本

Open Now

Now Closed

今晚相約朋友相聚，黎左e間cafe傾下計食dinner ☺️餐廳裝修好別緻，座位以沙發椅為主。坐得都幾舒服🤗黎到cafe緊係要點下佢嘅招牌飲品同餐點喇🥰🌸夜市粟米棒E款小食都係第一次試，粟米用牛油烤得香香，加埋秘製嘅燒汁醬，味道好有層次😋粟米切開左，好容易食👍🏻🌸醉烤三黃雞三黃雞一上枱已經香噴噴有酒味，雞肉口感嫩滑又唔油膩，入味帶酒香👍🏻🥰旁邊仲有唔少烤蔬菜☺️🌸蟹皇蟹肉意大利麵意粉沾滿蟹肉蟹皇嘅味道，好鮮味😍蟹肉嘅份量都幾多😋🌸法式多士多士好香，有鮮奶嘅味道，個面香香有焦糖味😍仲有乾草莓🍓配埋Cream 一齊食口感更好🤤🍫朱古力奶泡味道好香好濃上面有奶泡拉花🤭同香香棉花糖☺️🍓士多啤梨乳酪沙冰沙冰有香濃嘅士多啤梨🍓味，因為餐廳真係用左士多啤梨果蓉去整🤓

🌽夜市粟米棒 $58粟米已經切成一片片帶有墨西哥香料味之餘又唔會搶過粟米嘅香甜配搭燒烤醬鹹鹹甜甜好惹味🍟明太子醬薯條 $58薯條偏粗身 即叫即炸外皮香脆又食到薯蓉軟軟糯糯嘅口感明太子醬份量都好適量 鹹味突出帶微微辣🥃醉烤三黃雞 $168上菜時會提供手套 一人一對可以盡情咁同朋友用手撕開雞件超級熱辣辣要用刀叉輔助先可以切開!雖然大大隻雞但係食到全隻雞都有均勻嘅花雕酒香味而且雞肉嫩滑有肉汁配菜有啲玉米筍同埋翠玉瓜 同樣好juicy🍞法式西多士 $48店員超級細心幫我哋安排咗後上聲稱用雞蛋牛奶浸咗一日中心果然超級軟稔而且有濃濃嘅蛋香味 邊邊位就煎到好香脆加埋蜜糖 忌廉同埋焦糖餅乾脆脆味道香甜🍊鮮果茉莉花茶 $48揀咗走甜走冰 有檸檬 橙各一片同埋細細粒火龍果茶底味道天然帶微微回甘 感覺好天然又可以解膩🍫凍朱古力奶泡 $48

觀塘工廈樓上食肆林立, 競爭都頗為激烈,要突為而出,食物質素,餐廳環境都要stand out先可以累積口碑！Honbu 本  實在是該區值得推介餐廳！餐廳走簡單工業風,環境闊落舒適, 除了有室內位置, 還有室外空間, 感覺好relax!重點係食物質素高,味道有驚喜,絕對可以book mark係我既回頭list上面呀！ 🔮夜市粟米棒 這個粟米棒簡直就是餐廳必點小食之首,廚師選用超甜粟米,再加上自家秘製蜜糖燒汁,燒到外面有少少焦燶,上面淋上sour cream 和蔥花,賣相已很吸引;廚師將佢一開四變成細條狀,好讓客人好完整食到每一粒；自家製的蜜糖燒烤醬非常惹味香口,加上甜粟米清甜多汁,有食完一件再想食下一件的感覺,而且份量也不少，不得不給這道菜一個大拇指呀！👍 🔮醉烤三黃雞   這道菜可以說是餐廳的signature dish,目測差不多每台都有點這個菜.說實話這道菜我們的評價非常之高;三黃雞先調味再以花雕酒浸過夜,所以非常入味,上菜時有聞到微微我酒香,廚師掌握焗雞的火候及時間非常精準,雞皮香脆,雞肉質地非常鮮嫩,撕開的時候,清楚看到入面的雞汁慢慢流出來,非常惹味又juicy,雖然是整隻雞

/本🇭🇰/#sa觀塘篇 ➖➖➖<Boon 姐妹店❤️觀塘工廈cafe x 西餐>➖➖➖每次黎到觀塘都覺得幾多餐廳選擇😆Bookmark 左boon 都一段時間不過今次去左honbu 先 就腳少少有機會再去boon 食埋❤️下次希望食到個french toast 🤩雖然係工廈入面 不過入到餐廳幾乾淨企理過左peak hour 較清靜選擇種類都多 而且份量十足有室外室內位置👍🏻採用QR code 落單➖➖➖1️⃣明太子醬薯條 $58無論係明太子醬定薯條 份量都幾多薯條夠粗身 啖啖都會食到明太子😆明太子微微辛口 係幾惹味不過會有啲啲滯😛➖➖➖2️⃣夜市粟米棒 $58 🌟相對較輕盈嘅一道前菜🤩見到相嘅時候已經好吸引～粟米夠juicy 香甜 加埋秘製燒烤醬唔太膩～唔錯👍🏻 仲有款係芝士味➖➖➖3️⃣醉烤三黃雞 $178 🌟無切雞服務 不過店員會提供手套 夠貼心😆三黃雞即叫即整 拎上手仲係熱辣辣要放陣先雞肉用上花雕酒調製成醃汁 所以都食到少少酒味😆整體來講幾高質～ 肉質嫩滑切開真係好多汁咁流晒出嚟🤩製作需要少少時間～大概20分鐘 ➖➖➖4️⃣ 大頭蝦干燒忌廉醬意大利麵 $148 同menu 比意粉嘅色

🔸大頭蝦意大利麵🦐 $148 7.5/10醬汁酸酸甜甜, 帶有濃郁嘅蝦鮮味, 好味😋大頭蝦的蝦膏好香, 亦有3-5隻已剝殼的蝦肉質爽口彈牙👍🏻👍🏻🔸醉烤三黃雞🐔 $168 7.5/10❗️必點三黃雞❗️一上枱已經有好濃郁的酒香味👅餐廳用酒浸足三日三夜, 難怪咁入味🤤🐔烤得啱啱好, 肉質嫩滑多汁🥕伴菜: 翠玉瓜同粟米芯, 帶微微烤過的香味😚🧚‍♀️職員會提供手套🧤咁就可以盡情用手食雞髀🍗份外滋味呢~😆🔸凍朱古力奶泡🍫🫧 $48 6/10🟰凍朱古力latte杯上擺咗 個用竹籤串住微燒過的棉花糖, 十分打卡able👍🏻🍫可可味濃, 唔會太甜想甜啲 可以將棉花糖浸入latte 或者咬一口棉花糖再飲啖朱古力😋

呢間餐廳夜晚同班朋友食飯吹水一流，可能因為啲椅都幾好坐？🤣🤣🤣  室內裝修唔算好豪華，勝在舒適順眼。值得一題係佢有個超大戶外位置，夜晚都幾好feel🌳🌿 店員話室內/ 外都可以包場攪聚會，遲啲疫情放緩啲可以諗吓😌📍 鰹魚熟成封門牛柳見到呢個菜式就令我諗起餐廳嘅姊妹店boon，同之前食嘅一樣咁好食！封門柳牛扒本身質素十足，煎到鎖住肉汁，好juicy!📍腐乳吉列豬扒竹炭漢堡漢堡包上枱嘅時候真係令人嘩一聲🤩因為塊吉列豬扒超大塊！豬扒大少少鹹香嘅腐乳味，竹炭包唔止好睇仲幾好食。估唔到呢個組合創新得來又配搭得幾好👍🏻📍法式多士🍞厚麵包浸滿奶同雞蛋後煎香，入口軟棉棉而外皮微脆，配上香甜嘅糖漿、紅桑子脆粒、同埋金寶脆脆，口感豐盛❤️ 絕對係回頭必點項目！📍鮮果水果茶📍菠蘿乳酪沙冰📍朱古力奶泡菠蘿沙冰飲得出新鮮嘅菠蘿味道！非常滿足我呢個菠蘿控🥰 朋友點朱古力奶泡，面頭有燒過嘅棉花糖，非常之打卡able，可惜我唔記得咗影相😂 其實我淨係記得影杯水果茶，sor lo

呢間主打fusion菜 食物嘅配搭幾特別 之前試過姊妹店boon 今次又試下呢間呢間食物選擇相對少 但質素唔差☺️🌽 芝士粟米棒 $58粟米清甜多汁 未食已經聞到好大陣芝士味上面嘅粉有啲似奶粉🤣仲有七味粉呢個配搭幾有趣🫓🍞豬頸肉沙嗲黑麥包 $108堆滿豬頸肉同火箭菜 薄荷葉🍃成個感覺好清新 充滿東南亞風味麥包口感鬆軟 配上濃濃嘅沙嗲醬 兩大塊包 岩晒同朋友share🍟明太子薯條 $58第一次食到咁出色嘅明太子薯條明太子味道超級濃郁💯薯條份量適中🍌🥜🍫Croffle $68自從發現有牛角包🧇後 深深愛上酥脆煙靭 加咗花生醬同朱古力醬 仲有焦糖香蕉 甜而不漏 如果大舊啲更好😍適逢朋友生日 當然要打卡影相留念☕️凍鮮果茉莉花茶 $48淡淡嘅果香味 🥳

環境佈置好靚，雖然當日不開放戶外區，但望出去環境都舒服weekend 3點唔多人，坐得舒服，也沒有趕客食物質素都不錯！法式多士，邪惡得黎好好食燒粟米好fresh 蟹肉意粉，每條麵都掛到蟹肉，雖然份量唔多，但都夠食唯獨地點遠離地鐵和繁華的觀塘老母區，如果大家肯行多幾步，呢間餐廳係唔錯！

因為想試吓d未食過嘅嘢，所以OpenRice search 完book 埋檯，一丁友就去試了。睇餐牌，見大蝦意粉係餐廳推介，咁即管試吓。餐牌上寫隻蝦係越南虎蝦，似乎是重點，果然唔錯嘅，煎得非常之香！肉質甜！不過得一隻就少啲，一啖食咗，碟野裏面另一些蝦是一般蝦仁，不同鏡頭上果隻越南蝦，味道很大差別。意粉軟硬還可以。個汁味道帶點酸，夏天算開胃。杯朱古力泡沫都幾推介的。熱飲夠熱。十分濃朱古力味！濃到有點可可味道，不錯。一共食咗216蚊，唔係平，但係環境好好坐。

觀塘放工約咗friend喺附近食飯見到呢間餐廳啲相好靚即刻book嚟試吓明太子醬薯條超好食薯條又脆明太子醬又香鰹魚熟成封門牛柳好冧好juicy大頭蝦干燒忌廉意大利麵好濃味超好食一定會再幫襯

觀塘出名多嘢食，Cafe都越開越多，全部都好吸引呀！呢間Cafe就主打主食正餐，偏西餐嘅食物，小店食物質素高質吸引，唔係普通cafe嘅嘢食，小食、主食、甜品都有好多選擇！Cafe裝修行木系簡約風格，空間感十足，仲有露天座位！店員態度勁好，會好細心推薦佢哋嘅菜式！------------------------------◖焦糖雞翼◗ $58淋咗滿滿嘅焦糖醬，雞翼外皮好脆，肉質嫩滑，食落甜甜地咁，好似食緊甜品咁！◖炸魷魚明太子黑麥包◗ $108麥包外皮微脆鬆軟，炸魷魚熱但唔係好脆，淋咗啲明太子醬喺面，鹹鹹地咁！個包食落好香，有一陣BBQ味，同伴碟嘅沙律菜一齊食幾flesh！◖蟹皇蟹肉意大利麵◗ $138有啲蟹肉蓉夾雜住，但份量唔係話好多，食落鹹香味十足！意粉好掛汁，仲有粒粒明太子意粉，有口感！◖Croffle◗ $68Croffle好濃牛油味，檸檬蛋白霜喺面，酸酸地嘅檸檬醬，配埋甜甜地嘅蛋白霜，perfect match！可以叫後上，要預返10-15分鐘左右！◖朱古力奶泡◗ $48奶泡好厚好綿密，叫咗少甜，但飲落去基本係唔甜，但可可味超濃郁！上面有粒燒過嘅棉花糖，可以點落杯熱朱

<<觀塘工廈fushion Cafe 🍽️>>上次係觀塘工廈成功搵到間好食日本野，今次搵黎Boon 的姐妹店，走入一間闊落cafe,有室外及室內位。裝修主要木系及有少少乾花擺設。超鍾意佢的湖水綠牆身顏色，仲幻想如果自己有屋企都想用呢隻色🥰.🟥 南乳雞翼🐓 $58 🟧呢個有驚喜喎～不單止聞落好香南乳味，更鍾意連入面d 肉都沾有南乳香氣，但好彩唔係平時死鹹的南乳味。值得讚係雞翼炸得好香口，但保持juicy 肉汁💯好味.🟨大頭蝦干燒忌廉醬意粉 🍝 $148 🟩超濃郁的蝦味醬汁，可能混合咗千島醬，creamy 得黎酸酸甜甜。而大頭蝦都算新鮮，起碼唔係霉爛夠彈牙，d 膏仲好甜添，我哋發覺薯條點大頭蝦的膏都好好食😍.🟦 沙爹豬頸肉黑麥包 🥗 $108 🟪上菜成坐山咁，滿滿的沙律菜，面有沙爹豬頸肉，非常爽口及烤香味，亦唔乾。最開心有花生粒及菠蘿，真係平時沙爹串燒的組合。而最底有黑麥包，好軟熟又甜甜的。不過個人覺得麥包唔配豬頸肉會好食d..⬛ 欖菜醬薯條 🍟 $48 ⬜不得不認餐廳的炸物做得幾好，雞翼同薯條都做到外脆內軟。鍾意粗薯，控制得好好唔太乾/太油。平時欖菜都係撈下

最近見呢間Boon嘅姐妹店Honbu都幾多好評，於是就去試下，環境方面都幾寬落，有埋戶外嘅座位，我地嗰日好早去到，所以未係咁多人夜市粟米棒粟米棒加埋墨西哥風味嘅香料燒得好香，惹味嘅香料配埋香甜嘅粟米係一個好好小食南乳雞翼雞翼外面炸得超香脆，而裏面仲保留雞翼嘅肉汁，而第一次食南乳味嘅雞翼估唔到都好夾大頭蝦干燒忌廉醬意粉大頭蝦已經切開左方便拆肉嚟食，佢嘅肉質都幾實，而意粉嘅醬汁相當creamy 香蕉朱古力醬忌廉croffle 而家croffle成為左一個潮流，幾乎每間cafe都有，而呢個croffle的確做到外面有waffle嘅香脆，裏面有croissant酥皮嘅香味同軟熟，配埋香蕉同埋花生醬忌廉做topping好邪惡 Latte Latte咖啡同奶嘅比例啱啱好，飲落去好順滑鮮果茉莉花茶花茶果味都幾出，而且唔會太甜

☕️ 食物：👍🏻👍🏻👍🏻👍🏻 /5💰 CP值：👍🏻👍🏻👍🏻👍🏻 /5🤵🏻 服務：👍🏻👍🏻👍🏻👍🏻 /5🛋 環境：👍🏻👍🏻👍🏻👍🏻 /5已不是第一次光顧Honbu，她是觀塘區人氣店Boon的姊妹店(我本身最愛Boon的封門柳)，可以在同區插旗兩家姊妹店，就知道定必有其過人之處吧！😚Honbu位於我經常到訪的工廈內(因為有間有名英文書店) ，木系簡約裝潢，空間感足，更設有露天座椅。其實我喜歡小店的食物質素之餘，更欣賞老闆及員工們的服務態度，他們每每細心為客人介紹菜式，事事親力親為，那份幹勁和投入令客人如我也能感受得到 🥰💋 夜市粟米捧 ($58)簡單如燒粟米，其實並不簡單！外表輕微焦燶的甜粟米，加上秒製醬汁和蔥花，既香口又惹味～ 🌽💋 大頭蝦干燒忌廉醬意大利麵 ($148)網上正評爆登的大蝦意粉，第一口已夠讓我嘩嘩嘩三聲！😍😍😍 忌廉蝦膏醬汁很掛麵，味道超級濃郁，滿口濃濃滋味，意大利麵軟硬度適中，整道菜除了大頭蝦的新鮮質感，還有爽口的蝦碌互相輝映，簡直一絕～ 🍝💋 豬頸肉沙嗲黑麥包 ($108)外貌像一座山的主菜，底層是非常鬆軟的黑麥包，主角是帶濃厚花生味的沙嗲豬頸肉，爽口又彈牙，配上自家醬

今日放工之後同朋友黎左哩間觀塘工廈cafe。Cafe走木系簡約風，用上乾花佈置，坐得亦舒適。餐廳用qr code落單，入面有埋食物簡介～🍗南乳雞翼 $58南乳雞翼外皮炸得相當香脆，食落味道鹹香，肉質嫩滑，蘸上餐廳提供既南乳醬更好食。🍝大頭蝦干燒忌廉醬意大利麵 $148哩個意粉有驚喜❗️好鍾意佢既干燒忌廉醬，濃郁又creamy，選用越南大頭蝦及虎蝦仁，而且虎蝦仁已經剝好蝦殼，就咁就食得，蝦肉彈牙鮮甜，好食推介👍🏻🐖豬頸肉沙嗲黑麥包 $108哩個黑麥包好有份量，底下係兩塊厚身鬆軟既麥包，上面係滿滿既火箭菜同豬頸肉條，豬頸肉條香脆，充滿沙嗲味。🍞法式多士 $48用上厚切多士，加上調製過既牛奶同雞蛋浸泡，再用牛油煎香，面層淋上香甜既糖漿，入口焦香軟綿，而且帶有牛油同蛋香，配上cream、金寶脆脆及紅桑子脆粒，更添口感，絕對係好食推介👍🏻🍹香蕉乳酪沙冰 $58夏天飲真係一流，入口係香甜既香蕉味，帶有乳酪既微酸，正好消暑解渴。🍫朱古力奶泡 $48入口朱古力味道相當濃郁，面層係奶泡，令朱古力飲落更順滑，上面仲有一舊棉花糖，飲完朱古力再食埋就更滿足。整體黎講，餐廳環境舒適，而且食物質素亦高，黎觀塘想搵好