韓正屋韓國料理 (海壩街)

Open Now

Now Closed

鄰近元朗的荃灣區同是美食集中地, 由路德圍, 海壩街到沙咀道, 沿途都有不少選擇。 一個西鐵站之隔的荃灣是回家前另一覓食好去處。這間位於海壩街的韓正屋, 就在福來邨對面, 席上光顧的多以街坊為主, 開飯時間門口排滿等候的人龍。既然是以區內客為主, 當然不會裝修成金碧輝煌般, 反而是平實親民的大路。餐牌內的款式是港式地道韓國料理, 有套餐也有散叫, 價錢亦是街坊價。前菜: 韓式泡菜, 涼拌菠菜 各$10不像一般韓國菜館, 坐下就送上小碟前菜, 這裡要食就要另外點上, 這樣也好, 不會造成浪費。 $10一碟的前菜份量也頗多, 泡菜酸辣度比預期來得一般, 不算太辣, 清爽口感但偏鹹了一點。 菠菜帶芝麻油香, 不論淨食或配拌飯食都好味。韓式海鮮煎餅 $38韓式煎餅有時候覺得吃起上來蠻似酒樓吃到的煎薄罉。 煎餅煎至金黄, 薄薄一片, 邊位頗為脆口, 煎餅口感粉漿比例較多, 亦稍稍偏油, 配料有魷魚和韮菜, 味道上可以再加強。 夾上前菜的泡菜同吃會更惹味。炆牛肋骨煲 $96熱騰騰呈上, 散發濃郁的香味, 引起食慾。小小煲內有三,四塊大大塊的牛肋骨, 肉佔的比例也較多, 牛肉炆得腍軟夠味, 附帶有少

其實琴晚已經嚟食過一次，因為價錢唔貴又冇加一服務費，加上仲有其實款式嘅食物想試，於是連續兩日都嚟呢到食！唔可以話好多料，但份量唔算少，味道唔錯，粉絲好彈牙個飯嘅精髓就係個辣醬，加左辣醬後食到只有辣味，味道較淡，建議加啲豉油食會好啲同一個飯，攪拌左後個樣好吸引食落都似係韓國食個啲壽司，所以味道幾好以為部隊鍋配麵，點知原來配飯😅材料有司華力腸，香腸，豆腐，翠玉瓜，泡菜，午餐肉，金菇！如果迷你嚟講其實都好足料，湯底好明顯係辛辣泡菜湯，辣辣地，唔知係凍左定點，食到底有少少鹹

荃灣的晚上，慢慢散步到了遠離主要街道的地方，走進了屋邨的地方，發現了這一間韓國餐廳。又正好最近較少吃到，所以便要來試一試了。餐湯，感覺很中式，是西洋菜豬骨湯。味道很有住家的感覺，略帶點點的咸味。飲品有一些韓國的特式飲品，而我則選了梨子汁。清清甜甜，非常新鮮的梨子味道。到了主菜，是牛仔骨配飯。韓式的牛仔骨是非常出色的，肉質軟淋多汁，而且骨位的筋也非常容易咬掉。醬汁甜甜咸咸的，十分開胃。更重要的是有9塊的牛仔骨，價錢是十分超值啦。

在朋友家樓下享用這間韓正屋餐廳，記得時間為七點正，客人已經不斷湧入店鋪。而眼看餐牌上的菜式有多款選擇，而且價格合理，難怪那多家庭會光顧。先叫左韓式壽司，一大碟都是只三十元內，而且份量正正就適合一位女生午餐或晚餐了。外邊的紫菜卷仍然保持脆口，更可以緊緊地包著壽司。壽司內有菠菜、卷蛋及蘿蔔絲，配菜味道清新，可以大大增加食慾。韓式泡菜煎餃子，餃子經過煎後都不會有過多的油份，起碼不會吃到啖啖油份。餃子煎得非常香脆，而餡內覺得是豬肉，因為口感跟泡菜不一樣。不過餃子是可口又香口，非常開胃。再來頗有名的鐵板燒牛仔骨，份量都很多，基本上一位女生都是沒有可能吃完。牛仔骨香噴噴，而且肉味頗重，跟平日燒烤吃的是不同的。牛仔骨彈牙有嚼勁，不會過熟。不過脂肪比例都不少，令到肉質的比例就較少。而且牛仔骨經過熱烘烘的鐵板燒烘著，令到牛仔骨後期滲出過多油份。建議大家先疊起牛仔骨，避免過多油份出現。最後喝一口補湯，就是人蔘雞湯。雞肉很軟腍，輕輕一拆就已經拆開雞肉了。雞肉肉質嫩滑，不會有粗糙情況，不過拆到雞隻深處，就見到雞肉近骨位置有點紅，有點生的感覺。但整體雞肉都是熟透的，大家可以放心。而人蔘雞湯濃郁又沒有味精，可解渴

成日經過呢間餐廳，都幾多人食，就試下先，叫左個板燒飯牛仔骨，據聞呢到牛仔骨相當唔錯，果然相當ok,牛仔骨本身相當淋口，d汁味亦唔會過濃，影響左牛仔肉既味，一個人既份量亦相當足夠，下次可以再試其他野

講起韓式美食，除左一般人諗起既泡菜，石頭鍋，豆腐鍋 (以及新興的啤酒炸雞)等等，其實還有一樣野是我十分鍾意食的，就是韓式粉絲。 所以今天見到有韓式炒粉絲，就即刻喊左一碟。而我個極度鍾意食雞翼既細佬，就喊左一碟煎雞翼。再喊多個牛肋骨煲，就是我們今天的午餐。炒粉絲望落去，並不是十分鮮艷吸引，但鮮黃的蛋絲平添幾分顏色，食落去，首先好重要的當然是粉絲。菜名為水晶粉絲，食落果真非常滑溜，而又帶點彈性，沾滿的醬汁微咸惹味，咀嚼的時候，可以食到脆脆的洋蒽和椰菜，中間夾雜的蛋絲和牛肉碎加了幾分香味，算是錦上添花吧，因為我平時食韓國粉絲，只要粉絲好味已經贏左大半，依度加左唔少配料，不過我仍然最欣賞佢既粉絲。作為粉絲控既我評鑑完，就輪到雞翼專家，即係我細佬，去進攻黎到既煎雞翼。其實出面食到既雞翼，多數好難伏，但判斷好唔好食，通常都係睇佢是否皮脆肉嫩，煎雞翼表面金黃，有微焦，望落去賣相唔錯。食既時候頗燙口，應該是新鮮煎好的，外皮微微焦脆，內裡不乾，雞肉頗嫩，ok la ，未到超級好食，但都係有水準既雞翼。食完兩碟野既我地尚未全飽，依個任務就落在牛肋骨煲上，意外地依個煲都幾大份，裡面有幾大塊牛肋骨，翠玉瓜，芽

係一個舊屋村，竟然有間韓國美食，價錢又唔算貴，當然要試下，就叫左個炒粉絲，泡菜年糕豚肉拉麵，粉絲係有肉碎，雲耳，一齊炒，味道不錯，不會太淋，軟硬適中，有口感，拉麵都不錯，豚肉不算太韌，夠晒味，有麻油香味，正

第一次食韓正屋，一入到去環境不算好靚好舒服，坐位亦不叫十分舒服。但侍應姐姐好好禮貌，亦會向食客提議有咩好食，抵讚！今餐總共嗌左4樣野，埋單$242，價錢屬中等。4樣食物當中，雜錦海鮮年糕湯拉麵正是侍應姐姐推介！先講柚子豆腐沙律。呢個冷盤係我今餐最為鍾意嘅其中一個！簡單嘅凍豆腐加上柚子醬，酸酸甜甜極開胃，配上青瓜同紅蘿蔔絲令到口感唔會得「淋治治」！身為芝士迷，見到第二個石頭芝士豬肉飯真係不得了！ 滿滿嘅芝士鋪係面頭，作為芝士迷真係睇見到流哂口水。可惜入口味道差咁啲。味道極淡，比沙律更淡，稍稍失望！第三道餐廳推介嘅鐵板燒牛仔骨正是今餐highlight!牛肉又林又入味！鐵板上睇住牛肉慢慢變熟，啖啖熱辣辣真係好滿足！跟餐送上白飯同海帶湯，都只係$98，真係勁抵！最後一道由侍應姐姐推介，雜錦海鮮年糕湯拉麵。味道不過不失，湯味冇乜驚喜，同一般韓式拉麵冇太大分別。反而，海鮮不錯，蝦比想像中彈牙鮮甜，為平平無奇嘅拉麵加好多分！總括黎講，牛仔骨同沙律必食！

很久沒有到過褔來村海灞街這邊了, 雖然看起來這邊仍是較老化的地方,但也靜靜地起了變化, 很多讀書年代的小店已經不存在。這天下雨實在下得很大, 所以我們就沒有再行遠一點, 回到熱鬧的路德圍搵食, 就試了這間在七時已差不多FULL HOUSE 的韓正屋。可能這兒主力都是做街坊生意, 沒有太多裝修, 而且枱與枱之間的空間也不多。坦白說, 我又不介意這種無裝修的平實小店, 只要食物好吃就可以了, 又不是來食肆吃裝修材料的。看餐牌這兒的食物確是比一般韓式食店便宜, 約四十元就有一個飯或湯面。兩口子其實約一百元也可以埋單, 和去快餐店差不多, 難怪未夠七時就差不多座無虛席。不過我們這些心多有大食的人還是點了一個二人晚餐。不夠十分鐘, 整個套餐的食物已經全部送上, 效率十分高。韓國餐又怎能沒有涼菜呢? 餐中自選的兩款我們揀了涼拌菠菜和韓國海帶。味道清清的, 沒有常見泡菜那種酸辣, 不吃辣的人士之選。海帶就有點醋醃過, 爽爽地帶點微酸, 也OK的。但菠菜就真的有點像白灼了......這款韓式燒牛仔骨份量都幾多, 以韓式燒汁醃製, 所以帶少少甜。牛仔骨也算易處理的食材, 只要調味和煎的時間掌握得好, 很

黎到喊左個二人餐，包括有前菜，人蔘雞湯，一碟鐵板肉(揀左牛肉)，同埋石頭飯(揀左雞肉)。仲有野飲。前菜冇影相，係泡菜同涼拌菠菜，我幾鍾意泡菜，爽脆得黎味道鮮辣，味道正宗。人蔘雞湯真係估唔到佢係成隻雞，係足料之作。雞入面包住紅棗，糯米，人蔘，係正宗做法，令湯更加鮮甜綿密，飲一啖相當暖胃，味道很鮮甜，有陣陣蔘味，令人十分滿足。接下來我地食石頭飯。其實食石頭飯都係為左食飯焦，依個鍋底夠熱，所以好容易就整到。飯焦既乾脆焦香，同埋熱嫩的雞肉，芽菜，翠肉瓜等一齊食，充滿住食石頭飯既滿足感。鐵板牛肉都幾多，同埋有少少洋蒽令佢味道更香，食落幾嫩，十分入味，而且有鐵板的滋滋熱力，真的幾好味。十分下飯，不過食到依度，我地都幾飽，所以冇食哂啲飯。環境幾闊落，唔會好迫，食既時候都幾舒服，食物質素唔錯，特別鍾意個人蔘雞湯。

想講一講依度既小食，依排就食左沙律配炸雞。佢既份量都幾大份，炸雞就預左係三四塊大塊炸雞，不過沙律就比expectation中更多。點解喊依個沙律配炸雞呢，有兩個原因，第一個原因就係，覺得炸雞會油膩，所以有沙律配搭埋就中和番。第二個原因係，我自己比較有食炸雞既quota (不要誤會我讚緊自己瘦，雖然實情我真係好瘦)，我個fd就唔多有quota(同樣唔好誤會。。。。)，甘叫個炸雞配沙律，大家就可以就住黎食。炸雞，當然係趁熱食。嗯，很炸得很脆，炸漿不是很厚，薄薄的咬破後，便是啖啖的嫩滑雞肉，滾熱的汁液浸透牙齒，質素不俗。食左一塊，都順便食少少沙律中和下，佢唔係用普通沙律醬，而係有少少芥末醬，唔算辣，微辛的感覺不錯，和新鮮生菜同吃頗為可口。當然，沙律是手段，炸雞是目的，我好快又食埋第二塊炸雞，此時感覺肚都飽左一小半，跟住好有義氣甘將沙律推比我親愛既朋友。

如果以為荃灣只有大鴻輝, 咁就真係錯晒！話就第一次泥福來邨, 發現左好多正野, 日, 西, 韓都有齊, 於是就揀左間韓國菜試下點了板燒飯牛仔骨, 牛仔骨都幾嫩滑, 而且每啖都好juicy, 唔係煎到乾柴咁既, 另外, 個飯面有紫菜配搭, 不過其實個飯無乜汁有少少乾, 但因為塊牛仔骨都好香口, 所以都唔大問題既另外朋友點了韓式炒粉絲, 係韓國食過一次, 估唔到呢間都唔錯, 首先係熱炒的, 分別有牛肉粒, 木耳, 蛋絲....而且都好入味的 咸度適中, 而且每條粉絲都好爽口

薄餅控既我地，見到個餐牌有韓式泡菜煎餅好似幾吸引，就喊左一碟。有點沒想到，他上碟的時候，是鐵板上枱，於是還散發著絲絲的熱力，我地將煎餅切開，一試之下，覺得微微焦脆，餅底煎得甚香，內裡有滿滿的泡菜香味，但不會太辣。我地兩個食野都比較慢，好在煎餅係鐵板底，所以食到最後個熱力都KEEP到，幾鍾意依種做法，滿足到我地慢食一族既需要。食完煎餅，我地又順便share 埋一份鐵板燒牛肉餐。鐵板牛肉上的時候，可以見到汁仲微微沸騰緊，有一陣洋葱香，比人滾熱的感覺。夾一塊牛肉黎食，煮得幾嫩同入味，而且佢份量幾多，有左薄餅打底，到最後都驚食唔哂。最緊要有一碗飯可以撈汁食，到最後兩條友都食得幾飽。今日食左兩樣野都幾好食，尤其個種新鮮滾熱辣既感覺格外令人滿足。比個讚: )

喊左個傳統石頭雜錦雞肉飯。除左主食之外，還有兩碟前菜附送，可以先頂住肚先。兩個前菜分別係涼拌芽菜和涼拌菠菜。水準還好，兩者都十分爽脆，口感冰涼，唔會似出面食開涼拌但實情係微溫。我個人鍾意食芽菜多啲，貪佢質感夠脆，而黃豆咀嚼時又甚香。食左前菜，其實令我更肚餓。每當侍應行過，我都好侵略性甘望下佢係米遞野比我。不過我好快就有得食，當石頭飯擺左上枱面既時候，我第一時間去享受用鐵匙去炒勻餸菜同飯既快感。當芽菜，雞肉，醬汁融為一體既時候，啖飯已經入左我個口。一食落去，最明顯既就係石頭飯既熱力，無論係炒得略乾身既飯，開胃的醬汁，定係嫩滑大條既雞肉，都飽含住石頭鍋既澎湃熱力，食落去非常既過癮。雞肉份量幾多，幾入味，飯同配料一齊食既時候質次豐富，味道恰好，整體來說水準不錯。

今日同細佬特別肚餓，於是叫左個餐，有人參雞湯，一碟鐵板燒肉，同個飯。個餐一開始有前菜食，涼拌芽菜同菠菜，細細份，但幾爽脆開胃，不俗。人參雞湯是二人份量，意外地真係原隻烹煮，雪白的雞置於滾熱的湯中，陣陣蒸氣冒出，感覺非常之足料。試飲一啖，味道濃郁，很是鮮甜，有恰到好處的參味，可見是足料熬煮過，相當好飲，如果有埋豉油食湯渣，可能配下飯都夠飽。我地叫左既係鐵板燒牛肉，個碟不大，但牛肉堆得頗高，肉汁中有條條洋蒽，煮得甚爛。牛肉係嫩，味道不俗，同洋葱一齊下飯感覺不錯，有啖啖肉既滿足感。石頭飯我地揀左雞肉，裡面還有黑木耳絲，芽菜等配料，幾豐富，和醬料拌得徹底後，仍然好有溫度，食落味道唔錯，雞肉嫩滑，醬汁幾香，食得十分爽快。