豐生水起 (Closed)

食具衛生有待改善，幾隻碗都黐滿飯渣，要用熱水浸完再新自用手慢慢捽乾淨！椰子雞湯，可遇不可求！首次遇上用鮮椰子水煲出的椰青雞煲，白雪雪嫩滑椰青肉，湯汁清澈清甜純天然。椰子雞鍋，食火鍋都有幾十年經驗，從來未試過問都無問一句就衝埋黎加湯，仲要係用粉開的味湯！穿著便服疑似老闆的四眼叔將整煲清甜椰青水椰子煲雞破壞掉，人家未飲完架！朋友專程黎飲湯，真係嬲到企起身想反枱，幸好肯出去抽根煙冷靜一下，差少少想唔食埋單轉場算數！點解可以犯如此低級錯誤？本地鮮雞子，有新鮮雞子唔洗食雪藏火雞子真好，但洗到穿晒爛晒！烚起蛋白質肉汁已流失，十分浪費！原本5星變2星。海鮮拼盤：美國桶蠔、貴妃蚌、扇貝，鮑魚、斑片，非常強差人意！桶蠔大大隻沒什麼味道，其中一隻已變壞發嗅掉丟！斑片顏色暗淡暗啞，腍啤啤漿住嘴不鮮不嫩不滑，口感好核突肉酸全部丟掉。鮑魚新鮮度低下，不知道雪了幾耐硬屈屈的。貴妃蚌及扇貝沒特別，唔難食。蒜辣拍青瓜⭐️⭐️⭐️⭐️⭐️小食比火鍋比生料比海鮮更美味更出色！混著芫茜、蒜蓉、辣椒、陳醋，酸辣咸香爽脆多汁！椒鹽魷魚鬚⭐️⭐️⭐️⭐️薄薄鬆化的脆漿最緊要，不是殼不是硬掘掘！爽彈咸鮮魷魚肉，滾埋酸甜喼汁食得更起勁！椒鹽豆腐⭐️⭐️⭐️

天氣炎熱但無損打邊爐嘅意欲，放工約埋朋友圍爐吹水，可能真係外面太熱，去到餐廳未有太多客。呢度出名食火鍋，但都見佢有小菜供應，見到隔離枱叫了咕嚕肉，好靚，好大碟，本想都叫但朋友話怕太飽，話下次先再試小菜。必叫呢度嘅花膠雞湯，湯底超濃厚，飲晒個湯食埋花膠同雞，再加湯打邊爐，出品高質，新鮮，少有嘅高質素火鍋，地方乾淨光猛，舒適，可以再去！有朋友不吃牛，店家體貼地用兩格鍋上花膠湯底，大家都食得開心。食飽埋單時，原來仲有雪糕送，打完邊爐，再涼一涼，甜一甜，大滿足！

☀☔全港籠罩住一股打風暴雨的氣氛, 心情也跟天氣ㄧ樣。 👩突然接到朋友來電, 相約到大埔太和豐生水起火鍋, 多次幫襯都ㄧ級棒, 好想再食,於是ㄧ口答應。 食左消暑冬瓜盅, 味道清香, 消氣即散。 朋友係餃餃個friend, 試左招牌鮮蝦雲吞、韭菜餃、魚皮蛟, 新鮮入味。 當然少不了新鮮蔬菜及檸檬薏米水, 真係夏日的必order的。食完餐美味火鍋, 煩悶心情一掃而空 💓, 非常療癒。 朋友冇選錯火鍋店, 美味食材相伴𣈱所欲言, 一樂也。😊😊❤❤👩👩

叫左個北海道牛乳海鮮湯底，d料同餐牌張圖差極遠。我同朋友差唔多食晒湯底料，湯底接近煲乾，都無野上枱，唔明出碟菜同肉有幾難。侍應有好幾個，但係成晚都好似叫唔郁。一句講晒唔會有下次。

一家人去食晚飯，叫咗好多嘢食，6個大人，四女兩男，食咗$2700，其實都真係好多。但食完全晚大家都係想罵佢，講真，$450/人，我去食日本餐會滿足啲。我哋有叫小菜有打邊爐。首先講服務，係好勤力，但啲嘢做錯哂我哋坐近廚菜出菜位，佢一張圓枱無轉盤，上親菜都喺同一個位明明佢哋有車仔，叫佢哋將啲邊爐嘢放車仔，個阿姐就淨係識得張啲嘢放上菜位，真係諗住我哋碟碟傳黎食？食西餐呀？我哋係咁自己推入去中間，推到唔夠位，叫佢放車仔，叫一次先放一次，第二碟再上又放返同一個位，根本張枱就唔夠位。叫咗個菠蘿咕嚕肉，食咗一半叫佢轉細碟，叫咗三次都係應完就算。到叫到佢轉，佢又留埋個菠蘿殼喺隻碟到，佢真係覺得張枱咁大，有咁需要留個菠蘿殼比我哋送飯？打邊爐叫佢加水又係，叫幾次都係應完就算，啲味精湯好貴咩？我哋全晚都係加一次啫。我哋打邊爐有生嘢，有隻匙羹放咗喺碟生豬肉到，個侍應唔知做乜走過嚟執嘢，張放喺生肉嘅匙羹放喺我哋碟蒸魚到，之後我哋無人再食嗰碟魚，仲有大半碟剩。都唔知佢咩事，生熟分開佢係咪唔識呀？個匙羹放喺生豬肉到好明顯唔係唔小心放錯啦，就算係，你都唔係放落啲熟嘢到呀？之後講嘢食。叫咗碟蒸斑同蒸鱔，先講斑，唔新鮮，

去大埔探朋友, 順便揾食……找到間養生鍋火煱, 試下先火煱店成巷成市, 發現這間有多款湯底, 見食材好認真。店家端上鍋子上桌, 提醒大家要先飲湯! 我哋試海鮮鍋, 牛奶嘅白色, 配有新鮮肥美嘅蝦和蜆, 味道非常鮮甜, 飲落好舒服, 要一而再, 再而三, 再添飲 😆一試難忘我哋食量不多, 就分別另試蔬菜拼盤, 牛肉, 墨丸和魚丸, 冰豆腐……好開心蔬菜盤有車厘茄, 加埋南瓜, 還有鍋中的粟米, 幾款顏色, 見到都靚! 粟米和蕃茄特別鮮甜, 食出食材有挑選過。南瓜要淥多陣先淋身, 但就常忘記撈起, 結果溶在湯中墨丸係有墨魚味道, 彈牙。魚丸不是平常的, 感覺到魚肉比例多, 所以食出原食物嘅真味道。好味最後試了期間限定赤玉帶子, 帶淺橙紅色, 據說多礦物, 非常鮮甜, 帶乾瑤柱嘅鮮味, 但帶子嘅質地易咬開, 值得一試, 食唔停口本來都已飽, 見湯底咁甜, 就忍唔住叫了烏冬, 吸收晒湯底嘅精華, 好好味飯後傾下偈，又口痕試了邪惡炸魚皮和鮮魷。無特別期望, 點知試出師傅功夫, 魚皮表面不油, 乾身, 香口, 送酒一流。鮮魷炸漿不會厚, 連食材貼實一起, 無甩出來, 又係不會成口油……又食又傾又飲

花膠雞湯火鍋都食過唔少，但係坐得舒服嘅就無幾多間，咁當然空間感呢樣嘢就好個人嘅，但係我覺得呢度幾舒服。第一件事叫咗個花膠雞鍋先，一鍋濃郁的黃湯有花膠有魚肚，店員會幫你計時煲一煲啲生雞件，然後就等鐘聲響起分湯的訊號。味道方面我唔知點形容，就係唔會太油膩又幾好味同埋雞有雞味。之前試過招牌嘅豐生牛肉盛，今次就試下極品騸牯牛肉組合盛（精選5款牛肉部位）我都唔太記得有咩了，腩心？挽手？星期一至四惠顧滿$800送象拔蚌刺身（實際情況就去到再留意啦，可能優惠完左或者轉左）墨魚滑好彈牙（無影相）因為唔夠三粒雲吞，所以變左4+2，平時應該係3+3 埋單仲有雪條食，今次係香芋味雪條同朱古力脆皮，香芋味雪條幾好食，少少似食雪米糍嘅感覺。其實呢間火鍋都幾好食，不過唔知點解成日都好似無乜人，唔使等位係好嘅，但係我都想佢長做長有。

來到大埔想不比也有點水準的火鍋店，在親人介紹下來比豐生水起，又是毫無期望下的第一次。想不到北海道牛乳海鮮鍋真的很不錯，味道鮮甜，海鮮又多又夠新鮮，小朋友也十分喜歡。另外，因為有老有少的關係，火鍋食材都選擇了不同種類，例如牛肉、羊肉、豆品、脆肉鯇、珊瑚蚌、手打蝦丸等。至於小食，更鮑汁雞腳和椒鹽魷魚酥也很好味。而甜品亦點了紅棗糕，味道煙韌又不太甜，蠻最後，不知是否老闆娘更免費請我們每人吃一條雪條，脆皮朱古力、榴槤及香芋味道任君選擇。喜愛榴槤的一定喜歡，因為真的超級香濃😆

$68 得六粒雲吞，每一粒仲要話係自家制，但我食落去同灣仔碼頭冇乜分別？夠膽收我10幾蚊粒嘅雲吞？所有嘢既份量都唔合乎邏輯既！唔會再有下一次！簡直就係呃錢既！等執笠吧喇！

一段時間冇去 鋪頭人手又唔夠 等好耐都冇野食， 食物水準大不如前 叫咗個火鍋 二人餐食物分量少得可憐 只好另外叫多兩個小菜 等咗小菜等左一個鐘先有得食 總之就冇 下次 很失望嘅一餐

一入到去已經叫咗呢一間舖頭嘅王牌花膠雞湯，個湯一滾嘅時候成家已經忍唔住好快咁飲晒啲湯，之後店員會再幫我哋加雞湯嚟打邊爐，叫咗本地新鮮牛頸脊同埋手切雪花牛肉，兩隻牛肉都好林好好食！另外仲叫咗鹹蛋黃炸魚皮，紫菜麥片頭，椒鹽豆腐，韭菜餃同埋手打蝦丸墨魚丸！全部都好好味，所以一定會再幫襯！

今晚同friends喺Taipo度食飯， 見天氣涼涼地咁我哋就諗住食下火鍋暖暖身 ，咁我地叫左個芫茜皮蛋湯，我一於試下，呢個芫茜湯我叫咗唐生菜去淥都幾清幾鮮甜。內蒙羊肉捲: 啲羊送到上枱 ，你見我幅圖啲羊都幾新鮮， 色澤鮮艷，其實呢個羊肉我覺得都幾好食因為啲羊有少少騷味同埋佢冇乜肥，最緊要羊係嫩口嘅 同埋我覺得佢份量亦都算係幾足夠。手打墨魚丸:呢個墨魚丸我就最鍾意，因為我真係食得入面有一啲攪碎咗嘅墨魚喺入面，呢個真係值得讚。 而且亦都食到幾爽口幾新鮮， 真係手打因為好彈牙!北京餃子&韮菜餃:呢個我覺得幾新鮮同埋皮薄餡靓， 而且呢兩款餃我覺得都幾新鮮同埋真係幾飽肚的 ，所以我特別鍾意呢啲手工整嘅餃， 我覺得韭菜餃比較出色啲，因為我食到啲菜同肉嘅比例適中之餘，同兩者互相配襯比較好啲 。我覺得呢兩個餃係我下次必點之選。經開大埔嘅朋友可以試下呢間火鍋店因為我覺得啲食物幾新鮮 ，而且價錢都算係咁。聽講4位or以上火鍋滿八佰蚊會送象拔蚌刺身 。好似都ok。

今次由於返大埔, 於是順便喺大埔食晚餐。我哋去咗大埔好熱鬧既幾條街搵嘢食, 無意中喺小巷發現呢間好多人嘅養生鍋店。今次就決定入去試吓佢既養生鍋。一入到去好多人幾乎九成爆滿, 好彩仲有位比我地。原來佢有好多款吾同既養生鍋, 不過menu見到黃湯鴛鴦花膠雞養生鍋隔離有個推薦logo,所以今次就試呢個鍋。由於我哋得兩個人, 所以我哋叫咗個細鍋。然後我哋又叫咗黃金椒鹽鮮魷, 烤羊肉串同埋啤酒。原來佢下晝仲有做點心小菜添, 下次等下晝過嚟試下佢啲點心。大概15分鐘後, 濃濃嘅黃湯係我哋面前配上一碟雞。呢間舖頭真係好有心做好養生鍋, 我見佢細鍋嘅花膠魚肚份量都非常多, 一啲都唔孤寒。大概湯滾好後, 我哋即刻飲翻幾碗湯先放雞。個湯非常正好濃好濃, 睇得出佢真係煲咗好耐。啲雞既肉又真係好滑好滑。個黃金椒鹽鮮魷啲魷魚又好厚身大塊, 睇得出佢哋係用心做食嘅店。之後試埋佢個烤羊肉串辣辣地又幾野味。基本上食完呢啲嘢都差唔多飽, 所以只叫咗佢嘅手打八式丸, 依然係彈牙爽口。食完咁多嘢都係八百幾蚊, 真係非常抵。難怪佢喺小巷都仍然咁爆, 原來星期一至四一日前有訂枱來食滿800嘅仲送原隻象拔蚌刺身, 而且晚市每人仲

My families and I went to a restaurant called "Hot Pot Market" (豐生水起 ) located in Shop F, G/F, Reve Plaza, 5 Chui Wo Lane, Tai Po大埔翠和里5號麗和閣地下F號舖"Braised giant grouper with crispy pork belly and tofu skin"支竹火腩燜龍躉頭腩HKD$188The giant grouper coated with batter and deep fried than stir fried with pork belly and tofu skin.The grouper is very succulent and luscious...The tofu skin soaked up all the essences of the grouper,pork belly...The mushrooms add nice umami flavour to the dish...Yummmmmmm. Highly

OT完就係要食個佬飯, 黎到打個邊爐啤啤佢!一坐底就上前菜, 問我地飲咩茶, 再上醬料, 睇番單呢到加加埋埋已經一舊水, 如果係收錢既, 應該問一問先更好。 所以如果唔需要可以同店員問一問, 佢地服務態度都係好既鍋底有好多選擇, 可以揀海鮮雞花膠煲有D料食下又得, 普通一個鍋底打個邊爐都得。今晚志在吹下水, 清D食個椰子雞, 湯頭好清甜, 裡面有好多雞同埋少少竹笙, 馬蹄, 都真係好多料我地另外叫左牛柏葉, 半份手切肥牛, 同埋一份雜菜, 食完都幾飽, 環境舒服又唔會趕人, 閒時同朋友聚下都幾好