檀島咖啡餅店 (軒尼詩道)

Open Now

Now Closed

從9月25日至今，已是第3次在開飯寫食評，主要都是服務態度差。11月19日一行9人行完4個鐘頭山，約4:30左右到灣仔檀島食下午茶(我是第1次來)，全個餐廳只係2成座位有人，但只有一張8人大枱，所以嘗試要求伙計將一張六人枱及旁邊的四人枱合併，該位身形較高及年長的伙計已用一些不好的語氣說”啲枱裝死咗係地，係郁唔到架”。由於我們已行到好攰，不願意再找另一間，那我們唯有分兩張枱坐，但最神奇的是，當我一坐落四人枱時，已經成張枱可以移動了，再望下枱腳，根本是沒有裝死。本身朋友說他們不幫我們併，我們自己併枱吧？但其實已很明顯是伙計不願意幫，所以為免發生不偷快事情，我阻止了朋友。但不夠30秒，原來六人枱其中一排位是正正給冷氣直接吹著頭，他們便跟伙計說，不如我們9人調去8人枱吧，坐迫一點也沒關係，以免年長的吹病，但伙計又說”不可以，那邊風口更大”跟著朋友就跟他說，那可以較細一點冷氣或關了它可以嗎？他又說”關唔到架”。完全是沒有想幫忙解決。最後我們唯有將年長的調去風較細的座位，只是調座，沒有轉枱。因分了枱的關係，便由兩位伙計(手寫單)分別幫我們點餐，第1及第2位朋友點餐完畢，當我想點餐時，第1位朋友才見

一般人去食肆遇到不愉快事件，都會上網寫衰佢。但位於灣仔這間位於灣仔的檀島茶餐廳的服務真係超好。首先落單的一位阿哥，因為我哋落單三心兩意，他很有耐性。跟著一位幫我哋影相，又非常專業。去完廁所出嚟，有位女待會，開咗門讓我先行。最後出了門口，見到啲包咁靚，想買一個回家，賣包的職員，很親切地說多謝。連續四個不同的服務員都有如此服務水準，唔寫篇文讚下佢哋，都對唔住他們啦，香港真係要如此的服務態度。 一定會再去 🙏🏼

見喺港島區,下午4：30想飲杯奶茶就過咗嚟,點咗一杯熱奶茶同埋一個酥皮蛋撻. 呢段時間基本上得兩三成客人.熱奶茶-好厚身,茶味夠香濃,但對我嚟講,有少少澀.（我習慣冇放糖）（算係我飲過相對上比較厚身嘅奶茶）茶味回甘.所以可能凍奶茶會好balance 返,令個澀味無咁明顯.酥皮蛋撻-雖然唔係新鮮出爐,但肉眼睇到酥皮做得好出色,一層層分明,咬落完全冇油膩感,好鬆化.蛋漿嘅蛋都有蛋味.食完張蛋撻紙都係冇油過,犀利.如果想食蛋撻會諗起呢一間

為咗飲佢杯奶茶，特登行過黎食飯。點咗個幹炒牛河，河粉唔會話一pat pat咁，軟硬適中。可惜牛肉口感麻麻，好似落咗好多鬆肉粉嘅感覺，食到成口油。唔太推薦。奶茶確實唔錯，茶底味道層次豐富，入口順滑，值得一試。

下午茶時間，工作需路過係門口見到啲飽點剛出爐，唔洗考慮、一於搵個靚位坐底嘆一嘆！熱奶茶港式奶茶完全合格，即冲熱辣辣、入口順滑茶香滿滿，水準依然。港式菠蘿飽香港人集體美食回憶之一，檀島呢到嘅菠蘿包屬於傳統做法，入口厚實鬆化，好味道。港式蛋撻又係檀島必選名物之一，蛋撻剛剛出爐熱辣辣，加分！綜合嚟講雖然價錢不便宜，啲伙記有啲性格。。。不過食物一直保持到水準，足見老板用心經營！下午茶飽點完全可以令你食得飽足，充滿電後再工作！支持小店！

去了檀島不少過20年了。 近幾次檀島實在太失望, 每樣包點都不及之前的質量。而且一入到門口就有一股難聞的味道, 臭氣沖天的坑渠水的味道。有些侍應衣服污糟邋遢, 污糟到發光的的牛仔褲檔掉到膝頭, 下錯單口齒不清,手指入茶杯,不停擦鼻涕。 點了六樣食物, 一份雞批, 瑞士卷, 奶茶, 不是送到其他枱就是漏了單, 實在不明為何好好一個老字號會淪落到這個地步。太失望太失望。不會再回去了!

垃圾餐廳！我未去過一間態度咁惡劣嘅茶餐廳，我真係鬼唔望佢快啲執笠收皮！落單待應態度惡劣，嘢食未到都已經一肚氣！我落單時，只係同個垃圾侍應講，早餐A 兩份，要牛油多士，雙蛋，牛通，奶茶要後上。個垃圾待應個口應該係食左屎，佢衰衰格格咁樣話：你唔使同我講奶茶後上嘅，你唔講我咪唔落單囉，牛油多士你都唔使講嘅，因為本身個餐係跟牛油多士。我即刻同佢講，個餐除咗你可以揀牛油多士仲有得揀提子包㗎嘛，我唔講清楚，你落錯單咁點啊？之後個侍應又唔覆單，仲要同我講話唔想食，你就唔好幫襯，我嬲到同個經理講，個垃圾經理淨係識得講，一人少一句。之後我撕爛咗佢落嗰張手寫單走人，呢間應該係我生平以來，幫襯過服務態度最差嘅茶餐廳，唔會再幫襯！

檀島茶餐廳係灣仔一間老字號茶餐廳，佢開第一間分店至今已有80年歷史，朋友話帶我去試吓。佢話佢讀書嘅時候依間餐廳已經喺度我地今次要咗三個午市常餐，每個餐都附送例湯同埋飲品，我地一個叫左燒味三寶，一個叫咗炒粉麵，一個就叫左蒸雞餐廳裏面嘅裝潢好有傳統風味，style都係幾十年前嘅一啲裝飾，同埋掛畫，好似時光倒流幾十年朋友話呢度最出名嘅係蛋撻，蛋撻皮有192層呢度嘅奶茶都係好想試吓，多數啲傳統茶餐廳最出名嘅就係奶茶， 香濃又滑，再配埋佢嗰隻杯，有懷舊感覺

舊式茶餐廳唔會期望有咩裝修同服務 但估唔到食物可以咁難食🤢🤢叫左一個常餐加一份炒蛋唔明點解火腿通粉都可以炒車D火腿又酸又醙 想像唔到要放幾耐火腿先可以變壞炒蛋完全冇味 少少鹽都冇環境都比較殘舊 唔夠冷氣……我諗去大快活或者敏華食會好好多咁既質素就算任何一間茶餐廳都冇人會接受完全對唔住招牌的一間老店😥😥

香港港島區懷舊茶記來一個下午茶😍小吃推介：新鮮出爐極品蛋撻下午3點3就是出爐的時間，熱辣辣食，堂食外賣都好👍🏻蛋漿與酥皮的組合是無敵的~~蛋撻係懷念風味正宗最好🤩鮮油菠蘿包地道最邪惡食法：將牛油夾著菠蘿包食，雖然很邪惡，但間中放肆一下也不錯！厚切西多士+紅豆冰還掂來懷舊唔爭在黎多個set又怎能放過西多紅豆冰，是絕配~~牛油滲入西多內，加上呷一口冰涼紅豆，夏天散暑最愛！晚市推介：香妃雞奉送老火例湯、白飯、咖啡或茶來茶記一定要來一杯地道奶茶才圓滿的~~雞鮮嫩可口，配薑蓉白飯吃唔錯~~

一直見到個名都好有外國夏日風情FEEL🏖，以為同夏威夷有咩關係，其實係老字號既港式茶餐廳😂走去食晚飯，知道D出爐麵包有名所以又叫黎試下😆🌟出爐麵包🌟 (蛋撻已賣完😢)合桃拿破崙、藍莓鬆餅、雞批、咖啡角、蝴蝶酥🔹️件件都好大件，不過餡料絕無偷工減料🔹️最愛合桃拿破崙，酥皮層十分脆口🔹️雞批同咖啡角爆餡，味道都唔錯🌟晚飯小菜套餐🌟魚香茄子、香妃雞🔹️小菜都幾有驚喜，夠鑊氣，茄子冇煮得過熟，仲保留少少咬口。🔹️香妃雞咸咸地，又唔係太咸；用黎便”靚仔”一流🌟熱奶茶、凍檸茶🌟奶茶都做得幾出色，夠滑茶膽又夠濃。

檀𡷊算是老派茶餐廳，歴史悠久，深得客人追棒。客常滿己知一二。今日經過、點都飲番杯特色咖啡。乾炒牛河即叫即炒，熱辣辣。最重要炒得不油膩，乾爽。調味恰到好處，不過鹹。建議配菜洋蒽，芽菜再多少少就更完美。蛋撻酥皮鬆化，可見多層次，真工夫。蛋滑溜，果然店中之王。合桃拿破崙懐舊小食，想起兒時回憶。一層層，有鬆化脆片，蛋白餡，合桃，層次感豐富。咖啡不是精品咖啡那種，帶有南洋風味，各具特色。拖肥味道顯著。好飲。

灣仔是出生的地方，帶着濃厚的感情，每次路過看到這間歷史悠久的咖啡餅店，都會令人懷念。今晚路過灣仔，趁着有空便在這裏享受一頓不一樣的晚餐。韭菜花炒醎肉，韭菜花爽甜可口，鹹肉原來就是燒腩肉，脂肪甘香可口，又有蔬菜又有肉類，感覺很平衡健康。宮保雞丁，雖然這個宮保雞丁跟傳統做法有點不同，不過雞肉鮮嫩可口，西芹爽甜，也是一個不錯的嘗試。欖菜肉鬆四季豆，四季豆沒有炒燶，非常爽甜，加上欖菜和肉碎的味道，用來佐飯非常合適。凍鴛鴦內的茶、咖啡和花奶的比例適中，不會過甜，來到這裏必定要是奶茶或咖啡，因為都是很出名的。凍檸茶，茶味十足，檸檬和甜度比例均衡。紅豆冰，紅豆份量占了半杯，甜度適中，令人想起兒時記憶。雞批，內裏的雞肉豐富的程度令人驚嘆，非常抵吃。蛋撻，但他是酥皮的，牛油味道香濃，甜度適中，是這裏的名物。例湯，是日例湯是蓮藕煲豬骨雞腳，味道清甜，應該沒有加任何味精。

咖啡室除咗飲咖啡之外，仲有好多好嘢食，令你意想不到。叫咗個下午茶，有嘢飲，有嘢食。求求其其叫碟乾炒牛河同埋飲杯杏仁霜。杏仁霜，與其他的餐廳大同小異，飲品一杯，中規中矩。但當乾炒牛河送到時，我已經聞到鑊氣味。牛河碟口不大不小，適中，牛肉薄而大塊，有六七片，咬落有牛肉味，一啲都唔靭，而且帶有少少焦香味，可以話軟同淋。河粉亦炒到啱啱好，味道適中，碟底沒有多餘的油。多年來未食過咁好食嘅干炒牛河。贊👍澳門炒飯，用燒肉來炒，亦都幾有特色，師傅炒工不錯。米粒粒分明。雪菜肉絲炆米，功夫亦都了得，味道適中，米粉有爽口感覺。咖央西多士，外脆內軟搽滿咖央，差不多係下午茶的必食。蛋撻亦是必食，熱，皮脆，有蛋香味，食過返尋味。

除了馳名酥皮蛋撻，這裏的炒粉麵飯其實都很好食粉麵飯系列📌乾炒牛河 - 呢度嘅乾炒牛河係要讚一讚，絕對係有牛河要有的鑊氣，河粉軟硬適中口感帶煙韌，冇一pat pat，牛肉亦都係出得場面，絕對唔會靭都食唔到，食到最尾都冇多油的感覺📌雪菜肉絲炆米 - 大碟夾抵食，米粉爽口，味道和口感都恰到好處📌澳門炒飯 - 又係超級大碟，主要有燒肉作材料，炒飯粒粒分明，有鑊氣的炒飯特別好吃常餐系列📌常餐A - 點了雪菜肉絲湯通粉和煎牛肉通粉，各配炒蛋和太陽蛋，湯通粉表現正常，炒蛋和煎蛋都既香又滑甜食系列📌酥皮蛋撻 - 幾個人share咗三件蛋撻，酥皮底酥化，唔會太油，📌咖央西多士 - 咖央味道中規中矩，西多士都外脆內軟飲品系列📌經典的茶記餐飲 - 熱奶茶、熱鴛鴦、凍奶茶、熱杏霜、檸茶檸水，飲得出紅茶質素唔錯，特別帶得出熱奶茶的茶香，茶和奶比例適中，口感順滑