滾得棧

Open Now

Now Closed

今日又約咗幾個朋友嚟呢度打邊爐喇，啤酒先上是常識吧小食點了<蝦膠釀油條> $88鮮味爽彈蝦膠配埋勁脆身油炸鬼，真係好正，就算放咗好耐都仲脆<海底椰加味菜胡椒豬肚湯> $79海底椰好足料又夠椰香清甜，但估唔到味菜胡椒豬肚湯仲正,，胡椒香辣加上味菜掉味，豬肚夠腍身吸哂湯<牛魔王> $348有個隻牛跟不同部位拼埋，牛肉根滾7-8分鐘就食到，爽口帶點韌勁，仲有牛頸脊味重夠嫩腍，其餘仲有牛柏葉，牛肉粒，牛展<桂花蚌併珊瑚蚌> $112我真係好愛蚌的，鮮甜跟爽口<蟶子> $152/4隻烚一陣緊熟，鮮味十足又爽彈<鮮蝦> $49/半上檯時仲郁架，肉質爽口美味<鱔片併脆脘片> $88愛魚的我，兩者都大愛，脆脘片夠脆身，鱔片多一份油香膠口另外仲點了<牛骨髓併牛心頂> $60咁特別呢到都有得食<鮮蝦雲吞併梅菜豬肉餃> $64係自家製手包，食得出好新鮮

話食依家打邊爐好耐，今日終於抽到時間同朋友一齊黎食啦🙈不過真係無諗到咁好味。牛肉新鮮得黎又好好味，物超所值。其他食材都好好，員工既服務態度都好好，而且試菜速度都好快，值得一試，好評！

空閒時間最愛趴趴走, 今次同朋友去左甚少踏足既深井, 行下兼食個dinner! 人生一大樂事莫過於有朋友陪食~首先先揀左個湯底先啦, 吾好講甘多野~ 味菜胡椒豬肚湯底 $79湯底泥講,依間吾算太貴 所以可以留多啲錢嗌野食! 煲滾左一試, 真係不得了! 胡椒重到不得了 勁足料 加上飲落吾會有味精感覺! 另一邊係海底椰都幾鮮甜!酸菜同埋豬肚都正~朋友嗌左酸梅湯 $14 係佢地自家製又大杯!Asahi $34 我就啤啤佢 甘先有打邊爐feel!蝦膠配油條 $88 湯未煲滾前可以食啲熟食 有分蝦膠同埋墨魚膠兩溝, 特別在佢地既油條勁脆!! 點泰式辣醬就是正~牛魔王 $348有齊吾同部位既牛仲有牛栢葉, 牛頸脊幾嫩 湯底涮完後原味食已經大滿足脆鯇片 $44鱔片 $44雙拼火鍋配料就可以食更多款式既野 脆鯇片又係火鍋必食item,爽身~桂花蚌 $57珊瑚蚌 $55好鐘意依兩隻蚌爽口 加上佢地既海鮮好新鮮桂花蚌比較嫩口 原來佢地都係海蔘的內臟肌肉~鮮海蝦 $49上枱後依然生勾勾 蝦腳係甘郁~蝦肉彈牙鮮味~韭菜餃 $32最驚艷我莫過於依個餃 皮勁薄會透餡 入面好香韭菜又juicy!梅菜豬肉餃 $32第

幾個月前吃過天后店的滾得棧，被它新鮮高質的食材深深吸引。今天剛巧到深井探朋友，便相約來這裡打自爐！湯底揀了海底椰和胡椒豬肚海底椰香甜，胡椒豬肚就很惹味。自家制竹庶矛根不會太甜，感覺健康得多。蟶子一放入鍋，滾至離殻就可吃，味道鮮甜，質感爽彈。牛魔王拼盤一次過可以試多款部位。牛眼筋口感很特別，看似嚡口，吃起上來卻充滿肉香，口感煙un。牛𦟌薄薄的牛𦟌，滾完不會老，中間的筋位增加了不少口感。桂花蚌珊瑚蚌新鮮爽口，兩款中偏愛後者，既軟又脆口的口感，非常好吃。鮮蝦生猛鮮蝦，蝦足還在不停郁動。其實生猛的海鮮不用下多少功夫已經很好吃了。

今日又同飯腳搵地方覓食，其實飯腳真係好緊要，啱起上嚟會互陪大家走圍食好西，又無所不談初初想試呢間有諗過去天后分店，因為聽到深井以為好遠，原來係美孚坐巴士去幾個站就喺店舖對面落車<鴛鴦鍋湯底> $79/可雙拼$79以下湯底一邊蕃茄豆腐湯，而另一邊係用大地魚跟肉碎煲成，再加入葱花、紫菜嘅潮洲湯底，好有家的味道<牛肉根> $168平時打邊爐一定係大路肥牛，估唔到呢到有牛肉根食，係半肉半筋的口感，爽口有一點韌<招牌手切牛頸脊> $218/小雪花油脂有圖有真相，牛味重，夠嫩腍<超口感牛柳粒> $218呢個油脂同肉汁含量極高，一咬落去不得了<鮮鮑魚仔> $168/6隻 <鮮海蝦> $98/一客兩者都是非常新鮮又夠爽口，而鮑魚仔仲清洗乾淨起埋肉<墨魚嘴> $73 又係小數地方有的，焯半至一分鐘就食到爽脆帶鮮<桂花蚌和珊瑚蚌> $113.5 /雙拼夠哂爽口又肉厚，唔係出面零碎貨式另推介: <自製四寶丸>(蝦、墨、牛、鯪魚球)<韭菜餃、鮮蝦雲吞>

最近天氣凍左, 想打下邊爐, 朋友話帶我黎呢到打邊爐, 話頂瓜瓜, 食物新鮮, 因為朋友有車, 所以揸車入深井比較方便, 朋友巳預先訂好位, 黎到附近有代客泊車服務。入到黎人客坐左一半到, 食下食下開始愈來愈多客。入面枱椅以木為主, 簡潔舒服, 無咁商業化。朋友之前食過, 介紹食牛脊肉, 本身自己對牛一般興趣, 點知有意外驚喜!脂肪分佈完美既牛脊肉, 第一次食, 好有牛肉美, 肉質嫩滑, 真係打邊爐第一次食到咁好味既牛肉。象拔蚌刺身, 厚薄適中, 好鮮甜帶點彈口, 點上wasabi豉油, 更覺滋味, 本人覺得生食比焯熟更好食。手打蝦滑, 可以見到好大隻蝦係裏面, 煮熟真係好彈口, 啖啖蝦肉。聖子夠大隻, 綠一綠食, 好鮮甜。其他食物, 肉丸都好好食。真係好難搵到咁高水準既食店。只可惜係交通唔係咁方便。

是日早放工，所以同同事入左深井探產假同事的BB女。印象中，深井係山卡啦地方，因為從來未去過，但估唔到搭車入去原來咁快。探完BB，幾個同事係附近揾食，見天氣凍凍地，決定係樓下滾得棧打個邊爐。滾得棧天后有分店，同事試過話好okay，所以索性試埋深井呢間。我地4個人，去到唔使等位。餐廳座位都幾多，有大枱有細枱。夜晚主要做街坊生意，所以幾熱鬧。餐牌設計好有特色，完全有別於一般邊爐店，張點餐紙設計成一份報紙咁，一紙兩頁，圖文並茂，仲改埋名叫滾得棧晚報，好棧鬼。點左個鴛鴦鍋，一邊番茄湯一邊潮洲鍋底，用大地魚淆成，入面有唐芹、紫菜、葱花，第一次食。上菜上好快，個湯底黎左無耐，啲肉就上左。先黎牛眼根，第一次聽呢個肉名，望上去白色，以為係肥肉，侍應姐姐提我地要淥8分鐘，牛柳粒就淥4~5分鐘。四寶丸有墨魚丸、蝦丸、牛丸及鯪魚丸，雙拼餃就有韭菜餃及梅菜豬肉餃。同時都叫左個炸蝦餅，頂住檔先，因為啲野要等時間去熟。蝦餅好新鮮熱辣，應該係自家打成，外面先炸過，所以帶脆，但肉好彈牙，大大一份先$，抵食。當最後的牛爽脊同埋啲海鮮都到埋，大家影完相就正式起動了。先食牛眼根($168)，以為好韌，但一啲都唔韌，好爽口，白

天氣炎熱、冇煮飯、落街晚飯……行到街尾、入左滚得棧、搞笑！大熱天時！但實在太吸引了！想起牛肉、鳝、蝦……😛自冬天光顧後、已有幾個月冇打過邊炉了、坐底、員工哥哥過耒殷勤招待、除了食物質素、窩心的服务相信也是他們在深井多年耒䇄立至今的原因吧！我們今晚点了……還有手打丸……👍👍👍👍

這晚再次和另—半來撑枱腳，食物與服務也能保持水準。選擇了甘筍玉米和芫茜皮蛋鴛鴦湯底甘筍玉米湯中還有红蘿蔔和雪耳芫茜皮蛋湯，皮蛋大大件，芫茜份量也足。兩種湯底入口，都有潤喉清熱的感覺！脆鯇片和鱔片新鮮爽口，有魚香，味鲜甜。豬膶新鮮味濃，厚薄適中，入口夠軟而设有渣。豬粉腸新鮮、乾淨没有異味，滚耐—點時間，入口更軟滑而腸中間的粉狀和粉香更突出。皇帝菜夠爽，但菜味淡，可能不當造吧！日式拉麵，爽滑彈牙，有蛋香！酥炸美國生蠔有六隻，外層薄薄夠脆，蠔身香軟冇渣，蠔味濃厚。而自擕红酒不收開瓶費，體贴！抵讚！

服務員態度差叫左野，無貨又唔出聲，要問先講超級多蚊，食客行出行入唔關門個電磁爐唔夠力竹楂水係有色無味糖水湯底無味牛肉無味係個象拔蚌丸同韭菜餃好食啲，價錢普通，但呢個價去火井好食好多

正值幾日長假，最開心莫過於在元朗屯門區搵食，今次和朋友們相約到滾得棧火鍋便先電話預約了當晚七點半﹔假日時的深井停車場易多爆滿，幸好等了不久就有車位停泊，再到達該店七才點多已差不多全滿，於是被安排到二層入座﹔先選湯底，海底椰濃豬骨湯底($79)，看來他整個餐牌價格都有調整過，而乳白色海底椰濃豬骨湯充滿陣陣椰香，而湯底中又加入不少粟米令味道層次更豐富，粟米吸收了湯汁十分清甜﹔這晚侍應介紹海鮮特價，大蟶子買三送一($100)，大小比手掌還要大，一試無妨呀，可以滿足一下極好海鮮的朋友，蟶子肉質爽實鮮甜無沙，每人一隻剛剛好，西洋菜($35)，我火鍋菜首選絕對是西洋菜，入口極鮮甜，菜棵半爽、菜葉又吸收了湯底精華，味美非常﹔招牌手切牛頸脊($289、大)，我們是牛癡一份子，到此店當然少不了招牌的手切牛頸脊，有油花之餘又不會太肥膩，口感亦夠軟腍肉汁豐富、帶陣陣牛香﹔鱔片($88)，滾得棧鱔片切得較薄，相對鱔皮的表面亦較多，只需要輕灼幾秒便可品嘗，厚切會令人感覺啖啖肉吃多一兩片會膩，但薄切卻易感受鱔片鮮甜味﹔炸魚皮($49)，炸得脆身，記緊一秒夾起魚皮，軟硬口感兼備﹔山根($38)，較難去評論食物質素，

難得入到黎咁遠,如果唔好食就慘啦,好彩今次無白黎既姐, 環境舒服適,食物新鮮美味,尤其是生蠔新鮮清甜,包你話正, 咁睇價錢會覺得幾貴，但係啲野來到都好大碟同樣樣野都好新鮮，就算係水餃同魚皮餃都無雪過，而且好有心機，啲菜又洗得好乾淨。佢地介紹咗隻牛肉，唔記得係乜但係好正好有牛肉味。 蝦丸好正，又睇得又好味，可以食粒粒新鮮蝦肉。聽講佢個糯米飯好正,好多人都讚,下次黎真係真係要一定要再試!!!!!!! 

去深井探望朋友，朋友推薦滾得棧 湯底 味濃足料    最有驚喜係手打丸 好新鮮 又彈口 其他如牛肉 ，鱔片，蔬菜都很新鮮 值得一提是午餐肉 厚實 一看便知有質素 非普通貨式三秒腐皮就是腐皮 有點普通 四個人 每人$280 抵食

我會用狂風掃落葉來形容今次的火窩飯聚，用膽生毛來形容我們這班葵青友，夠膽在可預見的八號波裏，踏上開往深井的小巴裏長驅直入。幹勁這回事並非人人能體會，尤其是有過獨特的經驗。冒著大雨走進火窩店，天氣冷了自然會多人打邊爐，被安排坐在偏廳，環境闊了，心情亦開了！不時聽到狂風在店外嘯不休，大樹的樹梢也在猛烈拍打，霹拍霹拍霹靂拍，偶爾狂風捲起的落葉會從偏廳頂上散下來 (幸好沒有跌進火窩湯內)。滾得棧十多年來都是口碑載道，以火窩料新鮮及大碟而盛名；不讀不知原來只要是四位以下，所有生料都可以雙拼，而且連 $ 79 以下的湯底也可以雙拼呢，真是靈活無邊界!茶醬芥每位$13，雖然只供應簡單的蔥、蒜、辣椒及豉油 (或者可以額外叫一碟店家自家炒製的 XO 醬 $18)，食材新鮮又何需點紅點綠!XO 醬滿是粗身瑶柱條條，甘香少辣，提升食材美味!滾得棧不單止滿足滾友的慾望，對於不太好此道或是飲酒作樂，口痕需要有口果時，這版「廚師推介篇」幫到各位!  我們決定點幾款送啤酒......自家製腐皮卷 $73 ... 炸起即送上檯，腐皮內裹入由手打三滑打成的餡，三滑即是魚滑、蝦滑、墨魚滑。墨魚滑釀油條 $79 ... 炸

當晚月黑風高, 然而任由風再強, 雨點再大也打不斷我們 「饞嘴三子」的覓食之路..... 往深井打邊爐去!火鍋店滿街都是, 究竟何解千辛萬苦, 長途跋涉, 也要到老遠的深井去打個邊爐? 這問題, 的確問得好問得妙~   而我可以答 : 為了對食物的追求, 就是這麼簡單~單憑這村屋式的食肆環境已叫人興奮, 再配以絲絲細雨, 和柔柔街燈, 氣氛更見浪漫~甫進店內, 即見擺放著一個大大的魚缸, 養著鮮活的魚類以及海鮮, 有這樣的食材, 客人可謂信心十足, 吃得安心~店內環境極為寬敞開揚, 沒有市區火鍋店的擠迫感, 裝修簡約卻又不失潮格, 氣氛隨和寫意~調味架擺放著四款必備的調味料: 紅辣椒、蒽花、蒜茸、炸蒜~   款式不算多, 但眼見這些調味料都非常新鮮~簡便而樸實的餐牌, 似是在默默告訴顧客們, 此店不賣花巧, 乃實力派也~正當我們細閱餐牌, 並六神無主之時, 態度友善的店員前來為我們推介一些該店的人氣食品~ 沒有一鍋湯底, 又如何打邊爐呢? 所以一切就由湯底入手!招牌蕃茄, 麵包蟹湯底 :就是用一鍋蕃茄湯, 配以原隻新鮮而又霸氣洶洶的麵包蟹! 蟹膏甘甜豐厚, 肉質細緻鮮甜, 鮮味極緻,