韓正屋韓國料理 (海壩街)

Open Now

Now Closed

今日同細佬特別肚餓，於是叫左個餐，有人參雞湯，一碟鐵板燒肉，同個飯。個餐一開始有前菜食，涼拌芽菜同菠菜，細細份，但幾爽脆開胃，不俗。人參雞湯是二人份量，意外地真係原隻烹煮，雪白的雞置於滾熱的湯中，陣陣蒸氣冒出，感覺非常之足料。試飲一啖，味道濃郁，很是鮮甜，有恰到好處的參味，可見是足料熬煮過，相當好飲，如果有埋豉油食湯渣，可能配下飯都夠飽。我地叫左既係鐵板燒牛肉，個碟不大，但牛肉堆得頗高，肉汁中有條條洋蒽，煮得甚爛。牛肉係嫩，味道不俗，同洋葱一齊下飯感覺不錯，有啖啖肉既滿足感。石頭飯我地揀左雞肉，裡面還有黑木耳絲，芽菜等配料，幾豐富，和醬料拌得徹底後，仍然好有溫度，食落味道唔錯，雞肉嫩滑，醬汁幾香，食得十分爽快。

荃灣的確有不少好餐廳，但租金太貴不能開在商場大街，這次由朋友介紹來到這家韓國料理，意想不到地合理的價錢，裝修環境還算不錯，決定一試。 晚餐時間全場滿座，餐單上不少特色韓國料理都齊全，我點了幾款必吃的選擇，上菜極快，看電視不夠５分鐘就可以開始醫肚了。店員有禮快手，餐前更有小菜附上，泡菜、芽菜、菠菜。 人參雞屬於人手較多的一道菜，冬天吃最補最好，但夏天來到也可以當作滋潤補身，湯頭夠濃不會有重味精味，原隻雞在煲內極有誠意，裡面包著糯米飯和很多配菜，吃到有原粒粟子，雞肉配上椒鹽吃非常野味，多汁嫩口，超推介！ 韓式石鍋牛肉伴飯上桌非常熱辣辣，是我看過最熱的石鍋，令飯底滿滿飯焦，非常香口，沒有多餘的油份，伴菜亦夠多，味道濃郁野味，值得一試！下次必定再來！

去食韓國野，點可以唔食石頭飯? 於是今次，我就食左個雜錦雞肉石頭飯。一坐低，先飲啖熱茶，暖下過胃，然後就抱住期待既心情去等待雞肉石頭飯。上枱個陣，馬上感受到石頭碗的迫人熱力，為防痴底，我拿拿臨撈勻啲飯，汁，同配料。佢既汁呈微橘色，配料有雞肉，胡蘿蔔絲，翠玉瓜，豆芽等等，撈既時候不斷有熱氣冒出，好似炒緊飯甘，最後成功地冇整燶啲飯，跟住就大大啖擺入口。 入口先感受到微微焦香的飯粒，然後是有點辣的醬汁，咀嚼時就食到胡蘿蔔絲，翠玉瓜，豆芽的爽脆口感，當然少不得嫩滑的雞肉。出去食小炒，通常睇佢有冇鑊氣 我鍾意食石頭飯，就係想食佢個種"石頭氣"，即係個種新鮮熱煎的熱氣，依個石頭飯滿足到我既要求，而且餸料都幾多，我覺得幾滿意。

(同一個問題, 點解成日比左錢食飯既都要話我係試食? 小店唔值得"笑臉"嗎?!)👭尋日落大雨。。不過都阻唔到我地2個雙子妹去荃灣分•頭•覓•食～。。小妹既朋友落住大雨都話要帶我行去呢間食韓lunch~~小妹本身覺得呢排食得太多韓野想抖抖，但朋友話呢間係傳統既韓食，唔係再芝士乜乜乜同炸雞（甘就好了～～～）。。落住大雨，餐廳地點又唔喺大街，仲以為會無咩客，點知full house! （心諗：應該唔錯噃😏）。。👄柚子豆腐沙律 $28。👉🏻首先嚟個開胃沙律先！本身以為28蚊份量唔會多，點知好似座山甘😋柚子汁多，酸酸甜甜配上滑嘟嘟既豆腐真係食好夾！。。👄韓式壽司 $28。👉🏻小妹妹鍾意比較各店既韓式壽司/飽卷，哈哈！呢間既涵料有黃簿瓜、菜、紅蘿蔔絲、蛋🍳 飯係用珍珠米，夠口感～整體味道偏淡，所以店員會附上醬油，隨客人喜好自己調教口味～。。👄炸醬麵 $38。👉🏻第一次食炸醬麵既麵底係用白色扁身既麵（小妹唔識即係叫咩麵😶），而且有隻煎蛋放面😮，好豐富呀！炸醬味道濃，有薯仔粒，味道屬正常。但唯一注意既係炸醬麵因為無湯底會比較易乾身，小妹影下影下就放涼晒🙏🏻 麵底乾左癡埋一齊變得難於夾起。。 麵呀麵呀，

去開荃灣，夜晚搵飯食。朋友介紹0係海壩街嘅韓正屋，價錢親民。鋪面好大個招牌，一啲都唔難搵。入到去，雖然店面比較細，但都算企理，侍應都好好禮貌，好有笑容咁招呼我哋。唯一就係座位之間迫左少少。望一望周圍既餐牌，二人餐同四人餐都幾豐富，平均一百蚊一位，果然親民！但我地揀唔到最想食既組合，都係散叫啦。我地兩個人總共叫左四樣主食同兩個前菜（提一提，散叫餐牌食物係唔跟泡菜同前菜的）。《鐵板燒牛肉》即製上碟好熱，未食已經聞到好香。碟頭好大，好多牛肉，洋蔥同香料配搭得好好，好夠味。個汁甜味比較重，岩哂我口味。肉質方面，有少少overcook但都唔太影響整體質素既。《泡菜煎餅》薄薄一塊煎餅，煎得好香脆，做小食岩岩好。一塊煎餅入面有好多泡菜，唔係一大舊粉團，控制得好好。味道是出乎我意料的，以為泡菜煎餅會係極重口味，原來係淡淡的，有少少泡菜香。《炒水晶粉絲》呢個簡直出乎意料的抵食。一般韓國餐廳炒粉絲索價七八十，呢度只係三十幾蚊。份量都唔少，味道就不過不失啦，比起坊間韓食較淡，但都係彈牙煙韌的。《人參雞湯》呢個係我地最想食，亦都係最後上既一道菜。個湯好熱好香好好味，味道好豐富，人參、藥材、糯米同雞味都好足。雞

係荃灣搵到呢間又抵食又好味既韓國料理，嗌一個二人套餐每人都係1百蚊，而且飽到棒住個肚仔走！最最最吸引我既就係個人參雞湯🐤，超級鮮味，完整隻雞入面再加左d糯米、人參、栗子等，食之前記得撈出尼飲，真係好正👍🏻！而其他菜式肉類份量係超級多，大件夾抵食！而我朋友就好中意個拉麵，特別中意小小辣同埋識揀一定揀海鮮😂

早前於荃灣區探望友人，順便在這裡尋食，大家都想吃韓國菜，便選了附近的韓正屋，於晚上7時，門外已聚集了人群在等位，約15分鐘安排了二人位子給我倆，韓正屋屬一家小型的食店，桌與桌之間空間較小，非常熱鬧，只不過我想在夏季前來吃韓菜，也會感到有些少擠熱。坐下來簡單的點了二人套餐，二人套餐設有人蔘雞湯、鐵板燒牛肉、石頭傳統集錦雞肉飯，奉送二人前菜及飲品兩杯。先來兩款前菜，吃韓菜總會有前菜 - 泡菜相拌，可把胃口大解放，酸酸辣辣的增加了味蕾的刺激感及唾液分泌。人蔘雞湯，半隻雞浸在湯內，份量挺大，人蔘味不重，味道清清的不會太濃郁，雞肉彈牙嫩滑，雞多肉少骨，並沒有吃出雞肉含有雪藏味的味道來。鐵板燒牛肉，送上時發出"炸炸"聲的澎湃感，熱燙燙的吃著，燒過的牛肉嫩滑多汁，牛肉煙韌彈牙，以洋蔥來烹煮味道更出色，在咀嚼肉質時滲出香口的洋蔥味，此款菜還附送一碗白飯。石頭傳統集錦雞肉飯，沒想過鐵板燒牛肉會有一碗白飯配備，所以整個套餐只售(HK$206)簡直物超所值，不擔心會吃不飽，此款石頭鍋飯，色彩豐富，面層附有生雞蛋，雞肉份量多，把所有食材伴混在一起，非常惹味，飯質有軟有硬，令口感昇華，每粒米都黏上韓式辣醬，十分

荃灣是個美食集中地，只要細心留意，周圍都有很多價錢相宜又好味的小店。今晚光顧的韓國餐廳，沒有華麗的裝修，亦沒有時下流行的炸雞/烤雞作賣點，反而多了一份平實。小店的款式選擇多，最重要是價錢親民。水晶粉絲的口感帶點彈性，炒得算乾身，不油膩。餅底算薄，帶點煙韌，爽脆的泡菜能增加口感，不過底部略嫌煎得有少少燶，所以有陣焦味。材料頗多，分別有豬肉、豆腐、金菇、蛋、木耳及其他雜菜等。帶小辣的豆腐湯很惹味，泡飯吃一流。年糕的韌度剛好，不會太硬，而且味道不算很辣，所以就算友人不能吃太辣，都接受得到。配料不多，只有一、兩片魚塊。味道略甜，但幾好飲。

今日同朋友踩完單車，因為勁肚餓既關係，就隨便揀間就腳既餐廳醫肚算了～因為仲未到晚飯時，所以餐廳唔使點等位，好快就安排入座了🙂其實韓國野來來去去都係個幾味，但都要望一望個餐牌先😎做完運動既關係，我地都叫左幾多野😅開動了～先來的當然是飲品啦😁再來便是紫菜卷了～數量都幾多！係紫菜卷上油左層薄薄既麻油，帶出紫菜既香味👍🏼泡菜煎餅～呢個有啲失手，因為煎燶左少少😅不過都好既，入口好似食薯片咁卜卜脆👀因為三個人既關係，食唔到一個完整既部隊鍋，所以就揀左個迷你版，過下癮就算了🙈不過迷你始終爭啲！啲味唔夠出😮淨係食到辣椒油味⋯炒年糕～味道拍得住韓國既車仔檔！年糕入口煙煙韌韌，而辣椒醬又調教得剛剛好！😁牛仔骨：睇個樣就知勁抵食！另外佢仲配埋個白飯～佢個牛仔骨整得都幾好，起碼唔會好似食牛肉乾咁！佢入口都好軟熟～又唔算太漏🙂今日既重點來了～就係石頭鍋飯！事關踩完單車，體力或多或少都會透支架喇！所以點都要大擦特擦😁呢度既石頭鍋飯銷情都唔錯⋯起碼檯檯都有叫！至於味道方面，啲豬肉醃得好入味，唔使話落太多既辣椒醬都已經好夠味！👍🏼配料都份量得宜另外，由於朋友們太肚餓既關係，佢地仲叫多左兩樣野。我就每樣食左隻，可以因為

如果我屋企附近都有韓國菜就好~一定會變熟客！同媽媽黎食，入面地方吾算好大，但都坐得舒服 店員好有禮貌，仲會介紹你食咩好。打開餐牌覺得食物款式比想像中多 好餓樣樣都想食 最後我地點左個二人套餐~依個係套餐包埋既前菜，我就中意個泡菜炒蓮藕 辣辣地夠晒惹味而且好爽口。媽媽就反而係甘食個涼拌海帶 話健康喎(笑)重點係即刻開胃晒 加上佢份量係裝到滿~就算係免費送既菜都無吝嗇 醬汁令到牛肉同洋蔥好入味，雖然大大件但食落又吾算好韌，當然我會希望再鮮嫩啲(嘿嘿)味道比較濃 所以配上白飯一流！！！睇親韓劇啲主角都中意食拌飯~我都好愛架 吾個點解甘多料搞混食好有家既感覺。中間隻蛋更加係重點(篤一篤蛋漿係甘流出黎)倒埋醬汁 但如果吾食得辣就要注意份量喔 主角出黎拉！！媽媽最期待就係個湯 果然無令我地失望，望落去已經見到真材實料，係完整一隻雞。飲落好順喉暖胃，而且味精感並吾重 吾似係人工添加。 停吾到口~~又有得飲又有得食雞 根本係抵食！飲完湯後整開，真係見到入面有條蔘同紅棗 另外佢仲釀左啲糯米飯入去 吸收晒全部精華。飯有少少軟身過頭變一pat野，但味道各方面 絕對係誠意之作。估吾到一間近屋邨主要做

韓正屋餐廳位於荃灣福來村附近,裝修不算華麗,但座位亦算舒適,菜式選擇多完化兼價錢相當抵食,頭盤先來餐前靚湯,蕃茄豬肉豆腐湯($58),蕃茄味道香濃,配料有蕃茄、豆腐、豬肉片和蔬菜,這款湯除了湯味香濃中帶蕃茄的獨有清甜味外,香滑豆腐吸收了各種配料後的味道令人品嘗時口感及味道的層次更豐富,蕃茄不單有抗氧化作用,開胃醒神之餘為今日美食之旅打響了頭炮。另外前菜點了兩款,韓式煎雞翼($28/5隻)及韓式抄水晶粉絲($38)：配料包括蛋絲、牛肉、粉絲,粉絲吸收了香料和牛肉味後入味口感濕潤中帶煙韌爽滑,十分惹味,值得品嘗。雞翼外皮香脆內裏雞肉鮮嫩帶點雞油,十分香口。主菜兩款包括石頭雜錦海鮮飯($59)配傳統海帶豆腐湯,石頭飯主以鮮蝦、青口、墨魚蜆肉,配以紅蘿蔔絲、芽菜和韓式香棘醬,十分惹味。石碗邊的飯焦香脆有嚼勁,十分美味。鐵板燒牛肉($62)配以飽滿白飯,令人驁喜是韓國鐵板燒牛肉,牛肉的肉味十分香濃,肉質鮮嫩内裏保持住香濃肉汁,香料滲入嫩嫩的牛肉中,味道層次感豐富,味道香濃牛肉口感爽嫩不韌,絕不可錯過。

約了舊同事出黎聚聚，有住新界同九龍區的，選了大家都係一程車就到嘅荃灣，既然他倆也是韓粉，咁就食韓國菜啦，上開飯找找，見好多人堆呢間韓正屋，話好抵食，咁就黎呢度啦。六點半黎到，差不多全場爆滿，人氣很旺呀！看看餐牌，有二至四人套餐，散點亦十分多選擇，而且真得很便宜，在尖咀吃的話肯定要雙倍價錢，左揀右揀，還是散叫好了，太多小食想食啦。先送上麥茶，嘩，玩了一整天真的很口渴，喝杯茶感覺真不錯，麥茶味香濃。點了韓國的罐裝飲品，梨子汁，提子椰果同提子汁，香甜又夠凍。韓式壽司，細細件，一口一件啖啖食，飯夠綿，涼菜咸咸酸酸，幾開胃。泡菜煎餅，很喜歡食呢樣，幾乎去到邊都叫。呢度做得唔錯，薄薄的但食落每一口都有泡菜，酸酸辣辣味道不錯，而且煎得並不油膩。泡菜餃子，很香很脆，但沒有泡菜味，同一般餃子分別不大。泡菜炒年糕，年糕份量幾多，軟綿煙韌，但無乜配料，只有少許泡菜同一片魚糕。食到濃濃嘅韓式辣醬味，甜甜辣辣的，年糕吸哂啲醬幾好味喎。煎雞翼，呢味真係同韓國菜無乜關係，雞翼醃過而且煎得香口，皮脆肉嫩㗎，好有媽媽嘅味道。叫石頭窩飯附送的海帶湯，味道較淡。牛肉石窩飯，上枱時滋滋聲十分香，旁邊附上韓式辣醬自行搞拌，等到

因為感謝曰的關係今天去荃灣行西田，所以搵食也在荃灣，行到福來邨，見到韓正屋再望一下餐牌價錢ok,就食反餐平價韓國菜泡菜$10～不太辣但有點過鹹，但送飯一流涼伴菠菜$10～麻油味香，冷盤是夏天的好配菜韓式壽司$28～用上菠菜、紅蘿蔔絲、蛋絲做成壽司，飯算煙韌，配wasabi也不錯吖韓式年糕$35～好甜好軟糯，煙煙韌韌好有口感，有韓式魚片和韓式辣醬惹味而且飽肚海鮮純豆腐湯$59～有少少辣，豆腐好滑，有魷魚、蝦、蜆肉和什菜鲜味開胃石頭芝士香辣豬肉飯$62～大量芝士溶在辣豬肉上非常芝味石頭煱好存熱可以做成飯焦效果所以另外加多一層脆香口感、配備韓式辣醬有椰菜做配菜更爽口，辣豬肉金香可口平價韓國菜，套餐有海帶湯和白飯，收費合理，兩個人$200絕對超值，比起韓焼卻有另一番風味，而且韓正屋有住家feel好warm

viu tv播完太陽冇耐，突然有陣韓流癮，就入左韓正屋食下韓國野喊左個鐵板燒牛肉，等左一陣間就上桌。鐵板牛肉的份量不少，剛上桌時還冒著炸炸聲的熱氣，香氣撲鼻，在淺色的燒汁潤澤中，大塊大塊的牛肉亮著令人垂涎的光澤，伴以嫩白的洋葱，看著看著，筷子已不由自主地伸了出去。挾一塊牛肉入口，新鮮熱辣，除了有燒汁香味外，本身牛肉都十分嫩，再徐徐咀嚼洋葱，只覺得牛肉本身的味道和洋葱的香味融為一體，嫩脆兼有，頗為過癮。隨鐵板燒牛肉還有一碗白飯，白飯以韓式鋼碗裝著，看上去頗有特式。煮得也甚香，配合鐵板燒牛肉來拌飯幾唔錯，最緊要是鐵板上還有不少滾熱的汁，用來拌飯十分方便。吃完幾飽，份量不錯，滿足地吃光最後一顆沾著牛肉汁的米粒，作為依餐既句號。

C+搵食團||異區覓食‧荃灣抵食之選 - 韓正屋韓國料理--作為一個香港（島）人既我返工係港島住又住港島過海搵食真係少之又少今次仲要去到港鐵既另一端 - 荃灣搵食相對黎講有少少遠--不過咁啱去開附近出活動於是黎一次異區搵食團--其實ms.C聽聞荃灣有好多好野食不過丹尼先生又話想食韓國又係要搵Open Rice既時間見到呢間餐廳得1個喊樣所以就決定呢間小區既抵食之選 - 韓正屋韓國料理 --星期日大約七點鐘去到附近見到其他餐廳都冇乜人龍唯獨呢間出現人龍不過好彩等左大約10分鐘就好快有位（見到呢張相，好想叫人幫我P走架的士）--見到出面都坐滿晒我地兩個就被安排坐係間細房仔到（冷氣都幾勁）--我地等位果時已經研究好食咩其實成果餐牌價錢都唔算太貴大約八成都係五、六十蚊有交易--由於女人係一個貪心既動物樣樣都想試咁想過計過數都係套餐最抵食二人套餐 $2151) 鐵板燒牛仔骨2) 海鮮純豆腐湯3) 石頭傳統雜錦牛 / 豬 / 雞肉飯連兩個自選前菜 + 飲品--其實就價錢黎講$215有咁多野食本來預算套餐都唔會太大份但上菜時無論份量定係賣相都完全喜出望外--飲品韓國柚子茶（熱） & 蜂蜜紅棗茶（冰）