滿記甜品 (V Walk)

Open Now

Now Closed

今次食左好平民糖水薑汁芝麻湯圓薑味可以再多d 個人鍾意食再辣d 又有試到糖不甩都係第一次食🤣呢間甜品係好平民價平時都會re union 的選擇每次去食都可試不同因為好多元化

不嬲都話甜品係放第二個胃，所以食完午餐無幾耐我哋又食甜品喇🤣。我從來無食過「滿記甜品」，呢日終於開齋，皆因佢個麻糬我好想食，二嚟樓面個阿姨幾熱情招待。舖頭環境半開放式，高枱同矮枱都有。如果坐滿人會好逼，但而家下午茶時段直頭係我哋包場咁濟😜。原來佢嘅甜品唔算貴喎，大部份都係$40樓下有交易👍。揀好食乜，再自己走去收銀處落單畀錢，不過甜品就由店員送上😊。我哋叫咗兩份甜品都唔駛$80，抵喎，又可以歇下腳🦶。酒釀宮廷奶酪($35)，奉送糖不甩兩粒。呢個齋講個擺盤已經好正啦😍。餐廳用個圓形托盤放啲甜品，感覺有啲和風。同時，奶酪同匙羹都係金色系，唔通配合番「宮廷」二詞？酒釀奶酪味道超濃烈，又夠冰凍，勁正😋。奶酪食落嘅口感同眼見嘅形象一樣咁滑，質感唔會太水，能夠留在口腔中一陣子。呢個甜品叫「奶酪」，而唔係叫「奶凍」，佢嘅命名十分正確✅，因為甜品帶有一份乳酪雪糕Fro-yo嘅微酸滋味。再者，我亦估唔到奶酪嘅酒味咁出，絕不欺場！糖不甩🍡係送嘅，價值唔高，但就能夠令客人覺得成個感覺圓滿好多。$35一碗奶酪，價錢正常，但加配多兩粒就變得抵！糖不甩口感煙韌，並無內餡，主要靠出面嘅黑糖漿同芝麻花生碎粒🥜帶出味道

食完晚餐因為唔係好夠飽所以搵間糖水外賣返屋企食南昌V walk 有咩糖水舖選擇，行行吓見到呢一間滿記糖水幾特別，所以揀咗佢嚟試吓佢同出邊既糖水好唔同，好養生但係種類就比較少其實好想食焗西米布甸，但店員話要10月先至有，唯有下次再去食。呢款甜品出面已經愈黎愈少有了今日我叫咗熱牛奶桃膠芋圓（少甜）我覺得好細心可以有得揀少甜🙈聽落感覺食糖水而又無咁肥😝牛奶好香，芋圓唔會死實實，淋得黎有咬口👍🏻d桃膠都淋，唔會好硬屋企人就叫左凍椰汁紫米露小丸子我食咗一啖，我自己覺得好好味佢唔會好甜，小丸子同埋紫米都唔會好硬另外加$16可以揀一款食品我加咗糖不甩屋企人好鍾意食，成兜食晒堂食比起外賣應該會更加好味😊外賣自取仲有88折，好抵

難得請咗假去東歐，無奈那疫情令航班取消，代表我既重遊布拉格之旅就此泡湯了（哭了）既然無得去旅行，又被逼清假期，唯一既方法就係用勁食去減低失落感～ 廢話都係唔多講，難得姨甥女唔水返學疫情又受控，當然要黎個牛角燒烤群組啦食完牛牛成口油脂，又唔想食牛角甜品雪糕，姨甥女不停嚷要食滿記，仲話一場黎到唔食滿記咪等於無黎過，有無咁嚴重呀，真係比佢激親，想食又何需找藉口呢來吧～ 姨甥女係好識食，最愛仙草芋圓類既甜品，我就最愛燉鮮奶或蛋白類，當然乜都嗌咗先唔好蝕，仲加咗3粒糖不甩，最搞笑原來有優惠，啱啱滿$80蚊送咗一客花彫薰蛋，又會咁好彩既，整體全部都極高水準，價錢唔貴且超級足料，無乜客人又唔水等位，我一定會再帶為食姨甥女去食食食

蛋之誘惑-特製酒釀宮廷奶酪一上枱就有好高級既感覺（可能係sell宮廷feel，又帶少少日式既感覺），打開蓋就聞到一陣淡淡既酒香味，食一啖後感受到有濃濃既奶味，睇個名開初以為同芝士有關，反而係偏向北京老胡同既酸奶😋佢無酸奶個一陣既酸味，佢既口感亦比燉蛋軟滑，食m啖就好似溶左咁😂唔甜所以唔會好漏同濟，會想食完一啖再一啖👍難得滿就都出到好產品👏有機會會再encore😁.想試既朋獲就注意📣唔係間間滿記都有售，目前好似只有南昌V Walk分店有售渣！

Just a bar setting place which probably did not expect us to sit long. The food however was exceptionally good. Really must come again next time. Lovely. My mom and sis went for the eggs and have to ordered twice to taste it again. Oh well my mom ordered a pudding and was also fantastic.

我一向很少寫食評，見到這裡的評價不錯，又別於其他分店，今天和家人行街，經過的時候，順便也嘗試一下。款式選擇的確較少，一眼就能望到店內全部的款式選擇，姑勿論是傳統糖水或是新派款式的，相信會令大部份客人覺得很少選擇。我內心想著既然這麼少款式選擇，應該會是精益求精的，可惜失望的是糖水竟然不夠熱，我會說是微熱，但是味道是可以的。不過，最大問題是沒戴眼鏡的那個店員態度真是不敢恭維，就算戴著口罩也能感受到她的面色，頗趕客，既然也算是頗新的店，能否注意一下這方面

踏入🐭年.最緊要身體健康啊☺️出街記得一定要帶口罩！仲要勤洗手·新年除左糕糕糕同盆菜⋯甜品糖水都不可或缺😋🥄桂花酒釀丸子（$34）好好食.湯圓係黑芝麻餡料👍🏻👍🏻😋桂花清香.甜度適中🥄滿記杏仁蛋白（$39）好滋潤好足料.但杏仁味真係唔岩我🤪🥄窩心冰糖燉蛋（$29）滑溜的👍🏻賣相不錯🥚糖心醉蛋（$12@1）蛋魔表示可以啊😋😋😋😋🦐（送的）店員好好人 送左自製🦐俾我地！肉質彈牙 帶少辣🌶好好好食👍🏻如果有得買就好啦 ··📍滿記甜品深水埗深旺道28號V Walk 2樓149號鋪

白雪仙草芋圓：此糖水非常豐富，有芋圓、涼粉、西米、芋泥等等，所有綜合一起口感豐富之餘，每種都各有特色，食完一碗甜甜的糖水非常飽肚。芝麻糊配湯圓：芝麻糊香滑無比，淡淡散發芝麻香味，配合兩粒芝麻湯圓更加美味，不會太單調，熱食更可暖胃。焗芋泥西米布甸：這個甜品是滿記最出名之一，西米布甸配以甜甜的芋泥配合得宜，不太愛吃甜的人會不懂欣賞這種甜的美。同樣的，吃完一個焗西米布甸之後，感覺非常非常飽肚嘅。不過這間店所提供的甜品選擇太少，馳名的芒果班㦸、西米露、果汁等等通通都沒有供應，就只有相中餐牌的選擇，實在太少喇！

我偏愛中式糖水同甜品，但係成日食黎食去都係果幾款，有時都覺得有啲悶 。今日行過V Walk 滿記，見到幾款幾特別既中式甜品，就想去試一試啦一眼望去，其實都幾多款甜品可以選擇，而且都係非常適合依家凍凍地既天氣去食既甜品。最後選擇左兩款甜品，第一個就係酒釀宮廷奶酪，HKD35 好香滑，而且不會太甜，加左酒釀，有少少酒既味道，唔會好單調，而且，同奶酪食唔會太膩，酒釀都可以因應需求而叫佢加多啲，但係我覺得少少就已經好夠第二款甜品係熟椰皇燉蛋白配腰果花生露 HKD63，好濃郁既腰果花生露，唔會好甜，同燉蛋白一齊食，好正，食完暖粒粒，好有幸福感兩款甜品都好好味。我會比滿分！

天氣秋涼，食碗熱糖水嘅意慾不斷升溫，途經呢間甜品舖，被佢嘅秋冬暖意之選餐牌吸引著 已有一段時間無食過糊類，呢碗芝麻腰果合桃露 ($29)集齊芝麻腰果及合桃，即係三併，抵食喎 熱度非常夠，先將佢撈均，黑同啡混合埋一起 入口先食到芝麻香味，再而係合桃味，甜味剛好，入口夠滑度，而密度亦唔會太杰，唔怕會"漿"住喉嚨! 總括黎講，呢碗熱糖水能滿足我今晚對甜食嘅渴求!!

同男朋友喺大角咀食完泰國嘢就行返去美孚所以一定會經過v walk因為男朋友係外國人所以一直都想帶佢去試吓傳統嘅中國甜品咁啱醒起呢度呢一間滿記甜品係做特別嘅中國傳統甜品所以就拉咗佢入嚟我本身以為佢會叫燉蛋或者冇咁重口味嘅甜品點知佢竟然叫咗黑芝麻糊我就因為生理期所以就叫咗個桂花甜品 唔太記得佢全名叫咩啦 不過裏便係有酒嘅而且連兩粒芝麻湯圓 上次食過燉乳酪 雖然好好食不過今次想食個熱嘅所以就叫咗呢個桂花甜品男朋友好滿意佢呢個芝麻糊 味道濃郁 食到成個咀都黑晒我都好鍾意佢呢一個桂花甜品 酒味濃郁 酒鬼最鍾意 芝麻湯圓係底 加埋食真係暖在心頭兩碗甜品一共$73但係中式甜品來講呢間算做得唔錯坐嘅位有少少唔舒服 不過服務就好好

呢間滿記原來係比較特別，因為佢只賣養生甜品，今日突然甜品癮起，所以同男朋友食返個甜品。我地一人叫左一個甜品，男朋友叫左酒釀宮廷奶酪，酒味都幾濃，配埋奶酪都幾唔錯我就叫左個蜜糖杏仁牛奶蛋白，個蛋白滑一滑，杏仁上有d蜜糖，清甜好味😋😋最特別係佢d碗同盤，幾中式咁，打卡一流👍🏻

挑選了餐牌受歡迎的甜品，鮮奶燉蛋白。甜品來的時候真的好驚豔，甜品的蛋白白得晶瑩，在燈光下完全感覺到它光滑的表面。吃了一口，發覺內裡充滿了大量蛋白，蛋白味很濃。因為天氣也還有一點熱，所以這個燉蛋十分消暑。因為這裡是新店，所以裝修十分光潔如新。

有次同朋友出街食完飯，朋友食甜品嘅時候點左個糖心蛋，佢話好好食，所以有次食完飯經過見到滿記，我哋就走左入去試！果然有驚喜，糖心好甜好友蛋味，但係同時間又有充足嘅酒味，唔會又唔夠味嘅感覺！而且$12都唔算貴，正常價格，大家可以一試！題外話，南昌分店呢間嘅姐姐非常友善，本身我哋想外賣，但係要一蚊外賣盒收費，我哋費事浪費同唔環保，最後決定淨係食隻蛋就走，佢都非常之有禮貌，仲提我地下次如果真係鍾意食的話可以自己帶個食物盒去，咁就可以環保啲！