肉微辣, 但好乾好實, 食到起晒渣, 應係係醃得太耐. 其他配菜屬正常野. 最值得讚係兜辣醬, 可以自己加, 而且甜甜地辣辣地.

睇完食評去試依間晏就，侍應推介食韓式牛肉年糕湯拉麵，一食落口，發現點知竟然係韓國即食麵，我問個侍應係咪辛辣麵，佢仲理直氣壯話係！有冇搞錯，落單時推介我就話係拉麵，食左一啖冇得退就話係即食麵，係咪太離譜呢？講明係拉麵，和即食麵好明顯係唔同，如果只有即食麵，係餐牌上就要清清楚楚寫清楚，更冇可能係$54蚊！

對上一次寫食評，已經是七年前的事，有什麼令我的手指再一次在鍵盤上舞動？就是這間韓正屋。事源今天到荃灣區覆診，覆完診正好午膳時間，於是便一早上openrice睇定有什麼好食，正好看到這間韓式有82個好評，終於選擇試一試。去到時正值剛開門，裡面有兩客人，但隔離日式店已要等位，心想橫掂決定左去食韓式所以無轉。一入到去翻看menu，在menu已傳來一陣陣臭味，但看見menu內的食物照片好靚，價錢亦較其他韓式料理便宜，於是便叫食物。跟侍應點了豬肉豆腐煲，海鮮煎餅及韓式壽司，誰不知佢同我講壽司賣哂，我隨即追問剛開市就賣哂？佢答尋晚賣哂。下？心想唔係即整咩？賣隔夜食物？中哂伏！真的，豆腐煲內的豬肉不新鮮，煮得又老又柴皮。煎餅無材料，無味道，我只能吃一小口便吃不落。82個正評，到底我係咪去錯地方？

好失望！！！ 港式煮法，野食無味，好唔專業，雞豬都好唔新鮮，人參雞湯應該係返煲再返煲，好唔得。 炒粉絲炒到好黑，有鍋焦，冷氣又大，大到野食五—十分鐘之內就已經凍哂！不過可以試下，因為試完話俾自己知唔會再食！！！！！！

同成班好朋友們一齊Gathering,大家又話想食韓國野,於是就決定去試呢間韓正屋餐廳,由於怕要多人,所以我地6:45pm左右就到左,望埋去地方唔算闊落,裝修亦非常平文化,咁我地等一陣就有位,由於地方真係唔大,所以坐得相對有啲逼由於大家想樣樣都試啲,所以就叫左個4人套餐,有人蔘雞湯,鐵板牛仔骨,石頭什錦牛飯,韓式煎海鮮蔥餅同埋餃子,另外我地亦都叫左個炸醬麵,蕎麥水冷麪同韓式壽司上菜速度都算快,雖然今次冇影相,但食物嘅賣相都唔錯,起初我地以為份量會好少,未必夠食,但最後份量都啱啱好值得一提嘅係果個韓式煎海鮮蔥餅,店員事先將蔥餅切成細塊,令我地可以容易入口,雖然唔係好食得出海鮮味,但蔥餅嘅味道亦可以接受,似食緊中式薄餅嘅感覺另外,水冷麪亦係值得一試嘅,用蘋果去襯托果水冷麪,令到成件事更Fresh,當然味道亦唔錯啦最後,如果以平文化嘅價錢黎講,呢間真係冇得輸

今晚第一次來 這店，我地叫了...牛肉石頭鍋飯，好好味，個飯有一碗海帶湯付送，飯食完後，可以加小小湯落去，就可以食埋d飯朝，正。海鮮葱餅，我超鍾意，出去TST/CWB食，多數都要百幾蚊，呢度只要38，當然係細份d，不過，咁仲好，可以食其他嘢，一樣好好食。泡菜，比較喊，同埋食落口有d粉沫未溶的感覺，我自己覺得一般，唔算好食。今日無影相，下次再來的時候，記得影先

朋友替我補祝生日，我選了這間韓式餐廳。可能我們算早去到，不用等位。走的時候，反而見門口有人等位。先點了鐵板牛及海鮮拉麵，後加部隊拉麵。鐵板牛先到，頗難吃，牛肉煙韌難𡁻，而且帶有蘇味。吃了半碟便放棄。海鮮拉麵反而不錯，有年糕、蝦仔、金菇、蜆及青口。湯底惹味，麵淋，年糕也好吃。追加了部隊拉麵，沒拍照。湯底和海鮮拉麵一樣，配料有腸仔、餐肉及司華力腸，麵這次煮得較硬身，但可以接受。如果沒吃鐵板牛的話，整體是不錯的，價錢也不貴。見不少食客有吃人參雞，有機會或者可以一試。

屋企人話想食韓式野，跟住上open rice見到呢間韓食店嘅評分都唔錯， 所以去左呢間食晏。我同屋企人都係嗌左雜錦海鮮湯麵，原本以為呢個價錢唔會有太多海鮮，以為好似出面果d餐廳咁比兩三款海鮮就叫海鮮湯麵。但結果卻出乎意料，一碗湯麵內有四款海鮮(蝦×4，青口×1，蜆×2，魷魚×2)，麵條嘅質感啱啱好，年糕有五塊左右，煙煙韌韌。海鮮，年糕，拉麵，成碗麵配合得好好，缺一不可。我嘅飲品係蜂蜜紅棗茶，飲得出係用果d濃縮紅棗茶沖嘅，但佢嘅分量掌握得好好，唔太甜/太淡，咁嘅價錢冇得再挑剔啦。總括而言，今次係一次愉快嘅食飯經歷。

三個人第一次黎試下一早book 左台 六半都已經滿晒座 入左房坐叫左四樣野韓國壽司炒年糕牛肉石頭飯泡菜煎餅樣樣都幾好食 唔太辣 岩香港人口味份量正常 係夠晒飽埋單每人都係五十幾蚊咋

屋村附近有間韓國野唔顯眼，今日終於試一試點了鐵板燒牛仔骨，比想像中好味！雖然有啲太多油，但今樣先係鐵板燒!牛肉好淋，牛筋果邊又好有咬口，加埋海帶湯同送飯一流！再叫左海鮮年糕湯拉麵，相比之下冇咁好食，同屋企煮嘅辛辣麵差唔多。不過用料唔差，蝦係爽口的，唔梅！

最近常去荃灣和朋友聚會，早前又和朋友去了荃灣行街,朋友話看了我之前分享韓正屋的食評,她話想去韓正屋,我和朋友決定去韓正屋,我之前有去過呢間依然認唔到路，好彩身邊朋友認路比我強，上次去吃有好好印象，韓菜一直不是我的首選 ,身邊有不少喜歡韓國的朋友，我為了就朋友的口味亦會去下 ,韓正屋是第二次光顧，這裡十分旺場，韓國料理在這幾年開了不同餐廳，韓正屋走家庭式路線，價錢不會太貴,有時和朋友出來聚餐，總要試下不同國家的美食，這裡的地方尚算適中，我覺得這裡的食品的確幾好味,服務不及第一次咁好，亦可以接受，下次去荃灣可以再去味道韓式年糕 ,朋友為了就我不吃辣,揀了走辣,年糕的口感亦不是太痴牙 ，亦不是太咸,味道幾好海帶湯,海帶味道濃郁，濃郁而不會太咸韓式壽司，整得較鬆散,我夾起壽司跌落碟上,味道一般服務我覺得不及第一次咁好 ，可能當天店員較忙,，想找人寫野,揮2次手才有人應,今次較為一般環境地方不算好大,亦都適中,座位亦坐得舒適價錢平均150元,亦不是好貴，合理收費

今日叫咗燒牛肋骨定食做晚餐，唔知點解有八折，埋單都唔使＄80。牛肋骨好大份，有成九件咁多，醃得唔錯，咬落去好軟熟，平時呢個價錢通常只有三四件，非常值得一試。今次我叫外賣，相對冇咁好食，平時如果堂食嘅話，牛肋骨會鐵板上，牛肋骨會更加香。

放工後決定去荃灣睇戲，就一於係返同區食晚餐。其實搵餐廳食一路都係小妹至頭痛的事，最好既就係未食過，又唔想食快餐，又唔想太貴同太悶。最後都揀左係海壩街這間平民韓國菜食，韓式炸雞就食得多，較傳統的韓國菜就好少食，而且望到餐牌價錢又唔貴，一於就佢啦！.餐廳沒什麼裝潢，就係普通茶記格局，一睇感覺就係做附近街坊生意為主。.餐牌的粉麵飯三四十就有交易，小食同是，係牛肋骨煲較貴，價位上都算平民化。.韓式泡菜冷麵 $45去食韓國菜小妹滿喜歡叫份韓式冷麵的，配料一般會有有青瓜絲、泡菜、少少蘿蔔絲和半隻烚蛋。拌均後每啖麵都食到泡菜特惹味和辣和加入白醋酸微微的冷麵湯，麵質又夠Q，愈食愈開胃。.韓式海鮮煎餅 $38本身係叫泡菜煎餅的，不過黎錯左照食吧。叫做海鮮煎餅其實只食到幾條蟹柳絲同少少魷魚，咬落啖啖麵粉漿，味道很淡，後來叫店員拎碟甜辣醬比我地點住食先食得晒，相信泡菜味會惹味得多！.鐵板燒雙拼 （豬/牛/雞）$62叫左豬同牛，以鐵板熱辣辣上桌，牛的味道較淡，豬的調味就係用了小妹喜愛的甜辣醬，簡簡單單的，配埋白飯已經好食！.炆牛肋骨煲 $96裡頭有紅蘿蔔、白蘿蔔、冬菇和4-5件牛肋肉，牛肋肉炆得夠腍和入味，牛

突然好想食人參雞湯，見到呢度價錢好親民，即刻試下先！上枱熱辣辣，用沙鍋保持熱力，抵讚！陣陣人參香味傳入鼻腔，刺激到我胃口。入口甘甜，有人參味，都有雞湯既濃郁，仲有少少藥材味。切開一睇，用料好豐富，大廚一啲都唔手軟。比較不足係火侯控制，個湯煮太耐，以致雞肉同糯米太散，無咩口感，好飲唔好食。

今日收工好想食韓國嘢點知原來返工附近有一間韓國嘢,都幾多人食一嚟到即刻叫個韓國飯團每次食韓國嘢都一定會叫啲料都算幾多，同埋份量好多成12舊，黃瓜配搭落去好好食，美中不足就係冇沙律醬點泡菜前菜好好味，唔係好SPICY，不過調味好好細細碟，好味另一名物就係泡菜年糕甜甜辣辣，索晒落去年糕度好入味 好好味另外年糕質地都好煙韌我真係好鍾意食泡菜架！！所以叫咗個泡菜薄餅呢個泡菜薄餅有啲似茶樓嗰啲薄撐用煎PAN上，好得意味道亦好味，不太咸，very good下次都會再來，好喜歡呢類小店