漢和韓國料理

Open Now

Now Closed

去觀塘漢和係第一次，入到去眼見12:00入座人數不多(可能星期三係閒日啦)，之後服務員好快就帶左我同bf入座入到去就樣樣都試下咁啦~咁一開始有拎前菜(芽菜， 青瓜，泡菜等)醬油只有兩種，個人覺得都ok啦~前菜中覺得芽菜幾入味同爽口， 青瓜覺得普通既。夾好哂野食就坐抵啦，食到途中想換個爐~服務員都好快手地換左，態度甚佳！冇西口西臉，冇唔理人既情況出現(≧∇≦)食物中覺得雞肉係幾滑，其他都冇咩特別😂到甜品方面~~我試左：人參雞湯，似渣渣既、雪梨湯水同碗仔翅，當中人參雞湯，碗仔翅係幾好既。人參雞湯好重參味亦整得好入味，飲番碗真係值回票價。碗仔翅入面好足料， 淡淡都有料，係幾正既！仲有啲果凍，芒果布丁，椰汁糕同桂花糕。呢四樣都係放得過多魚膠粉，四樣中桂花糕叫好啲！Ps~ 觀塘漢和愈坐愈凍，建議男男女女帶件嬲去唔好凍親

太耐冇嚟觀塘, 完全唔同哂, 我連多咗呢座大廈都唔知, 唔係朋友話嚟呢度食, 根本唔知原來呢度好多嘢食~ 呢度韓燒限時1個半鐘, 其實真係唔係好夠時間, 又要出去拎, 拎完返嚟又要燒, 我地又啱啱4個人, 如果有5個人, 就可以2個鐘, 多半個鐘應該會好好多, 唔駛好似打仗咁, 拿拿聲走每樣執d生嘢返嚟燒住先, 再拎d熟食頂住肚先~可供燒烤食物種類都算幾多, 不過其實來來去去都係豬肉、牛肉、牛仔骨、雞肉、牛舌、魷魚、墨魚仔、脆皮腸、廚師腸、魚柳、生菜、金菇、南瓜、茄子、洋蔥、粟米等等, 同其他韓燒都係差不多~至於熟食, 除咗韓式前菜同沙律之外, 唔知係咪新年, 有d煎堆仔、蛋散之類的食物, 魚生、壽司都有少少, 另外仲有d炒菜、炒蜆、炒飯、立立什什咁啦~ 都冇細心去睇, 因為唔太吸引~湯類, 見到有兩煲, 其中, 煲應該係人蔘雞湯, 朋友話冇乜蔘味, 另一煲有試, 唔知係乜?飲品雖然有4部機, 但其實係重覆的, 只有豆漿同酸梅湯兩款, 汽水同啤酒要收費, 唔似人地果d任飲咁抵~甜品/糖水都有好幾款選擇, 好似好吸引, 但因為食得太急, 飽到唔想食, 只係試咗個喳咋, 唔會太甜, 都幾好

星期二 同同事去見完客就諗住午餐食豪小小見佢又想食燒肉所以就去公司附近的漢和食個燒肉lunch $130 任飯任食 都算係咁上下漢和燒肉唔算係大fit中規中矩啦款式都算係多雞 羊 牛 豬 魷魚都有齊最中意係呢到的羊肉十分新鮮另外除左有燒肉都會熱食提供呢個安排都唔錯唔洗淨係食肉可以食下糖水甜品食下湯

依家係觀塘搵食…其實都多左好多選擇…今次就發現呢間無限時任食lunch buffet...野食方面好多選擇…有粟米，生菜，蕃茄仔，青瓜，菠蘿，西瓜，橙，火龍果，薯仔沙律等...沙律唔夠凍…沙律醬只得奇妙醬同千島醬…蕃茄仔就唔多靚…水果方面…西瓜唔夠甜…橙同火龍果都ok...壽司得一兩款…無sashimi...只屬一般…啫喱糖，泡菜，芽菜，魚仔乾，桂花糕，椰汁糕，燉旦等…不過不失啦…煎堆，紅豆餅，饅頭，薯條，糯米糍…趁熱食都還可以…凍左就麻麻…饅頭仲無錬奶配添…炸魚，煎餃子，椰菜等…凍哂…炸魚皮，春卷，炸多春魚，炒粉等…基本上好多熟食都無保溫…所以味道大減…至於生既食物…都係一般既豬牛雞魚魷魚腸…醃味較濃…得咖哩同义燒醬味…有d肉切得比較碎濕濕…雪糕係牛奶公司出品…有3款味…要解渴既話…飲品只得酸梅湯同豆漿…湯類有蓮藕湯，人蔘雞湯…糖水有紅豆沙，雪耳雪梨糖水，涼粉…豆漿都ok...湯都有d味既…糖水就好淡…基本上如果主打係燒物方面係ok既…其他就比較一般…不過以加埋一每位150黎講…無限時任食就算係咁啦…係大食既食肉獸一個好選擇啦…

有朋友係大陸番左泥係旺角搵左好耐都唔知食咩好所以決定食以前成日食既韓燒由於太多人 係門口都等左一段時間都幾多野揀可能係太耐無食以前唔覺有咁多三文魚以家有好多 所以都忍唔住拎左幾件番泥試仲有三文魚壽司 但D飯有D熱所以我都係食刺身多 如果食得多飯就食唔到其他野 哈哈味道就不過不失啦始終泥係食韓燒嘛每次燒都一定要係牛肋骨牛肋骨好香 好有咬口朋友鐘意食豬扒 所以都拎左D比佢仲有食左雞扒 腸仔呢D成餐飯都係開心既但職員好快泥熄我地爐話夠鐘唔好再燒同埋要我地埋單明明仲有20分鐘咁早叫我地熄爐真係有D過份實在有D唔公平

有朋友係大陸番左泥係旺角搵左好耐都唔知食咩好所以決定食以前成日食既韓燒由於太多人 係門口都等左一段時間可能係太耐無食以前唔覺有咁多三文魚以家有好多 所以都忍唔住拎左幾件番泥試仲有三文魚壽司 但D飯有D熱所以我都係食刺身多 如果食得多飯就食唔到其他野 哈哈味道就不過不失啦始終泥係食韓燒嘛每次燒都一定要係牛肋骨牛肋骨好香 好有咬口朋友鐘意食豬扒 所以都拎左D比佢仲有D奇怪野既例如碗仔翅 但朋友食完覺得無咩味所以我無拎比自己仲有食左雞扒 腸仔呢D成餐飯都係開心既但職員好快泥熄我地爐話夠鐘唔好再燒同埋要我地埋單明明仲有20分鐘咁早叫我地熄爐真係有D過份而且隔泥枱都係同我地一齊入泥淨係熄我地呢邊實在有D唔公平

真係好多年冇食過韓燒，年紀大了，新陳代謝減慢，食嘅時候好過癮，食完要減返就唔係咁容易了，何況咁熱氣，上次已經係8年前嘅事了。最近阿媽返咗黎香港，我老婆之前又冇食過韓燒wo，適逢其會，我地3大1嫩，就去過癮一次吧～ 今日嘅目標係觀塘APM旁邊，One Pacific Centre 9樓嘅老牌韓燒連鎖店【韓和韓國料理】了步出升降機，當堂眼前一亮，【韓和】兩隻大大發住紅光嘅招牌出現喺眼前，配合乾淨得發亮嘅黑色玻璃反光幕牆（其實係黑色牆磚外加大幅強化玻璃），真係氣派非凡！令人眼前一亮啊～角落放住一個廣告易拉架，各分店嘅地址電話，營業時間，分段時間收費等等資料都清清楚楚咁列明，簡潔易明～ 今日係禮拜三午市時間，係最實惠嘅時段步入正門，置于眼前嘅係食物擺放角，三張超過10米長嘅深灰色長檯平衡擺放，碗碟調羹等等餐具亦簡潔地安放喺長檯面下方櫃格入面。高樓底嘅假天花配合上圓形嘅巨型燈罩，非常地有時代感，同時極具派頭！ 真係有啲懷疑我係咪入錯星級酒店嘅西餐廳 喺我依然身處迷幻當中嘅時候，禮貌嘅侍應小姐就引領我地入座了，相信因為帶有嬰兒手推車嘅關係，當時餐廳只有大約3成滿嘅情況下，我地依然被安排坐喺全餐廳最

羊年來臨前的最後一個Friday lunch,當然要出外慶祝一下，和同事們也曾經來過這裡，覺得幾好食今次再來。這家韓式燒烤自助，個人覺得好過漢陽苑因覺得食物擺放得好整齊，分類清楚款式又多，飲品有酸梅湯和豆漿，酸梅湯足味不淡喵喵和bbq肉食很夾很開胃，有多款雪糕甜品有稍為淡味桂花糕，有齊粟米芊頭西米，不太甜有椰汁香味嘅泰式椰汁西米糕，而芒果布甸則太稀了。肉食標示牌很清楚，每種肉食總有幾款味道，就是雞翼有黑椒有辛辣有原味好多選擇，魚塊很厚肉又夠滑。熱葷有豬腳薑，假魚翅，中式，韓式例湯又有很多前菜可供選擇。環境方面喜歡這裡樓底夠高，空氣可以流通的快，有很多坐位都是窗口卡座，遠眺可看到還在重建中的觀塘，感到是另一種的悠然自得。

曾經晌觀塘打過幾年工，有一班以前晌製衣廠做過嘅老友，我哋久唔久都出嚟食餐飯、聚一聚，由於當中大部份人都住晌九龍東或港島東，為就大家方便好多時候都揀嚟觀塘搞局，每次都有有心人負責搵地方，小弟次次都喺坐享其成，今次晌「漢和韓國料理」嘅飯局，亦無例外，多謝晒Pammy姐！漢和韓國料理都有數間分店，分佈晌唔少搵食旺區，如銅鑼灣、旺角、荃灣、觀塘等等。因為舊同事話晌度食過唔少次，有晒攻略，佢話最抵就星期六、日嚟食晏，任燒、任食、任飲，由11:30am食到4:00pm，都只喺$118+10%。其實夜晚都唔貴，不過，有時限，食得無咁輕鬆。此外，唔喺咁大食，又或唔想花咁多錢，仲有啲午市精選韓式定食，$40-$72，包前菜、餐湯，另加$5多杯餐飲。環境裝修比較摩登闊落，而且乾淨企理。每張枱都裝入嵌入式韓式烤鍋，由於烤鍋採用下抽式抽風，爐邊已有抽風位，所以，一來唔太煙，二來成個場都唔覺太大朕油煙味。近門口就架設幾組食物枱，食物放得琳瑯滿目，有生有熟，等小弟逐組介紹有咩好選擇。最近門口一排，一邊放有韓式前菜、沙律吧，另一邊放有甜品及生果，一頭一尾喺糖水及雪糕。韓式前菜有唔少選擇，如蘿蔔、芽菜、白菜仔、木耳、

之前已經聽朋友講這間韓式BBQ任食d野好得，食物仲好多款式，而且環境乾淨，所以今晚特意來排隊。3張擺食物的長枱對正門口，我試下憑記憶寫番有d乜食品，第一張枱有2款雪糕丶大約6-8款泡菜及醃菜丶韓式魚仔丶醃青瓜丶粟米粒丶蕃茄仔丶菠蘿粒丶提子乾丶2款沙律醬丶涼粉丶蕃薯糖水丶紅豆沙丶啫喱丶生菜。第二張有3款例湯丶韓式煎薄餅丶薯條丶煎餃丶炸三文魚丶豆沙鍋餅丶多春魚丶雞翼丶小煎堆丶小年糕丶豆腐花丶白飯丶炒飯丶灼蝦/炒蜆丶炒菜心丶豬腳薑丶炒豬頸肉丶楜椒豬肚湯。第三張枱係各款生肉(睇相片)丶豆漿丶酸梅汁丶sushi及三文魚。今次生肉我試左牛肉丶牛仔骨丶牛舌片丶豬扒丶魚柳丶芝士腸丶雞肉腸丶醃左味的冬菇，其實豬丶牛丶雞肉都有好多唔同味醃制，d肉唔會醃得太咸，牛肉丶牛仔骨醃得真係好好味，全晚不停encore，牛舌片就麻麻地，豬扒都醃得好味，魚柳好厚肉，不過好易痴底，芝士腸丶雞肉腸和醃冬落都好正。泡菜和醃菜我覺得除了雲耳，其他都好一般，韓式魚仔好好味。三文魚新鮮。值得一讚係豬腳薑和豆腐花好好味。雪糕都好正，不過得2款味就少選擇。煎餃丶煎薄餅丶多春魚放番向爐上面燒熱食係好好食。炒飯丶灼蝦都好味，炒蜆就一般。D

香港地, 搵個自助餐或者地道韓國菜, 想食餐勁既, 閑閑地二三百蚊上落, 所以黎食呢間lunch韓燒真系一個好選擇. 再講, 曾經去過韓國, 專選擇地道野食既我地, 就好記得食過當地韓燒, 唔駛每個人HKD70, 食物質素相當唔錯. 呢間lunch韓燒無論價錢同質素可以比得上韓國, 雖然無左D local泡面, 而且泡菜無咁好味, 但系味道更貼近香港人口味, 例如甜品有豆花, 涼粉, 糖水, 雪糕. 也有更多Salad 既款式, 感覺更清新!首先緊系燒左D肉先, 我地就覺得已經有配汁既雞肉就最適合韓燒. 雞肉燒起來會漲起, 食落更有口感, 本身已有既配汁也會更刺激味蕾.比起雞肉, 牛肉就較適合打邊爐!大概食完一輪燒肉後, 就可以叫waiter換一換塊鐵板, 因為下一步會燒D連我都估唔到既野!唔系豬女教落都唔知, 換塊鐵板既原因竟然用黎番煎D熟食! 我地試左薯條, 蔥油餅, 煎堆, 炸魚皮, 其實唔駛再落油, 都可以令到食物更香口, 相信平時系街唔會食到咁香口既炸物!最後更系食番D Salad 同甜品, 感覺飽得黎無咁膩! 下次大家食韓燒時可以試一試呢三步曲!

今日一起身就好想食韓燒平時去食韓燒多數去景褔宮但今次想試下開左一排既漢和成人每位$108（星期六、日及公眾假期另加$10）設加一服務費燒嘅食物種類多元化，亦有辣或不辣供選擇肉類醃得好入味，唯一不推介羊肉，因為帶有蘇味特別堆介魷魚，因為好惹味而且一啲都唔難咬熟食方面亦有好多選擇，當中包括：壽司 韓式炒粉絲 炒飯 豬腳薑 碗仔翅 例湯 薯條 炸饅頭 沙律 炸三文魚 煎餃 韓國前菜（豆芽 白蘿蔔 魚乾等）甜品方面:雪糕 涼粉 糯米糍 糖水 豆沙鍋餅 年糕 南瓜餅 啫喱糖 桂花糕 豆腐花飲品有豆漿同酸梅湯總結：食物種類多元化，味道亦不錯，地方寬敞乾淨，服務不錯，值得一試

落機翌日如常上班，確實很累，但好友相約看電影，又買了很多手信給他們試吃，所以幾累都要赴會呀！不知是否天氣寒冷，間間火鍋店都爆滿，等位無了期，見同一食廈9樓的連鎖集團韓燒不用等，故不用考慮就衝入內了！餐廳佔了整層，地方很大，座位不少，我們被安排到近窗的8人枱(兩個爐)，跟其他陌生人分爐而坐。食物區就在餐廳正門入口，分生﹑熟﹑壽司﹑甜品4區。放熟食及甜品的枱很大，每張枱的大小足夠坐20人吧，所以食物款式勁多，好味的有我至愛韓式炒粉絲﹑炸薯條﹑炸薄脆，另外有豉椒炒蜆﹑豬腳薑﹑豬紅豬腸蘿蔔豆卜鍋﹑泡菜﹑炒雜菜﹑煎魚﹑豆沙鍋餅等等，湯還有胡椒豬肚湯，甜品則有雪糕﹑啫哩﹑生果等，由於我勁吃燒肉，所以沒留意還有什麼甜品呀！生料雖然都是大路的豬﹑牛﹑羊﹑雞﹑魚﹑魷魚，但每樣款式/調味都多過一款，如豬肉有叉燒醬豬扒﹑普通底料(糖油鹽豉油)醃的豬肉片﹑還有我最愛的五花腩。牛肉有牛仔骨﹑肥牛﹑醃了的薄牛片。雞肉一樣有咖哩醃的，也有底料醃的。(還有很多很多...)最好味的當然是五花腩啦！燒久一點油脂甘香，不會覺得肥膩，如果厚身一點更佳！同樣，這裡雖然沒有未經調味的牛肋骨，但其肥牛竟然夠牛味，燒完有點像五花腩的

觀塘區以往都係得一間老牌韓燒店，質素麻麻，難得今次開左間新野，就立刻打去訂位，去到好多人等緊位，我地就等5分中就入得個場好大，生熟食物都多，放得都算整齊而且乾淨， 普遍野食都入味，推介西冷肉同埋雞脾肉，肉味濃而且嫩滑熟食都有好多選擇，炸薯條，炸三文魚，炒粉絲，春卷，餃子，各式泡菜，沙律等等 仲有碗仔翅同人蔘雞湯最正就係三文魚刺身同壽司源源不絕供應當然唔少得仲有甜品同埋雪糕，除啫喱糖外，其他都唔錯。總括黎講 咁既價錢絕對抵食，不過限時個半中，而且現場極嘈，絕對唔岩想一路食一路傾既朋友

由於無食早餐，喺樓下見到一個價錢任食就諗都無諗就入左去。因為周末既關係，lunch time 要加$10到$108，不過見佢offer既食物種類都好多就算啦！基本上都係D大路野，生肉、熟食，壽司同酸梅湯、豆漿等等任食任飲唔在講，重有雪糕同埋生果任食添！正如其他人所講，韓燒既肉醃左之後真係好難會唔好食呢！而熟食方面既offer亦都非常之多，有炸野、韓式炒粉絲、炒菜、碗仔翅之類，雖然質素方面都係預左只係一般貨式，但絕對收貨。而亞姐既服務亦都好有heart，食到一半叫佢換塊板都冇求其hea你，抵讚！Overall整體感覺比想像中為好，而坐位亦都叫做舒適，雖然差唔多全場爆滿，但野食都refill得好密，絕對值得再encore！