Video
Read full review
2023-04-30
839 views
一家人去食晚飯，叫咗好多嘢食，6個大人，四女兩男，食咗$2700，其實都真係好多。但食完全晚大家都係想罵佢，講真，$450/人，我去食日本餐會滿足啲。我哋有叫小菜有打邊爐。首先講服務，係好勤力，但啲嘢做錯哂我哋坐近廚菜出菜位，佢一張圓枱無轉盤，上親菜都喺同一個位明明佢哋有車仔，叫佢哋將啲邊爐嘢放車仔，個阿姐就淨係識得張啲嘢放上菜位，真係諗住我哋碟碟傳黎食？食西餐呀？我哋係咁自己推入去中間，推到唔夠位，叫佢放車仔，叫一次先放一次，第二碟再上又放返同一個位，根本張枱就唔夠位。叫咗個菠蘿咕嚕肉，食咗一半叫佢轉細碟，叫咗三次都係應完就算。到叫到佢轉，佢又留埋個菠蘿殼喺隻碟到，佢真係覺得張枱咁大，有咁需要留個菠蘿殼比我哋送飯？打邊爐叫佢加水又係，叫幾次都係應完就算，啲味精湯好貴咩？我哋全晚都係加一次啫。我哋打邊爐有生嘢，有隻匙羹放咗喺碟生豬肉到，個侍應唔知做乜走過嚟執嘢，張放喺生肉嘅匙羹放喺我哋碟蒸魚到，之後我哋無人再食嗰碟魚，仲有大半碟剩。都唔知佢咩事，生熟分開佢係咪唔識呀？個匙羹放喺生豬肉到好明顯唔係唔小心放錯啦，就算係，你都唔係放落啲熟嘢到呀？之後講嘢食。叫咗碟蒸斑同蒸鱔，先講斑，唔新鮮，
但食完全晚大家都係想罵佢，講真，$450/人，我去食日本餐會滿足啲。
我哋有叫小菜有打邊爐。
首先講服務，係好勤力，但啲嘢做錯哂
我哋坐近廚菜出菜位，佢一張圓枱無轉盤，上親菜都喺同一個位
明明佢哋有車仔，叫佢哋將啲邊爐嘢放車仔，個阿姐就淨係識得張啲嘢放上菜位，真係諗住我哋碟碟傳黎食？食西餐呀？
我哋係咁自己推入去中間，推到唔夠位，叫佢放車仔，叫一次先放一次，第二碟再上又放返同一個位，根本張枱就唔夠位。
叫咗個菠蘿咕嚕肉，食咗一半叫佢轉細碟，叫咗三次都係應完就算。到叫到佢轉，佢又留埋個菠蘿殼喺隻碟到，佢真係覺得張枱咁大，有咁需要留個菠蘿殼比我哋送飯？
打邊爐叫佢加水又係，叫幾次都係應完就算，啲味精湯好貴咩？我哋全晚都係加一次啫。
我哋打邊爐有生嘢，有隻匙羹放咗喺碟生豬肉到，個侍應唔知做乜走過嚟執嘢，張放喺生肉嘅匙羹放喺我哋碟蒸魚到，之後我哋無人再食嗰碟魚，仲有大半碟剩。
都唔知佢咩事，生熟分開佢係咪唔識呀？
個匙羹放喺生豬肉到好明顯唔係唔小心放錯啦，就算係，你都唔係放落啲熟嘢到呀？
之後講嘢食。
叫咗碟蒸斑同蒸鱔，先講斑，唔新鮮，無乜魚味，魚肉唔彈牙，魚肉、蒜頭、豉油，三個味完全分開，個碟底勁重油⋯唔知咩事。
蒸鱔個豉汁ok，唔腥，正常合格。但個鱔啲肉唔係彈牙嗰隻，係散嗰隻😢
咕嚕肉雖然係好脆，但係佢個皮都好厚，仲吸哂啲油，一陣油味。我基本上都咬走咗啲皮，食咗舊肉就算。
蟲草花蒸雞，個獻汁包實哂啲雞，食落口漿實哂，又係一舊放棄。
蝦乾勝瓜啲蝦有沙嘅，食咗少少就唔想食佢啲蝦乾⋯
火焰砵酒蒸蠔仲戇居，唔知咩事個蠔要炸咗再蒸，蒸出嚟一pat粉漿黐住啲蠔肉，完全搞唔掂。仲要無味，得少少酒味，無咸甜，唔知佢想我哋食啲乜😰
個事頭婆出嚟點火，仲要差啲燒着佢個茶壺😮💨
玩唔慣就唔好玩呢啲嘢啦，我哋坐喺隔離覺得好恐怖😮💨
佢點火之前完全冇諗住拎開側邊啲嘢，我哋都忍唔住出手幫佢搬開咗啲菜，估唔到佢燒着自己個茶壺。
雞手鴨腳咁，火又點極唔着，總之就嚇親人。
叫咗胡椒豬肚湯，個湯完全冇胡椒豬肚味，普通味精湯⋯
食咗一件豬肚，又係冇豬肚味，不過都估到，啲材料有味，個湯就唔會咁嘅味啦。
手切肥牛真係好肥，一大舊肥膏嗰隻，肉得三分一左右。
豬肉就正常啲，但兩碟肉都係細碟。
陳皮牛丸唔知咩事，啲牛肉蘇到喊，我咬完即刻放返低，之後無人敢食。
墨丸唔彈牙，唔知佢係咩墨丸⋯
其他蔬菜類嘅生嘢係正常嘅，呢啲都好難錯嘅。
總結，$2700幾食啲咁嘅嘢，我就真係唔會返轉頭，今次當比人呃，絕對無下次。
Post