火鍋本色 (Closed)

終於入冬了, 氣溫急降, 是時候寫一點較為暖身的東西。這裡地方雖然都算清潔企理, 但是檯與檯之間的空間是相當的窄, 而且我們在靠牆的位置, 感覺就像逼埋一角。招牌一啅腐皮腃 - 油味頗重, 而且是肥膩的炸物, 少少地吃一件算了。我灼了兩三秒拿上來已經開始腍, 真的是放下去回一點湯就要拿出來了!本色極品手切牛 (大): 沒我吃的份, 但看牛肉的色水和油脂分佈, 還不錯啦。羊肉片: 這個當然是我點了, 滑滑的居然幾好吃喎。脆鯇: 幾大件, 味道沒什麼特別。鱔片: 肥美的鱔幾時都受歡迎, 味道正常。皇帝菜: 味道有點像茼蒿, 比較剛烈, 我其實覺得可以吃來消消其他食物的油膩。朋友沒介紹錯, 這兒是北角區比較有水準的火鍋店, 但原來銅鑼灣登龍街那邊才是總店, 不知有否機會去那邊比較一下呢? 

男人天性就是愛滾,當中以滾火鍋為最熱門.天氣涼涼地.帶朋友去最近屋企既火鍋本色(北角分店).食材新鮮,環境裝修又企理,o岩哂我呢類街坊客.是日無book位,撞手神剛好有張7人台比人放飛機,所以由我地2人補上.2個人叫半隻雞既雞煲,份量不太多,可以叫多點配料食.味道麻中帶少少辛辣,而且好入味,雞肉亦好嫩滑.不過隻雞好似好細隻...由於係2個男人既關係,所以一定要叫雞子黎食,巨型雞子咬落爆汁實在難以形容!好多女仔一見到雞子就唔想食,但人一世物一世點都要試下!另外美國桶蠔亦都係大大隻,9分熟就最好,一來隻蠔唔會縮水,二來食落去好滑溜.價錢不詳朋友請客!出外就是靠朋友.我估800蚊左右埋單.謝謝喔

因為朋友成日推介，見放假就約埋朋友一家大細去北角打邊爐試下，環境唔錯，衛生情況都可以接受。我地叫左鴛鴦湯底係麻辣同清湯，因為有中意食辣既外國人同有小朋友，一問之下發現原來朋友一早已經訂左生蝦刺身，每隻好似$20-30左右(睇隻蝦大細而定)，幾香甜同整得幾乾淨，連小朋友都爭住食左幾隻，最後我地仲叫多左1Round，最少一人至少都食左兩隻。另外，不得不提既仲有呢個生牛肉刺身，真係拍得住日本食個D，小朋友唔敢食就拎去打邊爐食都一樣好好食，唔係我地大食，係真係好好食，我地前後加埋叫左3碟，每碟大約$300左右，抵食夾好食!講返佢個湯底，麻辣係真係愈食愈好食，辣得好過癮，而清湯都幾清甜，佢其他食材都係用靚料，洗得都好乾淨而且份量都足夠既，最好食佢侍應夠多有效率得黎又有禮貌，真係無得輸，我已經愛上左呢間野，而家唔知去邊打邊爐都會簡佢，真係好好味!捨得洗錢食野一定要試下，價錢真係完全稱唔上平，但抵食囉真係!

呢間火煱本色，以前午市係做點心，雖然有點少貴，但係都幾好食，又有D特別野食，好似春風得意腸, 有咬口，夠熱，味道又好，之前一直有黎食的但係今次再上黎，竟然變咗叫飯餐，今次點既窩蛋牛肉石頭窩飯！明白個飯應該係濕濕地，但唔知點解會有種濕到食湯飯的感覺，而且師父調味真的重手了，有點過咸。所以改變有時真係未必係好事。

天氣又涼,又係打邊爐既時間分別又係去左火鍋本色和老碼頭,無計近我屋企朋友喜歡海鮮,所以今次叫了日本清酒花甲皇蟹鍋$168花甲勁大隻,肉鮮甜,蟹都夠鮮,肉不多,影響不到湯底,湯底主要味道來自花甲和清酒當然食食下湯底會越來越甜美之後就叫個蝦,鮑魚,田雞等等的配料所有野新鮮,當然正啦,鮑魚約25蚊1粒,上陣時郁郁下,肉質具爽軟彈牙於一身,十分滋味田雞也是識郁,肉厚嫩滑埋單約700蚊,350蚊1個人不是平,但海鮮真係唔錯同埋有卡位,坐得舒服

是晚台灣好友到來，決定約埋幾位朋友到公司附近既火鍋本色聚一聚，順便大吃一餐。這家分店位於此區大型商場後街，感覺較冷清，但正因如此，餐廳唔覺嘈，方便我地一班女士暢談。事先訂位，不用等便能馬上入座，並且坐喺一張大U形卡座，唔錯。一坐下便研究湯底，選擇都幾多，除了大路麻辣﹑鴛鴦﹑醉雞湯﹑蕃茄湯﹑胡椒豬肚湯外，仲有啲較特別既如野菌﹑海鮮等等(恕我顧住傾計，相對冇哂記性)，同行友人選了豆腐魚頭湯，而我就揀左惹味既胡椒豬肚湯。叫左湯底後就馬上點火鍋配料，款式真多，分類亦仔細，牛肉﹑豬肉﹑海鮮﹑丸類﹑菜﹑菇﹑主食...讓人花多眼亂，我地有成8個大人，可以試好多款呢，大家不如睇相吧！除左相片所示，仲有點到什菜籃的，所有食物都好新鮮，真係牛有牛味，雞有雞味，初時以為會食唔哂，但傾下計食下野，慢慢我地清哂咁滯，不得不佩服大家咁有食力。店員服務幾好，有效率，加茶加湯都快，尚算有禮。再有大班朋友飯聚，真的如題~不妨到此 Encore呀！

Happy Friday,同老婆去北角打邊爐。由於內子係港女，所以搵間座得好D,食裝修的餐廳,包佢歡喜!點咗黃金海鮮湯底,其實係南瓜湯，提議大家唔好打完先飲，要一開始就飲,因為佢地加湯唔會加南失湯,係加雞湯,所以打完至飲,會冇咗南瓜湯味。湯底的海鮮,係用冰鎮分開上。想食邊種,就落邊種,不同其他地方的海鮮湯底,一獲熟咁,浪費晒D海鮮。而食材都新鮮,包括有海蝦、鮑魚、大蜆、蟹，所以值得一嘗。四宝丸是手打,算幾好,蝦丸有口感,好多其他火煱店都做到,所以不算必食推介。點咗好多野,所以只點例牌手切肥牛。牛肉沒有海鮮出色,食不出鮮牛肉的香味,所以食唔晒。魚皮幾脆口,份量多,抵食！此餐廳食品算很好,不足的是服務,個女部長,有D傲慢,令我下次未必會來。

其實之前成日都會來到這,貪佢卡位好坐,傾計一流點知今次來到無卡位,食客比較多,灰左!食起來無咁舒服,始終2條友坐中間太霸氣感覺上水準也是保持到,雞煲味道濃郁,但肉是滑嫩的.味道無其他寶號的咁豐富,但係對於我來講已經足夠,因為最重要係一般專食雞煲的環境劣,配料差,無服務這裡是比較貴的一間,但係整體上所有配料的確品質係好一點(牛肉除外,因為無邊間真係可以有正牛肉食)水餃這裡水準也高,蝦大大隻,肉和蝦比例係28,所有餃可以雙併,幾USER FRIENDLY服務只也很好禮貌.總括來講北角區的火鍋店各間也不錯下次來要BOOK位了

又是還飯債的時候,友人S先生說要約吃飯約了好幾次都沒有成事,這次定了日子,決定來吃火鍋!真可惜H小姐病了不能來.....不然5人一同談一定更愉快呢!話說心目中有一間火鍋店想要試,但那個店說2030要交枱????不是吧!最後決定來另一個店子一吃....銅鑼灣店好多年前就吃過,水準不錯,也是值得來一試的好地方!什麼都沒點第一件事當然是混醬,十分整潔..整體水準滿意!除炸蒜還有油蔥酥,是個驚喜位!鍋底點了清酒花甲蟹窩!份量十足加上味道鮮甜,是相當討好的...可惜我吃的花甲有沙,扣了一點分愛吃牛的友人牛魔王拼盤 ($468),包括了好幾種的牛肉!澳洲M9黑毛和牛頸脊,手切金錢輾,極品牛爽根,本色極品手切牛,手切牛甘草牛柳粒牛味香濃擺盤也精緻,更具有不同的牛部位....是令人滿意的,黑毛和牛不算肥但具肉味,精彩!手切牛甘草牛柳粒也是好貨色,最喜歡的是本色極品手切牛,油花平均肉味十分甘香濃郁...加上口感也較肥牛為佳,確是我喜歡的味道(其實我本來就喜歡牛吧)價位也是合乎水平的!自製四寶丸($80)也是友人點的,手打丸而言水準不錯,蝦丸加上了蟹籽口感極佳,而墨魚丸更比墨魚滑更富彈性...加上具鮮味,

很久沒火煱，今晚約了家人到火鍋本色圍爐共灼!甫進入店子，招待員就帶我們到卡位坐下。卡位寬闊，像茶餐廳的六人座，我們四人自然坐得舒適。先說湯底: 我們選了蕃茄豬骨湯和蘋果魚頭湯。湯料份量十足，惜味道沒想像般香濃。招待員加湯也只用一般清湯，而非用相應湯底，叫人有點失望。再說火煱料: 火煱料選擇多，只說豬和牛就各有5至6種任君挑選。在此激烈讚賞黑毛豬和山東手切牛，本人認為當兩者皆是當晩的亮點!牛肉肥瘦適中，顏色紅潤有光澤，十分新鮮。把薄薄一片放在熱湯中灼五秒撈起即食，牛肉半熟，肉質軟淋，牛香肉汁充斥口腔，滋味難以形容。再試黑毛豬。鮮嫰粉紅的黑毛豬片經熱湯洗禮後肉質依然彈牙爽口，肉味香濃，滋味和手切牛叮噹馬頭!正!其他火煱料有鯇魚腩，白鱔片，雲呑，水餃，冷豆腐和蔬菜。各樣都是新鮮及精選的材料及部位，令人回味。

一家人最重要係開開心心能夠一齊晚餐真係福氣令我對此餐廳寫食評的原因係我想為火鍋店平反本人一向不太喜歡出外打邊爐全貴一個宇"貴"唔值得但第一次到北角lee間火鍋店真係另一番感覺由於係冇預要寫食評所以冇特別去影相先先入去的感覺寬躺, 而且竟然有茶記卡位高級version姐係有sofo既卡位, 感覺不錯, 2人or4人都ok, 唔知一邊坐3個, 最入個位都幾唔方便><食物方面:出自好酒家庭的酒鬼本人我, 湯底當然一定要有酒啦,日本清酒花甲蟹湯一上湯底，飄來陣陣的清酒味, 沒想過酒香十足, 料頭也十足, 數隻大大隻花甲及一整隻蟹, 一整隻蟹!!!!!!真係好野!!!!牛肉是不能少的!!!!拼盤:一拎出黎,我心入面"嘩嘩嘩嘩嘩"真係好震撼!!!第一層:澳洲M9黑毛和牛頸脊!!!真係好有牛味, 唔太肥打邊爐好good呀第二層:手切金錢輾+極品牛爽根, 有點un既金錢輾 ><我mama地第三層:本色極品手切牛+甘草牛柳粒!!!個牛柳粒爽口又juicy桶蠔:一客得六隻, 唔好話少呀, size都幾大下ga熟食唔腥,感覺新鮮, 但蠔味不重。黃沙豬膶 火鍋最愛就係豬膶，不可

火鍋本色夜市開6點，是晚我們訂了6時正的枱，卻早了5分鐘到，點知開左門燈又開左一半但一個人都冇，心驚驚即刻走番出黎。然後過對面商場閒逛了10分鐘再度來到火鍋本色(因為個商場真係冇野睇的)。終於有人，而且好殷勤咁接待左我地三個人去一張卡位枱，張枱好大，至少可以坐6個人架。而且sofa背間得頗高，隱密度夠，食得特別自然同放鬆。而且因為係6點，所以我地好似係包左場咁，一到7時左右就越來越多人lu....同一般專業火鍋館無異，未點菜已經俾晒醬料任溝，最後三個人點了一個二人餐再side-bet多兩個菜、丸。湯底係最基本既薯仔蕃茄湯。但一見到人地食超級海鮮湯底就後悔喇，因為真係勁多海鮮個樣好靚架…二人餐前菜係刺身，唔係講笑，d刺身真係好新鮮，唔講以為係壽司店食既事實上，佢地既海鮮料真係好新鮮，滾完之後仲係好甜好有鮮味，呢幾隻大花甲係心水推介不過，'響鈴'就差d，平時我地都好鍾意食'響鈴'架，祕技係用筷子夾住超迅速數1、2、3即食，正呀，可惜，呢個'響鈴'即使只係數1，都已經淋左，麻麻地呢。再到手打丸同墨魚滑，大大粒手打丸又係超正，爽口兼彈牙，心水係蝦丸，真係勁有蝦味同埋佢既餃都好食架， 皮薄得黎又

這是我第一次受到公關及店家的邀請進行試食活動。心情實在是非常興奮! 是次的試食活動我和認知的不太一樣。並不是在已預定的日子時間約好幾名食家坐在一起吃一餐飯，而是店方送上了現金劵，讓我自行決定幾時去吃，和誰一起吃。這個安排對我來說實在是棒極了！因為可以和自己的朋友去，感覺要輕鬆寫意得多。就像我一向所說，吃一餐飯，食物質素只是排行第三，店家服務是排行第二，和你食飯的對象、進餐氣氛才是最最最要緊的。今次去的店是火鍋本色在北角的分店。雖然從北角地鐵站Ｂ４出口走過去不過是短短兩分鐘的路程，但附近沒有甚麼商場呀景點呀之類的，對小妹這類居於新界西的人來說實在是不太方便。不過店子附近都是高尚住宅區，不知選址這裡的原因是否是想做這些街坊的生意呢？幸好火鍋本色還有另一間分店位於銅鑼灣登龍街52號，相信對大部分人來說是會更方便啊！火鍋本色並不便宜，當晚人均消費約HK$275，(在此再次感謝公關和店家的邀約!)。但當晚我們試吃的食物都很是新鮮好吃，所以還是很值得去試試。湯底由其喜歡他們的湯底，很夠味，因為沒有到加「師傅」，就咁飲都非常好喝，不得不讚！都話啦，打邊爐最緊要的就是湯底。無論材料多棒也好，如果沒有合

Came here with some fellow foodies who were trying this place.Before you start your hotpot, there are about nine condiments and vinegars for you to mix your desired sauce.★☆★☆★☆★☆★☆★☆★☆★☆★☆★☆★☆★Deep fried salt and pepper salmon:Quite nice but too salty.★☆★☆★☆★☆★☆★☆★☆★☆★☆★☆★☆★Chicken testees:These were the biggest I have seen in all the restaurants I have tried.★☆★☆★☆★☆★☆★☆★☆★☆★☆★☆★☆★Squid ink noodles:As well as squid ink they had salmon.The texture of these noodles were very foamy and light, how

以往食火鍋都喺同班老死去新星任飲任食，經濟實惠有數圍吖嘛。不過，最近有啲走運，無啦啦一個月內獲邀試咗兩間唔同特色嘅火鍋店，之前晌天后琉璃街嘅一鍋，品嚐過店方誠意打造嘅台日式精緻小火鍋；其後，嚟到北角嘅火鍋本色，品嚐以用料新鮮及高質為本色嘅火鍋料理。火鍋本色位處丹拿道，環顧周圍，都喺啲富貴住宅，再睇其火鍋點菜紙嘅用料及定價，就知佢目標客人喺附近中產，走高檔路線，相對一般街坊或集團式酒樓，火鍋消費高出一、兩倍之多。當然，要食好嘢喺要付出啲代價。店內環境燈光柔和，感覺舒適，無一般酒樓咁嘈；除圓枱外，入面左邊及後排，有幾行卡位，且幾闊落；雖然架設咗幾部電視，一來角度有限，二來無聲，可謂聊勝於無。湯底晌火鍋中嘅角色都非常重要，所以，坊間火鍋店為湯底一環不斷搞盡腦汁。湯底晌度分為兩大類：創意及特色，前者包括黃金海鮮湯連海鮮拼盤$268、滋補瑤柱花膠響螺頭湯$198、日本清酒花甲蟹湯$138、百子天麻烏雞湯$128、金銀菜白肺湯$88……等13款，無雙拼選擇，亦唔一定全部都喺貴嘢；而後者則包括和風昆布花甲湯$128、招牌蕃茄薯仔豬骨湯$88、招牌秘制四川麻辣湯$88、太史冬瑤田雞湯$88……等共14