唯港薈Silverbox 宴會廳

今日book咗自助午餐，但係食物款式真係令人大失所望。＊最名貴的要算是非常普通的三文魚、油甘魚同蝦刺身、蟹腳（真係腳幼幼）、青口（中細size, 約有兩隻姆指指甲咁大）＊有不少飽肚野如干燒伊麵（算炒得好味）、炒飯、sliced pizza、麵包、咖喱肉配白飯、白汁魚意粉、肉醬意粉＊甜點有冧酒聖誕蛋糕(Rum酒太重，難食)、芝士餅、粒装棉花糖（bbq果款呀）、movenick 雪糕、焗蘋果卷同什果＊時蔬就有些少沙律同雙菇扒白菜同＆娃娃菜咋＊肉就有即切嘅火腿、火鷄（yes, 牛扒都無），另就只有熱盆嘅羊架＊最抵嘅只有飲品free flow ，但紅白酒各一款（室温㗎，一杯杯放好晒），橙汁同西柚汁（？），咖啡（nescafe capsules ）同一大壺lipton紅茶可以自己斟＊唔好話生蠔、龍蝦、鮑魚呢d貴野無，估唔到一d好common嘅野都係無嘅：冷麵、壽司（sorry, 佢有青瓜卷）、义燒，燒肉，乳豬同鷄、中式蝦餃燒賣點心、魚蛋湯粉麵（oh...佢得一款standard 叻沙：只可選要或不要麵底、魚片、蝦、芽菜同青瓜）點值800蚊一位呢？

2020年12月20日(日)「秋季和牛薈 」自助早午餐瑪莉與我的「做冬」兼「聖誕大餐」在一樓Silverbox宴會廳舉行早鳥優惠，訂位後Full Pay 每位連加一$722紅酒、白酒、咖啡、橙汁、汽水都係任飲，可惜冇左香檳，希望下次有返啦。和牛出品有5款：炙燒和牛肉壽司、意式薄片和牛肉、和牛他他多士、和牛漢堡、和牛牛肉我哋就覺得和牛產品一般般，冇乜大驚喜，味道係好味嘅，只係冇驚喜啫。反觀其他食物我哋認為係好味道嘅，例如：龍蝦忌廉湯、羊扒、海鮮粥、榴槤撻、沙律區的蟹肉芒果，我就食左好多其他食物：龍蝦、長腳蟹、喇沙麵、花膠翅、甜品出品都好今次多咗好多個意粉類，仲有熱狗、Pizza，不過我比得呢個價錢，我希望可以食返一些上價或精緻的東西，唔係食澱粉質及粗糧呢類型好快飽食物。服務員，同以往一樣都係服務到位今次都有抽獎，都係冇我份

生日諗住食好嘢又唔想食咁飽，揀咗呢間brunch食，點知好失望所謂和牛buffet主題，和牛經常間斷供應，而且甜品款式超少仲要在婚宴嘅場地嚟做buffet,感覺好奇怪，食食吓嘢過程被迫聽一次嘅廣告，整體來講以呢個價錢可以響第二間食到晚餐buffet質素，亦都絕對唔值得呢個價錢響呢度食，唔會有下次再幫襯。

呢間咁嘅icon hotel 簡直就係垃圾之中嘅垃圾,服務態度極差,食物難食,人哋揸貨Van嚟就唔幫人泊車,仲要話下次唔好揸啲咁嘅車過嚟,你哋咁樣做生意邊度得,好明顯就睇唔起香港人啦,招呼大陸人就咁熱情..............................

Icon 之前都有啲想試，係因為開嘅時候一直都好難book, 其實今次都係一星期前訂，八位都要落訂金。 就係因為大家都無試過，所以就去咗食星期日的brunch。因為疫情關係用餐嘅地方就轉左去宴會廳，而啲食物就放晒喺入口嗰度，都幾開陽，仲比我見到有啲小昆蟲飛飛下。其實啲食物擺位令到我提唔起勁影相，好簡陋，毫無美感，跟住嗰啲牛扒，羊架係煮熟晒擺定響熱盤嗰度等你自己夾。好有到會感覺。而印度嘢食，有薄餅，但係啲薄餅好硬又唔熱，啲咖哩又冇汁，我唔知啲薄餅可以點食。海鮮方面有蝦蟹，都算可以接受。甜品應該係稍為好少少囉，但係如果你鍾意食榴槤啦。飲品有有氣白酒，橙汁，西柚汁，咖啡，西式茶，如果飲得香檳嘅就會好啲啦，因為任飲。如果喺疫情底下。咁嘅食物咁嘅環境，仲要冇折頭，其實真係好唔抵食，係好差。咁嘅價錢，其實都可以食到好多其他嘅靚酒店，唔需要考慮佢。

Hotel Icon 推出了「馬來西亞榴槤節2020」HK$598另收加一服務費初時推出2020年8月份週末共四場，立即爆滿，加開左2場，都一樣即時爆滿，心有不甘，致電排Waiting list，一星期後收到Hotel Icon來電通知，於當晚11:59前繳付全數款項，可享早鳥優惠HK$568已包括加一服務費，不容有失，立即付款，與瑪莉及伯友，我們仨齊齊去嘆榴槤大餐因疫情關係已由8月22日推遲到今日9月5日進餐，11:30am已到達Hotel Icon 一樓的Silverbox 宴會廳宴會廳非常靚又大，樓底又高又冇柱，非常適合擺婚宴，今餐我哋都覺得有參加高級婚宴嘅感覺酒店為咗配合政府，在位置方面都做咗好多功夫，原本可以坐八個人嘅位置，佢分配給三個人，確保每枱都相隔1.5米或有透明膠板相隔，今日出席者都好多單數，所以酒店變相又做少咗好多生意冇辦法啦，搵榴槤愛好者真係唔容易，我地本身訂3位，所以酒店幫我地安排了分枱，雖然我一個人坐四個人嘅位置，但係張枱都比我擺滿晒食物服務員水準好高，比平時食自助餐質素係提高左好多，今餐完全係貴賓級嘅享受。今餐主角係每位一碟5件的榴槤拼盤，五款新鮮直送到港的

本身book呢間酒店係諗住食埋佢個自助餐或者佢28樓嘅天外天 不過疫情關係 都唔開放 就連泳池嘅酒吧都close埋 唯有叫Room Serves 落order到送到黎 大約半個鐘左右啦 送到上黎都仲熱ge 份量都大大份

【環境】去酒店食，價錢當然包埋個環境。雖然這裏沒有海景，但是內裏裝修華溢，有氣氛。如果想同朋友食好少少，或者慶祝特別的節日，也算是一個不錯的選擇。【食物】我們叫的是海鮮搭四道菜晚市套餐， 有湯就沒有沙律，二選一1. 湯： 很正， 很creamy, 好飲 4分2. 沙律： 正常 3.5 分3. 麵包餅乾： 有軟有硬有脆多款選擇， 味道ok!4. 海鮮拼盤就過酒煮青口是套餐包括的， 鮮甜可口 4分； 但記得下圖是4人份量哦！5. 主菜 牛扒正常3.5分6. 甜品 4分【價錢】埋單每人約$500， 不算很抵食， 但未來過都可以一試。 當然環境服務都計在價錢里啦⋯⋯

父親節五點至七點入坐 酒店做足基本防疫措施 包括探熱比口罩套一坐低會叫你揀嘢飲 我哋揀咗花茶同咖啡 然後會先送到鬆餅及榴槤蛋捲 搭半先到其他飲品👍🏻👍🏻👍🏻👍🏻花茶係普通茶包 店員會主動幫手加水咖啡非常好味 濃度掌握得幾好鬆餅及榴槤蛋捲👍🏻👍🏻👍🏻👍🏻鬆餅有兩隻醬 包括係硬塊忌廉同草莓草莓醬偏甜 榴槤蛋捲好香 唔會太濃味 好食鹹點👍🏻👍🏻👍🏻煙三文魚配蜜糖芥末醬 較咸但淡淡肉還可以 肉丸配燒烤醬 好有咬口 好似食漢堡扒好食！忌廉蘑菇酥 用咗黑松露 但唔會太突出黑松露味 反而酥皮好差 淋哂唔脆鴨肝配藍莓醬 鴨肝咸加上藍莓酸甜 好唔夾飛魚子炸生蠔 影完相生蠔仲熱 加上青瓜既爽脆 好清新唔會覺得油膩 幾好食！ 甜點👍🏻👍🏻👍🏻👍🏻朱古力火鍋 好差 朱古力醬未熱 雪糕已經溶哂 雪糕亦好細球 朱古力醬內有酒 配生果棉花糖 亦唔夾馬卡龍 外皮好甜 內心係酒味忌廉 平衡到小小金箔朱古力 大粒版金莎意式奶凍 頭幾淡酒味好濃 之後淡翻好食啲 但發現酒店比既匙羹係食唔到底士多啤梨蛋糕 好普通 蛋糕比較乾 士多啤梨就好酸 軟雪糕 🍦店員上枱前會問落唔落酒 試食後發現落少少會香好多 2小時 慢慢坐 hea下

一早book好咗琴日同朋友到hotel icon食afternoon tea🍧雖然而家疫情嚴重，不過見到貴酒店都好多人食佢嘅下午茶☕️可能係因為佢嘅主題吸引。而佢亦有一個雪糕自助bar,可以無限添食雪糕🍦鍾意嘅朋友真係可以不斷咁樣食當然我哋嗌左佢嘅afterron tea set!飲品方面揀咗一杯lemonade，味道唔錯👍🏻我哋揀咗三點至5:00呢個時段，不過雖然我哋坐嘅時間超過五點，但係職員都冇講我地走，服務態度非常好👍🏻鍾意食芝士嘅你真係要去試吓啦！Hotel Icon 東京牛奶起司工房下午茶🍰日期：2020年1月2日至3月31日時間：首輪：下午三時至五時 次輪：下午五時至晚上七時價錢：每位港幣328元*；每兩位港幣598元* .

分享更多生日飯以先，加插上週日 Hotel ICON 馬來西亞榴槤節 的盛況：這個令榴槤迷引頸以待的榴槤自助早午餐，於 Silverbox 宴會廳舉行，除了由馬來西亞新鮮進口的五款榴槤，當日又有榴槤熱葷及精緻甜點，包括榴槤忌廉蟹、榴槤麥皮蝦、芝士榴槤炒排骨、榴槤迷你西多士、榴槤咖央三文治及自家製榴槤雪糕等，令人垂涎不已！提到榴槤甜品，相信不少人都一定想起 Hotel Icon（The Market），但這次是只做兩場的超級加碼版。首先要讚氣味處理做得很好，剛步入酒店大堂時，完全聞不到榴槤氣味；直到去到2樓 Silverbox，就感到真的來料了！早到關係，我也老實不客氣，手執一個榴槤來拍照；後來才知道這批榴槤除了開來食用，也有部分是拿來抽獎的！所以入座時一定要檢查看清楚自己的號碼帶。雖然榴槤才是這天的重點，但總不能只吃榴槤吧？所以自助餐中也有供應多款頭盤、主菜、甜品及雪糕，甚至也包括豐富的海鮮併盤，由鮮蜆、小龍蝦、青口、鱈場蟹腳及鮮蝦都有供應，另一邊還有鮮甜的三文魚、八爪魚、甜蝦和吞拿魚刺身。用來贖罪的沙律區又怎麼能少呢？除了健康清爽的沙律菜、配料及醬料，這區也供應德國凍肉拼盤、煙三文魚

有冇人跟我一樣爆愛吃榴槤？一說到榴槤我必定想起Hotel ICON尤記得那火紅自助餐內的榴槤甜品真的令人瘋狂！早在６月去馬爾代夫前友人相約去吃自助餐，而我也因減肥中所以忍痛推掉！ 上星期日我終於到酒店品嚐全港首個馬來榴槤節自助早午餐，品嚐由馬來西亞新鮮進口的時令榴槤，以及由酒店糕餅行政總廚Danny Ho何維城師傅，和馬來西亞籍廚師團隊創作的一系榴槤熱葷及精緻甜點。 當天的早午餐設於酒店Silverbox Ballroom內進行，全場３２０位坐無虛席場面虛冚原來也真很多愛吃榴槤的朋友呢！  甫踏進宴會廳先是飲品專區！有咖啡機、熱茶、水、檸檬等供應。  另外有橙汁、罐裝汽水、紅、白餐酒，全部任取任飲３小時１５分鐘。 而飲品專區對面是專門為小朋友設置的兒童美食，甜點有士多啤梨果凍、雜莓撻小食家如不愛榴槤也不用擔心沒甜品吃了！ 而鹹點則有小朋友至喜歡的蟹柳壽司卷、鮮茄芝士薄餅、菠蘿火腿薄餅、牛肉漢堡、魚柳漢堡包配薯條，還有意大利直通粉配芝士肉醬、火腿蘑菇醬，小食家的食物都挺多元化呢！ 步入會場那香氣撲鼻的榴槤之香令我

慶祝生日所以同屋企人黎左hotel icon食自助餐，呢度既環境都幾舒服，而且食物款式都多元化。每次食自助餐一定主攻佢既海鮮同甜品，呢度既海鮮有好多款，青口蝦蟹等等應有盡有。自己好中意食蟹，所以拿左好多隻返去慢慢食，蟹肉好厚身同埋幾鮮甜，食完一轉忍唔住又去拿多左幾隻！蝦亦都好鮮甜青口自己就麻麻地中意食。另外一樣必食一定係扒，呢度既扒好正擺係度任你拿，中意食幾多就拿幾多，唔洗話每次拿完一塊又要再排過。覺得佢既肉整得啱啱好，老人家都食得到，肉味亦都幾香。另外一個吸引我既地方就係甜品區，呢度有超多種唔同既甜品，對中意食甜品既我黎講完全係天堂。試左我最鍾意既朱古力蛋糕，因為都係比較甜所以只係食左幾舊，另外食左抹茶幾清不過記得係食朱古力之前食會好d，如果唔係可能就會蓋過左個味，因為食得多其他野太飽，如果唔係我應該會再戰多輪甜品先走！整體黎講呢度環境唔錯而且食物款式都多同幾新鮮，大家想食buffet既都可以黎食下。

餐廳的佈置簡約舒適，我特別想提自助餐的尾聲當然要有甜品作結，這裏的甜品樣貌不算10分精緻，但味道是10分正常可口的。而他其他食物的品種也多包括海鮮，面食，多國菜式，可說是物有所值。🥮🥧🍭🍩🍫🍬🍿

難得一次的慶祝日一於就大吃一餐！這一次就去非常出名的hotel icon一試它的自助餐有何特別😋環境非常寬敞，服務態度良好，而最主要就是食物方面。食物方面，選擇的種類上尚算多，無論是熱食還是冷盤都有很多選擇，例如豬頸肉、魚、喇沙、泰式魚餅等。我比較欣賞的地方就是他的海鮮質素，龍蝦有一隻手掌大，而且味道令人滿意。刺身方面，八爪魚還是蠻新鮮的！最後當然是我最愛的甜品，有不少款式，相比起外面一般的較少見，但是味道很好！